壹匯中菜廳 (馬鞍山廣場)

營業中

休息中

平日夜晚不需要提前訂位晚市無咩人食，食物選擇都不多$78 片皮鴨，一樣有青瓜、京蔥配料出面未必食到這個價錢片得同出面一樣大塊鴨比較瘦，皮和肉之間無咩脂肪仲可以加 $10 要返個鴨殼配料無得 refill，可以加 $10 要多碟一份片皮鴨有兩籠餅皮這裏一塊半圓形份量剛好與切出來的鴨肉一樣，不會有皮剩下另外，要了一份孖寶：清蒸生猛海斑、醬皇一品燒雞快手手食完第一轉片皮鴨，再食魚，魚肉都無變硬而條魚食到最後都無變腥，實在難得無想到燒雞都幾滑溜溜雖然有碟像豉油的醬汁，不點醬食都得最後，叫多一碟黃金炸脆鱔原來鱔片都可以炸來食，咬開充滿魚油，肉質超滑溜溜一人一件就啱啱好夠飽了唯獨嫌黃金不是鹹蛋黃醬那種質地，反而當成粉灑在炸魚肉上面

坐低40分鐘都冇嘢來，追問下，所謂經理輕描淡寫話電腦有問題，但其他枱入單冇問題，全埸只係我張單冇入到，聲稱完全係電腦問題......幾碟點心等咗一個鐘3點幾先來，小朋友餓到冇晒力，冇下次

今日總共4人，等個22張枱大概45分鐘左右，真心唔算耐， 因為佢地方都幾大。一入到去見到張枱得三張凳，有個部長行過，我就問佢轉頭可唔可以比多張凳我？ 因為我布4個人，點知佢好大聲咁同我講，你坐低先啦，佢話佢都見到冇左張，仲話佢總共有四個步驟，「等你坐低後會再問你幾多位，飲咩茶，之後會俾返張凳你㗎啦，我依家先做到第四個步驟，你就問我攞張凳，我啱啱先幫人落完單」， 咁我唯有講句咁真係唔好意思囉😵‍💫 每張枱上面有個熱水壺，我發現本身都冇晒水，咁我又唯有跪求阿部長幫我加水，點知佢比番1/4 壺我，洗杯都唔夠😂講返呢度嘅嘢食，點心種類一般啦唔算少，勝在價錢夠平，叫咗釀尖椒，西澳龍蝦上湯伊麵底，呢兩樣係幾較好食嘅， 之後再叫左d 點心，腸粉皮比較厚，鳳爪都ok 好食，燒賣比較鬆散，百花釀魚肚一般， 鹹水角凍嘅 , 流沙奶王包都幾好食。花生篇：見到隔籬枱起身諗住走人，又有個部長行埋去，同嗰張枱嘅人講：「我要執嘢你唔好企起身啦！」食客回佢一句：「咁我而家應該走，定係坐返低？」部長再回：「總之下次你見我執緊嘢，你就唔好企起身啦！」。。。完(我。。。聽左d 咩？）

三五知己套餐超抵食！都是228!夠3人份量。剛剛點了乾炒牛河，蒜茸魚露炒雜菜，海蜇手撕雞，小菜份量都夠的，三人食有多了。另外三個點心就一般大小！今日打風，中午不需坐位！可以直接有位坐！門口有外賣松葉蟹賣，每只老㲻系兩百幾到三百！都好平！長腳蟹238/斤。好抵食！不過今次人數不夠就沒有點了！外

朋友介紹壹滙有抵食澳洲龍蝦，便來試試。雖然偶爾會到馬鞍山，竟然從未幫襯過。🤔它的裝修簡潔，座位寬敞，坐得舒服。餐具也很雅緻，荷花圖案，賞心悅目。它有不同款的特價套餐，各適其適，任君選擇。😃羊腩煲望落都ok ，味道唔錯，羊肉亦香及夠淋，生菜亦多。無論食生菜、支竹或冬菇都好入味。👍🏻👍🏻 惟一美中不足的是羊腩份量有點少，兩個人食都ok，如多D人，會覺得唔夠。金瑤扒豆苗真的以量取勝，一大碟滿滿的。瑤柱份量多，豆苗亦新鮮幼嫩。加咗蠔油無疑多一份甜，但汁獻太多，反而掩蓋了菜的原味，有點可惜。我有時專挑無沾上汁的菜，享受其鮮味。龍蝦伊麵也大份，龍蝦亦多而有用，但始終不及澳洲龍蝦肉厚身。上湯味道香濃，伊麵索晒龍蝦汁及上湯，好味！👍🏻它以這個價錢做晚市，絕對超值。

