壹茶

營業中

休息中

有位挑染藍色戴眼鏡既女職員，服務態度超級差果陣大約23點幾，唔知鋪頭仲有無野賣問：唔好意思，想問下仲有無野飲賣？答：講！？？？？？同果位職員講完飲咩佢完全無對答 到比八達通都系用手指比我睇拍邊得到既回答得一個字：講！野飲系唔錯，但咁既服務態度完全唔想再幫襯比錢買難受！

奶蓋好飲 不過啲員工成日黑面，講嘢嘅態度都特別差。我明白買杯嘢飲唔包埋服務態度好。至少我買杯嘢飲想開開心心，見到佢地都冇晒Mood。但係附近得呢一間，又唔想行得遠，如果唔係都唔飲。買嘢飲都要受氣

平時飲開石門店，今日十分偶爾嘅情況下要去天水圍所以幫襯呢間天水圍壹茶，唔試尤至可，一試把幾火。同朋友叫左兩杯壹茶出名嘅蛋糕奶茶系列，蛋糕奶茶中杯走冰走甜（$27）同蛋糕珍珠奶茶大杯走冰走甜（$31）。雖然同樣叫做壹茶，但一飲落口就發覺同石門嘅水平有太大差距：蛋糕奶茶味道相近，但隱隱飲得出有陣酸味，令成杯奶茶嘅水平大大降低。同石門店比較，天水圍店明顯被比下去。服務方面，收銀同沖調嘅人都係生手嘅姐姐，對自己鋪頭嘅系統唔熟識，搞左半分鐘先落到單。雖不致態度差，但亦無乜服務可言。又再一次被比下去。最後，不論係飲品質素，定係睇單據同店面，我好肯定唔會有下次。今次幫襯只能算係一個美麗的誤會🥲

排隊等前面兩位女士畀完錢，到我叫嘢飲，我企正喺收銀位置前面準備落order，突然連續有兩個客喺側邊涉過嚟打尖，店員居然完全冇反應，照收錢。咁我唔知人哋係咪優先幫熟客落單啦吓，但我有排隊，有花時間等係事實，最終到我畀錢，個店員一句唔好意思都冇，服務質素真係「超晒班」。講返嘢飲，我叫咗杯青提沙沙，味道一般，冇任何特別，但同樣價錢，無論係飲品質素，定服務態度都有更好嘅選擇，反正個人嚟講，我以後都唔會幫襯。

呢間鋪頭雖然黎咗好多次每次嘅水準都正常，揸車過嚟可以泊喺天悅邨近巴士站那邊好多人泊車，泊一陣係可以的，今次照常都係嗰邊泊車然後過嚟呢邊買，客人唔算多排一兩個就到我，今次都係正常叫蛋糕奶茶加奶蓋微甜少冰，建議各位叫任何奶茶店都叫少甜或者微甜。因為每間奶茶店都係比較甜！少甜或者微甜就啱啱好唔會太甜，佢呢個產品甜度啱啱好，而且奶茶嘅味道亦都比較濃郁，奶蓋嘅甜度亦都中等唔會太甜。我個人好鍾意飲奶蓋！而且蛋糕和奶茶搭配得非常好！所以推薦大家過嚟飲蛋糕奶茶加奶蓋

Oreo特濃蛋糕奶茶🧋(中杯)$28有得揀中杯或大杯,而我就揀咗中杯🙌🏻而今次唔記得少甜,都頗甜下🤭味道方面cream味好重😗飲得多會少膩😣個人覺得Oreo碎可以再多d😛整體黎講個人麻麻地呢杯飲品🤥

I always come here for boba tea. This place offers boba tea with a good price and the milk tea is not tasteless considering its price. Boba are bouncy and chewy. Milk tea is smooth and silky. Staff are friendly and they prepare the tea quickly. Other drinks look delicious too. The strawberry one has a foam on top and juicy and chewy strawberries inside the drink. That one is sweet and a bit sour, which makes you craving for food so bad!

今日超想飲香芋味既野😍 去左呢間睇下有冇雖冇賣香香芋味既飲品😫😫 但見到呢個草莓蛋糕珍珠奶茶又好似好吸引🌚🍓🍓🍓🍓 本身自己一般甜野 所以叫左半糖❤️ 都幾正

難得天水圍既街市都出左條食街，街坊又多左個擇了🤭整條街都好乾淨企理。住係附近既天水圍街坊都有口福，成條街既食物林林總總，天口開始轉熱既情況下，都忍唔住買杯沙冰涼一涼，雖然據bubu所知壹茶好似最出名既係蛋糕奶茶，不過天氣熱就會唔想飲甜野，同埋店主印左大大張香印青提既相出黎，望住都覺得吸引~ 👌香印青提＋芝士奶蓋（少甜）$34呢杯野飲係沙冰，芝士奶蓋中規中矩，奶味唔算突出，沙冰既冰磨得都幼細，開初飲落偏甜，但到d冰熔左，甜到就有回復正常既😊 最最最大既selling point係佢有好多粒提子🤣 差唔多啖啖都有👍 如果甜度再調低少少會更岩夏天飲😁

