壹號餐廳

營業中

休息中

今日同男朋友出咗去荃灣食飯，我哋玩嗰間茶記食小炒，因為我哋兩個都係好鍾意食小炒嘅人。入到去之後店員都好用心咁推介佢哋點樣變熱門嘅菜式，所以我的好快就決定食啲咩。💯紅燒乳鴿💯豉椒炒蜆首先講吓紅燒乳鴿同埋豉椒炒蜆，我自己本身就好鍾意食，而且佢調味都非常之足夠，佢嘅炒蜆蜆肉平均都好大粒，每一隻都好入味👍🏻💯椒鹽三蔬(茄子，花生苗，洋蔥圈)呢一個小炒係平時少見嘅，平時都好鍾意食椒鹽豆腐，但今次竟然有花生苗同埋洋蔥圈。佢哋茄子贏咗非常有驚喜，因為唔會好乾身☺️

屯門嘅街坊有福了，最近發現咗一間好味又幾抵食嘅茶餐廳👏🏻，之前已經試過佢哋嘅下午茶餐，今次就食晚飯叫咗啲小菜。菠蘿咕嚕肉，咕嚕肉炸到外脆，而且又有酸甜嘅醬汁，鑊氣十足！菠蘿多汁又夠甜，真係又好有水準又必食！有呢個餸我可以食足兩碗飯🥰椒鹽鮮魷炸得好香脆，加上椒鹽味好香，魷魚煙韌牙，唔會咬唔開！最鍾意食啲香口嘢嘅我就好鍾意食呢個啦❤️豉椒炒蜆超級惹味仲香噴噴，蜆肉大粒又冇沙，配呢一個極有風味嘅小炒菜式，一定要叫多枝啤酒。一路飲啤酒一路食真係一流😆

同男朋友去屯門行街，去到屯門青善街4號康景花園地下12-24號，見到一間叫《壹號餐廳》的餐廳。餐牌好吸引，決定去試下。餐廳入面乾淨企理，空間好大，光線充足，座位亦好舒服。我地叫左三樣餸，西蘭花🥦魚柳，蜜椒薯仔🥔牛柳粒和紅燒乳鴿。西蘭花🥦魚柳，炒得好有光澤，賣相好靚。西蘭花和魚柳都好新鮮，西蘭花夠爽口，雪白的魚柳非常彈牙！蜜椒薯仔🥔牛柳粒，有紅椒，黃椒和青椒，三色椒又甜又爽口，薯仔炸過再炆煮，牛柳粒一口一粒好易入口，再灑上黑椒粒一齊炒，黑椒的香味和微微的辣味，令人食欲大增。紅燒乳鴿外皮燒到脆卜卜，撕開乳鴿果陣肉汁流出黎，見到嫩滑的乳鴿，未食已經流口水🤤啦！餐廳食物水準一流，一定推介比朋友黎食。

有d料道嘅屯門餐廳平時好少寫茶餐廳食評，今日吖姨帶我黎食呢間位於屯門康景花園的壹號餐廳，食到我舐舐脷，返來一定要為佢寫一篇食評支持一下，這間咁有heart 的茶記。環境:🌟🌟🌟🌟（五星滿分)服務態度：🌟🌟🌟🌟（五星滿分)味道：🌟🌟🌟🌟🌟（五星滿分)豉椒炒蜆炒得好有鑊氣嘅豉椒炒蜆，可以吐到一粒沙都無，係喺屋企整菜先會做到囉，抵讚！西蘭花魚柳個賣相好靚伴碟好有心機，見到都已經覺得好食啦，西蘭花🥦煮得剛剛好唔會太生或過淋，魚柳幾爽口好有鮮味！椒鹽鮑魚呢個真係勁推介！食材好新鮮廚師手勢又好，好易入口好爽口彈牙！椒鹽份量又唔會太咸，因為呢幾道餸我地食哂碗飯！平時我同丫姨係偏細食只食餸的人，今次真係食咗好多飯！薑蔥桶蠔煲仲有個桶蠔，哇粒粒都肥大新鮮！滿滿的醬汁送飯又係正，最後我地為咗呢道餸嗌多一碗白飯share 哈哈！

今次難得同朋友入到黎屯門，搵完地方影相打卡就黎到壹號餐廳呢間冰室醫下肚先！🐖吉列豬扒飯吉列豬扒炸到金黃香脆，超級大塊，肉質仍然軟腍，自家製嘅醬汁好多又濃味，仲有啲沙律菜配搭番，唔會太油膩又唔會食到好濟，撈飯食一流呀！🍚原條鰻魚滑蛋飯大大條鰻魚香濃嫩口，魚肉爽口，半生熟既滑蛋嫩口綿滑，蛋汁滲落啲飯一齊食，再配上燒汁鰻魚，鰻魚面頭仲有唔少既紫菜芝麻，完全係日本風味呀！飲埋可樂同凍檸茶就岩岩好，解渴好飲！

