坤記竹昇麵

營業中

休息中

首先講吓佢嘅雲吞麵！雲吞嘅質感我覺得係中等以上，但係麵嘅口感唔錯，咬落口幾彈牙爽口。加埋佢嘅湯其實幾好飲有鮮味！份量亦都足夠，食完係夠飽肚。其次蠔油菜心就同一般蠔油菜心冇乜分別😂😂，冇特別突出，但係食落去都唔差。重頭戲來啦！牛腩蟹籽麵，其實牛腩有少少韌，但係整體嚟講都幾好食，最好食係佢嘅蟹籽麵，當你撈勻咗啲蟹子食落口之後你會發現好似有啲流沙喺個嘴度朗下朗下嘅感覺，而且軟硬度適中，如果你嫌太硬嘅話可以淋啲湯再撈勻佢嚟食，都好好味㗎☺️☺️🤤✨！

叫左個牛肝菌水餃麵 ($58)。 牛肝菌超香，超好食。蝦同竹昇麵爽彈有口感。麵湯附上枸王同蝦子，飲落有層次。另外送豆漿味道正常。加菜($16)份量正常。難得搵到有風味食物，以同區竹昇麵比較，佢性價比極高。總結: 簡單，好食，高質。喜歡老味道可以一試。食物 : 5.0 / 5.0價錢 : 4.0 / 5.0環境 : 4.0 / 5.0服務 : 5.0 / 5.0

以往吃“竹昇麵”，至出名當然是湾仔軒尼詩修頓球場對面的麵店，可惜疫情前數年也結業了，加埋枱上的酸蘿蔔更是一絕！約十年前到順寧道室內體育館打乒乓球，認識深水埗的“坤記竹昇麵”，不但麵底好食，而且有別於傳統的麵店，食物種類也有不少選擇，尤其是它的價廉物美“XO醬”，在新年時用來點蘿蔔糕，更是我女兒喜好！所以家中雪櫃一定有存貨！今天選了一個皇牌撈麵套餐，駌鴦雲吞牛腩豬手撈麵$75。.

1）完全唔值呢個價錢；2）雲吞死死實實；3）味精落足，食完勁口渴4）麵條更加普通到不值得一提，仲要掛名竹昇麵。根本完全不合格。收咁既價錢，比咁既質素。相信附近街坊也不會接受，更加不要説慕名而來的食客。非常失望

曾經係好出名嘅竹昇麵，出名麵質彈牙好多年前食過～真係好好食，同其他比的確好唔同記得霆鋒大廚🤩🤩曾經嚟探店喺度介紹呢間麵館幾咁好食，自從大廚嚟過之後，嚟食嘅人就多到嘔，可惜好多舖頭就係因為有名氣之後品質開始下滑😳😳可能因為係下午茶時段，舖頭比較冷清老闆比我感覺係，自己舖頭有生意就做，冇生意冇所謂😅😅唔好誤會啊，我只係指佢哋唔緊張，並不是佢哋態度有問題😚😚今日嚟食咗個下午茶餐，牛筋雲吞雙拼撈麵雖然係下午茶，但係其實都講緊六七十架雲吞係自己包嘅👌🏻夠料不過唔算特別好食牛筋嘅味道👌🏻冇驚喜普通咗啲主角係竹昇麵😞😞太可惜我真係一啲都唔得連以前一半嘅水準都冇唔好淨係彈，有兩樣嘢我係覺得真心唔錯嘅跟撈麵嚟嗰碗湯感覺好足料👍🏻👍🏻飲咗都唔覺得特別口渴另外杯免費英式茶，味道好濃好香👍🏻👍🏻不過點都好啦，今次應該係最後一次啦😏😏下次就算嚟開呢頭應該都會過對面食車仔麵😁😁

