壹點甜粵點專門店

營業中

休息中

好多時d餐廳做得耐咗，水準開始下降，壹點甜亦唔例外....最大問題係每一款點心份量都明顯細咗.....幫襯壹點甜耐咗，發現問題不少，座位細又少，餐廳狹窄，成日落錯單，等候時間耐，冷氣又唔夠，d碗同筷子最係感覺洗唔乾淨.....雖然缺點多多，但我仍然選擇繼續幫襯，無他嘅，鬼叫佢d點心好味咩，單單隻荷葉糯米雞，入面嘅配料唔似人地嘅咁多汁，已經吸引我再三幫襯啦。

自從食過壹點甜之后，都好少去d大集團嘅酒樓飲茶嚕，原因你們懂的。今次食完糯米雞之後，不得不寫文讚吓！好多時食糯米雞，果塊荷葉好似不停噤翻用，有次去聯和墟街巿三樓飲茶食糯米雞，果塊荷葉同吸油紙無分別，外相已經嚇死人，好多時食糯米雞，毫無荷葉味。今次幫襯壹點甜，一打開隻糯米雞，居然荷葉味撲面，食完隻糯米雞，睇住佢掉咗d荷葉，相信佢唔會翻用吧。不過，舊缺點仍然未改，就係要等！唔知係佢地人手不足，定係真係需時即叫即制。

已經唔係第一次幫襯哩間點心店，食左幾次先寫食評。雖然間店門面唔大，而且又細間，但點心令人驚喜！糯米雞d糯米飯係白色架，唔似出面d糯米雞咁成pat汁，燒賣係用蝦膠做，連最普通嘅潮洲粉都好有心機整，d皮超薄而且料夠，同樣腸粉d皮都好滑好薄，蝦餃就更加唔洗介紹啦！相信d點心係佢地自家制，唔似人地囉貨黎賣，點心水準好過好多大酒樓。缺點係間店鋪細左d，好易坐滿，大約得二十多個位，另外佢地真係即叫即蒸，所以等候需時，等得耐唔好鬧老板，最后要小心佢地會錯單。