堅料豬手車仔麵店

營業中

休息中

入到嚟元朗一心想博下有冇機會食到佢馳名嘅煲仔飯！呢個世界真係冇僥倖嘅！😜門口不少宣傳單張及雜誌都提及佢嘅豬手都係出名、就即管一試！😜我和男友分別點咗👇🏻👇🏻👇🏻「豬手豬腸白蘿蔔豬手湯粗麵」佢既招牌豬手今日有D失手、未夠淋、豬皮上好多短豬毛、「桔」口影響口感！蘿蔔和豬腸就唔錯！湯頭也可以！「牛肚牛孖筋豬紅牛湯河」牛孖筋👍🏻正、牛肚未淋、豬紅、不過不失! 好彩整體食完冇口渴！😜值得一讚反而係啲姐姐服務態度好好！今時今日係可遇不可求！👍🏻😘😘至於他日會唔會預訂佢哋嘅煲仔飯而專程入元朗！我諗我應該唔會！😅

YO 又係我地閃閃哈打今個星期天氣咁凍除左食火鍋 仲可以食咩呢?答案就係煲仔飯喇~今次得地試左兩間 分別新界同9龍既代表睇下邊間好食D啦~第一間我地黎到位於長沙灣既雲南老巷老實講 見到個名都知呢一間主打既唔係煲飯 係雲南菜不過佢地係門口放左一個個煲仔煮到好香 我地就咁被D香氣吸左入去呢到裝修擺設都幾「骨子」我地原本叫左一個臘味煲仔飯、拍青瓜同口水雞絲粉皮可惜佢地上錯左 不過發現時我地已經食左一件雞 都唔好意思叫姐姐換講返食物既味道啦拍青瓜同口水雞都係用同一款辣汁唔算太辣 但講唔上好突出正常小菜而佢地煲仔飯就充滿油香 臘味都足料可惜飯焦唔多 而有飯焦既地方就黑過頭個人覺得只係合格 但我地偷睇到隔離枱果碗飯焦比我地多又金黃睇黎師傅控制火喉既功力有待加強跳返入去新界 今次黎到出名多好野食既元朗試一試呢間堅料 係唔係真係咁堅先我地係星期六3點左右到 朋友一早BOOK 左要食煲仔飯及柚皮豬手我地叫左3人份量 煲仔飯由煲仔變左大煲見到入面臘味十分豐富當中最有驚喜就係臘肉及潤腸 香而不油至於臘鴨我地覺得偏鹹少少 要食多兩啖飯中和下食完飯 仲帶少少飯焦 可以加湯汁撈飯 呢一下真係完勝9龍代表仲有佢個柚

堅無服務，問問題冇人應，食煲仔飯要打電話訂，堅吹脹，walk-in客,實知啦！等位又唔問有冇預約，食d咩！到坐低，問有冇煲仔飯，（你有冇預約，冇就冇得食！堅吹脹！

真係堅料, 堅係無服務 堅無地方 服務員個個堅黑面.. 仲要差不多叫乜無乜🤦🏾‍♀️🤦🏾‍♀️ 雜誌話柚皮必試，無得食🤷🏾‍♀️🤷🏾‍♀️🤷🏾‍♀️🤷🏾‍♀️然後滿心期待 等咗成個鐘。。。結果佢個煲仔飯.... 我未見過無煙出嘅煲仔飯, 摸落去 堅係唔熱 油鴨堅係生嘅🤔 我都堅係第一次見🤭原來 雜誌 講嘅好食 都只係堅虛有其表😏叫咗個車仔麵，4個人去餓住肚走。。。。。。超失望！！！！！！！！

