在乎茶餐廳

營業中

休息中

晚飯時候，通常無特別想食就會黎到在乎食下碟頭飯！ 大少就話想試下呢度嘅小菜，所以就叫左1個晚餐快餐加一個小菜喇！蠔仔肉鬆煎蛋飯 $38 連湯加熱飲蠔仔配肉碎絕對係perfectmatch ，而且塊煎蛋必備條件一定要蓋過整個飯先合格，就好似芙蓉蛋飯嘅賣相！蠔仔肉佔蛋塊比例算高，價格相宜~今時今日真係去邊搵？蝦醬炒芥蘭 $52味道偏咸，重味。而芥蘭炒得唔夠爽口。蝦醬汁剩好多係碟底，鑊氣唔夠!總括而言，茶記還是食碟頭cp值最高!

等人中發現像是墜落中的隕石是日係原先想去的餐廳等朋友等到唔耐煩，唯有收工先回家後去在乎食，因為見平到笑的價目。第一次呢度晚餐，點知就岀事喇，叫左個：當天平dd既咖哩牛腩飯索價三十八蚊好嗱抵，大大碟飯，但敗筆在偏硬，所以食剩半碟。叫多汁又無點多，牛腩驚喜有好多，係大快活兩倍半既陣容，抗曬通漲，所以不少食客。牛腩正正常常，咖哩汁無辛辣dd都無，唔嗆喉也唔粉，好少薯仔又細粒就啱我，因為本身都麻麻薯仔咁食。加兩蚊就有凍奶茶少冰配好大好多冰，無理我，不過不失。朋友個同樣三十八蚊焗豬扒意粉配熱菜蜜同樣地食剩意粉，賣相普通亦唔在乎了。求其食個飯係幾好坐，有卡位，不像粉面碟咁食完半小時內ko，無得吹兩嘴。

原來已大半年沒有過來吃早餐，是日繼續受傷在家等肥，被扶到樓下早餐，在乎跟新開的餐牌其實一樣，新開的就寬落些，眼見價錢沒有漲許多。點了兩個餐一個火腿腸厚多士肉丁米凍奶茶餐30火腿同腸煎得滿意，唯多士厚但不鬆軟，肉丁份量較少，米就正常的新竹米粉，不易索湯變肥大。另一款是火腿奄列吉列魚柳厚多士凍奶茶餐35火腿幼多，旦皮薄幸帶旦汁，魚柳炸得香口邪惡，多士上的牛油是深情而溶不了。奶茶大杯又有少冰，味道不錯喔。

不嬲都覺得呢間茶餐廳嘅西多士好好食！難得有人請食下午茶，就叫咗個set。佢個西多士好香花生醬味！呢一種一直都是係我最喜歡既！下午茶外賣糖漿俾少左，但我個人覺得咁樣好似健康d(哈哈哈，完全自己安慰自己)炸得好香而且唔會過份地燶。個人覺得啱啱好！跟住就係覺得燶咗少少既雞翼。不過都係好食嘅，下午茶廿零蚊，算係咁啦！

打風同bb食早餐，好喜歡吃早餐的我，一日三餐，最喜早餐，是日休息，好不容易懶床起來輕鬆吃。這兒開多年，從未幫趁，皆因媽妹吃過說不好，今天終有機會一試龍與鳳，和做人識朋友一樣，你不試過，不會知答案。早餐面餐27他的五香肉丁公仔面，肉丁量不少，面煮得ok，無妹說的咁唔掂。加餐肉太陽旦太陽旦正常，餐肉煎得不過不失。加牛油多士牛油不全溶，但包好鬆。加凍奶茶2茶味多過奶味精選歐陸扒餐32要了吉列魚柳，炸得好脆，唔錯。配火腿奄列有旦汁，煎得剛好不油膩。凍奶茶少冰加2甜味多，有少冰不錯。牛油多士厚又鬆，牛油夠熱溶，得。食後感：服務普通，但食物價錢合理，唔怪得咁多年都做得住，有原因。

是晚唔想煮晚飯去左屋企樓下在乎茶餐廳ORDER左肉餅同埋滑雞由於即叫即整, 所以要等一陣肉餅黎到有驚喜, 唔會太咸, 咬感亦不錯滑雞呢次就稍為有D肥,唔太LIKE簡簡單單又一餐有例湯,小菜即整,有野飲平民餐廳,性價比都算高絕對係唔想煮晚飯,唔想洗碗,快食的一流選擇