下午茶時段價錢係咪平好多？唔係！點心係唔係隨隨便便就可以？真係唔係㗎你單嘢新開張，去新港城等譽粵菜，太悶，今次想去試吓呢間新野，點左幾個大路點心。春卷，諗住大路嘢掛！點知….點解會用生菜絲薦底？濕氣重。再加上條春卷真係滴出油，好恐怖油浸春卷，仲要冇剪開，一大條，啱啱落去，儲咗半條係油！第二點心，仲離譜，魚肉釀尖椒，啲尖椒係林啤啤好明顯係一早已經剪晒擺咗喺度唔知瞓咗幾耐亦都係凍冰冰，真係好離譜。第3.個叫做類似蓮藕魚肉餅，又係凍㗎，真係痴線㗎！油粒粒㗎第四樣藥膳雞腳，浸到林啤啤，而且揀嘅雞腳係非常細隻！第五樣，百花釀魚肚，終於有一樣味道唔錯，係熱辣辣，啲魚肚亦都冇被整到林晒，算合格啦，但係唔平喎，特點！一句講晒唔會再

成日路過壹匯, 都見倒好多人等緊位, 今日早左起身, 即管試下等位.去到拎飛已經104, 但仲叫緊60, 不過D位原來都快走, 可能有部份拎左飛不在場, 同埋搭枱可以先入.哩個舖位前身都係酒樓, 所以位置都好大, 同埋抗疫版都做得好好.腸粉皮唔算厚, 但有D鞋身, 反而叉燒唔鞋, 豉油都咸甜適中, 中規中舉啦鳳爪夠味同夠淋身, 但係就偏油左D.薄餅煎唔透, 食落去仲係麵漿咁, 只有條邊先煎得夠, 隻蝦夠味既, 不過食完先發現, 個底都幾油.菜肉包個皮又厚又鞋, 又欠缺一般既甜味, 肉饀完全無味, 平常酒樓唔夠味的話, 會落多D胡椒粉蓋一蓋個味, 不過哩個除左少少菜味, 係食唔倒其他味喇.燒賣皮唔知係蒸過龍定未蒸淋, 係有D乾身既, 雖然剛蒸出黎, 但蟹子同皮既顏色比較暗啞, 味道係夠味既, 蝦都切得細粒左, 所以感覺都偏多.牛肉球唔硬, 雖然落左好多芫茜, 但係都係無乜味.我諗多人排既原因, 可能真係D老人家鍾意食淡口D卦, 我就一般喇.

之前飲茶都知樓面服務態度差，員工就多，行行企，超懶散， 永遠叫佢哋就呀崩叫狗越叫越走，通常有咩可以就自己攪點，今日發現連部長都係，頭髮稀疏瘦部長明明執緊我張枱，比埋點心紙佢，我同屋企人分別兩次交比佢又扮聽唔到，然後佢接隔離枱，都冇接我哋張點心紙想走，我哋咪再重覆囉，最激氣，佢話我聽到，洗唔洗咁急我嬲到爆炸，心諗聽到就出聲啦跟著洗洗下杯，未洗完就拎走個載洗碗水個兜，同佢講未用完啦，以為會再拎過嚟，點知又不了了之，最後我屋企人話算，自己拎過，因為呢個部長不嬲都係咁差真心，今時今日咁嘅態度，飲食店咁多選擇，唔應該再幫襯佢哋，所以叫咗屋企人以後唔好幫襯😡

佢哋漏單時，可以一時話煮緊等多陣。我等咗15分鐘後，再追都話煮緊。最後找佢地經理入廚房睇。原來都未開始過再出嚟問我再等多15分鐘好唔好。你話嬲唔嬲前後等咗一個鐘頭。仲要同我哋講話可以幫我哋取消呢個都唔知乜嘢服務態度

