土司工坊 (已結業)

附近有間吃多士的專門店，但我從未光顧，今天休息，心思思同媽媽來吃個多士早䬸。看到餐牌，好想試著咖央多士，我和媽媽皆愛吃甜食，都想吃新加坡人最愛吃的咖央多士，我知道咖央醬入面有椰漿，我們好愛椰子的味道，但不要咖央西多，怕肥耶! 一份咖央多，一隻荷包蛋，一杯香滑多奶的奶茶，望見了也好滿足，吃罷，咖央醬的椰子甜味，加上香脆多土，好好吃，再將嫩滑荷包蛋一口吃下，爆出蛋味濃郁的蛋汁，加上一杯又香又滑的奶茶，奶茶是非常棒的絲襪奶茶啊，跟媽媽嚐了一頓充滿能量的新加坡式早餐，那是幸福的滋味，很感恩。

對於鐘意shopping 嘅女士，千色匯商場真係無咩好行約左朋友未夠鐘，見有間吐司工坊，最啱一個人歇下腳，hea下等人。南洋咖啡☕️無得揀甜度，對於講求keep fit 嘅人士心理同生理都唔多習慣，因為真係好甜下鮮油多加了南洋風味嘅㗎咉，都夾喎這個套餐還包兩隻蛋，不知怎的覺得有點格格不入，還好我選了煎蛋，我曾試過這兒的半生熟蛋，但生得令我有點兒怕這間連鎖店，常見於大型商場，主打簡單輕食，坐位亦見舒適，行街行到攰攰地，隨時坐低擹抖下，玩下手機吹下水，確係不二之選。

行左半日街，突然有少少眼瞓，應該係咖啡癮發作，加上有少少口痕，所以就去左土司工坊食個tea, T1餐啱哂我，有兩隻煎蛋，架咉多，同熱啡，承為$35，扺！不過今日隻煎蛋就熟得濟，無流心，不過配返佢隻杰身豉油，都係依舊好味，咖咉多，招牌野，唔多講了，又脆，牛油又鮮，正重點想講嘅係杯咖啡，係誠意之作，佢係用煉奶沖嘅，特別香醇，沖之前仲會用滾水淥下隻杯嘅裡裡外外，好專業，甜度啱啱好，唔會搶左咖啡嘅香，個人認為勝過港式咖啡，值得推介

星期日同男友行左陣荃灣，行到咁上下又肚餓啦，走左上千色匯揾野食，本來想食日本野，但好多人排隊啊！反而隔離Toast Box有好多位，就即時走左過呢邊啦。每次叫完餐，店員都會即時沖埋飲品比你，男友叫左美祿，我叫左熱奶茶，我杯奶茶好好飲，奶味好香。我叫左小魚椰漿飯配雞翼，其實我每一次都係食呢個，椰漿飯好香，雞翼熱辣辣，配埋辣醬同魚仔真係好好食。男友叫左餐蛋面…...我同佢講我煮比佢食都得啦，不過佢都係要食…..埋單$97，椰漿飯真心好食，大家可以試試。餐蛋面…都係反屋企煮算啦！

為了那少少的魚仔辣醬而來, 早前吃過雞亦的椰漿飯很喜歡, 所以再來. 今次點了雞脾椰醬飯改白飯, 還提醒要多加辣醬.飯配上那個辣醬送飯必選, 很惹味. 雞脾亦炸得很脆口, 只略嫌有點乾. 但整體, 我給它80分.

去完馬來西亞旅行回來香港，對那邊的椰漿飯念念不忘，所以來這裡止咳。對我來講椰漿飯的精粹是辣醬加魚仔，可以送上三碗飯。點了雞亦椰漿飯轉白飯底（因我怕高卡路里亦志不在飯裡），這裡食物夠熱，雞亦入味，可是魚仔和辣漿卻少得可憐。。。（不過辣漿很好吃）都叫止到咳😂

土司工房算係一家幾多分店既餐廳之一, 差不多每個商場總有一間在附近今日食左個花生醬厚多士餐🍞 $34美祿恐龍 +$10練奶 +$2總數成為 $46價錢一d都唔平…😱😱😱😱😱😧宜家係出面閒閒地食件包都要$50….. 花生醬練奶厚多士味道同屋企食既冇咩分別, 花生醬+練奶個人覺得係最好味!👏🏻因為花生醬食落會比較漿口同單調, 加埋練奶甜甜地同埋中和返漿口既感覺唯一同屋企唔同既係餐廳選用厚多士, 食起上黎比較滋味👍🏻👏🏻👍🏻不過一件厚多士要$36….. 屋企自己搽真係可以食到好多塊🙄美祿恐龍 $10套餐要另外再加錢, 宜家真係咩都貴😞😞😞美祿恐龍係朱古力再加上朱古力粉, 飲落朱古力味都幾重不過唔會過份甜, 味道都幾好不過要加$10的確幾貴😞套餐仲有個半熟蛋, 味道都ok以呢個價錢食一個厚多士餐真係貴到有點離譜, 點解男朋友都會叫…..😅真係只此一次, 下不為例

