城大食坊

營業中

休息中

咖喱魚蛋撈麵： 好食！ $20有找，價錢合理！有野飲！ 咖喱唔錯wo估唔到，魚蛋都唔錯，撈埋d公仔面，分量唔錯，鹹味就岩岩好，有翻dd 魚蛋配住食，一個tea來講，d面煮得幾彈牙，食得落口之餘又唔會太heavy。西多士：原來得半塊，有d扣分tim。不過系厚方包來既，算佢啦。但係炸得太耐啦，d油入曬去，真係太油膩了…. 入面d醬料搽得唔夠，油味大過d醬料味。炸雞脾沙律：雞脾炸得太乾，搞到出面果層太硬。入面反而都仲keep到ok。沙律就普普通通，不過可以再有翻多小小分量就好啦~炒米粉：淡，無味，不過幾香，鹹翻小小就好。

I just went to the city express to have lunch at random one day. This is very cheap. It only costs $20. However, although it is very cheap, it is not worth at all. First, the beans are quite salty and oily. I think it is due to not matching well of salt when cooking. Actually I may a bit disappoint by this;( I order a cup of water to dip them into water before eating  I think it is very clumsy.Second, the tofu are very thin in taste.  I expect the sauce is quite concentrated.Actually, the two ma

晏晝去左CITY AC3食野，佢係７樓，平時去又一城都係去FOOD COURT，好少話入去CITY食野，今日我就黎到CITY所謂最貴既學生CANTEEN尋找驚喜，叫左個燒春雞餐，$38唔包野飲，都唔算好貴姐！成隻雞喎！雞可配飯、薯蓉或者意粉，點都飽肚，我就揀左意粉，有D蓄茄係上面，佢仲落左芝士粉，味道好濃好香芝士蓄茄味！量都足夠，我堂堂一個大男人覺得幾飽！講下隻雞，其實得半隻，都唔係幾大隻，但份量我覺得岩岩好，因為仲有意粉，佢燒到雞皮幾脆，燒汁都好香，雞骴既肉都係嫩既，滑既，可惜隻雞有一半都係雞胸，好難咬開，同埋好「諧」呀，唔係人人都鍾意食雞胸......裡面Ｄ肉仲要冇味，好似烚咁樣，要連皮一齊食先好食囉～同埋佢有比雞翼，但係隻雞翼尖真係燶到黑色，破壞左味道同賣相！食完燒春雞好想飲番杯野，都要另外加錢，作為學生既真係唔可以成日黎食，如果唔係分分鐘破產！建議佢可以加兩蚊就送飲品，相信會受歡迎好多！

愛到入城大也分開預計之中，今日用一隻炸雞脾，一碗出錢一丁麻油麵，見證呢份10年的感情。阿芝，小學五年班開始，由河水不犯井水唔俾過界，去到初中我地越哂界，dse之後，我入港大，佢入城大。 我曾經以為我地咁就一生一世，謝霆峰高圓圓續集，但係阿芝最後揀咗Add的神，我都已經肯定自已係霆峰。呢日去城大canteen, 買咗炸雞脾同餐 腿強一丁，少冰OT!阿芝話我似一丁，浸到淋哂唔好食。 佢就似面頭隻強，又光鮮又亮麗。 我話餐肉煎得好香脆，阿芝話我似塊火腿，一樣咁乾。嗯，呢碗麵好好食，我even 忘記把眼淚抹掉。 最後，炸脾炸得過火，阿芝話食落太乾，唔食好浪費。我食落，覺得炸脾好似我，霆峰，你又點睇

城大canteen 焗飯真係繼續保持低質素。d汁仍然係與魚柳結成一塊形狀 沒有流質。 真係不得了！ 至於最平飯就反而覺得最抵食 又可以加飯 味道又一流！正呀！希望繼續有平飯！千其唔好cut!不過晚間時分真的很多人，相信男女老少最多人就係係City canteen! 