近排某雜誌吹捧到天上有地下無嘅堅料煲仔飯，今晚有幸一試，滿心期待而去，點知失望『中伏』而回，首先講一下主角 飯～暖暖地、二人份都要叫多碗白飯先夠飽，因為得三碗仔唔滿嘅飯，連飯焦四碗仔都唔夠(是晚得我同朋友兩個正常飯量女子)，再講一下配角臘味 臘腸～得甜味，臘肉～普通，臘鴨～又咸又梗、完全無鴨嘅甘香，潤腸～四種臘味嚟講叫做最好食、肯定唔係一般街市平價貨，嗱！講到最重要嘅 飯焦～無焦香、薄薄一層un嘅，某雜誌話老闆會用茶幫客人煮飯焦粥，莫講呢個服務無之外水都唔比杯你飲啊，記得某雜誌有推介個限賣嘅老火靚湯(响螺頭 南北杏 蘋果 雪梨 豬骨)，無理由試㗎，Er！咁大個人第一次出面飲到例湯係乜湯渣都無、而且湯頭清甜色淡『心照不宣』，口渴返到屋企要狂灌水先掂。ps. 利申相片係我即場影無偷圖㗎，證明相片吸引唔代表一定好食

早三天打去預約了二人份的煲仔飯，滿心期待，預約時間是7:30pm，早了10分鐘到，但等到8:25pm先有得食，都不要緊，明白樓面姐姐都已經忙到踢晒腳。預約左都要等一個鐘，我算數。終於等到煲仔飯上枱，好開心！一打開，得一舊臘鴨？一舊？一舊？一舊？本來都想算，但諗諗下，我要臘鴨煲仔飯但無臘鴨，好似講極都講唔通，仲要我叫的是兩人份量，少極都至少要兩舊啦！一舊你想我點分...?於是都禮貌地問姐姐是否漏左。姐姐見到得一舊都有點呆左，問完廚房先知原來已經無晒臘鴨...我覺得，其實無晒，只要你放上枱時講番聲，我都覺得無所謂了，畢竟我都一向支持提供有質素食物的小店，但你咁樣如果我唔問，你就當無事發生，咁又講唔通囉。臘鴨煲仔飯無臘鴨，等同踞扒無左塊扒...最後平心而論，呢個得番臘腸潤腸既煲仔飯係非常入味，非常好食的！絕對食得出廚師的用心（加上我地肚餓到一個點...)所以最後忠告係，預訂之餘，要打定底先好入去等食，因為我坐左一個鐘已經見到兩枱客等到發老脾走人...但我都想同大家講不要為難阿姐姐，因為咁忙佢地都好慘，你話佢，佢又變唔到個飯俾你...總括而言，食物質素高，但管理上有 大 大 改 善 既空間！

由我 2011 年加入 openrice 以來, 一直都好希望寫到一篇食評可以入到"編輯推介"的食評,但當然, 既要文筆生動, 又要圖片精美, 而最難的部份. 就莫過於係遇到真真正正色香味俱全, 質素與服務俱佳的食店,又談何容易呢 ? 久而久之就失去再寫下去的理由, 曾經迷失過一段時間.....在 2017 年結前, 我遇到上述餐廳了, 一間從門面完全只以為有車仔麵供應的餐廳, 如不是有朋友誤打誤撞, 之前光顧時見另一桌食客在吃煲仔飯, 於是多口一問, 都不知道原來內有乾坤最近天氣漸有涼意, 正所謂 "秋風起, 食臘味" 這是前人的飲食大智慧, 於是找好三個貪吃朋友, 預訂一客 "四人前, 臘味煲仔飯" *注 : 由於店方原先設定常行餐牌並不是供應煲仔飯的, 而且需時準備好料及處理食材, 所以必須預訂的一個臘味煲仔飯, 看似簡單, 用煲煲個飯, 隨便放些靚臘味上去......但要製作一個精緻煲仔飯, 果真如此就交貨嗎 ? 很明顯不是吧 !! 在等候開飯時(我們預約開飯時間係下午兩點), 由於是午餐時段剛過, 當時客人不多所以有與店主閒聊起來,店內大部份晚市供應的私房菜式, 以致足料靚湯

