型點特色點心專門店

營業中

休息中

呢間大埔的點心店真係抵食又超有水準，真係食得出係！佢哋嘅特色係即叫即整，每一道點心都保證新鮮熱辣。最好食嘅就係個蝦餃，蝦肉爽口，口感彈牙，咬下去真係令人回味無窮，絕對值得一試👍👍👍。另外，我覺得鮮魷土豆粉都好正，魷魚新鮮，土豆粉滑溜，配上特製醬汁，簡直係完美嘅搭配。食飯嘅時候，我仲遇到香港人老闆，佢好有心，唔單止親切，仲同我分享咗啲點心嘅製作過程，讓我更加欣賞佢哋的誠意。餐廳嘅服務態度都好好，服務員熱情周到，坐隔籬桌嘅客人都好似好享受，經常聽到佢哋讚呢度嘅食物。我覺得呢間餐廳真係唔錯，無論係食物質素定係服務態度，都值得推介俾大家👍👍。希望大家都可以來試試，唔好錯過呢個好地方！

想問問大家係未轉咗手？本身出名個幾個點心都消失咗，餐牌都唔同晒！鹹水角都冇左雞仔造型，整體食物味道普通，選擇亦都小咗好多，冇咗之前嘅精緻。同普通茶樓出品差品多。

新年聚會梗係要食番中式野先夠氣氛，但又唔想去傳統酒樓，今次試左呢間新式點心店，又幾好喎，店員都好 nice，食得好開心。見到 menu 必點 #酥皮鮑魚糯米鷄 & #上湯金魚餃，真係鷄型既糯米鷄好有心思😆，外層酥皮夠鬆化唔油，內面糯米軟糯，加埋一齊口感好特別。上湯金魚餃面層一少撮金薄😍點綴令金魚更迫真。餡料好足料先可以令到金魚外形賬卜卜，蝦夠新鮮爽口。越黎越少見到既芋角，最後一碟我地啱啱好order 埋✌️，炸功一流，外層唔會油，夠鬆化，芋蓉餡料又係無得頂，新年食到芋角真係好運一條龍🧨🪅。黑松露燒賣、炸魷魚絲、臘味排骨飯、菜芯雖然係大路野，但竟然都有驚喜🥳。

三人行飲茶， 叫佐點心如下灌湯餃乳鴿焗叉燒包芋角燒賣叉燒腸牛肉10:55分落單 57 分收落單紙5分鐘後黎芋角 再5分鐘後黎乳鴿到20 分向4眼呀姐查詢食物仲未到 幫忙追下 佢一句就話蒸緊 再15 分鐘仲未黎 再追 佢先行去廚房問 問完 我無大玻璃到先見個廚房d人去攞蒸籠 離哂譜 另一個呀姐見我燥燥地 佢先再入廚房問 廚房跟本漏哂單 4眼呀姐態度 超差 唔會再幫襯

星期四下午約2時半來到不用等位便可以入內，下午茶免茶介，可以點套餐，套餐包括一碗飯和3款1位份量的點心。一坐下便有人問要什麼茶，比較特別的是菊花茶，但要加10元，飯是盅頭飯類，點心我們選了雪山叉燒包、正常叉燒包和炸鯪魚球。飯方面，鳳爪排骨飯質素不錯。點心質素也不錯，炸鯪魚球份大大粒，但茶比較淡。一個吃一個套餐也是足夠飽的。

問佢攞辣椒漿，佢就打開櫃桶叫我攞辣椒油，我重覆話要辣椒漿，佢就同我講話佢要入去攞但辣椒油就唔使行入去，擺明就係俾說話我聽，話我麻煩佢叫佢行入去攞俾我，之後仲要黑面。真心唔想服務人就唔好做服務行業，態度差到不得了，第一次嚟亦都係最後一次。另外人哋落order佢send錯嘢，最後上菜錯咗話要轉，佢就俾說話人哋聽話人哋嗌錯，跟住係咁話自己冇錯，仲要不停重複係人哋嘅問題，完全冇想轉嘅意思，例牌又係全程黑面

你有耐性等位先好食！阿姐坐排入座係無譜既！初四公眾假期多人等位。我地9點50分等3人檯等左半個鐘，我地一早齊人，亦樂意等檯。但眼見佢地員工大大聲聲一直口講齊人先入座，但入座前前後後幾張檯都未齊人已經入座。有張6人飛，又係不停咁摧呀姐比檯，聲稱齊人但其實只得4個人，佢地入座後15分鐘先齊人。如果你地口口聲聲講要齊人先入座，就公平少少點好人頭先入座？5人檯9:55分取飛，黑口黑面摧個阿姐幾次，結果阿姐比左檯佢先，先入座過9:50取飛既3人飛，坐張4人檯。佢話理由係3人飛等派坐卡位、等卡位起身埋單，但卡位同佢地張檯其實一樣都係4人檯，而且係無限時既…鬼知人地打算坐幾耐咩…結果我地3個人齊人，型點就一直比檯根本未齊人既飛佢地入去霸住張檯慢慢坐住等朋友到喇。同時遲禁飛既5人大檯亦早入座過我地。無辦法，你想食佢既野咪比d耐性等囉，就算佢地入座安排得差都好。分享返我既經驗比大家做返心理準備，欺善怕惡架！