今日同細妹黎到屯門行街，不知不覺行到下午茶時間，見到呢間壹號餐廳，門口大大隻字寫住精美小炒，生猛海鮮呢啲，只可惜我地兩個未太肚餓，兩個女仔入到去簡單食個下午茶就好🤣黑白西多士🥞一個傳統充滿香港特色既下午茶，賣相非常精緻，好似去佐甜品鋪食咁，西多士每粒切到大小相約，一個品字形咁疊高，好似果金字塔咁，好得意😝西多面淋佐好多朱古力漿同煉奶，仲有一大齊舊牛油，十分heavy，但都真係十分好食！西多好厚身好大粒，每粒都係金其色，好酥脆，係食到停唔到口呀🤤如果下次有機會入屯門一定再黎！

前幾日入左屯門搵朋友，近近地就係佢屋企附近搵左呢間茶餐廳食，味道同環境各方面都唔錯。今次我地三個人就叫左三樣野食，因為下午茶時間都廢事食太飽😆▪️鹹牛肉炒蛋潛艇呢個潛艇都好大個下，上面超多炒蛋，炒蛋撈埋啲鹹牛肉，特別惹味✨再食埋包底一齊食，估唔到都超級飽呀😍▪️特濃沙嗲牛肉公仔麵呢個真係最正，沙嗲味超濃郁，但又唔會係死鹹，加埋牛肉份量都幾多，配上最邪惡嘅公仔麵，真係好滿足！▪️牛角酥火腿炒蛋牛角酥好酥脆同好香牛油味，炒蛋好滑，而且好香蛋味，再加埋火腿，呢個配搭好食過三文治好多😋整體嚟講，以茶餐廳水準嚟講都幾滿意，價錢都合理。

今日同老公係康景花園附近搵嘢食，我哋就去咗平時一間食茶餐都幾好食嘅茶餐廳，你間茶餐廳裝修光線非常鮮明，而且裝修得非常之乾淨。👍🏻叉燒滑蛋飯我哋就叫做叉燒滑蛋飯，佢嘅叉燒滑蛋飯非常多份量，而且叉燒都非常之大嚿仲係肥瘦各一半，食落口口感非常之好☺️再加埋豉油撈埋啲蛋就非常快食晒啲飯。👍🏻👍🏻原條鰻魚滑蛋飯呢個原條鰻魚滑蛋飯亦都非常推薦，佢嘅CP值非常高，佢嘅鰻魚亦都非常之入味同，鰻魚嘅肉質亦都夠爽口！

閨蜜特登老遠走過來探我同bb, 夜晚擺低bb 比奶奶照顧，同閨蜜過去對面村嘅臺號餐廳二人世界一下！坐完月好耐無岀去食嘢了，來到點左我的最愛🥩🍍菠蘿咕嚕肉,舊豬嘅外邊炸到有少少脆口，呢個口感就岩岩好啦，新鮮炸起趁熱食酸酸甜超開胃，中意食菠蘿嘅呢間份量完全滿足到我，爽甜又多汁！呢度嘅薑蔥霸王雞又係我每次必點菜式，黃油雞肉質嫩滑，肥瘦適中，伴碟非常有心機，食到甘有水準菜式，飯都一定會扒乾淨呢😌今次我地仲試咗來自泰國嘅勝獅梳打水，估吾到呢度都會有入貨，幾有特色！飲完gur 哂😃繼續番去湊b haha 下次有機會岀來搵食再寫過食評💓

男友成功幫我撲到飛咁叻叻，夜晚收工去請佢食佢最愛吃嘅壹號餐廳！哈哈我男友係茶餐廳小菜專家，同埋皆因呢度有佢最喜歡食嘅菜色！蜜椒薯仔牛柳粒& 薑蔥霸王雞💜蜜椒薯仔牛柳粒利用黑椒粒爆炒精選牛柳粒，牛柳肉質惹味炒得啱啱好！吾會好UN口送飯一流！💜薑蔥霸王雞好嫩滑嘅霸王雞，一啲都吾老，肉質細嫩鮮雞味濃郁，配合薑蔥絲食，食過番尋味！💜豉椒炒蜆這裡啲蜆處理得幾好無沙，呢樣真係好重要ga!!紅黃椒亦都好足料！💜椒鹽三蔬(茄子，花生苗，洋蔥圈)呢個係我嘅favorite !! 絕少數餐廳有提供花生苗，仲要炸椒鹽，真係少之有少！炸粉份量仲要岩岩好，吾會蓋哂原來蔬菜嘅味道！四個中菜加兩個靚仔白飯，又好味又滿足的一餐💜

