土耳其卡巴

營業中

休息中

離開土耳其已有半年，一個人到南丫島行山，竟給我發現有地道的土耳其食店。店內貼了不少土國卡柏多奇亞奇石林的相片，現場亦見有土國人在飲糖茶，實令人憶起今年在土耳其的回憶與趣事。小店裝修簡單，只有五六個座位，老闆是土國人，煮食招呼一腳踢，點了串燒雞肉卡巴再加薯條$78。即叫即做，看到老闆在廚房將雞粒慢烤，亦有南丫島的遊客到來買薄餅。份量極大，一個人無可能吃得完，烤雞十幾廿件，再有半碟粗薯條及兩件烤餅，後悔加薯條，看來是要浪費了。雞肉烤得比較乾，加入蔬菜及醬汁夾在烤餅來吃還不錯﹗吃的是回憶，往事只能回味，下次帶埋工友來支持先﹗

午餐食左海鮮, 所以晚餐就試下D特色菜, 之前上OPENRICE見到呢間士耳其餐COMMENT唔錯~於是就試下, 不過真係麻麻地囉.." 食1次就夠哂數由於大家都唔係好肚餓, 所以只係叫左4樣野食..1) 雙層羊肉芝士漢堡($55) - 羊肉味道唔「穌」, 不過就好「UN」下, 但係總體都OK既~2) 著條(漢堡+$18, 單叫要$45!!!) - 全場最好食就係佢, 脆同香~3) 烤雞卡巴 ($60) - 卡巴細得可憐, 用黎食1/4"既雞都唔得...." D雞又係「UN」同老到飛起, 伴菜係最好食, 呢碟野整體係難食4) 辣肉腸PIZZA ($75) - 除左食到芝士咩都無...連辣肉腸都差唔多食唔到,, 但味道OK既"環境:1) 我地1行6個人, 原本餐廳入面係有位既,...不過俾對2人食客霸左張6人枱, 侍應連試下問人地肯唔肯轉枱都無做到...好差囉! 最後無辦法我地自己坐左係出面!! (差D連枱都要自己拍..咁既服務你都收加一?!2) 餐廳外係超級勁多蚊!!! 一坐低已經有2個朋友被叮....可憐

還是第一次品嚐地道土耳其晚餐，味道和感覺也不錯。剛進門時還有些擔心，因為那裡有好多蚊，好彩有自備蚊貼。我們2人點了兩個餐全部清碟收場。漢堡包，牛肉好新鮮，肉汁味美。土耳其鮮製檸檬特飲，有些偏甜，但都可以一試。薯條加芝士，特別風味。卡巴 (雞肉)，雖然有點肉還肉菜還菜各一啖，但都全碟清！推介

好耐都未黎過南丫島... 直正係週年紀念咁就去我倆鍾意既戶外活動~ 呼吸新鮮空氣...早餐都未食就係想食南丫島有既野~ 之前一直都睇到哩間土耳其餐廳好似幾吸引... 所以一落船就搵下係邊去食我地既Brunch~搵到啦~ 地方唔算大... 好有家庭式經營既感覺~ 門外望入去都幾滿~ 幾驚無位... 一開門就見到有個女人招呼我地~ 好有禮貌... 竟然有最後一張二人檯~ 超幸運... 今日竟然食唔到Pizaa... 因為無芝士?? 芝士仲未送到黎?? 果刻真係好失望... 不過眼見店主都好無奈咁話"唔知係咪因為遲左船? 唔好意思呀..." 我都好明白佢都好想做生意... 唯有叫其他食物啦~於是我地就叫... 南丫島漢堡加薯條:牛肉、煙肉、雞肉... 一見到個漢堡真係好意外~ 非常Juicy而且... 而且芝士開始少少熔更加有真正漢堡既感覺~當一切開漢堡... D煙噴出黎既時候~ 肉既香味令我真係口水都流晒... (好彩無人見到)薯條比想像中多~ 我最愛粗薯條... 當薯條送上既時候~ 店主都主動提醒"小心燙手"... 真係好有heart~ 唔夠茄汁仲可以添架^^ 岩晒最愛茄汁既我..

