堅信號上海生煎王 (已搬遷) 新店位置

今日出黃金買嘢， 老婆喺openrice search到這間店舖， 而且新開所以一試。價錢正正常常， 款式種類一般。生煎包唔錯，有湯皮薄。韭菜餃冇乜韭菜味， 但皮都算薄，湯底唔錯。鎮江肴肉味道唔錯， 但底面的皮比較韌， 影響口感。上海粗炒話就話炸排骨，其實只是普通的無骨 瘦肉， 不過味道還可以。小籠包只影了上層的灌湯小籠包，無影下層的蟹粉小籠包， 皮薄有湯， 雖然本小弟唔覺，但老婆話蟹粉有點腥。後加的炸雲吞新鮮熱辣，皮脆， 豬肉帶點黑椒味，幾野味。今次三個人， 三百蚊有找平均每人100蚊， 份量唔少， 味道中上，環境唔錯， 可能時間早，客人少，上菜比較快， 整體評分唔錯值得一試。