每次去壹茶，無論天水圍定沙田分店，都係飲蛋糕草莓奶茶，因為真係超鍾意食d蛋糕醬😍好香又滑。不過因為d蛋糕醬係比較甜，就算配合埋酸酸甜甜嘅草莓醬都係甜，對於唔太鍾意太甜嘅我只會叫無糖走冰，咁樣反而覺🉐️啱啱好😉而奶茶底方面，因為係無糖走冰嘅關係，所以可以清楚試得出茶底係偏向港式奶茶嘅濃茶味🍵另外，我係加原味寒天而唔係珍珠，唔知點解覺得特別夾😋（利申：本人係超鍾意食珍珠架😆）係原味寒天，唔係樹莓味寒天，試過麻麻哋。

天水圍得好少好飲既珍珠奶茶鋪朋友推薦壹茶～ 話佢個蛋糕奶茶好好飲咁我份人就好保守既佢話好飲既野我先買黎試下佢個餐牌都好多選擇～但個人唔推薦水果茶因為我個FRIEND一意孤行買左杯橙意滿滿結果飲左兩啖無飲到 咁我就唔comment咁多了蛋糕珍珠奶茶要左杯中杯既我本身以為好似啲奶酪珍珠奶茶咁 人地成個奶酪放入去咁呢個蛋糕奶茶就會有個蛋糕係入邊但原來係蛋糕醬 底果層就係啦！攪勻佢就搞掂～我諗係因為個蛋糕醬 所以個奶茶飲起上黎都比較滑而個珍珠都煙韌 煮得夠冧

壹茶嘅茶飲小編一直都覺得唔差嘅，尤其係奶蓋茶，真係好正！🤤，於是乎嗌吓呢杯試吓！點知⋯直升機聲出現了～🚁小編目賭整個製作過程，店員將幾片橙起勢咁篤，然後加糖漿&茶，最後見佢落濃縮橙漿⋯🤔 小編都明街外其實有好多飲品都有落concertate果漿，但呢杯化學味太太太重吧？加上飲到少許苦澀味⋯🤦🏻‍♀️明明水果茶應該好舒暢好解渴，但呢杯橙意滿滿變慘意滿滿，自問小編食嘢唔算挑剔，但呢杯真係飲咗三啖就投降！🏳️🤢

難得入天水圍，順便試下T Market呢個小食街，食到有啲口渴，就打算求其買杯野飲下解渴。點知又見到壹茶，聽人地講有蛋糕奶茶，好似好特別咁。之後就叫咗大杯嘅Oreo特濃蛋糕奶茶。Oreo特濃蛋糕奶茶（M：$25、L：$27）入口都頗甜，連平時飲開甜野嘅我都覺得可以少甜返啲啲。杯邊會見到有啲紋路，個啲其實就係所謂嘅「蛋糕」。原來蛋糕奶茶唔係指杯底或杯入面有蛋糕，而係黃黃地色嘅蛋糕醬。可能係因為加入咗呢啲蛋糕醬，令成杯飲品嘅甜度高咗。奶茶而言，其實真係唔太飲到有奶茶味。甚至可以話無茶香，只係知道自己飲緊一杯甜嘅飲品。Oreo係最令我失望，因為只係Oreo碎堆係飲品表面。基本上要飲超過一半先開始飲到少少Oreo，雖然可以將表面Oreo碎攪落啲，但容易令飲品整到周圍都係。飲品變相係同Oreo分開享用，建議可以加多啲Oreo碎係飲品入面，而非集中堆係面層。

又來買《壹茶》飲了但我明明已新增天水圍的店大眾點評只顯示了觀塘/沙田/葵涌等分店出來其實我也是在天水圍 T Town街市新店買的買的時候告訴老闆 昨天買的飲品點了微糖還很甜我們提供了一些意見後老闆送了一杯相同飲品的微糖版給我們飲呢變相有3杯飲品·草莓蛋糕珍珠奶茶(凍)沒有這麼甜了 味道不錯 蛋糕很Creamy·芝士桂花鳥龍茶-冷萃茶小小咸味的芝士 配上鳥龍茶😋·芝士宇治抹茶抹茶的味道不甜 有抹茶的甘味耶

今天和媽媽在天水圍到處遊走，然後忽然想起頌富街市那條小食街，之前她聽朋友開幕時擠逼到難以進出，現在應該比開張時鬆動，我們可以去實地考察一番。其中一間想試的就是壹茶，網上介紹它的台式飲品頗多種類，有蛋糕奶茶系列，冬季熱五谷系列，芝士系列等，而我穩陣地選了大麥紫薯牛奶。起初我以為大麥紫薯牛奶有凍的可選，店員說只有熱的，但當我領取時，這大麥紫薯居然是凍的，我實在摸不著頭腦。說回它的味道，我完全喝不出大麥味，牛奶非常稀薄，珍珠咬感一般，最為可取的就是紫薯香甜綿密。