塚田食堂

營業中

休息中

放假約朋友去將軍澳食飯，見這間日本餐廳種類頗多好吸引，就坐低試試吧！平日吃午餐好正，有沙律、飲品和甜品任飲任食的。沙律約六至七款～～～車厘茄、粟米、紅蘿蔔絲、青瓜絲、酸蕃茄碎、沙律扭扭粉和沙律菜🥗飲品方面仲多選擇，汽水🥤果汁🧃特飲🍹和花茶🍵等等。原本諗住吃4品、5品套餐的，最後都是想食燒牛肉。😁😁安格斯牛小排&牛柳粒定食 $118 🥩既有鮮嫩多汁的牛小排，又有肉質鬆軟的牛柳，一個套餐可以同時享用兩個部位的牛肉，首先揀一粒帶肥的牛肉搽在鐵板上，令燒牛肉時就不會燒燶和黐底，一人份量也足夠今餐真的超級爽。天婦羅定食 $88 🍤海蝦和各種蔬菜裹上特製的天婦羅漿，用高溫油炸出香酥不膩的天婦羅。可根據個人喜好將蘿蔔茸放在天婦羅汁中，蘸汁享用。薄薄的脆漿炸得很鬆脆，海蝦新鮮夠彈牙，南瓜鮮甜，秋葵金菇等很爽甜。

沙律吧平平無奇，冇雪住啲菜，有衛生風險。蜂蜜綠茶完全冇味，感覺好似加咗水稀釋（有落冰，但茶係室溫，如果落冰就會太淡，咁都係餐廳問題）。主食問題巨大，飯量少而凍，食兩啖就冇咗八份之一。天婦羅一般，溫度唔高，唔似即刻炸，唔點汁基本上冇味，茄子炸得唔算好透，唔知點解有紅椒。點名批評溫泉蛋燒牛肉丼，牛肉多筋，洋蔥生，有茶樹菇（唔合適），最大問題係沙律醬，完全唔搭，破壞咗成碗飯，難食過UST飯堂。以上種種加上過百嘅價錢，建議所有人都唔好入去。

🚩款式種類廣 中價日本定食🚩📍塚田食堂香港的日本菜普遍昂貴，如果對食物質素稍微有少少要求，普通一個定食大多都要至少一百元以上。今次就介紹給大家一間價錢合理的日本定食店，住在將軍澳或在附近工作的朋友有福了。塚田農場提供的午市套餐款式廣泛，刺身、肉類定食、壽喜燒、燒肉，甚至自選定食均有，絕對能滿足你對日本菜的任何一方面喜愛。凡惠顧套餐更可以免費享用沙律吧。🍴南蠻炸雞定食 ($78)先講沙律吧，範圍不大沙律配料亦只有基本的幾樣，例如粟米和小蕃茄。不過沙律吧亦提供多款飲料，由普通罐裝飲品到茶包，全部任你飲。沙律部分雖然有點失望，但免費來說還可以。南蠻方面外皮雖然不夠脆，但雞肉充滿肉汁，嫩滑無比。雞的肉質亦很出色，感覺上不像普通雪雞。他他醬配上南蠻雞非常夾，不會過甜又能提味，食飯一流。説到飯，不得不提飯粒頗濕潤，喜歡吃水份重的飯的朋友必定會喜歡這個。價錢方面$78元絕對是相宜，加上份量很大，十分抵食。眼見其他刺身飯價錢亦不貴，所以誠意介紹大家來。

呢間一到假日又係多人等位，因為日式料理嚟講佢算抵食，好多選擇都唔過$100。Menu選擇都廣泛，由照燒雞扒、到天婦羅、到燒肉、到打邊爐都有，入嚟唔怕無嘢唔啱食。見隔離食燒肉好香，就索性跟住叫燒肉餐，燒肉set有豬腩肉同埋肥牛。肉質未算好靚，但亦唔太差，起碼唔會大部分都係肥膏位。份量都唔錯，每款肉都有6-7片，夠哂過下口癮。自己燒比起佢煮好比你，係會香啲同過癮啲，始終呢啲肉比較薄，好快就煮熟，不過就會搞到成身都係燒肉味🤭

