回甘堂涼茶

營業中

休息中

我通常去開屋企附近間涼茶鋪 但發覺越嚟越無味 個日大角咀食完飯 喉嚨痛本身都有啲痛 咁啱經過 停低飲杯下返火 老闆話佢嘅林仔涼茶好得 呢個係佢哋幾輩留落嚟既配方 話幫到我喉嚨痛 咁就試吓啦唔知點解又好似真係work喎 飲完第二日無點痛 下次都淨係去返呢間 唔去屋企附近個間啦

呢間小店只係得5花茶同涼茶 一次買左兩大枝番去5花茶超好飲 好飲過咩菊花茶夏枯草 打邊爐襯佢一流 涼茶有回甘 唔會話死苦 一流 非常足料 第二日無咁熱氣 呢間店原來都開左好多年 雖然無恭和堂呢啲開左半個世紀 但佢呢兩款茶絕對有一種承存嘅舊有味道 諗起以前擺街嘅涼茶同飛機欖 經歷過呢個年代嘅人一飲呢度啲涼茶就一定有呢種感受 就好似以前食雲吞麵 間間店都係姓麥一樣 都係嗰種味 一定要好好試下 一定會有同一感受！我見後生多飲5花茶 我見凍熱同價

平時行過，冇留意呢間舖頭。今日因為等越南包開門，所以過去望吓。成間涼茶舖得兩款涼茶，有一個叫做林仔涼茶，因為好奇係乜嘢，所以就同個店主吹陣水。買咗一支試吓，飲完真係覺得喉嚨舒服好多，又去濕，成個人瞓好咗都精神晒！

Home office下都要出街撐黃店，呢日就搵左屋企附近，區內惟一一間黃色涼茶舖。店內位於櫸樹街，冇誇張奪目嘅招牌，只係簡單平實地用紅字寫上回甘堂涼茶，一如其產品五花茶+涼茶一樣。因為怕苦，所以問定店員邊隻唔苦，佢推薦我飲五花茶，樽裝$29蚊；杯裝19蚊，貪方便可以揸住飲，就要咗樽裝。估唔到又幾大樽，應該有700ml，飲落口仲暖暖地，微甜，唔係鴻x堂果d溝左糖水既味，係真材實料，仲有少少金銀花+菊花既味道，飲完個口有少少清香。同時，五花茶仲有清熱解毒，預防流行性感冒既功效，呢排食得炸野多，飲完喉嚨立即覺得滋潤返哂，但願可以令我唔好生咁多暗瘡啦

途經大角咀櫸樹街，看見有間新開涼茶鋪。本來對新開的鋪頭都冇乜大信心。當天實在太熱，唔飲些解渴的飲品，真的怕中暑。問有什麼飲品能夠止渴消暑，老板說如果想飲冰冷的就飲涼茶或五花茶。佢補充一句，你唔常飲冰冷飲品最好不要。我說冇問題想試五花茶，因一定唔會太難飲。飲後花味十足，清潤唔太甜。正想唔夠喉要多碗。老板說請半碗冰凍涼茶你試試包你說重正。真的冇說錯，入口唔苦兼有回甘味道，真係好正，喉嚨好舒服。老板說如果唔飲開冰冷嘢或年紀比較大，涼茶始終飲溫暖的對身體比較好。冇想過，路過可以試到好像有些百年老店涼茶鋪一樣水準。有過之而無不及。原來開一年多了。