壹號餐廳

營業中

休息中

我真係要講，呢間餐廳真係令我好失望。嗰日點咗個土魷蒸肉餅，真係難食到離晒大譜！啲肉餅又乾又韌，完全無咩肉香味，仲有嗰啲土魷，腥味重到頂唔順，咬落去仲硬到好似食膠咁！成個餸都係鹹到爆，完全無心機食。最慘係，服務態度又唔係幾好，叫人幫手睇下個餸有問題，個伙記又係敷衍咁應付，完全無心處理。真係唔明咁樣嘅質素點解仲可以開到鋪。講真，呢間餐廳我以後一定唔會再返嚟，唔值個價錢之餘，食物質素仲差到一個點。希望你哋可以改善下，唔好再俾其他人有咁差嘅體驗啦！

我最近造訪了這家餐廳，對於這次的用餐體驗感到非常失望。首先，進入餐廳後，侍應生對我們的到來毫無熱情，甚至沒有主動打招呼。這讓我們感到不受歡迎。點餐時，侍應生的態度冷漠，對我們的問題回答得很敷衍，似乎不希望花時間在我們身上。當我們請求一些建議時，她只是隨口推薦幾道菜最讓人無法接受的是，在用餐過程中，我們的飲料等了很久才送來，當我們再次詢問時，侍應生的態度依然不佳，甚至帶著一絲不耐煩。這樣的服務讓我們整個用餐體驗都打了折扣。我希望餐廳能重視服務質量，因為良好的服務態度對於顧客的滿意度至關重要。這次的經歷讓我對這家餐廳感到失望，未來不會再光顧。

今朝喺屯門開工，早餐試咗一間叫壹號餐廳。餐廳的裝修不錯，桌椅比較闊，很舒適。不會像某些餐廳用迷你桌椅，背對背吃飯。但他們的冷氣開得比較大，食物吹得很快涼，人也吹到有點冷。今天吃咸牛肉蛋治烘底，麵包比較細，烘得也不算很脆，雞蛋煎得有點過火，比較熟，有點老。但吃起來也算可以，不會太難吃，只是比較乾而己。餐飲選了熱奶茶，但可能濾網比較疏/爛，奶茶有點茶渣，感覺有點馬虎，茶温也不夠，可能没有燙杯，不過喝起來也可以接受。

近近哋諗住喺對面食個早餐，見到佢D餐，五香肉丁米粉，炒蛋，腸仔，多士。好快到呀，不過變咗煎蛋多士無腸仔……咁我同佢講，伙記攞走唔好意思都冇一聲，問我係咪搞錯，我話係丫，點都冇可能少咗條腸仔呀嘛？煎蛋都ok。咁我咪等囉，點知隔離嗰枱三個腸仔炒蛋到咗，佢都未比返我？咁好啦，之後比返腸仔我都算…之後杯啡走先離譜……多花奶都以為係奶茶，入面仲要冇煉奶…我即刻嘩一聲，點飲？錯完一次之後仲點敢叫水吧再沖？！嗱嗱聲畀錢走人，永遠無下次～

今日晚飯兩個人，去到呢間餐廳，以前曾經食過，出品平凡，今次因為方便，再試一次發現晚飯菜單及出品都更新了，二人套餐價錢可吸引，見到個招牌煎蠔仔餅推介，便叫了一份，還有西蘭花炒斑球，欖角蜜汁煎豬扒，餸菜一上枱後，煎蠔仔餅香噴噴，夠香脆，豪仔的份量也頗豐富！唔錯，另外西蘭花炒魚球，質素頗有水準，加上好特色的蜜汁欖角煎豬扒，好適合送飯來吃！結果整體水準表現進步了很多！可惜收報時間比較早！以前我最欣賞這小店的就是炸乳鴿，可惜近來常常沒有出品，所以我們比較少去吃這些香口的餸菜！環境頗乾淨清潔，可惜冷氣非常寒冷，餸菜一上，要馬上吃，否則很快就變冷！整體服務不錯👌

