四海遊龍 (已結業)

第一日開幕早上已急不及待去試試。點知原來朝早仲未有鍋貼供應，只有牛肉麵及所謂豬扒蛋早餐。作為一間以鍋貼掛頭牌嘅食店，早上都冇鍋貼賣，實在有D離譜...無奈，只好叫個雞扒蛋多士。一端來，原來只係一件雞扒蛋治，可能台灣人稱多士等同於三文治la...望見件雞扒乾爭爭，心知不妙。食落口果然不出所料；連蛋亦係煎至嚡口嘅，不吃也罷...始終，未試到鍋貼都未曾可以下定論。隔兩多星期再去，今次早上有鍋貼嘞，見size不大，就來四隻...鍋貼呈長身，底煎得頗脆；皮比上海式鍋貼薄，餡係紹菜豬肉。可惜，D餡又係乾爭爭，食到口都有D乾，醮上喼汁而食感覺會好D。不過兩大洋一隻，又確實抵食....雖然呢亭鍋貼跟上海式厚皮嘅風格不同，但俾我揀，小弟情願行多幾條街，去貴記買番幾隻食好過...

繼鼎泰豐再度回歸後,另一位台灣代表四海遊龍,亦在差不多之時候進軍本港.出奇地不在旺區落腳,而是在土瓜灣偉恆昌.四海遊龍最出名的是鍋貼,同時亦有其他粉麵供應,大多也是一些台灣風味之食品.但是店內隔局,就似大陸,店內播的歌,全是八十年代之舊歌.播著蘇芮的憑著愛,台灣歌手廣東歌,背後是否有一些意義?鍋貼$2一隻,不同我們吃慣的外江佬又大又厚皮的味道,四海的窩貼皮薄,包到成長方形,皮薄香脆,餡料都鮮,肉汁就不多.$2一隻,點都抵吃,另外的牛肉麵.就麻麻了,牛肉用牛展,沒甚味道.麵條似即食麵貨,湯底沒有牛肉的鮮香.記得在台北巷仔吃過的燥肉飯,的的式式,不是填肚之物,少食多滋味.這店一樣有此味,不過成碟上,飯多肉少.面頭上的肉燥也算充滿"五香"味.如果下次來,飯底扣一半,或會更具風味.吃厭北佬的窩貼,四海遊龍遊到過來,大家也多了一個選擇.