餐廳喺網上評語其實普普通通⋯不過我都好想支持大埔小店！星期六中午冇得預約！大概等咗15分鐘就有位！兩個人繁忙時間需要同其他人拼檯⋯枱面嘅空間略為細咗少少今次食咗咩呢柴魚鹹骨花生粥蜜汁叉燒腸上湯金魚餃珍珠鹹水角冇睇錯！全部點心都好好味柴魚粥配油炸鬼長輩超鍾意！肉眼已經睇得出用料豐富！而我自己就鍾意珍珠鹹水角！初初擔心雀仔造型會唔會好睇唔好食？熱辣辣超新鮮！完全意想不到咁出色！腸粉金魚餃一樣咁出色皮薄餡靚！最後埋單亦都唔貴！撇除個座位偏細之外！餐廳點心水準真係高！已經約好咗屋企人幾時再嚟食！

酥皮鮑魚糯米雞 ☺️一上枱幾得意 😂係雞仔造型 都算幾新奇 因為好少見用酥皮再包住糯米雞 味道正常 接受到 但會比傳統嘅少左荷葉香😗上湯金魚餃 內餡係韭菜（應該係吧？！），蝦，豬肉碎同馬蹄蝦🦐有咬口 彈牙 ；味道清淡 椒鹽魷魚鬚🦑炸漿開得幾好 👍🏿 好脆但油紙唔夠吸油 入口比較油膩咸水角係我最鍾意食😘 又係雞仔型小籠包有汁流出嚟 正常發揮紅米脆蝦腸內餡做得幾好 👍🏿 唔會淋哂

去咗一間大埔嘅點心店，真係叫到我心花怒放💖。首先，落口嘅荀粒鮮蝦餃，皮薄餡靚，啖啖蝦肉，真係彈牙爽口！香菇燒賣皇，個燒賣食落去肉質鮮美，香菇味足，真係好有層次感！椒鹽魷魚鬚嘅香脆，配上微微辣味，絲絲入味，根根分明，啊！真係過癮！再講下嗰個流沙荔枝球啦，外皮酥脆，入口後荔枝嘅清香同滑溜嘅流沙夾攻味蕾，會心一笑😊。最後，呢個避風塘蘿蔔糕，蘿蔔絲同各種調料炒得金黃爽口，即刻提升我嘅幸福感！總括來講，呢間店嘅點心真係精緻得嚟味道又好，用心造型嘅點心容易引起追捧，雖然位子排得密了啲，環境方面都算OK啦，總之間店真係值得一試！👏👏👏

平時去大埔飲茶都會去老馮，一嚟食物好味，二嚟價錢平民化🤓。今次呢間小店居然夠膽喺老馮隔離開舖🤔，雖然大家走嘅路線唔完全一樣，不過大家都難免會將佢地作比較!!🙈由於上個星期六嚟果陣人太多，結果無食到，今個星期六提早出門口，10點半嚟到，唔駛等位可以直入。雖然小店茶位都係$6，亦無加一，不過點心細粒D、份量亦少D，相比之下性價比較低。🤔首先講下有咩好食嘅先：脆皮紅米蝦腸 $38我地四個一致覺得呢款點心最好味!! 炸蝦夠脆、而且彈牙、紅皮好滑又夠薄，係油膩左D。不過不失嘅有：香菇燒賣皇 $36食到有菇香，燒賣Juicy、幾滑。蝦餃皇 $36蝦餃正常，平均每粒有兩隻彈牙蝦仁。海味臘腸排骨煲仔飯 $38飯量唔算多，味道正正常常，無伏亦無驚喜。醬皇蒸鳳爪 $26我唔食鳳爪，無試到，但望落大大隻。本人覺得唔OK嘅有：招牌酥皮鮑魚糯米雞 $52糯米雞賣相真係好吸引，切開果陣外層酥皮四散，可想而知外層幾酥😌；可惜內餡溫度唔夠，依然食到凝固左嘅芡汁…😣避風塘蘿蔔糕 $36一份只有6條，蘿蔔糕炸完之後，灑上炸蒜，完全無避風塘應有嘅味道😐。加上蘿蔔糕本人太粉、白蘿蔔太少，食落成口粉，好難食🤢。五香雞粒芋角 $

其實book mark咗呢間點心店好耐，同啱今日要同朋友交收，就過嚟大埔試吓呢一間點心店。其實都係夜晚7:45 ，落單嘅時候係「伯母」。廚房其實有好多人喺度包緊點心，但連蝦餃都冇，真係有啲灰。第一次試嘅感覺真係唔係咁好。首先，個醉雞浸得太耐，個味太濃。跟住個黑椒牛仔骨腸粉，個牛仔骨啲肉仲係生未嚟骨同埋係凍嘅。個鍋蛋牛肉煲仔飯有飯焦係有驚喜嘅，但係個牛肉係冇牛味，完全唔知自己食緊件咩嘅加工材料。當中比較好食小小嘅就係個嘴角，熱辣辣係剛剛炸好㗎口感。成餐嘢食最有驚喜都係個黃花魚，夠乾身脆口肉嫩。反而佢送嗰個桂花糕同曲奇仲好食過叫個d。我覺得可以俾多次機會，但係就唔係食晚餐。