我不是同行，我係置樂街坊，真係好希望老闆能夠見到我呢篇食評，我由你哋開業，直到而家一直幫襯，起碼每個星期一至兩次，但奈何你哋越做越差，縮減成本加價都算，仲要越嚟越難食，湯好咸，早餐又唔比人選擇，只可以揀煎雙蛋，枝竹豆腐火腩煲完全係比煲菜乾豬骨粥嗰d豬骨我，只得三舊肉屬於正常，有皮有肉咬下，好差！十分差！社交媒體網站 「置樂街坊群」已開始討論你地，如果打算縮減成本去挽夠生意，我同你哋講，你哋一定會結業，麻煩正視。

最近時間多了就可以周圍探索，準備好遇到好食的就可以到適當時候介紹給小絲，盡男朋友責任。這間壹號餐廳在屯門都可以話非常偏，但是有車階級就好像很喜歡，因為出面可以泊車，坐近窗邊位又可以留意自由愛車。下午茶時間沒甚麼客人就坐了在卡位，很舒適，又慢慢看餐牌，可以享受多些時間。點了X.O.醬豬扒炒公仔麵，點這個是因為餐牌有手指公圖案，應該是廚師推介之選。這個X.O.醬豬扒炒公仔麵抄得真是不錯，而且料頭很足，以下午茶來說，份量就剛剛好，不過豬扒有點少。但最殺風景就是有隻烏蠅走來痴餐，趕都唔走。現在天時熱，人要嘆冷氣，估不到烏蠅都要來涼冷氣。神級無味食評師-阿偉

Lunch Time 好鐘意隨意渣車搵啲泊食易, 呢間幾好方便走佬, 見 openrice 多正評就入左去, 點知....其實食客對茶記要求唔係好高, 只有合格與不合格, 合格就得, 麻甩佬餐餐食咖哩 / 炒飯 / 豆腐火腩都得，合格就得😂我都係叫啲簡單嘢...焗肉醬...以為穩陣....點知係唔合格的...太咸, 無乜茄汁味 etc....我自己屋企煮好食啲....奶茶唔好飲無茶味又好甜....不過涼水話齋, 公道啲, 見人地正評係炒餸, 可能炒餸好食啲?

今天同朋友踩單車來到屯門，經過安定村附近research 一下OpenRice ，見呢間食物都ok環境都闊落，決定一試！坐低最緊要涼一涼佢叫啲汽水飲舒服哂，加埋呢度冷氣夠涼爽，為我地運動完半日cool down 一下^ω^1）黃金楊州炒飯呢個炒飯特別在於有加咸蛋王落去炒～令到原本的已經炒得幾好食的楊洲炒飯層次再昇華～每一啖飯都有咸蛋王的香味好好味啊～o(≧v≦)o2）咖喱雞扒飯一上枱雞扒大大塊，熱辣辣煎起超香金黃色，見到流哂口水，咖喱汁香濃得黎味道好正宗，絕對吾係一般市面用咖喱粉溝製而成咁簡單，呢間嘅咖喱有濃濃嘅香料味，落足料㗎，性價比非常高^o^

同屋企人去左呢間壹號餐廳食晚飯，每人都揀左一個餸，樣樣都幾好食。呀爸order左個豉椒炒蜆，鑊氣十足，鮮甜蜆肉，加上惹味嘅醬汁同豉椒，味道鹹香，真係幾大碟都好快食晒。我order 左個紅燒乳鴿外皮炸到紅卜卜，賣相一流，色澤好透亮，加上肉質鮮嫩，不錯😆薑蔥霸王雞薑蔥味十足，咸度適中，雞肉仲要好滑添。媽咪order左個豉汁蒸白鱔唔腥，入口鮮甜，加左豉汁就更香，更帶出鮮味！魚肉都好滑，幾好食👏🏻啲餸咁好食，搞到我左成一碗半飯🤤下次一定會再嚟食🥳

屯門雖然多餐廳，但好多質素都一般般，有時想食返間價錢合理又好味嘅餐廳真係唔易搵。今晚就試左呢間《壹號餐廳》，價錢方面合理唔貴，呢幾個小菜又拍得住啲大酒樓喎😋紅燒乳鴿非常有光澤感，而且皮脆肉嫩，睇落size都唔會話皮包骨咁，幾好食😋椒鹽鮑魚大大隻，夠晒份量十足。鮑魚外面炸到鬆脆鹹香，內裏軟過帶點紮實嘅Q彈口感，食完就令人回味無窮🥰豉汁蒸白鱔呢啲簡單啲嘅餸，最重要就係食材本身，呢條白鱔一啲都唔腥，肉嫩鮮甜，加埋豉汁蒸，簡單嘅美味！

