土友會麵

營業中

休息中

呢日放得晏直接食埋飯先返屋企，以前呢個鋪位係間開咗好耐嘅粥店，自從轉咗手之後都未試過，見價錢相宜就入去試吓🤓淨餸(包生菜底)同3餸麵都係$39起，部分餸例如豬大腸、牛腩、櫻花蝦餅就要加$2-$3，我揀咗淨餸牛腩、蘿白、魚片頭、多蔥😛份量正常，有話特別多肉，不過$42我又覺得差唔多啦🤣牛腩大約有5-6粒、炆到好淋好入味、唔會太多肥膏、啖啖肉幾唔錯😋蘿白都好淋冇渣，炸過嘅魚片頭就都係大家想像到嘅味道口感🤣生菜有6條左右，平時去譚仔轉菜底都要加$5，所以呢個價錢同質素真係幾唔錯，下次有quota正正式式試下麵先～

今晚唔想煮飯，求其喺屋企附近食車仔麵。叫咗蘿蔔+豬皮+水魷魚+米線，加沙嗲汁，成碗麵好濃，好夠味蘿蔔超出色，又淋又甜又冇渣豬皮又淋又入味反而水魷魚就平平無奇，下次想試吓咖喱魚蛋$43好抵食，又大碗

店舖前身是腸粉皇，有髮菜蠔豉豬骨粥，特式腸粉，大大碗老火湯……突然結業 ，少了一間地道小店，有點歎息！幸好原址不久開了另一小店，吃車仔麫，心𥚃覺得沒什麼特別，因為同街已有另外一檔經過幾次，看了幾看，名字（土友會麪）幾特別，有點自己友的感覺試下先的心態，真的沒讓我失望店內貼字很窩心很親切 今次點了四餸豬皮很入味冬菇又淋又滑菜心青甜水魷新鮮喜歡濃味的一定要加腩汁牆上的字貼： 做人最緊要嘅係開心太多餸想吃，聽隔離枱說羅卜很淋很入味，下次試下先

🍜🍜🍜土瓜灣上路幾條街都多野食，今次見到新開車仔麵都想試下，買左個外賣試下，攞外賣到開始食都超過15分鐘，可以俾大家參考下車仔麵：咖哩魚蛋、豬紅、蘿蔔($42)簡左粗麵底，粗麵唔算好硬唔多鹼水味一打開最吸引係個顏色，可能因為要左沙嗲醬，見到成碗都好多醬汁好香好惹味👍🏻👍🏻👍🏻但如果下次可能想清少少，唔想成碗都多醬，可能會簡返清湯或腩汁咖哩魚蛋都有六粒，而且每粒都有醬，好入味豬紅都好夠味道而且份量多，蘿蔔直頭係要推介一下，隔左一段時間但蘿蔔個心都仲好熱，好腍仲帶有少少甜味👍🏻👍🏻👍🏻

早幾日試咗呢間新開嘅車仔麵。兩個人叫了兩碗，試吓佢哋唔同嘅餸: 牛腩、牛丸、雞翼、豬皮、同魚腐。牛腩入味，夠淋。瑞士汁雞翼大大隻，夠入味又嫩滑。豬皮夠爽。呢三樣值得推介。牛丸同魚腐正常，不過不失。湯底略嫌有點淡。不過我覺得都ok，至少食完唔會口渴。粉麵嘅份量，女仔來講係夠嘅。男士可能會覺得唔夠。另外叫了兩個小食，咖喱三寶好好味，咖喱汁好正。下次如果唔叫小食，可以試吓咖喱魚蛋加落個麵做餸，或者直頭要咖喱湯底（如果唔怕辣）。地點算近宋王臺地鐵站，5分鐘左右就到。門口有個小空間，上次見到有隻狗仔喺外面等主人食麵。總括嚟講，我覺得係一間有誠意嘅小店。值得支持！

土瓜灣的車仔麵，可以話從幾十年前5A巴士站街邊檔的啊邱(中過幾次六合彩果個)之後，一直都無食得落的。區內兩檔都糸吾得。尋晚幫襯左呢間新開嘅土友買左兩碗外賣，出奇地非常正。牛腩，魚蛋，蘿蔔，豬紅，呢d基本嘢樣樣都好好食。我好榮幸寫第一篇食評，所以贊下之中都希望有幾樣嘢會改善：1. 湯底非常好味，但糸糸我溝左一杯滿的水之後。你個湯底太太太咸了，可以話糸溝開一倍都得，吾好浪費無謂成本，而且呢區的客老嘢中坑小朋友，都吾適合食甘咸。2. 出品太慢，平均十分鐘先有得食，吾符合車仔麵要求，又浪費翻枱時間。你吾糸整煲仔飯生滾粥，吾應該貼張紙叫人耐心等待，應該耐心諗下改善速度。3. 麵的份量吾夠，只糸夠女人食，男人要加倍。4. 呢個檔位正在門外位置，如果你善用到，會更加好。5. 吾好做兩做就走，又無麵食