#堅料豬手車仔麵堅：吾係認叻，而係厨師個名字日問主打車仔麵，调味不错詢眾要求：平時都煲足料例湯 供應附近街坊OL今日呢個ClayPot Dish. 係新出品臘味4kind, w.Rice。。。。。。。。。。。。平時出外食飯選址要求不外乎想试试店家既選材、刀功、調味掌火、心思、環境、訂價試從每一方面去賞一賞臘鸭肶：去肥边、退鹽工序 just fit.不会太淡太咸，仍留有足夠咸香鴨肉味被釋放浮現，留有嚼勁，食材熟悉呢方面見功力。我欣賞！其餘三式臘味，味道新鲜酒味香醇，份量糠慨選材呢方面見功力。我欣賞！米飯:浸米時落水精準，原煲 連米帶水，直接上爐(不另加水)食材熟悉呢方面見功力。我欣賞！飯焦：只薄薄一層，圍边金黄！掌火呢方面見细致。我欣賞！陳年普洱浸泡飯焦，濃醇靚茶，将飯焦香氣引出來，油香因占了水，經醇香蒸汽帶進鼻咽，又是另一層享受。心思呢方面見功力。我欣賞！今天，仍有厨師苦心烹調ClayPot dishes. 實在少，各位欣賞者，快來。

搬鋪前每星期總會去吃一，二次，因為平靚正，餸的份量多也好吃，以前一大碗5-6 餸才$40 元，現在搬鋪後價錢貴了很多，5餸＋可樂$74，除了蘿蔔其餘只給大約3至4小件，尤魚已經是給最多反是最大片，最好吃是柚皮，每次也必叫的，但食完勁口喝，下味精也得太重手了，回家狂喝水！晚餐叫的小炒雞飯，全碟羊蔥，叧只有5-6 件小雞但差不多全是雞骨，我知道租金貴，但吃完好像沒吃過又有誰會回頭？希望店家看到後能改善，我也多一間選擇。

今日上OpenRice才記起這店, 上月剛搬入元朗, 新居換了電磁爐, 未有新煲就冇住家湯水飲.  鄰居推介呢家, 佢哋逢星期二, 五就有老火湯, 一碗廿五. 我試咗五指毛桃豬骨湯, 其實都想食湯渣, 不過碗不大, 都係飲多啖湯好啲. 湯水不錯, 不過可能早去, 有點覺火候可耐些, 但冇味精已覺超值. 然後叫咗碗車仔麵, 試佢招牌的豬手, 唔, 不會太淋, 有咬感, 也入味, 加工12元叫多一份有兩小件, 連汁吃更佳. 最欣賞不是一味的鹹, 也試了它的柚皮, 做法很清爽, 現在很少店家願意做, 店家在不是柚子當造的日子也肯用乾的柚子皮入餸, 功夫多很多, 值得一讚, 下次定會試它的新鮮柚子皮. 這店的食物看來不會太重味和重油, 印象很好. 看菜牌它們有晚飯小菜, 很合兩口子來吃. 下次再來試哈哈會連圖的了

最近天氣比較熱，好耐無去食車仔麵喇。有時天氣熱真係唔想食d有湯類嘅食物。不過好耐無食呢度嘅豬手，有d掛住佢嘅味道。一入到去老板娘就問要唔要碗湯，今日係豬肺湯，之前都有飲過佢地嘅湯，無味精仲要唔貴，佢仲會問你要唔要湯渣tim！老火湯果然係好飲d，好有媽媽嘅味道！車仔麵我多數都叫三餸，之前試過叫BB辣對我嚟講都辣左少少，所以今次唔要辣要腩汁。三餸叫左蘿蔔、咖哩魷魚同埋豬手。豬手係佢地招牌野，炆得好入味，即時補充左好多骨膠原。蘿白好清甜，咖哩魷魚少少辣好好味。夜晚佢地仲有小菜飯餐，下次要去試下先得！

元朗有很多車仔麵店，但每當一個人吃晚飯又不想吃太飽之時，總會想起＂堅料＂本人認為堅料最好吃的＂餸＂是特色豬手和豬大腸。豬手以秘製醬汁炆至軟腍入味，近乎入口即溶，又不會太肥膩豬大腸是滷水的，腸身爽口，內裏的肥膏份量適中，入口有豐富油香，超正麵的方面我一般會選印尼撈麺，這兒還可以選擇＂加辣＂，更添惹味！飲品本人強烈推介自家製菊花茶，淡淡菊花清香又有甘甘的茶味，十分解渴＂堅料＂真的是真材實料，堅