四眼佬打冷小廚

營業中

休息中

鼓椒炒聖子=>雖然大碟,肥美, 但唔新鮮,冇乜鑊氣, 凍左吃仲有陣味蝦醬炒通菜=>菜唔係好新鮮, 盛在炒得熱辣辣, 又香口招牌滷水大什=>賣相真係麻麻, 好在味道都OK豆腐魚雲湯=>應該冇放味精呀......都冇味O既, 連咸味都冇咸魚肉餅=>幾咸下, 香口, 仲好油總概來講, 好一般啦, 抵吃然而.

係葵涌廣場同女朋友行完街,聽係IVE讀書既朋友講附近有間打冷唔錯,於是就去試下喇原來呢度唔止打冷,仲有好多小菜可以點。我地叫左4樣嘢,食打冷點可以唔食鵝片呢,之後仲叫左方魚蠔仔粥、豉椒炒蟶子、椒絲腐乳通菜等既時候睇左陣青海玉樹震災,就黎左個菜先,估唔到上菜都幾快1) 椒絲腐乳通菜, 炒得好爽口,腐乳既味道剛剛好,唔會太咸2) 豉椒炒蟶子, 幾大蝶, 豉椒汁較得好味, 而且剛好掛到係每條蟶子度, 好味3) 方魚蠔仔粥,$25蚊大大碗,材料豐富,方魚粥底鮮味,總共都可以分到6小碗出黎,勁4)鹵水鵝片, 超好味, 師傅刀功好, 片片好平均, 薄薄地, 鹵得好入味, 鋪底鹵水豆腐都好味, 只係$60, 好抵!好滿足的一餐飯

早幾星期同世伯~伯母+我honey黎食~我同honey就第一次黎~世伯伯母係常客黎架聽兩老講得多話好好食~又抵食卒之兩老陪我地黎試下啦~我地叫左 炒蟶子, 瀨尿蝦, 蒸左一條魚, 蠔仔粥, 炒西蘭花帶子, 琵琶豆腐炒蟶子：好肥美呀~又洗得好乾淨..一d 沙都冇..係我食過最好食o既炒蟶子　　　　我宜家對佢仍然念念不忘呀瀨尿蝦：4眼哥哥好好人~同我地揀個d 蝦..隻隻都有羔架　　　　不過已經攤凍左lu~想食熱辣辣o既話就要6pm左右黎架啦~魚：唔記得係咩魚啦~不過條魚都好好食..　　我食魚o既類別好少..好多我都唔食架..不過呢條斑我第一次食~食過翻尋味蠔仔粥：我本身唔多食蠔o既..不過因為冇嗌飯~就試一試呢味　　　　以我一個唔係蠔o既愛好者黎講~我都覺得幾好食~蠔仔肥嘟嘟~份量唔少架　　　　不過我始終唔太食得慣潮州粥~哈哈..呢個係我個人問題炒西蘭花帶子：帶子唔係太厚身~不過幾大舊　　　　　　　西蘭花我覺得再炒多一陣就perfect啦~味道亦係唔錯琵琶豆腐：呢樣係為我而設o既~因為我係豆腐怪..哈哈　　　　　豆腐好滑～而且個汁做得好好食～d 菇菇又好林上菜都好快手架~唔駛怕等到餓~話咁

作為葵芳人二十多年,知道四眼佬打冷才三年.由第一次食到而家都覺得認真不錯.環境 : 街坊, 人多, 越夜越多人衛生 : 不能要求太高,但仍算乾淨服務 : 街坊, 兄弟班, 夠親切. 不能要求酒店招呼價錢 : 平均消費 $70 - $120 ( 啤一啤就貴D)大部份食物都有水準.今天食物有 : 豆腐魚雲湯 ($52) - 夠濃, 魚雲亦多. 不過 mother話有少少味精 炒聖子 ($58) - 招牌菜, 100分 豪餅 ($40) - 豪仔好滑 是椒鵝腸 ($5x) - 今次失手 , 之前試過油王鵝腸就勁得 白飯 x 3, 汽水 x 1 Total = $224 (三個人)特別推介 : 冬天必食 -- 羊腩煲 200 分之作

今晚突然想飲豆腐湯...老公就提議去打冷...咁又見今日涼涼地..就一於奉陪啦...去到四4佬..發現有別一般感覺好污糟0既打冷店...呢間裝修到一間小菜館咁...坐得幾舒服喎...豆腐魚雲湯: 嘩...好鮮甜呀...豆腐好滑...就好似媽媽煲0既一樣...金菇肥牛粉絲煲: 好多料...好味...送飯一流.......每碟份量都幾大....兩個人叫兩樣就夠晒喇...

呢日是同學聚會順便是當中一位同學的生日飯今次是葵芳一間叫做四眼仔打冷小廚dinner, 九個女仔叫左一條大頭魚 (好鞋食唔哂) $90一客炸墨魚 (無咩味, 要係咁點醬)一客煎蠔餅 (太多粉啦~ 無興趣食哂)一客炸大腸 (同枱不是個個食, 我就是其中之一)一客石班豆腐煲 一客腐乳通菜一碟椒鹽大蝦 (一人一隻又有羔)全隻炸子雞 $148 都幾大隻 (可惜食唔哂)2隻姜蔥炒蟹 1斤1兩 $182 (好味, 可惜不是人人好, 我好努力也沒法子再吃)2支獅威 叫左5粥5白飯埋單 $879我們都係頭一次出去食唔哂, 真是因為好多女仔細食又唔太食肉

本人是第一次吃打冷野食，係我心目中以為打冷只有凍食，原來唔係。今日我同男朋友同阿媽去左呢到食野，先先黎左個花生，好鬼"趣"!!!我地叫左一個"老"水拼盤及西蘭花炒魷魚，一碗飯，兩罐可樂。"老"水拼盤好大碟，D雞"神"好"林"，其他野都好入味!!!西蘭花炒魷魚既魷魚亦都係好"林"，西蘭花就好甜...但係就硬左少少。埋單128，抵!!!但由於我阿媽係食左野先黎，所以平均數唔可以計佢!!

同老公叫了一碟蠔餅- 好好味( 似終潮式比泰式好食! 所以外賣都會响呢到買! )上次見人叫了芝士大蝦伊面, 好似好好味, 所以今次叫了一份- 好耐先到, 不過都好大碟, 濕了少少, 但味道ok ! d 蝦係大頭, 都有十隻八隻! 有羔.... yummy yummy !

三男五女一小孩一行9人到此晚飯,點了六個餸︰1.豆腐雞腳:辣味醃到入雞腳骨中,真想連骨也趙埋;豆腐軟滑,很入味;2.酸菜門鱔:門鱔中規中矩,酸菜味道正,好食;3.生腸拼大腸:生腸爽,大腸及墊底的花生都夠淋;4.大眼雞:太大條,反而覺得肉鞋;5.菜膽雞:嫰口夠滑,有水準,好味道;6.煎蠔餅:脆身香口熱騰騰,最啱我胃口;再加六個潮州粥一支黑啤埋單325,不算貴!