食物方面：-壽喜燒不錯，配合三文魚飯撈溫泉蛋，好好味😋😋😋好似加$20配自助沙律bar，有飲品，cake（普普通通），沙律，通粉等，通粉幾好食，有驚喜😆😆😆服務方面：正常😄😄😄環境方面：做得舒服，傾計都ok😆😆😆性價比方面：唔算貴，兩個人$300左右👍🏼👍🏼👍🏼備註：如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆

有御膳、壽喜燒、烏冬、定食等另外叫定食可+$20享用出面自助吧有飲品任飲、沙律同埋兩款甜品牛肉壽喜燒鍋燒烏冬定食 ($98)牛肉排得幾靚 不過肥肉同筋多😗烏冬都幾煙靭 腐皮正常～另外仲有個迷你刺身飯 食埋就啱啱好前菜有啲醃青瓜、另外嗰個唔係好知係咩😂仲有一隻溫泉蛋 不過有啲熟成個餐都選豐富 男仔食嘅話份量就還好豚肉味噌湯帶炸池魚定食 ($98)前菜同牛肉壽喜燒定食差唔多不過就多咗一個蒟蒻嘅東東鹹鹹地嘅啫喱 都ok啦豚肉味噌湯超大碗 入面有少量豚肉亦都有嗰隻蒟蒻、蘿蔔等蔬菜就好似一碗蔬菜湯咁 可以變湯飯食另外有炸池魚 炸得幾香口配埋沙律醬幾好味👍🏼另外都有一隻溫泉蛋 可以撈飯食定係呢個餐都好飽幾好食😎

一汁幾菜呢類日式料理，份量小小但款式多多，啱晒貪心嘅我地，”菜‘ ’會走向健康家庭式，擺盆出黎好好睇。塚田有個十三品朝食嘅早餐，好壯觀，又好抵食一於試下，坑口店環境舒服，QR落單十三品朝食 配飯&湯 (指定）燒鯖魚/牛蒡沙律/築前煮/蟹籽菠菜/香甜南瓜薩摩芋/厚燒玉子/青瓜蟹柳/雞肉丸子/橙/羽衣甘藍蘋果合桃沙律/南蠻炸雞/蛋黃醬沙律/木魚漬五品朝食套餐 配飯&湯 （自選）海草莖黃豆沙律/燒三文魚/炸白身魚/牛蒡沙律/蟹子菠菜整體係大堆頭，擺盆好靚，打卡一流；但食物味道真係普普通通，可能每樣份量小小，所以大量備定以便出餐，沙律或前菜嘅調味，溫度唔好就會大打折扣，而熱食調味尚可，但唔夠熱，扣了分；炸雞更未能炸透，肉呈紅色，仲凍，跟店員反應了情況，店員亦補回另一款即製炸雞，今次真係熱辣辣農場食材再新鮮，都要處理得宜先唔會浪費

整體食物味道不錯，牛肉壽喜燒烏冬定食的CP值頗高，加配的甜品，沙律及飲品，也值回票價。甜品選擇雖少，但都十分軟滑，不算太甜，细细件剛剛好。燒三文鱼明太子丼的三文鱼也十分嫩滑，其餘兩款丼，分別是滑蛋豬扒和温泉蛋燒牛肉都能保持水準。只是不明白為何餐廳不肯確認Open rice訂位呢？