平時最鍾意去既就係茶餐廳，貪佢又平又抵食，今次就黎左呢間壹號餐廳度食lunch，果然冇失望🤭我叫左個XO醬豬扒炒公仔麵，份量都幾多，大大碟，公仔麵炒得好香，好有鑊氣，豬扒都好大塊，啖啖肉，唔會柴，好彈牙，好滑，XO醬味都好濃郁，成個組合好正好夾，鍾意食香口既野既話會好鐘意👍☺️另外朋友叫左個招牌鮮茄焗豬扒飯，蕃茄味好濃郁，炒飯好有鑊氣，豬扒大大塊，好有份量，個飯焗得好香，面頭仲有好多芝士，焗到好金黃，脆脆地，配埋個飯食一流😋😁

想食大排檔鑊氣小炒但又唔想坐室外熱辣辣大汗滴細汗💦，望一望OpenRice 原來近近地有間壹號餐廳就有得食，即刻衝去啦💨紅燒乳鴿香脆可口，皮脆肉嫩，食落仲好juicy添。椒鹽三蔬好重椒鹽味，茄子、花生苗、洋蔥圈三款入面，我最鐘意椒鹽茄子，茄子茄肉入面真係好嫩滑，外皮又香脆！食到lamlam脷😋豉椒炒蜆份量唔會太少，爆香左豉椒之後加入咗鮮甜美十足嘅蜆肉一齊炒，估唔到冰室都食到大排檔嘅風味！超有鑊氣呀🥰配白飯食就至正😆呢餐飯真係食得好滿足，仲有得嘆住冷氣慢慢食😍

同男朋友一齊食lunch，見食飯時間到處都多人，我地又趕時間睇戲，所以都冇點揀餐廳，見呢間壹號餐廳睇落都乾淨又舒服就入左去食嘢。💓吉列豬扒飯呢塊吉列豬扒大大塊，真係超巨型，大過我塊面🫣。炸粉唔厚，外面好鬆脆，入面keep住有肉汁，肉質鬆軟。💓XO醬豬扒炒公仔麵呢個豬扒就唔係炸嘅冇咁熱氣，但都煎到金黃色，入口肉質都係鬆軟，唔會乾，都有啲肉汁，加左XO醬味道就更香，加埋公仔麵，完美配搭✨見佢哋嘅食物選擇都好多，加上即叫即整都keep到效率好高，好快有野食，仲要熱辣辣！好食過好多餐廳👏🏻

我地食咗薑蔥霸王雞，雞唔算多油，薑蔥都好惹味，無冰鮮味，雞肉嫩滑可口，多汁，爽！🤤🤤🤤❤️‍🔥❤️‍🔥蜜椒薯仔牛柳粒甜甜地又幾好食，牛柳粒7成熟都唔錯！口感好正👍🏻多肉多汁，爽口彈牙！😍😍牛味都好入味👍🏻👍🏻椒鹽三蔬有茄子，花生苗同埋洋蔥圈，洋蔥圈好香脆，椒鹽味十足❤️‍🔥❤️‍🔥花生苗🥜脆口回甘🤤🤤茄子都好爆汁💛💛非常好食！加埋紅茶花壇檸檬茶🍋一齊飲就更加好味！😋😋整體評價都好正面，非常滿意👍🏻👍🏻交通都方便，附近有巴士同地鐵站，方便易搵，唔洗再迷路了🤣🤣職員服務都好快手，入去即刻九秒九速度執檯抹檯，斟水落order，而且等上菜時間都好快，好快有得食，而且熱辣辣新鮮上檯👍🏻👍🏻❤️‍🔥白飯都好鬆軟，易入口，泰國香米，粒粒米飯口感不錯！😌😌品米師😂😂😂有機會真係要來食下👍🏻👍🏻