大埔特色精緻點心呢間點心可以打卡 食落味道都唔錯👍🏻頭盤會附送小點心🥧由於係地2位 分別有2件紅豆糕、曲奇🍪✨招牌酥皮鮑魚糯米雞$52- 母雞造型既酥皮糯米雞 好似坐下一個鳥巢入面 好可愛😆多層酥皮 食落鬆脆 糯米飯入邊仲有包住一件迷你鮑魚💓✨櫻花蝦腊味蘿蔔糕$22 (4件)- 櫻花蝦嘅味道 完美代替左Xo醬食落好惹味 唔需要額外配醬料推薦👍🏻✨燒汁牛柳南瓜🎃球 $32南瓜造型 外脆內嫩👍🏻燒汁牛柳嘅醬汁好juicy 同甜甜既外皮好夾 一份有2件 分量剛剛好✨上湯金魚餃$32擺盤好生動🤭感覺兩條金魚喺水度游緊 上湯餃既外皮剔透 配埋新鮮嘅餡料✨珍珠鹹水角 $26用鳥籠上碟既小鳥造型鹹水角彷彿三隻小鳥坐喺鳥籠入面😍鹹水角嘅皮食落好煙韌 口感不錯✨楊枝甘露$36必食甜品系列🤭用飲管吸既甜品非常足料 西柚芒果🥭唔會太酸甜甜地 好滿足😌✨流沙荔枝球$26被荔枝造型吸引😆荔枝果肉，再加流沙餡料 感覺好夾 好清新🥰📍型點特色點心專門店 (大埔)大埔安慈路1號海寶花園地下15號舖

大埔近排新開左一間新派點心舖 見到店舖係由半島酒店、瑞吉酒店、九龍香格里拉大酒店嘅點心總廚坐鎮 於是就拉埋班同事一齊去試下🙋🏻‍♀️🍴招牌酥皮鮑魚糯米雞 ($52)造型超級可愛！！！🐔❤️酥皮糯米雞真係第一次食酥皮甜甜地 唔會好厚又夠酥脆不過食得多個口就會有少少乾鮑魚雖然細細粒 但味道同口感都唔錯🍴上湯金魚餃 ($32)像真度好高！好靚😍佢嘅真身係鮮蝦菜苗餃個皮比起其他點心舖食到嘅更煙韌 幾特別🍴珍珠鹹水角 ($26)高身嘅鳥籠入面放左3隻雀仔造型嘅鹹水角可愛到唔捨得食😆🍴燒汁牛柳南瓜球 ($32)南瓜皮有甜甜嘅南瓜味 同燒汁牛柳內餡都幾夾不過就略嫌牛柳粒嘅份量有點兒少🍴流沙豬仔包 ($22)造型同樣都好得🫶🏻有豬仔樣 仲有豬仔條尾🐷🐽味道都唔錯 不過就無乜流心效果食完仲有一碟糕點送畀我地☺️點心舖就正正喺老馮茶居隔離我個人覺得味道上老馮嘅點心更勝一籌不過呢間嘅點心造型好靚好igable而且仲可以打電話去book位

最近因為工作比較忙少咗同屋企人飲茶, 夜晚就特登帶佢哋去呢間點心小店, 聽聞是新開張, 而且是由酒店大廚去打理嘅店舖, 叫做型點特色點心專門店, 睇到網上面食物相片咁吸引, 點心可愛嘅造型吸引咗我同屋企人今晚去食!現在大部份餐廳都係用QR code下單, 方便又快捷, 鍾意幾時落單就落單!我哋兩個人一共點左以下12款美食, 包括了豉汁蒸排骨, 經典蜜汁叉燒包, 荀粒鮮蝦餃, 上湯金魚餃, 珍珠鹹水角, 淮山杞子燉螺頭, 雪耳花膠暾海底椰, 鹹豬骨菜乾粥, 酥皮焗叉燒餐包, 白灼時菜, 海苔鮮鰕脆春卷以及甜品楊枝甘露, 來到都覺得好豐富!本身飲茶我都好鍾意食鹹水角, 呢度嘅珍珠鹹水角相當袖珍, 好像雀巢裏的雀仔BB, 外型塑造得有板有眼, 可愛到唔捨得食, 佢金黃色嘅外皮配上薄薄的鹹水角皮, 內餡仲係熱辣辣好新鮮!呢度招牌的上湯金魚餃, 一份有兩隻, 賣相好靚好吸引, 個個都係相機食先, 以透明澄麵皮包裹着鮮蝦及豬肉, 皮薄餡靚, 真材實料, 味蕾有福了!豉汁蒸排骨用最簡單家常醃法, 配上豉椒及辣椒絲等, 蒸出每一件都是又腍又入味的排骨!叉燒包都係我哋嘅至愛, 所以經典蜜汁叉燒包及酥皮焗