在水一坊

營業中

休息中

大熱天時入長洲，下午個太陽晒到正一正，見呢間有冷氣，裝修唔錯又唔多人，就食左呢間嗌左豬軟骨烏冬，凍latte，海鮮大阪燒，凍檸檬綠茶，牛堡蛋包飯，炭燒烏龍奶茶，凍朱古力杯朱古力好香濃凍檸檬綠茶好好飲好有驚喜！嘢食嚟講就正正常常。店內只有一男一女，服務態度良好夜晚8點幾，臨離開長洲前諗住返轉頭買多3杯嘢飲拎走，見間鋪得一檯客，估計應該都幾快8點半左右落單，8點40左右留意到個牌閃下閃下但無震，就入去問下，係未有嘅中間見2,3個人入去拎外賣8點50，因為趕9點班船，就問左句我：唔好意思，請問而家係整左幾多杯？女工作人員：小姐，唔係你要就即刻有架嘛啪一聲第一杯嘢飲擺低左我：唔好意思呀，我趕搭船，你整左幾多就俾幾多我得喇，其他未整嘅唔要喇女工作人員：下？整左喇喎我：哦，好，唔該等到堂食檯客都走埋，望望電話，8:53我：唔好意思呀，我趕時間，淨底嘅我唔要喇，係我嘅問題唔關你地事，所以唔使退錢喇。女工作人員啪一聲擺第二杯，望左我一眼，再衝去收銀機度拎22蚊啪一聲擺低：咁我退返錢俾你！我：唔使喇，係我嘅問題唔係你地問題，所以真係唔使退喇唔該晒無拎錢，跑左去碼頭我自問態度都唔係差，亦無態度傲慢地問嘢，

次次去長洲都會掃街食大魚蛋，但我地去果日實在太熱，要入室內涼下冷氣先得🤣·1️⃣朱古力花生醬多士($26)我係為左花生醬而叫的🤟🏻本身諗住會好似茶記咁得一層薄薄嘅花生醬加少少朱古力，點知係用左粗粒花生醬，仲搽到好厚😍😍仲加熱左有少少溶溶地口感仲正🤤食完唔知要做返幾耐運動🥲·2️⃣吉列魚柳天使麵好多汁，但唔算太掛汁，魚柳唔算太厚炸粉，呢個相對多士無咁大驚喜😂如果下次去，我諗都會想再試埋佢其他小食

這餐廳不算茶記，但價錢相宜。食物方面，主要是吉烈肉類，如吉豬、吉魚柳，我最愛是天婦羅。但我嫌餸及飯的份量都少了點。如果款式多點價更好。飲品也夠多元化，不喜甜者可選玄米茶，不另收費，或者可加多幾塊飲台式奶茶，不過我個人還是較喜歡港式奶茶，雖然也不健康，但比台式奶精好一點。

是日午餐:-炸魚薯條-漢堡扒蛋包飯-炸魚薯條魚好有油，不過唔係炸皮的油， 而係本身魚好有油甘香， 所以食落唔dry!後來問老細先知,魚塊叫冰魚, 係南極生長, 所以本身就好重油脂, 先會有油甘香薯條粗身，新鮮炸起，其實配鹽食係最好食兩樣都係炸物， 講真配啤酒真係好夾-漢堡扒蛋包飯蛋包飯一般是茄汁飯，用煎蛋包住，再淋醬但呢到既咖哩蛋包飯使用白飯，白飯上披左煎蛋皮，隔住左咖哩唔易沾到飯粒；日式咖哩偏甜唔辣，但香料味仍然有， 配飯食會掛汁而漢堡扒是亦相當出色，煮的時候已經有適當既調味，扒肉不會太乾太柴，非常腍口但也不失咬勁； 而且有兩塊，好抵食總結:配搭相當出色, 跟餐會免費送三款茶, 其他特飲需要另外加錢, 叫的玄米茶同黑糖冬瓜茶解膩都好唔錯~

本來諗住入黎長洲旅行盲撐下呢間黃店，呢個餐成為$65蚊（轉烏冬+3蚊、轉凍飲+2蚊），但食完個烏冬好口渴，入面隻蛋無味，而個炸豬排仲好大陣雪味同萬年油味，我食左三舊就投降了，咁既質素真係只可一試，不可再試...其實黎長洲每次我都會試下唔同既新餐廳，大部分都有驚喜或者不過不失，見門口呢間個樣裝修唔錯就入黎食，點知中大伏，希望其他遊客入黎前要慎重考慮下，如果唔係長洲多人真係唔太值得考慮

