地茂館甜品

營業中

休息中

楊枝甘露 $30先講芒果，果粒都算多同大，味道甜中帶微酸，口感實淨。而西柚粒粒唔澀，呢個抵讚。西米露就正常發揮。個糖水底味道都ok，味道清甜，唔會太死甜，不過30蚊再大碗啲就好啦。

今日同朋友行完商場，想搵個地方坐坐，上網搵搵之下原來屯門開左「地茂館」喎，就去試試看！杏仁茶是我至愛，所以就叫左「蛋白杏仁茶」，朋友至愛黑忟忟嘅「芝麻糊」，再加黑忟忟嘅「芝麻湯圓」最後我地叫左一黑、一白試試。杏仁茶真係好香，好滑，沒有嚡口嘅感覺，蛋白嘅份量都唔少我個腌尖朋友在沒有劣評之下，靜悄悄地將整碗「芝麻糊湯圓」食晒，佢話芝麻糊同湯圓都好滑，所以可以一口氣食完雖然價錢不算便宜，但一分錢、一分貨

知道九龍城好出名既糖水來左屯門開，平安夜凍凍地，最好食d甜野潤潤去，所以剛好買回家試下🤗主打中式甜品，今次買左3樣野：1. 蛋白杏仁茶 ▶️ 蛋白超多🥰🥰杏仁味也相當唔錯👍🏻2.合桃露▶️ 比較「結」身，味道也十分濃厚，真的似生磨😍3.雷沙湯丸▶️ 正呀！ 已經好少地方食到了，湯丸比較細粒，yummy🤗 但未做到流沙感覺😅備註： ⏺員工態度十分 nice👍🏻⏺可能因為外賣，唔太夠熱，下次試堂食先☺️

知道屯門時代廣場開了地茂館，話係好日子酒樓舊位，行幾次都仲見圍住塊板，上網找下，原來佢個正門開咗喺以前好日子個後門，而唔係喺商場內，唔怪之得搵唔到啦⋯⋯因為過咗6pm,就唯有買外賣啦，原來新張期內，所有嘢都$20，外賣又加多一蚊，即$21。買咗合桃糊，腐竹薏米白果糖水（原本想買杏仁茶，但賣哂），合桃糊好香好濃，反而腐竹糖水好淡好稀，冇乜薏米，有啲失望，以後都係買返啲糊類糖水隱陣啲😀anyway 屯市終於有返間傳統糖水店，係好事來。

本人係地茂館九龍城總店嘅常客，成日專誠揸車去買佢嘅糖水做宵夜，知道佢喺屯門開新店，第一時間想去試試，果然沒有令人失望，水準與九龍城店同樣好味 😋 由於疫情關係，同埋Deliveroo做緊優惠，所以第一次試下外賣速遞。叫咗兩個熱綠豆沙，加一個芝麻湯圓加底，每人都唔使$25 ，真係勁抵食! 熱綠豆沙煲到起晒沙，仲有臭草調味，好有傳統中式糖水嘅味道，就好似屋企mummy煲嘅味道。好開心以後喺屯門都有好味嘅宵夜糖水食，唔使專誠揸車去九龍城食lu 🥳🥳

係千色店附近見到有張poster 講話地茂館新開張，做緊新開張優惠所有糖水特價20蚊起，於是就專登去買黎試，佢皇牌係蛋白杏仁茶，衣個要25蚊，不過以佢正價35蚊黎講，已經好優惠既價錢，所以叫左佢，另外，我地就叫左一個核桃露，佢話係生磨，好似幾正寫咁。。首先蛋白杏仁茶，第一口食落去好有杏仁味，食落口有d一粒粒咁，沙沙地咁，又好多蛋白，都還可以。至於核桃露，係好結，不過食落口就好淡，唔夠濃，感覺唔到核桃味，一般般

你地有無好少少嘅服務態度？諗住試吓新嘢入咗去試我同朋友入去我地坐低先，落order之後就有一位客人叫5個同款外賣，因為佢要趕廠車，收銀嗰個職員大大聲叫廚房做咗個外賣先先，我做咗四個外賣。跟住嗰個攞外賣嘅客人走咗去廚房嘅出單位置(個個客人係冇探熱)同佢講係total 5碗而唔係四碗跟住我就眼白白見到佢將我個碗倒到落個外賣兜到呢一刻我真心唔明點解可以咁做佢要趕車關我地咩事，我啲時間唔係時間？我都要趕住10:00前交返張枱嚟離開餐廳點解比佢打尖？雖然係好食，但應該無下次！