堅信號上海生煎王 (已搬遷) 新店位置

在香港生活，上海菜，絕對是深入民心的。高級的有高級的食法，平民的，一些已經香港化的上海客飯館子，一些專賣鍋貼、生煎包的小店，各有各的獨特風味。(以上是旅港上海菜的感受。) 這一次，就要同新派素食混為一談了，因為是日來到的一間以傳統港式上海小館形式經營的《上海生煎皇》， 同 OMNIPORK 合作，推出了一系列的"新豬肉"上海菜式。這一天，同太太身在深水埗，就在高登商場對面的《上海生煎皇》，品味 "新豬肉"。表面上同實際上，這是一間以生煎包為主題的上海小店。格局很平民，出品也是大眾化的。兩、三個人，行行街，吃吃東西，需要飽也好，不需要飽也好，《上海生煎皇》都可以滿足大家的。簡單的，有滬式點心，豐富的，有飯也有麵。這一天，是為了他們宣揚的 "新豬肉" 菜式而來。我們一埋位，就發現一張很精彩的 "新豬肉" 套餐 menu。新豬肉日式咖喱小籠包，是我們第一次來吃到的 "新豬肉" 美點。因為是 fusion 的咖喱餡，所以連小籠包的皮也呈黃黃地色。也許，這是方便員工們不要拿錯給客人吧。吃慣了肉味濃的小籠包，吃起這一個來，感覺不習慣的是咖喱的味道而不是 "新豬肉"。因為該 "新豬肉" 的味道很濃，

上次食完一次生煎包覺得好正今次再約fd食飯去返呢間試新野Lunch time比較多人要排隊等我就叫左個堅信號厚切飯配菜飯另外叫多個小食紅油抄手同豆腐夠哂豐富🥰🥰🥰呢塊豬扒係我食咁多豬扒黎講都算係數一數二咁好味呢塊豬扒先前既做既功夫好好就係醃得夠耐所以咁入味睇落都算厚而且咬落去好淋我覺得自己好似食緊叉燒肉咁淋而菜飯好難得多菜同新鮮抵讚👍另外紅油抄手都唔錯入面啲肉好足料如果個皮再薄啲既話就prefect啲辣油味道好香正

以前喜歡食嘅上海店執咗笠，終於等到呢一間新店開啦。都係食生煎包嘅，不過門面靚啲。生煎包呢一間都好好食，裏面啲湯好燙口，外脆，但係入邊嘅豬肉味道一般。酸辣湯麵冇以前嗰間咁好食，啲湯有啲淡，唔夠濃。同埋啲麵唔夠彈牙，好似食緊粉一樣。豆漿就好似送嘅一般，淡而甜但冇豆味。我諗食埋呢次下一次⋯我會再試吓其他的⋯

第一次寫食評，食過好多好野，但驅使我想第一次寫既主因，唔係食物，係感覺到服務既誠意。今日陪屋企人睇完醫生去搵食，經過裝修後既新店決定幫襯，因為之前食過舊店，覺得平靚正，見裝修後環境更舒適，所以入去翻食。嗌左擔擔麵，厚豬扒菜飯，小籠包，生煎包，同兩杯豆漿。等既時候，可能近排天氣涼左，入室內對住冷氣風口會易感覺太凍，所以同屋企人調轉位置坐，等佢唔駛對住風口，店員見到，主動熄左近我地位置既冷氣，呢下細微舉動當下好感動，尤其我完全無出聲要求過，呢啲係真正既服務誠意，唔係好似海底撈果啲為左賺你錢而夾硬做出黎既服務。講番食物，擔擔麵我覺得好好食，因為夠花生味，個湯夠厚身，生煎包都好食，大細適中，汁多皮脆，小籠包都多汁，當然唔係頂級，不過以小店黎講，我覺得已好好食，豬扒做法似叉燒，半肥瘦，可能食慣炸豬扒既做法，個豬扒就唔係我杯茶，埋$11x。總括黎講，仲係平靚正

放工行過見有位入去試下，叫左生煎包，上海粗炒，上海雲吞，雞絲粉皮生煎包偏硬，味道同size都比祥x記差，舖頭招牌生煎包味道竟然如此，令人失望雞絲粉皮味道正常，不過不失上海雲吞正常，上海粗炒非常咸，同行重口味朋友都頂唔順，食左半碟就放棄了，問一名後生女員工拎杯水，佢顧住玩手機，叫左2次先有反應，佢由我地入座帶位一刻開始keep住全程黑面厭世樣食物質素一般，員工態度都不好，深水埗咁多選擇，應該無下次了