之前都有寫到,同朋友黎lamma island玩~~我地既lunch就係呢到食la~~簡左好耐先決定入呢間~因為企門口睇個陣餐廳入邊冇咩人,,,d 店員又拍哂烏蠅~~不過最後都決定去試下!!叫左幾款漢堡食~因為唔係好肚餓所以冇叫pizza~d食物既賣相都幾好ga~d cheese流哂出黎~一到食一到傾計~~食食下個店主可能悶悶地~係到唱歌~~雖然我地聽唔明~~但應該係土耳其文掛??!!haha!~~都幾好聽~~可能唔係食熱門食物pizza~所以漢堡唔係最好食~我地覺得都ok 咋~~又係試下都冇仿^^

見OR 對呢間餐廳的食評不錯, 就專程到南丫島渡假時試試一入到鋪頭 勁晾陣陣 又冷氣又風扇 ,客內好小人 可能平日關係原因吧芝士牛肉漢堡 其實不太特別 但味道不錯, 如果牛肉有多些肉汁會更好薯條 個人認為 好食過好多間快餐店的薯條坐左無耐就走, 下次必定要試試呢到的Pizza

見到大家d食評所以黎試pizza :烤肉大會$90-->唔知邊種肉,食落 "so so"地!不過餅底幾好味french fries :$32-->幾大碟!烤雞卡巴 :$60-->d配菜 酸酸地lemonade: $18--->i will prefer coke more...coca cola $7仲要加一d野食唔值加一整體普普通通無乜驚喜間舖細細地,唔係好夠位,今日公假比較多人少少我同屋企人只不過食咗一個鐘個土耳其老細勁眼超超,好似想趕你走咁而且今日好熱d客一入黎個waitress就即刻叫d客:”刪“門!!!( i believe she doesnt want to走冷氣)我見有個細佬俾佢嚇親好快餐式,食完要人立即走但佢d"送"要等起碼30mins先有得食i wont try again next time

今日又係天后誕開始, 到處人頭湧湧, 每間餐廳都滿滿是人,一群朋友入來, 有啲飲茶食飽咗, 有啲仲未食飯, 咁一於就買個 Pizza, 想食嘅就食, 唔食嘅就夜D先食飯啦. 呢個 Pizza 食過好多次, 每次都好滿意, 比連鎖店好食好多, 而且每次都買番屋企食, 唔使加一, 食唔哂又可以遲D焗番熱慢慢食, 一樣美味, 今日真係到處都好好生意, 結果連外帶紙盒都用晒, 我好彩買咗最後一個.

下晏去到都唔係太多人,唔洗等位叫左一個羊肉漢堡,雞肉卡巴+薯條 ,同埋一罐可樂 2個人share黎食,burger幾好味,不過冇咩汁係乾左少少個卡巴d菜同雞肉都幾多,一開頭見佢得2塊包覺得好少,之後睇先知係係個包中間界一刀,放d料入去(好似個百寶袋咁)黎食,都幾得意,同埋味道唔會好怪,都岩香港人口味薯條炸得幾香,好味!佢仲有d pizza好似都唔錯,成班一齊去就可以樣樣都試d~唯一唔好既就係d服務,走果時老闆娘忙都錢都唔得閒收,企左係度2分鐘先收錢,其他客落order又唔理,係客人面前大嗌,咁忙就請多個人啦..