記憶喚醒我東港城有間餐廳有半自助，仲要係走日系路線，於是帶兩老去睇睇。果然非常繁忙，入座人數多，人手有點缺！價錢由$68起，星期一至五免費包自助吧，星期六日要＋$20自助吧有冷熱飲品大量，果汁、茶包、檸茶檸水、罐裝飲品。。。。。另一半有沙律同甜品沙律都係大路嘢：。沙律菜。洋蔥蕃茄沙律。螺絲粉沙律。粟米粒。甘筍絲。青瓜絲主食好多選擇，燒肉、壽喜燒、丼、定食、烏冬。。。。南蠻炸雞定食🐓 $78有前菜三款、白飯加麵豉湯，非常豐盛！醃菜好爽口，山藥絲鹹鹹地似肉絲，菠菜蒟蒻粒3粒比較清淡。飯前仲係Youtube睇緊正宗南蠻炸雞，即時嚟到有得食唔係淨係脆，真係雞肉Juicy，個他他牆唔係純白色，有加料温泉蛋燒牛肉丼🐮 $88温泉蛋靚燒牛肉量多，同普通牛丼比都多30％，係燒肉汁色水淡，飯量夠飽滑蛋豬扒定食🐷 $88滑蛋一般，非港式咁滑，加埋甜醬油湯底去煮，真係非我口味吉列豬扒建議一律唔叫，豬扒外層嘅粉應該仲未熟透 / 太厚，令我入口仲有粉粉地嘅口感，豬扒未算柴，可接受。3人埋單$279唔算太貴，因為有任飲任食嘅飲品同沙律，依家大商場飲個茶、食個餐都$70-90一位

主打價錢親民的日式餐廳。住將軍澳附近，都成日走到東港城幫襯呢間價錢優惠的日式半自助餐。揀好自己的主食，就可以享受自助的飲品吧/沙律吧/甜品吧。先講飲品，因為飲品最多款揀，會有果汁果茶，而熱飲都唔少選擇，咖啡奶茶果茶都有。沙律吧有粟米，生菜，車厘茄，青瓜絲，蘿蔔絲，酸蕃茄，最特別係佢有螺絲粉當沙律。甜品通常有兩款小蛋糕選擇。今次我哋選擇咗壽喜燒火鍋，刺身定食同南蠻炸雞定食。最鍾意刺身定食，每次嚟到必揀。環境好舒服。服務員服務好好。

日去東港城行陣, 依間食日式定食, 仲有自助沙律吧唔錯喎! 睇落幾吸引吓, 入座比左張卡位, 但係廚房出入位, 油煙味幾大, 檯面有QR CODE自己落單,叫左餐就去攞野飲,有果汁, 有茶類! 有罐裝仲有兩款甜品同自助沙律攞左小小沙律個蕃茄紫洋蔥幾好食, 配埋粟米口感好新鮮嚟左油甘魚同吞拿魚刺身, 計落要13蚊件. 油甘魚好重如脂味, 冇渣入口即溶, 吞拿魚好濃魚香味, 冇根冇渣好新鮮, 食得過我叫嘅燒牛定食到左, 安格斯小排同牛柳粒各有5件, 睇落幾新鮮, 都有小小根, 個麵豉湯幾夠味. 仲有兩個前菜漬物個網紋靚唔靚? 兩款牛都幾淋冇乜根, 牛味濃幾好食珍尼叫左最愛嘅 Sukiyaki, 都有好多野食望落個鹿兒島和牛都好靚,  油脂分報幾平均, 大約有6片. 個蔬菜盤都有唔小新鮮蔬果依個係雞湯啫哩加上甜豉油嘅壽喜燒湯仲有隻溫泉蛋同蒟蒻小食朋友要個自選五品料理, 賣相幾吸引, 味道口感係點就唔知啦, 等你來試試啦最後攞左甜品, 經過珍尼試食, 兩樣都好食, Tiramisù特別要多兩件, 必食. 埋單平均唔駛兩舊水都幾唔錯. 大家行開可以一試

