壹茶 (已結業)

夏日火龍果💰HKD22我認我係比佢賣相吸引左我去試！😝呢杯野個茶底係綠茶，同埋有半個青檸（or三分一個？），上面放上紅肉火龍果既果肉咁😍所以成杯野飲都好fresh🍋🥤因為係真青檸，唔係落調味香精，所以全杯野都係好清新既酸甜味☺️其實火龍果肉唔算多，不過杯青檸綠茶真係好好飲🤣我原諒佢啦😌··鮮厚奶珍珠莓莓💰HKD28呢杯係朋友既，賣相好pink好少女🤩但佢話飲落牛奶味唔算好濃，淡淡地，莓莓味都係少少酸甜，唔會太酸，面頭果層啲莓莓味真實好多🤣·然後此人身在福中不知福，居然嫌棄珍珠太多，令佢試唔真杯野食既味道🤣·親！！我朋友介紹呢間野比我，就係貪佢珍珠比得夠多呀👀😂

行街累了要飲野，掃街渴了也要飲野；所以葵廣內那幾間飲料店，長期都要排隊。這次行街，見倒路人拿著透明杯子，飲品看起來很吸引；不是那種色素製品那種，本人並不飲明顯是香精色素的化學飲品。而是那種水果製作的。去找下，便找到是這間。-愛芝士又愛草莓，挑了個特別的試試看。芝芝莓 $24，朋友要了金珠芒芒。透明杯子黑色蓋，裏面粉紅配白的飲料，算別緻，飄出一陣文青風。（但杯子塑膠很厚，極不環保。）芝士味不濃，甜甜地奶味，幼滑度還好。飲得出有用草莓製作，有籽，少少酸，都係偏甜。朋友那杯，有芒果果肉，很吸引，據她說，也是略甜。-正常的，台式飲料就是這樣。

如果你個人喜歡嘗試新鮮事物我覺得你可以去葵芳嘅壹茶🤟🏻飲佢嘅珍珠奶茶一開始係朋友介紹我 但我聽到個名都覺得奇怪🤨就係黑森林珍珠奶茶 $28因為黑森林一個聯想係蛋糕🍰完全冇諗過可以同珍珠奶茶掛鉤😨不過一試就愛上 每一次去葵芳都會去買不過飲落去會有一種好飽嘅感覺🤓

之前喺北上飲過喜茶 已經愛上芝士奶蓋 見佢咁多人就試下佢... 真係唔錯呀 口感好豐富 好正喔 ❤️入面有果肉 粒粒士多啤梨 不過飲到最後 ... 佢就有少少淡可以d冰融左啦 個人認真如果可以有微甜選擇更好 😆

葵涌廣場成日都好多人，今日閒日，學生哥未放學，少人啲，冇乜人排隊，即刻狗衝去買杯！店有好多款芝士同蛋糕主打嘅飲品，即係好似喜茶啲frd咁。蛋糕醬好重手，飲到最底都仲有，超rich，勁濃厚！好好味啊啊啊奶茶係奶多過茶，所以冇乜茶香，但對於鍾意飲奶味重嘅飲品愛好者，會覺得好飲！芒果流心蛋糕其實係芒果沙冰加蛋糕醬。同樣地，個蛋糕醬真係好好好好好味！醬比勁多，勁厚實沙冰味道都okay的，freshy freshy芒果味。芝士嘅代表就令人失望了。可能係有蛋糕嘅對比，芝士奶蓋就真係有啲淡，冇乜芝士味，得少少奶味茶底有啲澀，芝士越飲越冇嘅時候，啲茶就越黎越難入口蛋糕系列非常推薦大家試下

黎到葵涌廣場，林林種種既小食舖頭中，係三樓我發現開左呢間叫「壹茶」既台式飲品舖🥤見到好多人排隊買，我諗應該是可以der～於是我點了皇家珍珠奶茶☕️由於太多人了～在下單的時間太急～忘記要求少甜，心想：今次一定甜死我！後來手調飲料到手，一喝下去，woo，唔甜wor，好岩我口味wor啲珠珠好煙銀好QQ，好有咬口，奶茶味道正常，值得一試！

平時飲珍珠奶茶飲得多，都係啲大牌子嗰啲：Cxxxbxx，x茶，Shaxxxxx呢啲。呢間壹茶都係第一次飲，仲要有特別野。蛋糕珍珠奶茶，真係好特別，好想試下係點。我見有個姐姐喺個不銹鋼碗用打蛋器打蛋糕，乳黃色，睇落似芝士蛋糕。叫左半糖，如果想飲甜啲可以叫小甜。飲時記得要將底層嘅蛋糕搞暈，如果唔係會好怪咁。不過呢杯野的確幾難搞暈咁。我覺得成杯野飲都唔錯，我覺得係有驚喜啦。蛋糕本身都甜，所以我叫半糖係啱啱好。同埋價錢合理，我呢杯係中，20蚊，大杯都係22。另外有草莓蛋糕，下次會試下呢個。整體黎講都覺得唔錯，會再試其他野飲。

芝士奶蓋茶都盛行左好一段日子，身為芝士愛好人仕必要試下，因太懶之下，而加先的起心乾試下，係葵涌廣場行街，又見到壹茶，順便試下了，留意好多地方的芝士奶蓋都要$20以上，而呢個比較平，咁抵更想試了，見有好多款茶可配芝士，都考慮一陣先諗到要咩，芝士茉香綠茶，$18，上層是芝士奶蓋，芝士厚度平均，芝士味濃，但唔算好杰身，口感creamy，茉莉綠茶清新，加上好大杯可慢飲，味道不俗呀。葵芳葵富路7號葵涌廣場3樓301P號舖