今晚喺附近上堂 就喺附近搵到一間用手打竹昇麵嘅鋪頭 於是就去試下嗰陣未到6點 可以叫下午菜口我就叫咗雲吞炸魚片頭雲吞麵 加6蚊有杯豆漿個湯飲落唔油膩 飲晒都唔覺口喝雲吞都係人手包 裏面有成隻鮮蝦 非常爽口魚片頭就不過不失啦最後埋單老細俾咗兩張減5蚊嘅現金券 可以下次使用 果然識做生意！

因為門口睇唔到淨雲吞麵幾多錢所以入去問，個男侍應好細心解釋單點同套餐分別幾錢，原來外賣仲有9折叫咗個雲吞撈同雲吞麵，兩個都好好食，又彈牙又無鹼水味，個雲吞都好食，啲蝦都好彈牙，個湯可能我就咁飲覺得咸咗少少，但唔會覺得口渴，成碗飲晒👍🏻另外要讚佢個麵長度剛剛好，每次一箸就夾得起，唔會夾極都都未見到麵個尾，每次一啖一箸好方便😌佢個外賣盒仲可以入微波爐，平時都係發泡膠盒多，有啲估佢唔到。食食下認得影相，賣相本身都幾好🫢

坤記竹昇麵🍜👉🏻一間開咗12年嘅小店，由2012年開始每年都入選🌟米芝蓮🌟必比登推介🐷真係唔講得少👍🏻而坤記係香港僅存用竹昇人手䟴麵嘅舖頭之一(好旺角、劉森記等等都係)，每日用竹昇打出嚟嘅麵一定比機器整嘅有口感、爽口，同埋都好講求師傅嘅功力😹坤記喺長沙灣，C1出口直行，穿過元洲邨，過咗元洲街之後，就會見到坤記架啦👍🏻👇🏻不過我去嘅時候咁啱搭咗竹棚，就無咁顯眼👇🏻入到舖頭，伙計好有禮貌叫我坐低，仲話天氣咁熱🥵飲啖茶先慢慢揀嘢食👍🏻👆🏻雖然夏天都嚟喇，但仲有冬日介紹🤣🤣👆🏻主餐牌👇🏻有好多唔同款嘅湯麵、撈麵，任君選擇🍜所以就睇你想食咩配料啦，例如係牛腩、雲吞、豬手、魚蛋等等，不過呢度都有啲創新嘅配搭👉🏻日本帆立貝、蝦球、鮮冬菇等等🤣🤣👇🏻如果諗唔到食咩嘅，可以直接揀呢度嘅店長推介套餐❗️👆🏻大婆撈麵 送熱飲($80)👉🏻柱候牛腩🐮、南乳豬手🐷、蟹皇雲吞配🦐蝦籽撈麵🥢舖頭會附上一小碗大地魚湯同蠔油比你撈麵👍🏻上湯係用大地魚、豬骨、羅漢果等材料煲嘅，都幾清甜🥰而竹昇麵真係好彈牙😹爽口👍🏻去鹼亦去得好，無鹼水味！仲配埋超多蝦籽🦐撈勻晒啖啖都有蝦籽🤣👆🏻牛腩整得入味同夠腍，仲大大舊，👇🏻雲吞入面都幾

今次試下呢間米芝蓮加持既竹昇麵舖，竹昇麵好彈牙，D麵整到好乾身，蝦子好掛麵，全碟都滿滿蝦子，一d都吾吝嗇，豬手炆得好腍好入味，雲吞size同味道正正常常，大大碟都算抵食。

之前去開長沙灣，記得有人推薦過呢間竹昇麵，就去試吓啦~叫左🍤蝦球蝦籽麵同埋🍖牛腩豬手麵🐟炸魚皮和🥬腐乳通菜。自己一向都好鍾意食麵，但對麵質都幾有要求，少少淋都唔鍾意🙅🏻‍♀️呢個麵真係好爽口彈牙！有蛋香、無梘水味令我好難忘🤩蝦籽都好多🦐蝦球大大隻都幾爽口。牛腩同豬手煮得好入味😋炸魚皮炸得勁脆口，開聲聽你就聽到~而且無油味，食落係清爽，唔會覺得油膩👍🏻可能價錢黎講係長沙灣唔算話好平，所以星期六下午都無乜人，但係我係會想返轉頭再食嘅～🦄 #kelly_discovery 😋 #kellydiscovery_food