今日經過呢邊坐低吃個下午茶，呢間茶記地方都幾乾淨，茶牌拎上手都唔會痴立立或者油淋淋～下午茶款式有好多，因為不是太肚餓所以只叫了西多士炸雞翼做下午茶！＄26包熱飲原本以為只有半份西多士，因為佢有個餐就咁西多士都要廿蚊，點知原來係成份上！賣相好吸引，西多士同雞翼都係新鮮整的，熱辣辣，好好味。雞翼炸得好香，上枱時仲見到有油泡郁緊，外皮脆入面雞肉嫩滑，炸野就當然油膩啦，不過味道就幾好。西多士好好味，入面的餡足夠花生醬，亦都唔覺得有油“益”味，口感鬆軟～同埋估唔到一間茶餐廳的下午茶都會放片番茄同埋生菜絲伴碟，感覺幾有heart飲品叫了凍檸茶少冰，都不錯喎，茶冇苦澀味又唔會好“濃”，檸檬應該都新鮮的，解渴～下次經過都會再黎食下佢炒粉面

在附近逛街找東西吃, 行下行下經過這間茶餐廳覺得個店名幾得意, 又好像幾多款式, 就入去試試看了~ 首先一入到去第一感覺就係呢度既地方比一般茶餐廳都乾淨企理, 地面一件垃圾都看不到, 環境感覺都很衛生. 之後發覺他們除了一般的常餐麵餐之外, 還有焗飯焗意粉, 喇沙, 海南雞飯, 小菜套餐, 咖哩!  最後我點了咖哩斑腩飯~ 一杯熱奶茶~! 他們的奶茶不錯的!! 沒有茶的苦澀味, 質地很滑, 奶味很香~!! 我自己喜歡奶味重的奶茶, 這裡的奶茶幾岩我口味~ 等了約十五分鐘左右之後咖哩斑腩飯便來了~ 份量好多呀! 除了斑腩, 亦有不少青椒 薯仔 洋蔥做配料! 非常豐富~ 最好的是他們會把咖哩斑腩另外上, 再給你一碟白飯, 咁我就可以按我喜好撈幾多汁都得. 先試試咖哩汁, 味道很香, 不會太辣, 幾有水準! 完全是意料之外. 我知道咖哩有分好多種, 有日本, 印度, 巴基斯坦, 等等.. 但我也不清楚這是哪一種, 就當是港式咖哩吧.. 個人覺得比連鎖快餐店更好吃, 而且睇得出係即煮的! 所以一定更新鮮. 雖然要等一段小時間, 但都覺得值得!  而斑腩真係有好多件, 食極都仲有... 而且食落

從宜蘭回來，繼續要醫治筋腱炎的雙手，在趺打館做好登記後，便找茶餐廳去。很久沒有來過太子，這邊新開了各式各樣的餐廳，有些有着趣怪的名字，例如「植得」(值得)，又例如今次的「在乎」。這兒的下午茶餐非常便宜，價錢在$24~28左右。炸雞髀餐可選配薯條或沙律，深炸過的雞髀像爆開來似的，賣相有點奇怪，不過紅彤彤的皮肉乾身香口，能嚐到醃料的味道。特大火腿奄列餐的「特大」兩字令人過於期待，但端來的實物又薄又小，是再正常不過的普通size。難道「特大」是指火腿? 令人有點搞不懂。幸好炸雞翼肥美，入口juicy惹味，稍為填補期望落空的心情。近來去茶餐廳，發現有許多伙計都不知道唂咕是什麼，又或者是知道，但店裡沒有賣，只能以名華田去代替，未知這種飲品將來會否隨着時間消失於這個城市之中?