爸爸生日，同佢出去食晚飯慶祝，爸爸鍾意食大排檔風味小炒，就一於一家人同佢去去屯門青善街4號康景花園地下12-24號舖的《壹號餐廳》。椒鹽鮑魚，鮑魚連殻上碟，好生鮮，大廚在鮑魚面上介開一小格格，令佢更入味，用蔥油爆香再乾煎過的鮑魚好香，再係上面灑上乾蒜粒和辣椒，呢個鮑魚冇得頂呀！ 豉椒炒蜆，蜆肉吐沙吐得好乾淨，蜆肉非常鮮甜，用豉椒炒蜆好惹味，青椒🫑好清爽薑蔥桶蠔煲，桶蠔原煲上，非常夠鑊氣，上菜仲聽到滋滋，有煙出的。煲料有大大隻蠔，雞髀菇，薑蔥，大廚將D料乾爆到好靚，好有色澤。蠔🦪非常生鮮，醬汁痴著啲蠔和雞脾菇非常惹味。豉汁蒸白鱔，白鱔新鮮夠爽口，豆豉味好重，蒸出嚟好香，用嚟撈飯食一流。

今晚同老公落咗屯門搵朋友，睇完車之後就諗住去食晚餐！突然間我哋都好想食小炒，朋友就推薦左康景花園地下嘅茶餐廳。佢話呢間茶餐廳裝修過之後座位坐得非常闊落，而且食物嘅質素都高😛我哋今次分別叫咗四樣嘢食，其中兩樣係豉汁蒸白鱔，西蘭花魚柳，佢嘅西蘭花魚柳非常之入味，而且西蘭花不會煮得過熟。而且佢嘅蒸白鱔非常脫骨，而且非常爽口。另外我哋仲叫咗兩個係椒鹽鮑魚，薑蔥桶蠔煲，佢嘅椒鹽鮑魚一份有6隻，佢每一隻嘅都幾大隻，而且食落口都非常爽口彈牙。另外，薑蔥桶蠔煲佢係成個熱煲咁上，非常香！

同屋企人黎到屯門搵親戚，去到晚餐時間親戚就介紹佐呢間壹號餐廳，真係無介紹錯！我地叫佐兩個魚，豉汁蒸白鱔同埋西蘭花魚柳🐟白鱔舊舊都又大又嫩滑，好香，吸晒啲豉汁，好入味，加上啲蔥花一齊食就超級惹味！而西蘭花又好爽脆好新鮮，魚柳無骨滑捋捋，口感超級正！🤤另外我地都叫佐啲熱氣啲既菜式，椒鹽三蔬(茄子，花生苗，洋蔥圈)同埋椒鹽鮑魚😝三蔬炸完都唔會太油膩，仲食到蔬菜既鮮味，花生苗口感原來好得意，全部都好好食呀！而鮑魚更加出色，炸到好酥脆，又唔會好韌好難咬，反而好香好有咬口，啲炸蒜令鮑魚更惹味，十級好食！🤩

今日同老公入開黎屯門搵朋友先知道原來有間叫壹號餐廳既茶餐廳，以為茶餐廳既小菜會無咩特別，點知都好有驚喜！我地先叫薑蔥霸王雞🐤，霸王雞雞肉嫩口，好滑完全唔鞋口，大量既薑蔥令雞更香，更惹味，隻雞仲係黃油，超肥美超正！之後就叫佐椒鹽三蔬(茄子，花生苗，洋蔥圈)🍆🥜🧅每一樣都炸到金黃香脆，茄子炸到外脆內軟，花生苗原來好得意，好脆口，洋蔥圈都好濃味，全部都好正呀！最後就係豉椒炒蜆👅每隻蜆都大大粒，豉椒好香，啲蜆好入味，又無沙，仲有啲青椒紅椒，好好食好吸引！

屯門呢間餐廳，係我少數會為左食佢服務質素嘅茶記，晚餐時間一如既往好多客，但侍應們仍然保持親切嘅態度，吾會催你落單又吾會趕住清枱係一個你可以舒舒服服同屋企人坐低慢慢食嘢品嚐佢地美味小菜地方、寶在難得😌佢的小菜都整得好出式味美！今晚同家人點了豉汁蒸白鱔，係呀爸嘅最愛，今日的白鱔肥瘦適中，蒸煮的時間亦都剛好！肉質唔會太淋身，彈牙爽口第二道菜蜜椒薯仔牛柳粒，係我媽至愛，三椒色澤味美，薯仔粒炆得岩岩好，仲索哂個汁嘅精華，牛柳好新鮮好入味！黑椒辣辣地好開胃送飯一流丫！椒鹽三蔬係呢個係每次一定嗌嘅！皆因佢採用嘅食材茄子，花生苗，洋蔥圈都大大件甘去炸，有埋椒鹽調味簡直係昇華吖！歡樂的一餐家庭飯聚，我地家人首選一定係臺號餐廳