限聚令終於由2人轉為4人，又無得去旅行，唯有香港遊都照殺啦。友人話好耐無去過長洲，於是就趁星期六去長洲玩返一日。入到長洲嘅時候仲係好好天氣，點知食完Lunch之後就開始天陰陰想落雨咁樣，再行多一陣就開始毛毛雨，於是就決定是但搵間野坐下，飲杯野休息下涼下冷氣。呢間小店賣好多唔同款式的啤酒，有好多隻都想試，不過最後就揀了隻來自德國的黑啤。呢隻黑啤味道幾好，好易入口，佢無市面上G字頭好出名嗰隻黑啤咁苦澀。其實仲有其他口味想試，不過總是覺得太早飲酒唔係咁好，下次再黎再試下其他啤酒啦。

店內冇客，獨佔一店，服務唔差，講解到用料，好似飲品如何沖制。今次食既係雜錦天婦羅拉面，湯底都清淡，冇咩味噌，炸蓮藕外皮脆口，炸皮唔厚，用粉合適，但蓮藕用材可用比較粉，會更好食。另外，玉米冇味，小小甜都冇。炸蝦同炸野菜都唔錯。餐廳環境寧靜，比人有舒服應該，可以坐足一個下午。再飲一杯黑糖冬瓜茶，在夏日，即刻水讓透涼。

帶著2個3-6歲小朋友去長洲，大人一定想搵間餐廳唔使等位又坐得舒服。 所以就試了這間，好幸運一去就有位。叫了一個日式咖啡吉列豬排蛋包飯，好鬆化的豬排要加分，日式咖哩香而不辣，蛋包飯，蛋是Juicy 的，混合咖哩一啖過，好有層次及豐富口感，好快就清碟。另一個日式咖哩漢堡排蛋包飯，這個有紫菜絲及木魚絲放面裝飾，漢堡排有牛味，而且好厚身，所以很滿足。另外，還有叫了鰻魚飯（忘記影相），好大碗飯，鰻魚份量也多。再加了一份餃子，脆口及不會太濃味，所以不會太膩口。這間坐得舒服，可以hea下，下次想試下午茶

假日同小朋友搵食, 過了兩點但又未到下午茶(2:30), 尷尷尬尬的.太肚餓的關係就由他了, 要了個拉麵餐, 小朋友要了蛋包飯,飲品要了苿香奶茶, 小朋友要凍朱古力.拉麵真的不少但是普通得可以在家自己煮, 沒下次.蛋包飯賣相很好, 但嫌太多日式咖哩汁(且是沒些味道的),最令人生氣是買單是才知道來了杯凍朱古力特飲, 不是凍朱古力，索價$30幾, 真係無話可說.明明餐廳套餐加$2/$3已有一杯凍飲, 在這裡生活了幾十年真的沒有試過如此， 我也不想費氣力去爭辯什麼，動氣便浪費了美好的假期，唯一對自己說：以後也不會再光顧. 

難得平日放假去左cheung chau 行下，黎到cheung chau只係不停咁行同食😂😂行到腳軟唔經呢間小店，見環境好似OJ,雖然一個人都無，老闆又掛住用電話，都試下啦，起碼都算係靜靜地由於食左太多小食，只想叫杯野飲下兩個人share one tea set，野食其實都幾細份。 $35還好啦，再加$8有比較好既野飲。點知食左一半，店員先講有最底消費，每位$30.....其實有點無奈，點解落單時你唔講呢...局住叫多杯野飲.... 好唔值.....

長洲工作第二天，做到2點幾才食飯，所以大家都點下午茶當正餐，在街頭見到這間，在水一坊，白痴的我突然想會否有儷影一雙呢室內設計以白色為主，只得數張枱，坐得比較迫，我地3個大男同事加我一個肥妹，轉身都有點困難菜單款式多， 我地最後點了芒果pancake 配雲尼拿雪糕($42)、 章魚小丸子($38)、炸魚薯條($35)、 蒜香牛油厚多士($28)、榛子摩卡蛋糕($38)配台式奶茶、阿華田、 凍檸茶、熱檸水榛子摩卡蛋糕： 榛子味同摩卡味都唔濃，蛋糕滑章魚小丸子： 餡料少，不過沙律牆同紫菜多蒜香牛油厚多士： 香脆， 牛油同蒜蓉味重，份量大炸魚薯條： 魚同薯條炸得脆身，但唔油膩，正芒果pancake 配雲尼拿雪糕： 製作需時，不過值得等，因為賣相吸晴，芒果粒多，美味飲品：味道正常

