在水一坊

營業中

休息中

今日趁未係公眾假期就同小朋友入長洲玩，無咁多人，舒舒服服咁周圍行下食下。去到見到一間新裝修嘅餐廳，睇落都幾靚，就入咗去試吓。見佢鋪頭唔係好大，但係都有準備兩張BB櫈叫咗個小食芝士圈，雖然個芝士圈＄35得四個好似有啲貴，但係真係好邪惡，差啲想再叫多碟。正餐:日式咖喱漢堡蛋包飯，加埋＄11飲杯台式奶茶加伯爵茶水晶。杯台式奶茶OK喎，好過好多專賣台式奶茶嘅地方，仲有QQ的伯爵茶水晶，好啱我口味！個咖喱飯賣相好靚，味道甜甜地唔辣，好味！可能我哋已經食咗啲小食，份量夠兩個share，而且我哋要預留「胃」置食甜品窩夫。另外仲叫左個日式叉燒湯烏東俾小朋友食，唔記得影相，因為我無份食😅，俾個仔食曬，咁應該都幾好食先會唔留俾我地囉。甜品:朱古力窩夫，香濃朱古力味，仲有一球雪糕，小朋友最愛，既然放假出嚟就放縱一下啦環境同食物都好滿意，另外可能因爲平日關係，客人唔算好多，店主仲主動幫我地調低冷氣溫度，怕小朋友有汗攝親，好貼心！下次有機會再去要試試佢地嘅手製雪條

今日行過見到呢間裝修唔錯既cafe諗住試下新嘢就入咗黎我地嗌咗兩個飯三文魚鬆蟹籽飯同雜錦天婦羅飯其實我地都無期望太多，諗住普普通通食個飯就走人嫁喇。但兩個飯既製作都勁馬虎，都幾失望下。首先係個三文魚鬆蟹籽飯，啲三文魚鬆同蟹籽既份量好少，成個飯都好單調，54蚊既話我覺得吉野家抵過佢之餘仲好食過佢。到個天婦羅飯，啲份量又係少，而且口感幾硬下，最重要係個豉油竟然係鮮魚豉油，完全唔夾。最失望既係，啲飯竟然係泰國米！！！！！而唔係日本米，個飯好似茶餐廳既碟頭飯咁，製作勁hea又無誠意！讚既係天婦羅飯入面既紅薑配料唔錯，正正常常。杯冬瓜茶都幾好飲呢間既野食係呢兩日食過最差同唔抵既。

之前已經系網上見過有人介紹長洲呢間在水一坊 而且價格不貴 打算一試 鋪頭位置近碼頭 都幾易搵到店舖裝潢休閒舒適👍🏼行完一日系一個休息好地方而且食物色香味俱全👍🏼👍🏼又平又好食有日式拉麵同蛋包飯 甜品 飲品蛋包飯意外地大份同好食 好足料 個漢堡扒都好入味 另外個心太軟作為飯後甜點都不錯👍🏼👍🏼值得一試 下次去長洲會再食

看見有新店開張所以想試一下店舖設計簡約文青feel, 門口賣自制雪糕但堂食食物是普通的日式雞扒豬扒飯之類第一感覺是跟店舖設計格格不入⋯午餐時間1時多沒有滿座點了個天婦羅飯和日式炭燒雞扒飯（照燒汁）卻等了差不多半個小時⋯天婦羅算普通但雞扒飯所謂的照燒汁不是平時的照燒汁吧⋯味道是平時在日式餐廳拌生椰菜的醬汁⋯最令人失望的是日式飯用的米連珍珠米都不是，用的是泰國米⋯⋯⋯感覺完全毫無誠意雖說是港式日本料理也有點太過份像一班大媽強行令文青咖啡店變成一間連白飯都未懂的所謂日式料理餐廳