難得今日約左粉絲一齊食午飯~佢提意去呢間食,記憶中有不太愉快的經歷,事隔多年而有人推介,所以都放下過去,再次一試~去到餐廳仍係咁多學生~感覺好熱鬧,搵左好耐都搵唔到位於是決定先買野再搵位~我真心好怕咁做~因為拿著食物周圍走,感覺好迷失,冇乜安全感~好難得搵到兩個位~同D學生哥一齊坐,..感覺自己都老了~我買了一個豆腐燒鴨叉燒三餸飯加例湯例湯 - 蓮偶豬骨眉豆湯,色水好夠,以為好入味,點知自己想多了~入口雖然唔咸,味覺好啖,要用心感受先可以飲得出佢的蓮偶味,間中食到少少豬肉絲同爛了的眉豆..粗略估計了他的材料~點都好,總比飲汽水好吧...豆腐燒鴨叉燒三餸飯 - D飯好硬~真係粒粒皆辛苦(食得)最後要加湯變湯飯先入到口~豆腐唔算好有味,清清地都ＯＫ,燒鴨燒得唔係好脆皮~咁喺飯堂出品~唔敢要求太高~但求佢到水準~叉燒感覺好似食清豬肉咁,唔係好入味,再醃耐少少相信會更好,幸好佢燒得有少少燶,我最中意食呢D燶燶地部份~好快咁食完就走了,因為真係太嘈,所以都不便傾下計~都唔需要打搞呢到的洗手間~總括黎講..這個價錢的話,先放下自己的要求及幻想.. 真心希望佢地他日可以有所進步

晚餐時間 到城大的食堂點了鐵板青魚海鮮珍珠飯 細看之下 其實並不是全部都是珍珠米只是把普通米加入少量的珍珠米而已。食物的材料分量剛好 不能說新鮮 比起paper lunch的鐵板醬汁味道感覺上沒有那麼咸 只有一款醬汁提供 。另外食物的溫度剛好 到用膳完畢那一刻 食物還是暖的。如多點蔬菜會更好。

有緣到大學一行，當然要到訪這裡的食堂，因為價錢真是無得比。而剛裝修好，很光猛，也清潔，而新的七彩座椅更增添了活力的色彩。因為是早餐，食物不要太多，只是煙肉炒蛋配厚多士便很足夠。雖然炒蛋的水較多，但勝在夠嫩滑，而煙肉則很脆，不會太硬或太咸。真的很開心能嚐到這個早餐。

City Express易主, 由城軒轉由美心主理, 午飯時間通常人太擠... 今晚來試試其新開的City Diner (位於餐廳正中央位置, 即以前城大茶餐廳~)主打是跟Pepper Lunch 相似度 90%的鐵板料理, 有三文魚/牛肉/芝士雞肉.... 是最受歡迎之選。 另有意粉。而我要的是咖哩雞肉漢堡●配珍珠米 ($26)那一團炒滑蛋看上去很誘人, 但略嫌炒得太熟, 如留有蛋汁則更美味~旁邊的咖哩是日式咖哩汁, 濃度算剛好, 加上奶白的忌廉汁令其變得更幼滑~ 只是忌廉汁真有點油膩...主角雞肉漢堡面積不大但很厚身, 不會煎得太乾, 面層帶少許焦燶, 咬落有肉汁很惹味~~珍珠米原有點僅熟而不透的硬度, 有些人或不喜歡; 但我就蠻好這種嚼感, 因為有醬汁伴吃的話, 飯還是不要太稔才伴得好吃~~~加$3有汽水, $5有熱飲, $8有凍飲~  加吃來也伐算吧。

城大canteen易手,有喜有不捨。為懷念這裡我覺得算係我至愛的肉燥叉燒飯, 臨別前再來吃一次~還要替它加上一隻咸蛋, 更添幾分愁緒~~ XP這飯很大一碗才不到$20, 肉燥給很多, 對於好汁的我, 是finish整碗飯的要素... 太惹味了, 加上燒得微焦又微甜的半肥瘦叉燒, 和金黃甘香的咸蛋(另加$1.8) ... 多多飯都食得晒 ^^而且, 這裡出名薑蓉任裝 (我甚至貪心的加埋少少茄汁和辣醬), 令這碗飯的味道更豐富~好好味啊~ 但還是要說「別了~~」