經過見到禁多人排隊，即係好野啦🙃阿媽教落，執輸行頭慘過敗家，跟風排隊🚶🏼‍♀️🚶🏼‍♀️🚶🏼‍♀️望下飲咩先，原來係香港版「喜茶」wor,再望望價錢先👀嘩嘩嘩，廿四蚊一杯咋，返大陸飲要三十蚊人仔嫁，平成個身位，點都要試啦朋友叫左杯芝芝芒，一拿到即刻飲，唔記得影添😔味道唔算差，你話好好咩又唔係，芒果味係有的（許留山的茫果漿吧，一樣味，應該用同一牌子）芝士奶蓋，咸左少少（明的，一分錢一分貨）P.s.有樣奇怪野，飲左啲奶蓋之後，會飲到啲芒果有種淡淡的道地蜂蜜綠茶味🍵🤨講返我自己個杯先，見人地新出，顏色又禁靚，一定要買黎拍照📷影相，無錯，一流👍🏻味道方面，只飲到青檸梳打，火龍果的味道呢⋯⋯sorry 係無的不過飲到最尾會有少少果肉的（唔甜的）總結：不過不失，跟下潮流可以一試，但是我都係比較鐘意大陸的喜茶（犯賤👊🏻）

之前行開葵廣已經好想試佢既蛋糕奶茶，今次終於有機會試，就買左黑森林蛋糕珍珠奶茶同原味蛋糕珍珠奶茶，蛋糕味好濃好好味，有D似happylemon嗰D味，不過珍珠就遜色左D，同埋飲完覺得好飽同”漏”，如果去掃街真係食少樣野都得

朋友介紹，所以黎試新嘢！夏日火龍果濃郁百香果外觀已經好吸引，好鍾意個心，加分！清新既茶，吾甜既果茶，鍾意飲走甜或綠茶的話，這是不錯之選，下次會再試下其它！扣分點係要等好耐，人好多！

今日行行下嘅時候～發現有我最愛嘅兩樣嘢加埋一齊的蛋糕奶茶～所以就決定試下！！ 一入口嘅時候奶茶味非常濃厚～ 仲食咗一大嚿蛋糕！！ 一次過滿足曬兩個口感而且甜度適中本人非常喜愛～但係略嫌有少少貴！ 我諗如果平少少一定超多人買

話說今日相約姊妹去葵涌廣場行街街，順道呢我哋就去咗3樓掃野食啦葵廣最近多咗好多新店，我哋就諗住試吓新野，見到呢間《壹茶》出咗一款新口味就係蛋糕奶茶☕️所以我同朋友都好好奇就決定買來試吓蛋糕奶茶有幾款口味有草莓蛋糕🍰奶茶或者朱古力蛋糕🍰奶茶或原味蛋糕🍰奶茶☕️咁我哋就揀咗草莓蛋糕口味，一來顏色靚啲仲要咁大杯先$20比出面既台式飲品仲要抵等左大概5到10分鐘終於有得拎，因為大多人排隊了果然杯奶茶顏色超靚蛋糕🍰係中間終茶俾蛋糕遮住我搞一搞就出番黎，好大杯同好足料飲落超濃郁既口感係非常好飲有驚喜草莓🍓好出溝埋奶茶好正仲連埋珍珠口感無得輸，飲完尼杯已經飽左抵飲

昨晚, 我們在葵廣吃飽晚飯, SY經過3樓一間新開飲品店, 對我說:「爸爸... 黑森林蛋糕奶茶係咩嚟架?」 因為飲品店前有易拉架宣傳三款「蛋糕奶茶」, 其實, 我真的從未聽過奶茶入面可以放蛋糕喎. 當時(約)21:00, 店員說:「唔好意思, 我哋D 蛋糕奶茶賣晒啦, 因為我哋全部係用真茶葉沖, 唔係溝粉嘅」 SY頓時失望, 不過店員又說:「不過, 我們仲有蛋糕抹茶, 小朋友你有冇興趣試試?」 雖然抹茶是用宇治抹茶粉沖成, 但SY又怎會介意呢? 原來蛋糕就是注入抹茶前, 預先放在杯底的蛋糕漿. 而我則點了一杯芝芝莓($24), 將多粒士多啤梨與冰打成沙冰. 之後, 再在杯面混入大量芝士忌廉漿, 嘩!! 望到一刻口水已不停長流啦. 店員教我不要用飲管, 深深啜一口...我:「嘩!芝芝莓好得意呀, 芝士帶鹹, 但又流住甜甜嘅水果冰, 真係一次過滿足兩種口感喎」 SY:「爸爸! 你問姐姐攞支飲管啦」, 我:「唔駛架, 如果用飲管就飲唔到將芝士與水果冰合而為一嗰種口感呀囉」 SY:「我E杯抹茶蛋糕好正!」我試了一口:「真係又有蛋糕, 又有抹茶...簡直係可以飲嘅抹茶蛋糕

去葵廣一定要做既緊係掃街但掃完就會好口渴，平時我會飲返杯鮮榨水果汁今日見呢間都幾多人等，諗住試下啦！等緊號碼果陣，由於人多位置等既空間又少，不斷俾人撞，已經有d唔太舒服🤦🏻‍♀️嗌到我果杯果陣，我一拎成手芝士，店員完全無清理過杯面先俾客人。。。令我印象幾差！整頓完同清潔完之後，終於要試個主角！烏龍茶還好，但芝士比較淡味，唔夠喜茶咁出色友人嗌左水果茶，話味道過得去，叫左微糖仍然都覺得甜所以應該無下次了