行完山一定要食野,research過話lee間幾好食, 咁就等下位la.我要左羊肉cheeseburger加薯條, 唔算大份,但好完全,同m記d包無得比.羊肉略嫌唔夠肉汁同肉味,但亦好tender.唔知係咪怕人覺得太so. 芝士可溶多少少最perfect.我麻麻地like 個sesame bun.薯條係粗的,但好脆,同時唔覺油,幾好.其他人share夏威夷pizza.好濃蕃茄味同埋皮又薄又脆. 菠蘿同火腿就被蕃茄同濃濃的cheese蓋過,好過pizza hxx好多.西柚汁好好飲,無mud澀味,但very natural!lee間小店來歎茶真的不錯

無無聊聊去南丫島行下, 有一半原因係想試下依間土耳其卡巴的. 下午 3:15 去到, 無位, 行個圈返去都係無位... 等左一陣, 發現店內角落仲有一張 2 人枱冇人發現, 馬上坐埋去啦...老板當時話太 BUSY,所以 20 分鐘唔 TAKE ORDER, 我冇咩所謂, 反正唔趕時間, 坐住等 OK 啦. 突然間聽到 "澎" 一聲及小孩尖叫, 再聽到 "冇掂過呀, 冇掂過呀"... OH... 有人打爛花盤... 女侍應 (唔知係咪老板娘) 即時黑面, 攪到成餐都冇咩招呼啦...期間我四圍搵 KEBAB 的烤肉串, 但搵黎搵去都唔見... 究竟係咩原因? 好啦, 終於可以點菜, 要左一客南丫島漢堡, 一個串燒雞肉卡巴同一份薯條, 加 2 罐汽水.南丫島漢堡餡料有洋蔥, 牛肉, 雞肉, 煙肉同芝士, 頂, 又真係好好食 WOR, D 味道好 MATCH... 如果中間再加塊菠蘿就肯定一流... 依個味道我覺得好過 FATBURGER 了... 薯條冇過火, 加上係粗薯條, 唔係得個殼, 好食.串燒雞肉卡巴到啦, 兩塊 PITA 包, 6 件雞肉同一大堆沙律, 而唔係平時卷起

南丫島郊遊日, 等到12pm 終於開門我和honey 是第一批食客剛病好唔敢食太heavy, 但見到個menu...真係有點忍唔住, 因為burger/pizza/薯條係賣飛佛之一我選了: 磨姑芝士牛肉漢堡($30), 塊牛肉多汁, 磨姑特別, 唯一係本人食burger/pizza 係需要大量source, 但...好似唔足夠Honey: 雙層芝士牛肉漢堡($30), 同是, 塊牛肉外脆多汁, 食咗一啖so 唔comment 了!!!其中一個加$15 炸薯條, 好大碟....脆脆的, 正!!!叫咗杯Lemonade ($15) , 普通檸檬汁無乜特別有機會想試下個pizza

同老婆大人行行下路過，看見那座燒牛肉山，哇！口水直流，有點肚餓！便點上一法式燒牛肉包和一杯 hot coffee...牛肉包用料新鮮，算落足料！v大大件要一開二先食得晒！兩個人一個餐盛謂48元，雖不便宜但比起街口間謀人寺，算不錯喇！

今日行完家樂徑，專誠來吃卡巴。但事實上沒有卡巴。烤雞卡巴是彼得包及雞胸肉塊。雖然彼得包似嘉頓貨色，幸好雞胸唔鞋口，辣椒醬又好食，仲有菜伴碟，加15元飲的lemonade個個讚！烤肉大會啱食肉獸，除了辣肉腸及雞肉，還有大量火腿及芝士，可惜較咸，食完好口喝唉...呀！個餅底一般唔新鮮，不過成12吋，四個人食會好d。估唔到要加一。

偶然不想下廚又想吃香口嘢, 就會叫 honey 買best kabab 俾我食貪佢就腳 & 熱辣辣, 愛吃cheese的我就最愛她的margarita pizza, 最基本的只有cheese & 蕃茄醬, 薄薄的餅底, cheese佈滿表層好香好惹味!!今次 honey 另外叫咗個kabab with中東包, 將d肉粒&菜好似沙律咁用包夾住來吃, 我喜歡她白色的乳酪醬~! honey就喜歡紅色的蕃茄辣醬!至於薯條今次就沒再試了, 食過好幾次都不脆, 無論有無加cheese 都是"淋"得很我倆每次吃best kabab的pizza必定吃不完, 我會留到第二日加d cheese or其它配料放入焗爐翻熱, 又是另一新鮮口味~!