坤記粥店

營業中

休息中

某上班日, 突然心血來潮很想吃一碗暖呼呼的粥所以Whatsapp順道問問親愛的同事需要嗎?接了order便向石蔭路街頭的尚品進發誰知那天尚品休息, 我唯有轉戰坤記罷了我點了一碗皮蛋碎牛粥 而同事則要一碗艇仔粥我的皮蛋碎牛粥只吃粥底的話, 尚算甜, 不過稱不上綿滑而且料真更是強差人意皮蛋給的小之有小, 最好吃的蛋黃部份更是沒的而碎牛, 他處理的不好, 很實, 比肉餅的肉還實最後吃了三分二真不好意思給同事買了真麼難吃的粥

平時食麥皮做早餐但係有時悶悶地會落樓下坤記整返包炒麵返公司o趙$7, 早餐價錢來講, 算差不多分量每天不同, 睇你好唔好彩好彩既話, 係會多到要俾d人或者可以唔洗食lunch tim食佢既炒麵唔好期望會有料椰菜/ 紅蘿蔔絲間中先難得出現自己動動手加d甜醬麻醬芝麻, 會香口d

我細過時住附近，以前成日黎食粥、食腸粉。近呢幾個月舊地重遊，我都係度買鬆糕，四蚊一件。坤記阿姐依然都係會好誇張咁用菜刀切鬆糕，我今次等左阿姐一陣，原來佢好努力揾佢把菜刀切鬆糕。鬆糕夠晒鬆軟，冇酸味，唔會好粉，同細過食o既味道係一樣。但我唔記得影低件鬆糕留念添!

之前經過已經比佢既$3.5豆漿吸引, 今日終於入左去食!唔係太餓又唔係好想食粥, 所以叫左炒麵, 炸兩同兩杯豆漿豆漿即刻到! 豆味香濃, 但又唔會太甜, 而且夠凍, 好好飲!炒麵不過不失, 唔太油, 但配料好少! 炸兩係預先整定, 但裡面既油條仲好脆! 出面既腸粉皮未至於滑, 但一d都唔厚, 不錯~兩個人食到飽只係$21, 呢個價錢去邊到搵?

琴日同左同事去左呢間店到食晏,好迫,坐得唔太舒服,叫左個牛肉粥,幾好食,好綿,好夠味,跟住叫左個炸兩,好脆,好新鮮,加埋都唔洗$20,抵食啦.

本人喜歡外賣腸粉回家, 慢慢吃, 因為環景比較差, 坐得不太舒服:腸粉: 腸粉幾滑, 最好是任落甜醬, 麻醬和芝麻油炸鬼: 靚, 剛剛炸起, 但很熱氣.粥: 味精粥, 本人不太喜歡, 所以在家自己煲粥, 再賣腸粉和油炸鬼

今天叫了艇仔走牛,炒面艇仔好重alkaline味實在受不了幾口之後就把它放開一面炒面面碎便宜但品質差放食品的器皿怪異加上店上氣氛太過陰暗conclusion : 我相信不會有下次的機會因為我不會再去

今日下午4點幾，肚仔有o的餓，突然想吃炸兩，走o左o黎屋企附近的坤記。我要炸兩、炒面和豆花，個阿姐好似作聾咁，我叫好多次，都好似唔係好知我想要o的乜咁。同埋，佢都幾惡下o架，問我「冇叫粥呀？」呢下好似唔係幾滿意我o黎齋食其他o野，唔幫襯佢食粥咁。我唔知佢係咪真係咁意思啦，只係個人覺得俾人咁問，唔係幾舒服。炸兩($8)o黎到，OK啦，即叫即整，都算唔錯。炸兩差不多食完，炒面先到。個炒面($6)，老實講，有o的失望。份量少，同埋真係淨炒面，有幾條椰菜咁，乜都冇喇。 我自己撈甜醬、麻醬、辣醬和芝麻，俾o的味佢。 個惡姐冇俾豆花我，是但啦，唔敢惹佢，去隔離鍋貼大王食囉。我準備俾錢時，有個嬸嬸入來話想買油炸鬼。呢個惡姐就求祈執條俾佢啦，個嬸嬸話，俾條靚o的o既o黎。阿姐就發脾氣喇，丼個膠袋落盆油器度，大聲夾惡咁話︰「你自己揀啦！」嚇親我。俾錢，$14，個惡姐面黑黑咁。我都怕怕囉，俾錢即走人。