我和家人飲茶，10:30am已落單，等了一個小時無點心食，問部長, 話入漏單，他叫我再入單，他説係咁啦！無辨法唔入單無得食，你快D入返單，我們做漏好正常，咁都得？你們入漏好正常，我就係道等一個鐘？你的是時間我的就唔係！我話我認得我張單比了誰，部長完全無興趣知，完全唔想跟進，唔想提員工下次小心D。這間酒樓管理不知所謂。

我和家人飲茶，10:30am已落單，等了一個小時無點心食，問部長, 話入漏單，他叫我再入單，他説係咁啦！無辨法唔入單無得食，你快D入返單，我們做漏好正常，咁都得？你們入漏好正常，我就係道等一個鐘？你的是時間我的就唔係！我話我認得我張單比了誰，部長完全無興趣知，完全唔想跟進，唔想提員工下次小心D。這間酒樓管理不知所謂。

壹滙開咗一段時間，食過午餐都ok今次飲早茶，抵食又好食😋早晨孖寶$28.80有兩款點心俾你揀川芎蒸滑雞，全部都係雞件無骨又滑又嫩，最愛川芎之味道😍鮮竹牛肉球，不過不失；好大粒鮮蝦韭菜角，以為係蒸餃，嚟到見到係煎不過煎得香脆唔算太熱氣，唔太覺得有韭菜味鳳爪排骨飯，細細煲唔錯；上枱仲係熱辣辣鳳爪1只+4-5件排骨，抵！另外再點左一份皮蛋瘦肉粥+家鄉炒米粉$21.80米粉炒得乾身，材料都好多；食唔晒打包做午餐茶$7/位，兩個人=$103記得要8:30前到，過左就要等位🥴

今日係馬鞍山飲茶，見到唔駛排隊就入咗依間酒樓。一入去，就會有樓面姐姐問飲咩茶，我飲普洱茶。不過，真係好溶！就算係沖第2壼，都好黑，見唔到杯底嗰隻。到想落單嘅時候，唔知點解啲樓面姐姐唔見曬，舉咗一陣手先有人應。-🍴健康燕麥糕(小點) - 比想像中好食！一放落口煙煙韌韌，好好食！又健康，又好食！不過得少少嘅3舊，有啲唔係好夠喉。-🍴百花釀魚肚(大點) - 魚肚上面嘅墨魚蝦滑，幾有彈性，而下面嘅魚肚吸左啲精華同汁，幾好食，不過賣相就麻麻。-🍴香芋燒腩卷(大點) - 好大個燒腩卷，中間夾住左一舊芋頭同一個燒腩，好香。不過其中一舊嘅燒腩有啲愁，而另一舊係有啲肥。-🍴藥膳鳳爪(大點) - 一打開個蓋，好大陣藥膳味湧出嚟。總共有五隻鳳爪，煮得幾淋，而且好入味。見到個煲真係有啲藥材，所以都幾真材實料！

因為晚市禁堂食已經很久沒吃到酒樓小菜了之前經過酒樓隨手拿了一張外賣菜單正好趁我媽不想煮飯的日子可以吃一下外賣比起之前堂食便宜很多這幾道菜加起來才400已經有一個例牌燒鵝一個澳洲龍蝦伊麵一個咕嚕肉一個糯米飯如果疫情前堂食 起碼600埋單吧在12度的晚上 拿回家大概10分鐘的路程咕嚕肉 燒鵝 糯米飯都微暖龍蝦用的盒子好保溫打開還有蒸氣冒出來糯米飯稍微味道不夠 有點失望其他幾道菜都不錯趁澳洲龍蝦特價可以多吃幾次😋

因上次食完蛇店糯米飯，－直都想食番碗正常糯米飯。呢間酒楼開正限聚令及無夜市，無法試到百好集團的真實力。外賣糯米飯$28大大盒，—個人不知不覺食咗半盒先影相。雖然所有餸都係裝好一盒盒放門口，但每款只放數盒，唔夠廚房再出，所以唔係凍冰冰嗰啲，盒飯喺屋企—個鐘後都暖暖地。食到大半盒，味道當然唔會太咸，雖然都係無花生，但無葱，唔洗揀返出嚟。有臘腸丶臘肉丶蝦米，份量及大小適中。比較蛇店又少又貴，就算佢可能有加蛇汁，但我都唔識欣賞。職員都好禮貌，希望他日開堂食都係咁好服務啦。