地地道

營業中

休息中

自從經常要到觀塘做野後，地地道就變左我既食堂之一，而我通常會食佢地個下午茶，下午茶之中就只會叫K14。地地道每個月就會轉menu，而K14就係一個炆米餐，有兩款供每個月替換，分別係：雪菜火鴨絲炆米或魚香茄子鴛鴦米。推介係雪菜火鴨絲炆米，雪菜及火鴨絲多，米粉不會太乾。而來到6月份，係輪到魚香茄子鴛鴦米。茄子不會吸哂油，咬落去都仲有茄子既香味，鴛鴦米係米粉同粉絲，彈牙，層次豐富，而且以下午茶茶餐來說，份量頗大，以我一個女仔來講真係會食唔哂！

午市好多人呀!以為呢類工廠區餐廳會粗製濫造,點知又唔係喎!都算OK喎!午餐有個牛腩飯,姑且一試,牛腩唔靭,雖然唔算十分美味,但係份量足,少筋,汁入味又唔油,真係算係咁喎!上菜速度快,唔會阻時間,唔錯!唯一係服務,個阿姐有少少惡,同埋有催人快的落ORDER的感覺,不過真係客多,所以咁係可以接受既…

又是一個忙碌的星期一上午,由上班九時開始也沒有停過來,還差點沒有時間吃午飯,幸好有同事叫外賣順道幫我叫了忙到12奌半才可坐下吃飯,我點了的外賣是黑椒磨菇豬仔骨飯,已放了在飯桌上大半小時打開了飯盒還是熱騰騰的,在這麼肚餓的時候有啖暖飯到肚真令人感動在想飯量這裡多,才只有兩只小小的豬仔骨一定會剩下很多飯吧但想不到一把黑椒磨菇汁蓋上飯面,就令我好開胃咁食,黑椒汁唔係好SPICY但好香, 有磨菇味不過唔見左D磨菇豬仔骨好入味,肉質好鬆化,令我忍唔住用手拿來吃得起勁.呢餐雖然只係25既外賣但係好似係餐廳据扒感覺這間餐廳的外賣服務真的不錯,我們從來也沒有給他們貼士的,但他們每次送來都很快很有禮貌的,

當日同幾個同事去呢度食ｌｕｎｃｈ，哥時都差唔多成２點半，入到去見到有幾張吉台，禁更係坐張舒適０的，無禁凍ｇａ啦～哥度０的冷氣又大，好似噴雪唔使電費禁～跟住有條戴眼鏡０既ｗａｉｔｅｒ（我地估係ｌｅａｄｅｒ禁上下ｌａ，成日企係個收銀哥條友）走過來好無禮貌話我地幾個人霸佢一張大台，要我地坐張細台。我地都成７，８個人～唔係坐張大台都唔得下嘛～細台最多未坐４，５個人～又唔係無台，又唔係人多，最緊要佢既態度差到爆燈～跟住都算～我地轉台，叫野食ｌａ～成半個鐘都未０黎～跟住追單，答覆係廚房整緊，好快，再等．．來到個飯～（妖）～　大哥，我叫個飯係沙爹汁，食入口咖哩味～　唔那係嘛～　叫條友埋黍，仲要話呢個未係沙爹汁囉～　我地當堂　o　哂，呢間野已經俾我地成班同事blacklist 左，以後唔會去。備註：過度０的２０蚊飯係抵食，但都唔係差到禁下嘛。我有俾錢食ｇａ，又唔係扮大爺，使唔使要我地成班人仲要受佢地氣０黎俾錢食飯~想去呢間試下既人～三思．．．

天時暑熱,有時真係唔係咁想出街食lunch,最近我哋好鐘意叫呢間地地道gei外賣,因為佢哋好準時送到,而且佢哋12奌半前外賣午餐一律25蚊又連熱飲同埋佢哋每日都有唔同gei menu,就算一d焗飯都係25蚊今日我哋叫咗兩個share 嚟食鴛鴦焗火腿雞皇飯,汁夠濃撈埋d飯好好味,濕濕地又唔漏菠羅咕嚕雞球飯,就汁多過料咁滞稍為"希"左d,菠羅只有兩三塊,而雞肉略為"鞋" 但也可以接受的

大部份這類的茶餐廳所供應的食物都差不多﹐只要不是過份難食都不用擔心沒有生意。 這裡環境算大﹐看起來又是一間飯堂隔局的食店。 是日要了泰汁豬扒撈飯 – 豬扒肉質鬆軟﹐味道剛好﹐但份量只得好幾片。他們餐牌上寫撈飯﹐但幸運地原來泰汁﹐豬扒及白飯是分開上。 事原是他們的泰汁是很重酸酸的醋及大量蒜頭味﹐只是點上少許已另口氣頗大。如真的像他們所寫的撈飯﹐那口氣一定能勝過很多蓋世武功﹐必定能殺人於無形。