小第有很多時都會到城大温習功課，這天心血來潮想吃個下午茶，便到了城大食坊，看看有什麽好食。看了餐牌，有個波羅油下午茶餐好吸引，波羅油同埋凍奶茶都只係$11.5。波羅油外皮鬆脆，麵包就軟綿綿，再加埋一大塊牛油，味道配合得天衣無縫。凍奶茶都算香滑，可惜太多冰，溝淡了奶茶的味道。

來到下午茶時間，總要吃點東西補充能量城大食坊就像food court,有多種不同類型菜式食物，但多選擇又未必等於好食對於對食物有要求的我，實在不能接受城大的食物，因為連最基本的炸薯條也可難食，薯條不新鮮，不脆，沒有鹽味幾乎！點的紅爐掛雞脾，尚可接受，蜜汁味濃，滲透在雞脾之中算入味，肉質結實而嫩滑，感覺也算新鮮雞脾size與價錢成正比，不過其實如此價錢（$18.5連熱飲），實在是不能抱太大期望！用餐環境很寬大，不難找位置，服務就普通值得稱讚是多款食物都很港式，感覺有親切感，而且價錢親民

三月上旬•晴應邀來城大講一堂課，忽然心血來潮想試試大學生的飯堂水準如何，只見網上點評以「淒涼面」及「OK面」居多，或者大家對這裡印象麻麻。來一客叉燒飯，叉燒帶點肥，腍滑不靭。味道對我來説有點過甜，不過相信是沒有幾多人會如我般抗拒。醬汁不過甜，飯反而帶點硬。以$18的價錢，感覺上是不能要求更多的了。有兩點值得談談：在這裡如要求扣底，可減一元。旨在減少廚餘，抵讚！我是扣了底仍覺得飯很多，絕對夠飽。講學完，仍要趕赴飯局，疲於奔命的一天。

任何大學的飯堂都出名價廉，但物美就不一定。今次來到城大食坊，又發現食物款色很多，味道也不錯。最愛下午茶來這裏享受一番，要了雪菜肉絲米，多春魚和沙嗲肥牛，配上凍檸茶，份量十足，價錢又平。雪菜肉絲米的湯底夠味，配上米分也不會失分。沙嗲肥牛的沙嗲汁也香濃，唯一不太好的是肥牛太肥，只算牛肉位置太少了。多春魚也不會油膩，不會感受到食物是隨便而做出來。

27/3/2013 今日約左同事一齊去食快餐~由於時間緊迫,所以過左城大學生飯堂~!好耐冇黎過了~!!感覺自己都後生左~!!今日想食得清淡D,喺未睇餐牌前已經諗定食乜野, 但係去到就冇我想食既野~於是叫左個佢全餐牌最清的飯餐’’豆腐斑腩’’飯,之後見到佢可以加錢加D麻辣雖然今日想食清D,但我又鬼咁中意食辣…睇落又好吸引所以忍唔住口,加左碼~!仲有中湯做餐飲比左錢阿姐明明話叫我睇NO.出黎拎飯,咁我就大安指意咁返位坐等左5分鐘都未見我個NO.彈出營光膜,心感不妙,眼見排我後面的朋友都已經拎左食緊,於是就出去了解下,發現我碟飯已經擺喺到無人認領..派飯阿姐仲話擺左喺到好耐,問我做咩唔拎~我的天..我太想信佢地D新科技~拎左返埋位,唔知係地方暗定係我碟飯D色真係好暗,總之一句講:暗我心中諗住的豆腐斑腩應該係冇咩色水,好清淡最多加返少少汁,估唔到佢地一D都唔求其,加左少少醬汁做芡,加埋我頭先的兩蚊麻辣..味道怪怪~飯好大碟,可能附近有地盤,所以配合返大男人所以好多飯~~只係對我黎講係個挑戰我大約數過豆腐斑腩各5件,份量都算OK但係食落冷冰冰~斑腩食落好硬,一D都唔似新炸起~(我以意係好似炸左