雖然這間餐廳在長洲經營了一段的時間！餐廳的食物跟平時餐廳是一樣～但是味道是不一樣！特別是那個便當！跟我平時吃的比較好味！份量剛剛好一個人能吃得完！鰻魚飯的鰻魚比我想像中的大塊！味道ok的👍🏼可以值得一試！！

今天全家坐艇入長州，在海鮮餐館午餐過後，慢慢在長州小巷中漫步，實行＜飯後百步走，活到九十九＞。今天到長州的遊人不多，可以悠閒地散步，即是點行都唔會撞到人。　看到這家餐廳門前的金屬盤～泰式雪條。平時很少遇上泰式雪條，現在只是十個大洋，價格ＯＫ。反正午餐唔夠盡興，就來個飯後甜品。多種味道，可供選擇。本想選咖啡，又發現紫薯味很特別，所以二者都要。　咖啡當然有咖啡味，而粉紫色的紫薯雪條比咖啡雪條更滑，但紫薯不算太甜，可能有奶的關係吧！　幸好街上行人不多，可以舒舒服服地享用這飯後甜品。    吮呀吮，好快又消滅了二支雪條。全家要向海灘出發了！

星期六無野做男朋友話去長洲行下食下野，由於佢成二十年無去過，我做左導遊一日☺️食下行下影下相，行到呢條街，伯伯係門口售賣自家製雪條$10，即管試下奶茶味，本身買完就走，點知一食雪條，真是oh my god, 好好味呀未食過一條奶茶味雪條仲要咁好味，唔太甜但又夠曬甜味，啱啱好，雙眼一望佢門口飲品餐牌，決定試埋佢杯格雷奶茶，咁就入去等喇！侍應係媽咪級黎，態度一般，一黎就話每位要消費$30 以上，咁即管試下佢啲野食，本來完全無期望，是但叫個焦糖吐司雲尼拿雪糕算，啱啱每人過$30。的確要啲時間等佢啲野，不過因為唔趕，所以都無特別催，一黎杯奶茶，真係好好味，完全係分得出層次感，重茶味之餘又唔會小左奶味，值得推介！終於黎到甜品喇，賣相好靚呀，佢啲餐牌無相片架，但估唔到個甜品賣相一流，超吸引，係要影下相既。由於男朋友太鐘意食甜品，成碟佢食得最多，而我，都忍唔住食多幾啖，爭住食。佢啲cream唔漏，配吐司好正，味道好soft唔太甜但又好夠味道，真係未食過咁好食既吐司呀😍最後埋單時要讚一讚入面既廚師，佢仲同我地講，用light cream，所以食時唔太漏，完全可以一個人KO左佢！大家入長洲，真係可以一試佢

難得老公話同兩個小朋友去長洲喎⋯⋯咁就一行人5個同工人姐姐一齊去囉！！ 長洲真係唔熟， 周圍行下， 本來諗住揾長洲糯米糍， 點知揾咗好耐， 行到小朋友話肚餓了， 又咁啱見到新開嘅呢間店。。 好乾淨， 見佢咁乾淨， 我地就入咗去！ 我叫咗一碗义燒烏冬。。。呢個烏冬一嚟到，（嗰湯好鬼香，香到， 小朋友唔等我夾就已經自行解決）相都冇得影。。。 行入門口時有一枱客人， 見到佢嗰三文魚鬆蟹籽飯好似都ok, 小朋友話要食，我地就叫咗一份囉。。 再加錢要咗杯台式奶茶。。杯奶茶真心好飲， 啲啫喱仲QQ的。。 好得呀👍🏻👍🏻個飯， 好食，料足，最緊要係， 我個仔係咁自己攞三文魚鬆嚟食， 證明好食！ 之後老公叫咗份咖哩漢堡扒蛋包飯。。。睇賣相就🤤🤤 ， 食落去， 啲漢堡扒成吋厚，真心正， 一啲都唔欺場！ 價錢絕對係超值呀！！冇咗烏冬， 我唯有叫多嗰小食， 佢地推介咗炸芝士圈， 但其實唔平，但個老闆話， 你如果係芝士控， 一定要食！ 見佢咁講， 就試啦！！！ 哇哇哇， 得4 件咋........但係。。。食咗第一啖， 我嗰反應係， 駛唔駛呀。。咁香， 咁滑，仲要唔漏， 我一個人對嗰三件， 如果唔係老公叫停我