坤記糕品專家 (已結業)

來到深水埗總會諗到Lee間糕點店。無他，佢既糕太好味，特別是白糖糕。好味嘅食物總會賣得太快...放工想到已經賣剩2款，好彩白糖糕仲有貨，另外買了未食過嘅蒸蛋糕。白糖糕 $8一如以往地好味，糕身夠挺身，質感鬆軟，食落爽囗彈牙。雪白晶瑩剔透。最重要，食落無平日買白糖糕常見嘅酸味。聞起來有米香同白糖味，超正。蒸蛋糕 $8感覺像媽媽以前用飯煲蒸果d蛋糕。口感鬆軟，唔算好甜，帶dd咁多酸味。唔係彈牙果類型，比一般蛋糕淡色， 但又充滿蛋香味，唔錯

芝麻糊聞落好重芝麻味，但食落完全無既！明明第一次食果陣聞到好香芝麻味，食落似食緊芝麻糊，質素大不如前，好失望。應該係麵粉同芝麻既比例有所調整，溝入大量麵粉令芝麻味盡失。口感方面，放左幾個鐘，表面果層偏乾，失去水份，層與層之間仲保留到少少芝麻糕應有既黏性。之前幾乎試曬坤記既出品，覺得芝麻糕最為出色，今次特登淨係買芝麻糕，點知大失所望。唔通所有野都逃唔過 出左名質素必定下降既規律？索價仲十分進取，細細件就要$12。咁既質素、咁既份量、咁既價錢，我認為唔成正比。亦唔會再幫襯！坊間仍有唔少中式糕點小店，總有一間係你左近，出品有誠意、味道好，多啲支持下佢地啦！好過比錢買品牌多多聲

另一間深水埗名物沒有理由不提呢間坤記糕品，佢主要賣中式傳統糕餅為主，砵仔糕，紅豆糕，馬蹄糕等等，而我就至愛佢的白糖糕和芝麻糕！😍坤記的糕點全部新鮮製作，因為糕點不新鮮好易食得岀😅，所以經常吸引一大班識食師奶在爭相購買。 他的白糖糕清甜不酸，質地軟熟，而且有彈性，是我食過的白糖糕頭幾位👍😋。而芝麻糕同樣出色，我買一小件已經很重手，內𥚃真材實料，一數之下足足有九層之多，很考功夫和心機，而打開未食己聞到超濃的芝麻味，吃落也會感到芝麻的足料，味道又不算太甜，幾淸新😋不過以中式糕點而言佢有點小貴，因佢非逐件定價，大部份以磅重收費，好似芝麻糕咁好細一件一磅之下就$14，可能這就是足料的代價吧🤭______________________________店名:坤記糕品專家 環境：6/10服務：7/10 價錢：7/10食物質素： 8/10 整體：7/10 地址:深水埗福華街115-117號北河商場地下10號舖 (北河街交界)

一出深水埗港鐵站， 就見到呢間買傳統食品嘅店舖～呢間舖好多人圍住買糕點，行過去望下，間舖貼滿好多相片介紹有咩傳統糕點，例如砵仔糕、紅豆糕、白糖糕、芝麻糕、茶果等等。見食評介紹呢間係老字號傳統食品店，白糖糕係招牌食品，就買嚟試下先~~ 好彩比我買到最後一嚿白糖糕，黎到嘅時候大約五點幾六點左右， 估唔到已經賣淨最後一嚿。白糖糕酸酸地， 雖然都知道白糖糕係酸酸地，但都比想像中更酸... 好似同其他舖買既冇乜分別...另外買咗一嚿黃糖砵仔糕～呢度嘅砵仔糕好實，好多紅豆，唔太甜。整體來說，冇想像中咁好食，好似同平時其他舖買嘅傳統糕點差唔多，冇乜特別...

之前睇過一d訪問，坤記嘅師傅話自己整嘅白糖糕唔會酸，因為酸係做得唔好先會，所以我一直都想試下係咪唔酸。今日屋企人買左幾款糕返黎，可以每樣都試少少。第一啖緊係試期待以久嘅白糖糕，um...其實都係酸，不過好過其他鋪頭嘅。然後仲試左芝麻糕、紅豆糕、花生糯米糍，味道不過不失啦。價錢有d貴喇，又唔係特別好食，真係有d失望。

最近鐘意左芝麻制品，黑色有益，可以補鈣，烏髪潤髮，養顏潤膚，每百克黑芝麻中含鈣接近800毫克，而每百克牛奶中鈣含量才200毫克左右，所以黑芝麻比牛奶更補鈣。黑芝麻中富含豐富的天然維生素E，其含量高居植物性食物之首，維生素E是良好的抗氧化劑，適當的補充維生素E可以起到潤膚養顏的作用。經過深水埗坤記，又忍不住買兩舊芝麻糕，磅重賣，坤記糸賣白糖糕出名，芝麻糕系第一次買。返到屋企就忍不住咬幾口，幾滑，不過可惜感覺黑芝麻味唔糸咁濃郁。