龍豬情侶打算食日式料理，見餐廳有火鍋、又有燒肉同自選料理餐，決定入去一試。今次專食自選料理餐，可以一次過試多些不同味道。自選料理五品1.     築前煮、蟹子菠菜、茄子秋葵蕃茄木魚漬、四式刺身、鹽鞠雞排、明太子飯築前煮不是太有味道，蟹子菠菜有淹過，木魚漬味道不是太突出。刺身厚身，雞排外皮脆口，明太子與白飯味道不太夾，下次叫回白飯就可以了。2.     牛油果蕃茄蛋黃醬沙律、三種蘑菇牛油炒、香甜南瓜薩摩芋、炸豬排、生薑燒豬肉、迷你烏冬牛油果與蕃茄味道不相配，蘑菇一般，沒有太大驚喜，摩芋與南瓜相配搭，甜而不膩，豬排香脆，燒豬肉略嫌過韌。+$20(每位)可以享用自助吧(沙律、甜品、飲品)款式頗多，飲品可選茶或罐裝飲品，沙律位置只有生菜、粟米、青瓜絲、紅蘿蔔絲及通粉，甜品只有兩款，味道一般。龍豬情侶評價：環境光亮，店員服務態度一般，以QR Code下單，龍豬情侶的坐位下未有配置衣物籃，需自行從其他坐位拿取。自助吧位置的沙律夾因未有根據食物分類，以致不同食物有機會混在一起。龍豬情侶一致認為自選料理一般，下次可試其他菜式。推薦指數：6/10好味指數：6/10環境指數：6/10服務指數：6/10■

以為坑口無好嘢食，原來選擇都唔少，星期日中午12點嚟到唔駛等位，呢度假日都有好多定食揀，真係會花多眼亂，定食已包前菜+麵豉湯+主菜，食完成個set都已經好飽，所以我覺得唔駛特別加錢到自助區。 🥢燒肉定食 (豬肉片+牛肉片) $88⭐️⭐️⭐️⭐️呢個餐都幾抵食，肉有成十幾塊，雖然薄但都幾大塊，燒起上嚟仲非常惹味，不過就大油煙啲。🥢滑蛋鰻魚定食 $98⭐️⭐️⭐️⭐️鍾意食鰻魚嘅人一定要試，鰻魚厚切份量十足又好味，蛋又香又滑，好味到食晒成碗飯。🥢炸池魚 +$28⭐️⭐️⭐️⭐️成隻手掌咁大，香脆可口又夠熱辣辣，如果唔係太飽都真係想叫多一件。 二人共消費: 214

五花肉加牛肉燒肉 嗌左最平個個餐，豬肉同牛肉各一半，份量都好多，一個男生都食可以食到好飽。燒燒下職員仲會keep住幫你換燒烤爐入面個火，服務好周到，唔洗驚唔多火。👏🏻🙌🏻壽喜燒烏冬壽喜燒湯好濃郁，牛肉吸會吸曬湯嘅精華，所以好入味。我中意加埋隻蛋落烏冬到。呢個set仲有一碗迷你魚生飯，魚生份量都足夠，每一啖都食到，滿足晒食烏冬加飯加20蚊 出面有自助吧 有各式各樣嘅冷茶、果汁 同熱泡茶 另外仲有沙律吧，俾你自由配搭

將軍澳東港城做緊床墊展銷，買完床墊就去了塚田食堂 ，之前去過尖沙咀塚田，那「美人鍋」超正，今次簡單啲，叫咗2份定食，性價比很高💕滑蛋鰻魚定食鰻魚搭配鰹魚醬油湯的香氣，散發出誘人的鮮香。入口即化的鰻魚，肉質鮮嫩多汁，帶著微微的煙燻味，讓人回味無窮。雞蛋則是增添了口感的豐富度，滑嫩的蛋液與鰻魚相互融合，口感豐富而且順滑。整個定食在色澤上也非常誘人，金黃色的滑蛋與深棕色的鰻魚形成鮮明對比，令人食指大動。不僅美味可口，而且食材新鮮，絕對是一份讓人滿意的滋味享受。💕滑蛋豬扒定食豬扒經過精心烹調，搭配鰹魚醬油湯的香氣，散發出誘人的香味。豬扒的外層煎至金黃酥脆，內裡保持著肉汁豐富的嫩滑口感，每一口都帶來滿足的享受。而滑蛋的製作更是講究火候，雞蛋被輕柔地攪拌至蛋液濃稠而綿密，綿密的蛋液環繞著豬扒，令人垂涎欲滴。定食盛裝精美，配菜搭配得宜，增添了整體的口感層次。無論是視覺上的享受還是口味上的滿足，滑蛋豬扒定食都無可挑剔。不管是忙碌的午餐時間還是悠閒的晚餐時光，這道料理都能為你帶來舌尖上的幸福。