響該區另一老牌食肆，朝早行過食番碗粥清吓腸胃都好，唔駛日日都係腸仔蛋。叫咗碎牛粥($9)同炸兩($8)，碎牛粥都幾多料，牛肉有鮮味，粥底有米香又夠杰，碗粥相當唔錯，不過碟炸兩就好差，雖然腸粉夠滑但係預早整定，完全唔脆，就算係即做都唔惦，睇住佢用D會躹躬嘅油炸鬼嚟整，會脆至奇。附近無其他粥鋪，要食粥就無得揀喇。

2008年6月18日 7:30am 食完新香轉個頭試埋坤記, 見佢d牛肉個樣幾對辦, 好! 試下先!1) 腸粉- 好味, 雖然米香不足, 但麻醬任落, 我鐘意!2) 牛肉粥- 好味, 雖然淡咗少少, 但啱我, 大家可以自己落salt, 無味精, 又好有心機煲, 絶對唔係生粉粥3) 蘿蔔榚-賣相唔好, 但好香蘿蔔味, 必試如果行過我一定會再食.

搬左去葵涌後 係坤記開餐既次數係差不多2-3日一次 父母更十分喜歡此食店 皆因又平又好食早排腸炎 淨係食得白粥腸粉 十蚊一餐 真係邊樹搵 只要你唔嫌佢地舊 同埋有d dirty 其實真係唔錯有時夜晚成8點先行去 問老闆娘重有冇弼食 佢都會好粗聲粗氣問你食d咩 不過 佢一向都係咁習慣左就冇野啦

屋企附近最實惠一定係坤記...價錢平、質數高...通常去食都一定會叫碎牛粥..粥底好綿..碎牛份量亦都好多..而且間舖頭又乾淨..所以通常媽咪唔煮飯我都係會落坤記食碗粥..可能其實碗粥同出面o個d無咩大分別..不過對於我黎講係充滿感情..我記得細個o個時有一次daddy mummy帶我去食粥..我話碗粥好好味..個老闆娘聽到好開心...呢度係好有親切感..希望佢可以繼續保持一貫水準啦

一間有30年的粥店..童年時...我跟我的好朋友時時都會去食粥的地方,明火白粥,新鮮油條,傳統的炒麵,到今時今日都能夠保存當日的味道,這是一個很難得的粥店,現今的食店做出來的食品味道時好時差,,有多少食店可以將味道保持不變呢???有些食店當做到有點名氣時,往往味道便會開始走下坡,因為有了名氣,便不理食品質素的下降.是關他們已經失去做食物的良心,只會想做生意,不會做食物.

坤記的腸粉，於石蔭算係不錯，腸粉夠軟滑，但都頗油！

由出世到而家我都未搬過屋..大概我算係石蔭土生土長ge人...而自我有記憶之來坤記早已圪立於此..經過九七之後..好多附近ge餐廳食肆乃至文具舖都頂唔住而結業...但坤記做左咁多年仍然有好多街坊幫襯..我亦都可以話係由細食到大...剛剛考試臨近最後一科前一日一大清早起身..落坤記食碗碎牛粥之後先返屋企溫書摶殺..o個度環境十年如一日..店面兩排都有人忙..左邊ge負責炸油器..右邊ge負責煲粥...整炸兩..整腸粉..佢o個度d腸粉係自家製架...仲有一大盤蘿蔔糕同埋炒麵...坤記ge碎牛粥係我由細食到大..反而其他野就好少叫...細個時返屋家母都會一大清早起身落去買粥比我同細佬做早餐...之後食飽滿足咁返學...而家差不多十年光境..經歷完人生第一個重大考驗..當時ge小女孩亦開始蛻變..反而變左自己一個去食...自成一角...經歷完呢個考驗仲有無數個考驗等緊我..凡事唔好咁睇重結果會幫自己減輕唔少壓力!即使係有幾困難都要好似坤記咁熬過呢個難關！