今日心思思想食星洲地道野😝Toast Box 第一時間就係我腦海裏出現，好喇 ! 午餐就這樣決定🔨星洲叻沙套餐 $55之前已經試過香脆牛油處於半融化的咖央多，今日一於要試埋出名的星洲叻沙先😈這碗星洲叻沙端上枱就好吸引，顏色配搭得好靚 🍲 配料比想像還要豐富，有芽菜，豆卜，魚片，大蝦等等，湯底以椰汁，蝦米和香茅幾種材料熬煮，味道濃郁啖啖湯充滿椰香😋😋😋 麵的軟硬度適中，同豆卜一樣索盡湯汁精華 !加多杯$6 自家製鄉村薏米水(熱)，薏米水飲落很清新，令叻沙沒那麽膩 ! 這餐真的充滿當地特色風味，大滿足🙌

食物賣相唔錯，係芝士蛋雞翼撈麵。煎蛋有啲過熟，芝士汁好香，好惹味！麵煙煙韌韌，唔錯，雞翼炸得好香口好脆，但入面肉質係嫩滑，都幾好！不過都係分量少左d，雞翼得個兩隻。飲品係凍華田，好濃好飲！

見未食過呢間鋪頭，就入去試吓叫咗個平平地既，巴東牛肉黃薑飯呢個飯既賣相係幾好，但味道真係好差首先，佢啲黃瓜再配埋啲芝麻味道都過得去。但最難頂嘅部份，就係啲咖喱撈埋啲飯度，真係好難食。係辣，但呢隻咖哩味道好差，單純地辣，啲飯咸咸地又吾好食，仲有少少窿😓。啲咖喱粉，有粒粒，好明顯唔係磨得吾好，口感非常差。仲有啲牛肉，好韌，肉粹食完插住啲牙到，扣晒分😓就算個環境幾靚，食物設計得幾好，服務周度，但味道差，真係令到我要比負評佢🌚應該有排都唔會再去

難得佛誕放假就同媽咪行街行到有啲累又心思思想食新加坡野就帶媽咪去土司工坊一見到餐牌即刻比人氣商品-傳統土司套餐吸引-$34好味指數: (最高為:x5)套餐跟半熟蛋/煎蛋同熱飲由於腸胃唔好吾敢食半熟，就簡煎蛋今日天氣實在太熱就加3蚊轉凍檸茶落完order 拎左杯凍檸茶同托盤就搵位坐棟起個數字牌 ，店員就會為你送上食物 等左大約10分鐘我期待既咖央土司就到啦😈🍞麵包表面烘至金黃，外脆內軟，配上甜甜既咖央醬同一片厚厚既鮮牛油，這樣既配搭真係太棒!PS:商場人流不算多，容易搵到位，行到攰時來一個下午茶算是不錯的選擇

今日經過荃新千色，發現新開左土司工坊，聞到好香斑蘭味，就去左買件斑蘭蛋糕返屋企隔住紙袋已經聞到好香斑蘭味，蛋糕的顏色好靚，而且好鬆軟，口感好似食緊綿花糖，食完之後口腔仲有濃濃的椰香同斑蘭味，非常好味，用黎做下午茶或宵夜就最好

一個人的晚餐，因為心癮發作，就來滿足下喇沙癮。以前試過他們佐敦及旺角分店，都覺不錯。但今次非常失望呢！首先，麵上的食材，包括魚旦及蝦，同樣凍冰冰。感覺非常沒有誠意！只有豆卜可以浸落湯底一會再吃，感覺才暖和些。湯底方面，他們一向偏重椰汁味，這個仍舊保持水準，湯底也不會太辣，適合香港人口味。麵條也不會過軟，食落有彈牙感。問題確實是出在未煮熱的食材上，希望他們會改善這方面吧！

星期六, 中午都好多人, 岩岩搵到位就坐底試試, 呢間開左甘耐都未試過, 價錢都幾大眾化.自行排隊買食物, 拎震震牌自行搵位坐, 食物準備好個牌就會震, 之後可以出去拎食物.叻沙算出名, 呢個係人氣order, 所以試下, 呢個餐有飲品, 可以加錢要特飲. 我就揀左好吸引既美祿恐龍.星洲叻沙 ($50) :叻沙湯底微辣, 帶有濃郁椰奶香, 惹味得黎好滑口既湯底.不過d麵太淋啦, 唔使點咬都爛開, 比較失望.配料有幾片魚片同2隻蝦, 蝦好彈牙, 魚片係超級薄片 (知佢慳左食物成本黎請個刀功好既師父/機器啦!!!)好彩個幾粒豆卜軟硬適中, 吸哂湯汁好好味.美祿恐龍 (+ $10) :分量好足, 大大杯好濃郁, 飲到尾都仲甘正. 而且夠哂凍, 好岩夏天熱氣全消, 唔會太甜.

我係係荷里活廣場果間食既，因為搵到到呢間分店，所以寫返上次係荃灣呢間食既經驗。我好欣賞呢間既熱奶茶，可以話去到奶茶無敵既地步，但其他野就差左d，煎蛋煎定，凍住上，公仔麵發漲....$34蚊餐蛋麵俾d質數好喎！