白糖糕：吾太甜，味道適中，幾好。比其他地方買就薄左D。無豆半仔糕：少左D香味，吾太甜，有咬口既。細細件服務：都係甘，冇乜特別，OK！地方：地鐵一出就見到，好易搵到！！

在一月尾，一個深水埗週末午聚飯局中，好幾位食友好友聚首一堂，大家也很客氣及有心送上小禮物！食友好姊妹 C 送上深水埗 <坤記糕品專家> 出品的糕點給大家！多謝她那麼客氣及心意呀！聽聞這間 <坤記糕品專家> 是深水埗區的老字號！ 供應：港式懷舊糕點更是多不勝數！包括：白糖糕、缽仔糕、馬蹄糕、芝麻卷...等！馬蹄糕我選擇了馬蹄糕， 晶瑩剔透而其貌不揚，加入馬蹄粉弄製呈灰色，混合不少馬蹄粒，勝在真材實料！食落煙韌富彈性，夾雜爽口的馬蹄粒，口感不錯！甜度亦恰到好處！

the 白糖糕is way toooooo sour. i could not even finished it and threw it away. i think the dough was proved tooooo long and it therefore tasted sooo sour. i watched the vedio/news on internet that the boss taught people how to make good白糖糕。 he mentioned that good one wouldn't be sour. i am so disappointed about their products.

本人好鍾意食傳統糕點，睇過好多宣傳同推介，於是慕名而尼幫襯，坦白講有點名大於實，但份量同價錢算係正比，每件都大大舊，好飽肚。買左 砵仔糕($8/件) 真心覺得好普通，唔太甜，無乜特別。白糖糕($8/件)怕酸既食友就千其唔好試，本人都知正常係酸酸地，但都比想像中酸得多。馬蹄糕(約$10/件，佢係按重量收費，但件件差唔多大小)味道好清甜，同埋佢質感比坊間果d更Q彈，好似啫喱咁，值得一試。芝麻糕(約$10/件，佢係按重量收費，但件件差唔多大小)個人認為最值得一試，味道真係好似即磨芝麻糊又唔會太甜，鍾意食芝麻糊既朋友要試下！

突然想食芝麻糕，咁岩又係附近，於是便過去望望。好多糕點，好多都想食，不過食唔到咁多，而且友人話曾經試過這裏白糖糕，偏酸不討好，所以都係買芝麻糕就算。因為在家附近沒有芝麻糕賣呢。芝麻糕，好似係要磅下重來計錢的，有8層，每一層都好容易分開，食落有淡消的芝麻香，不算太甜，不過呢，食之前，可能放入雪櫃雪一雪會比較好，因為我買到返屋企先食，都相隔左幾個鐘，食個陣好似有少少溶溶地的感覺，整體來說，都唔錯的，這舊芝麻糕要$12，略嫌貴了一點，如果有細件買會比較好呢。

今日行街經過坤記，聽聞佢啲糕點好好食，於是買個茶果試下，咸茶果$8.50 一個，一啖咬落去係皮，食到中間得少少沙葛同肉碎，唔見蝦米蹤影，而且太過油淋淋 食到尾又變番皮，中伏

大名鼎鼎既均記糕點經過幾次都食閉門羹 今次終於比我試到啦但定價確係幾高 一件砵仔糕賣雙位數價錢不過選擇幾多元化 芝麻糕紅豆糕同埋各款茶果有紅豆同花生味茶果一場黎到就買哂兩隻味黎試!不過可惜同想像中相差得太遠用香葉包住幾夠傳統GE但最慘係非常油膩 拎上手已經成手油先講紅豆饀 煮到起哂沙既紅豆幾香但甜度太高花生饀比平時食既又係太甜花生太碎食唔到粒粒 口感認真麻麻個皮明明即日食都好硬身即使平時街邊買無牌子小店都一定好食過唔明白點解會咁出名-_______-

今日跟同事出嚟做嘢，佢特別介紹咗呢間糕點鋪頭。好多款式揀，淨係缽仔糕都有齊啡色、白色、有豆、無豆。我嘅至愛係啡色無豆丫唔該，食落唔會太甜又多豆！另外仲幫同事外賣咗白糖糕、茶粿等等，下午茶時間好好 enjoy 一下！

坤記一間香非常出名的糕點專家，此店位於深水埗，其實是一間士多，只係同時有糕點賣啫，點知賣下賣下，越賣越出名。它早前最出名是賣懷舊小吃，如白糖糕，芝麻糕, 砵仔糕, 紅豆糕, 馬蹄糕, 九層芝麻糕等等，後來再加埋賣茶菓。白糖糕，一種易學難精的糕點，它主要成分是米槳，要時間掌握得好才能沒有酸味，原因是酸味的出現，是發酵過久引致。如果此糕點帶酸，即是代表師傅經驗不足，經驗不夠。早期的坤記，它的白糖糕是沒有酸味的，可惜，今非昔比，現時它的白糖糕已帶有酸味，以此水準的白糖糕來說，太多地方能買到，不用去坤記。坤記的白糖糕是以重量計費，越重越貴。食白糖糕主因，是要享受食師傅的功夫，其實它的用料不值一文，真可惜，坤記已做不到了。