星期日的午餐不知道選什麼來吃，在後街行了一陣看見一間茶餐廳門外的餐牌都可以就進入這一間「在乎茶餐廳」。十一時半來到，人流十分之多，好彩剛剛有人在卡位離開就坐下了，看了一看就選了快餐的豉汁豆卜蒸排骨和乾炒牛肉河。例湯(跟餐) 今天是紅蘿蔔粟米湯，因為是剛剛煲好，飲落湯味淡淡的，不過沒有假的味精味，例湯都算可以。豉汁豆卜蒸排骨($38) 簡單的午餐，剛蒸出來十分之熱身，排骨細細粒蒸得剛剛好所以肉質嫩身，豉汁味充滿了每粒的排骨，而味道不算太濃，豆卜也吸了豉汁變得十分惹味，味道可以。乾炒牛肉河($38) 剛剛炒出來熱辣辣，不過河粉也比較爛身，而且也炒得有少許的乾身，牛肉好像炸過才去炒的狀態，看來像牛肉乾多過牛肉，不過剛剛炒出來鑊氣十足，彌補了不少的缺點。來到這食店進餐看見人流不斷，也有不少的食客購買外賣，在這橫街出現這個情況証明這食店都有一些人的支持。人流很多的食店，橫街的茶餐廳「在乎茶餐廳」。

有次星期日係公司附近做野，由於唔係旺區，好多食肆都冇開，咁在乎就係第一次食，佢地炒野好夠火喉，尤其個芙蓉蛋，好滑嫩，送飯佳選，焗豬扒飯我最鍾意食，大大碟夠抵食，個豬扒有蛋汁覆蓋，而個脆豬包都好香脆，地方舒服，服務不錯

其實繫太子午餐都好多選擇。行過見呢間啲午餐啱口味。又唔繫貴就去食啦。入到去冇人招呼。自己坐低好似冇人知道我入左呢一樣。都個亞姐埋來我問多兩句就好似唔耐煩一樣。叫咗午餐蒸排骨。有中湯。個湯呢到味精水。有少少渣。過排骨離譜。好大陣雪味，又硬又實，和白飯仲要黃黃地。有ｄ慷味。唔怪得午餐時候都唔多人。

年多前曾在這兒吃過午餐，感覺尚可，這一天，第二次幫襯，不過今次吃的是早餐。港式早餐來來去去都是那幾樣，變不出甚麼花款來。這天的我，已經搞搞新意思，奢侈地把雪菜肉菘米改為「雪菜肉菘出前一丁」，又捨棄了較常吃的火腿或腸仔，改為吃更肥膩的煙肉伴煎蛋，並且選擇了較少見的「果占麥包」代替較常見的「牛油多士」，仍然覺得這早餐十分一般，特別是那「果占麥包」，果占少少，那一小片的麥包又冷冰冰，實在平凡得可以。不過才三十塊錢左右的早餐，又丁麵，又凍飲的，都算可以了。只可惜這天的早餐，竟帶來了一份小禮物 ---- 一隻正在爬行中的黃絲小蟻，竟在麥包附近竄出來，實在令自己吃了一驚。雖然它很快被我撥到桌下，已令我對這早餐提心吊膽，反覆檢查了好一會才繼續吃下去。無疑，這次可能只是偶然的事件，但一間食肆，食物水準和服務態度固然重要，但更加重要的始終是衛生。要是衛生欠佳，鼠蟻橫行的話，一定會令人望而卻步。顧客在乎的雖然是食物的味道，但更在乎的，始終是食物的衛生，希望這次只是偶然的意外吧！

之所以會去這間茶餐廳吃午飯，不是因為它的食物特別吸引，也不是因為它的價格特別相宜，而是因為它的名字「在乎」實在有點奇怪。為甚麼一間普通不過的街坊茶餐廳會叫自己做「在乎」？究竟它在乎的是它的生意好不好？在乎它的食物水準高不高？還是在乎它賺不賺到錢？相信真的要它的老闆才能回答得到。不過這間茶餐廳的炒河午餐水準可是還不錯的。這天我吃的「涼瓜斑腩炒河」鑊氣是很好的，雖然獻汁難免會濃了點，涼瓜也不夠多，但整碟炒河味道尚佳，份量既足，又夠熱，還連一碗味道適中，不會只喝到味精味道的例湯和一杯餐飲，才不過三十多元的價錢，是絕對可以收貨的了。我對你雖然不太在乎，你對我這個難得幫襯的稀客又會否在乎？

今早經過，見未幫襯過，就試試！下單不久，很快便有得食，腸仔無特別，一般！煎蛋，鐵板或平底鑊製作，一般，好在是夠熱！厚多士鬆軟，搽了牛油，．十分正!沙嗲牛肉湯意，份量多，牛肉有5~6件，但有兩件有根，沙爹汁夠濃，意粉不太淋，0K!凍啡一般，以＄26這價錢，算OK