今日經過門外，見到個招牌寫上米芝蓮食店。走入去點咗個鮮蝦雲吞撈麵。加埋杯凍豆醬都係$48。個撈麵好正。個鮮蝦雲吞屬上等食材。個份量好足料。加上個麵質好彈牙。入口好味。再加入少許醋。勁好味。個人推介一間係長沙灣米芝蓮食店。

早前在食品展買了包坤記竹昇麵餅，當時唔識貨，以為普通料啫，8個麵餅。有日，卒之試吓佢，大滾水烚佢至麵餅鬆開，加蠔油食。嘩…一試佢，唔得點，彈牙，爽口，無鹼水味。之後諗起電視介紹過，果然 名不虛傳。今天路過這小店，下定決心要現場一試。店鋪不大，環境清潔，一位年長的叔叔招呼，非常有禮貌。下午茶時段，點了一份豬手撈麵$42，加酸梅湯$6。現場食，一樣地震撼，豬手好林，好入味，好好味，麵質好爽口，彈牙，加埋一碗蝦子清湯，完美。當然，真材實料，價錢就見人見智。有機會下次再試其他食品。

坤記標榜自己係竹昇麵, 剛開張時仲間中見到師傅在門口壓麵, 現在已經見唔到了環境 : 一入去就有店員叫客人掃碼量體溫,  每張枱中間有隔板, 防疫算係唔錯.食物 :  中午來到一般都係叫午市套餐的多, 包一款湯麵, 一個菜, 一杯飲品.湯麵 : 有雲吞, 水餃, 牛腩等,  有四粒, 麵的份量少了點, 男人應該食唔飽的.油菜 :  除了大路的菜心, 通菜, 還有雲耳, 昆布, 紫菜等,  選擇多樣化 (今次選的係上湯昆布, 好食)飲品 : 有即磨咖啡, 也有豆漿, 酸梅湯等.價格 : 午市套餐, 50蚊, 有上述三款野食, 雖然份量少了一點, 但雲吞味道唔錯, 竹昇麵的走鹹走得好 沒有鹹水味, 湯底亦無味精 (或好少味精), 飲完都唔會口渴, 性格表好高的.

食咗個撈麵，雙拼鮮蝦雲吞加紅燒滷肉。雲吞有成5粒咁多，加$9雙併，滷肉都有3大塊！價錢唔平，但都唔孤寒喎，讚！雲吞用料十足，完隻蝦再加肉，味道鮮甜！滷肉都好入味，差啲想食埋啲皮個肥膏！未叫嘢食，大叔攞咗一杯熱茶過嚟，飲落唔錯！食完個面，阿姐又問我要唔要多杯熱茶，好窩心！枱面仲有1493辣粉：20萬度純天然享辣原味，梗係要試！試左少少，係辣既！正～

不知不覺間，都有兩年冇黎坤記食麵。中學年代，會透過櫥窗，望老闆自己喺度䟴面，值得世世代代流傳嘅傳統手藝。又想食魚片又想食魚蛋，就整一個魚片魚蛋雙拼麵$32 雙拼加$9 魚片魚蛋一樣出色好彈牙，個湯底一啲都唔鹹，鹼水麵味道剛剛好。老公就最鍾意食 柱候牛腩撈麵$46 最鍾意食撈麵叫加牛腩汁，牛腩炆得彈牙入味，口感很好， 最怕嗰啲炆得太淋， 冇口感嘅牛腩。再加一匙羹坤記秘製辣椒油，辣得過癮。最後仲買咗一盒竹昇麵，一樽大地魚粉回家慢慢食。