影片
營業時間
星期一至日
09:00 - 21:00
以上資料只供參考, 請與餐廳確認詳情
到底何得何能高質美味過群記呢？完全感受不到，普通平凡到不得了的非常清湯清湯腩。而且零招呼，坐低成分鐘，收銀四眼鬍鬚仔繼續同朋友吹水話知您，終於有位大媽係廚房衝出替我落單，四眼廚師走出廳面攞紙巾拉低口罩挖鼻，再回廚房做我張單，狀甚可怕！研究下餐牌，外什麼帶？依度係香港，外賣就係外賣！捍衛廣東話，捍衛繁體字！依舊零招呼，自便坐下隨便大叫想食什麼，四眼鬍鬚仔收銀依舊自顧自地坐定定打機。花膠濃湯娃娃菜，爽甜鮮嫩，湯汁濃郁真的不錯。上湯浸菜芯，出乎意料不是蠔油撈而係湯浸，半爽半嫩半甜，中規中矩過關。咖哩三寶，索價 $25 蚊全部乾乾暗啞，微波叮熱嗎？蘿蔔爽而帶酸帶澀，放棄！豬皮吸盡咖哩汁輕辣爽爽，魚蛋結實有魚香冇咸香食得到陳皮味。黃金花雕雞中翼，熱辣辣送到，黃色似咖哩雞翼，聞落酒味攻鼻，食落酒味重到嗆喉！趙落雞皮雞肉苦苦澀澀，似隊緊燒酒，硬頂兩隻放棄！爽腩麵，聽聞後街依間基哥清湯腩好食過群記？試過便知龍與鳳，口中爽腩都只不過係普通料，無膠無黐無甜無牛脂，連生龍都比不上。微暖近乎室溫直接灌入唔怕灼傷，快靚正即閃！廚師叔叔耐心介紹，有爽腩有崩砂腩，有生麵有上海拉麵，而且坑腩唔值錢，食爽腩更美味。半爽爆水微甜不酸凍蘿蔔，有陣陣鹼水味的生麵，辣椒油味道似足豆瓣醬。一品崩砂腩河粉，跟我認知的外觀完全不一樣，正常崩沙有厚厚筋膜的嗎？眼前的腩肉鬆化有彈性沒半點渣，牛甜味芬芳蠻不錯。清澈見底的湯汁，味道濃濃牛精味。河粉比幼麵好，起碼無難聞鹼水味。滑滑完整拖著濃湯啜得開心，最後飲得一滴不漏。咖哩牛腩飯，只可供應普通腩，無得揀爽腩或崩沙腩。有牛腩有 7 小粒，幸運號碼？咖哩味道似層相識，不是茶記味道，跟我食過即食錫紙包裝咖哩一模一樣。甜甜蜜蜜而不辣的，薯仔腍到變薯蓉，咖哩汁薯蓉搭鬆軟牛腩粒撈飯也不錯。牛雜撈麵，腍腍牛脷、爽爽牛筋、硬硬牛腩、軟軟牛肚，牛雜不是指內臟嗎？蠔油有意識地畫圖案，是格仔嗎？清湯夠濃郁忍不住飲多幾口，但副作用強烈，想頸渴死我咩！菜有菜味、腩有腩味、雜有雜味、鹼水麵有鹼水味，有料！到底識唔識煮麵架？陣陣鹼水味，勁隊辣椒油都未能蓋過。梅菜扣肉飯，突然常食飯求那期唔諗！點解一放低感覺係廚餘隔夜餸翻叮呢？成兜梅菜扣肉倒落飯，多多肉多多菜少少飯連汁塞得嘴仔滿滿，瘦肉鬆他黏著滑滑油香肥膏，搭著爽脆甜梅菜，意料之外食得過。花膠濃湯鮑魚崩沙腩烏冬，難怪有位阿叔食客要求走蘿蔔，我咬一啖放棄！不鮮不甜帶青味帶生水味。崩沙腩？崩沙在那？有必要切到豬柳那麼大塊嗎？平庸的味道無特別。花膠屬火鍋魚肚質素，滑嘟嘟少少膠，湯汁濃厚魚肚味道，清爽可口。即食罐頭鮑魚一啖整隻啪入，微彈嚥韌，陣陣鮮鮑味。幸好係手打烏冬，唔係廉價即食烏冬。滑滑有米香，腍腍有咬口，稍為煮過火一點點。辣椒油有著上海辣豆瓣醬影子，配麵配河粉完全唔夾，但跟烏冬天作之合。