之前好想食生煎包，點知遇上裝修。今次終於見到佢開，立即入去食🙂但估唔到裝修後難食成咁🤮生煎包個底超硬，真係皮薄，一夾啲汁就流哂，仲點食到佢講既3步曲食法？😔以前未改名，一入舖已經見到師父即場整緊，好新鮮，宜家廚房遮住，你見唔到裏面點整，難怪味道同之前差大遠。員工服務超差，全程黑面，差唔多一點鐘都有幾枱無人，唔叫佢攞隻碗都無諗過會俾你。請老闆改善下服務質素。深水埗太多美食，特登黎到深水埗，唔會再㨂難食既生煎包，下次寧願排文記好過😎

其實我都幾鐘意食上海菜，今日就搵左一間同一眾同事黎食，叫左唔少野食，埋單仲一d都唔貴，所以都幾值得同大家推介下。叫左生煎包、小籠包、炸排骨菜飯、紅燒肉菜飯，仲有水餃湯麵，份量唔算少，味道亦唔錯！值得一試！小籠包一籠有4隻，熱辣辣皮薄餡靚，好食！生煎包有成5隻，夠香口！

初初以為係有炸粉個種排骨，黎到先知係好似叉燒咁，好特別😂，一半似叉燒，一半似豬扒咁，肉質有咬口，回頭率高👍🏻。..色水夠曬靚仔，唔會太重味，但就唔夠獲氣，同埋唔算大份，五十幾蚊黎講我會試下其他😣。

剛做完運動，但又有點餓，就跟朋友一同來到，點了一些食物share一起吃。上海厚砌炸排骨菜飯($48)排骨很稔很軟，很入味，非常好吃，菜飯的菜亦夠新鮮，沒有發黃。.堅信號生煎包(2個) ($18)熱度很足夠，咬開一口，內裏充滿著燙口的肉汁湯汁，雖然十分燙口，但十分之美味。肉汁湯汁不幾溢瀉出來.麻辣土豆絲($34)爽口，辣味在口中徘徊，愈吃愈辣，土豆絲上放了辣菜圃，味道也不錯。怕辣的人後期未必受得了喇.下次要再來吃。

之前在上海生煎王旺角店及深水埗店吃過很多次他們的生煎飽都很有水準好好味。昨天再到深水埗店，現在改名為堅信號上海生煎王，店名改了，估唔到連招牌食物都變了，我點了一客兩個的生煎飽和炸雲吞，等了差不多二十分鐘，先送來的炸雲吞買相太好，皮是厚厚的，就連之後上枱的招牌生煎飽買相都是很差，整個飽是扁扁的，肉餡少湯汁更少，飽底煎過部份不是鬆趣而是粉粉的趣，與之前食過的有很大分别，希望他們能夠改善，再次做出有水準的招牌生煎飽。

今晚行經這裡，沒有什麼好吃，即本入去試試。餐廳環境不錯，乾淨的，店員也很有禮貌。叫了雞絲粉皮、生煎包、小籠包及排骨粗抄。先講雞絲粉皮，味道還可以，但略嫌細碟了一些；生煎包，夠熱，但汁較少皮也略厚，一般；小籠包還好的，細細的一個；排骨粗抄,唔似是即抄的，有些象用微波爐整熱的，麵上有一點點的油，排骨好硬而且很厚廉大件。最後被相片呃了，叫多一碟紅燒肉，這碟真差得太離譜，硬得似湯渣，裡面的肉很淡色（無色）而且無味，根本就煮得未夠火喉，完全失望。

今日出黃金買嘢， 老婆喺openrice search到這間店舖， 而且新開所以一試。價錢正正常常， 款式種類一般。生煎包唔錯，有湯皮薄。韭菜餃冇乜韭菜味， 但皮都算薄，湯底唔錯。鎮江肴肉味道唔錯， 但底面的皮比較韌， 影響口感。上海粗炒話就話炸排骨，其實只是普通的無骨 瘦肉， 不過味道還可以。小籠包只影了上層的灌湯小籠包，無影下層的蟹粉小籠包， 皮薄有湯， 雖然本小弟唔覺，但老婆話蟹粉有點腥。後加的炸雲吞新鮮熱辣，皮脆， 豬肉帶點黑椒味，幾野味。今次三個人， 三百蚊有找平均每人100蚊， 份量唔少， 味道中上，環境唔錯， 可能時間早，客人少，上菜比較快， 整體評分唔錯值得一試。