繼續閱讀
呢間清湯腩真係好高質，性價比爆燈崩沙腩河竟然$38，加牛筋$8，加花膠竟然$5！！依家啲牛肉咁貴，竟然賣咁嘅價錢，重牛味唔可以話煮得超淋，但咁嘅價錢，絕對係物超所值，個湯底又好飲唔明點解呢間黃店咁都無乜人幫襯，睇嚟大埔競爭真係好大......我覺得呢間店真係好有誠意，個外賣盒分兩層，唔驚河粉吸晒d湯，附加葱花炸蒜蓉，唔使開聲問，都另外俾埋辣醬店員又有禮貌，忍唔住買多包急凍清湯腩希望佢生意快啲好返啲！黃店加油💪
繼續閱讀
呢間野聽街坊講過好多次今日終於嚟到食呢間清湯腩真心有啲小期待舖頭位置未算話好方便但係有心搵嘅都會搵到講番野食：主角牛腩主要分咗崩沙腩同爽腩我就貪心咁樣就嗌晒兩隻都係當雙拼加$8首先崩沙腩就帶肥膏，口感好特別好香而爽腩就顧名思義食落去係爽口嘅另隻腩都好值得試食完會掛住仲有個湯底我係飲哂唔係同出面一樣係味精湯湯底好鮮好濃老細之後得閒仲過黎吹下水話湯底係用紅棗花膠等等嘅藥材去煲唔怪之得咁正埋單一碗$46絕對抵食好有誠意既牛腩麵
繼續閱讀
一早就知道有這家新的清湯腩，但是沒有空來嘗試，有天想不到吃什麼🤔，就剛好可以來了。位處街市轉角位，看上來很舊式，賣相好像舊式豆類製品店。第一次來，你不知道它的味道，雖然明知道叫雙拼應該會少一些，但由於友人點的是湯飯，因此我還是勉強點樣個雙拼，一次過可以試兩種。牛脷，分量普通，因為只有兩片，但都非常大，雖然牛脷不算太厚，但是味道香濃，薄切的牛脷放在湯上邊，軟軟林林，質感還算不錯，與日式燒烤的厚切牛舌，質感截然不同。反而清湯腩，因為我要的是爽腩，亦都是薄薄長長的，脂肪以及表皮的比例不算太多，以瘦肉為主，因此不算格外出色。下次再來的話，可以試一試崩沙腩。米線出色，第一，份量夠多，應該比起其他牛腩店多，網網千斤；第二，米線煮得煙韌，總不會因為它是間牛腩店而求其煮，有心有誠意友人的湯飯套餐，原來包了飲品，還算划算。看到人家的凍檸茶，也不差，有一次了，茶香夠濃，味道還算不錯，而且，細細個的凍杯之中，竟然有五大片檸檬，難得難得。辣椒油味道也不錯，夠香夠嗆。但是這間店舖的室內環境，雖然好像有點冷氣亦都見到有風扇，但是亦都比較炎熱，要抵得熱的食客才能夠來。
繼續閱讀
呢個星期入左大埔舊墟既富善街行下同揾啲乾貨入手。之後一齊去食左碗清湯腩做lunch😃⠀爽腩清湯腩麵 ($35)⠀半肥瘦牛腩，好有咬感！連埋湯飲，絕對唔會有好肥膩既感覺。⠀⠀番茄牛腩清湯腩麵 ($35)⠀香淡既番茄味，令到碗麵食落比較鮮甜，但係牛腩比爽腩硬少少。⠀好港式味道既腩麵店，平令正，都好多人幫襯。份量都好多，無論麵定系牛腩，所以經過會再食下，真心唔錯。不過環境比較迫，同埋夏天食都比較熱，冬天食應該幾正
繼續閱讀