壽司安

營業中

休息中

【#肥波日本野系列】#沒有店舖立場資訊 🎈食物質素還好，但服務真係好一般，幾個後生仔店員都唔算太有禮貌。🎈芝士吉列蝦卷味就正常，芝士cover量都多；章魚丸都唔算好厚皮，ok嘅；但…花之戀包到咁真係唔得！（見圖二）大佬呀，你求其包兩塊三文魚吱啲沙律醬鋪啲蟹籽就當係花之戀hea d喎⋯⋯拎到返屋企就散哂😑📍 壽司安 @sushion_japanesefood 📍 葵芳葵富路7號葵涌廣場2樓2002號舖#自費 #葵涌廣場 #葵廣掃街 #壽司安

築地飯 黑松露章魚燒行開葵廣但少食附近一帶手卷，但朋友推介，見廣告牌靚，價錢又好忯食。臨走時，決定嘗試買回家當晚餐。剛好買夠100蚊唔使找，築地飯65 黑松露章魚燒34加1蚊外賣。之後行左街1個鐘先返屋企開餐。一打開個築地飯，出奇地好食 事關行左1個鐘 返到屋企已經2個鐘頭后，飯醋比例一點都唔吝嗇，成個刺身飯 溫度仍然KEEP到冷，唔係室溫。刺身飯十分新鮮～ 2塊八爪魚👍夠甜但比較薄，好味，2塊三文魚👍 油脂比例 夠肥美 似魚腩部位 仲要係厚切。2隻赤蝦👍 唔算珍寶但一啲都唔細，十分新鮮 平時食放題 唔係好敢食蝦頭 新鮮 到 破例 食1次 完全唔腥 但蝦頭無咩野食 無肉食。唯一少少不滿 係店員只給1包醬油1包washiba，但刺身十分新鮮 所以醬油不足仍然好好食，washiba我只用了少許，但跟平時壽司店吃的washiba不一樣,有味但沒有那麽攻鼻。雖然質素十分高，但份量當午餐100分。當晚餐，記得要加小食。黑松露章魚燒 ～有黑松露味，章魚夠大粒，但粉醬食落有啲漏 34蚊6粒 價錢有點兒高，如果34蚊8粒😍就正啦！

唔想做生意就執咗佢啦！態度極差！唔想做就話賣曬退錢！叫咗個三文魚醬油漬手卷，佢哋自己整跌咗就怪我哋無及時拎到。仲要好串咁話，無貨唔做退錢啦。 清楚聽到佢地係入面問：做唔做番俾佢？個男人唔知佢係咪忙得濟發曬脾氣話：唔做啊！收銀就扮冇嘢退錢咁樣做生意真係不如執咗佢啦。服務性行業黎嫁大佬！忙就對顧客發脾氣？我地乜都冇做錯過！開心俾錢買嘢食最後要受你氣！控制唔到情緒就去睇下醫生啦。你地咁樣啲客只會一個一個咁走。Good luck。

🌸_❥❥❥❥❥❥❥❥❥❥❥❥❥❥❥❥❥評分(5分為最高):❥好味指數:❤️❤️❤️❤️🖤❥抵食指數:❤️❤️❤️❤️🖤❥回購指數:❤️❤️❤️🖤🖤❥❥❥❥❥❥❥❥❥❥❥❥❥❥❥❥_🍱食評:<#三文魚手卷 左$16 >三文魚好大條💗超厚🤩好新鮮❤️每一口都是油脂🤤最後一口都有三文魚🥰但這次個紫菜很軟 咬不斷😖😖.<#三文魚醬油漬手卷 右$15>*上一次已經試了 相中是朋友的這款是今天推介✨塗上甜甜的醬汁後😍再用火槍烤至黃金色🤤三文魚油脂滴在醋飯上😋令人回味無窮🤤🤩

29/3/2021, 19:45 呢次係第二次買，好可惜我唔會再幫襯；我只係問多一句點解收多$2，收銀男仔都ok, 起碼解釋俾我聽，手仲移開被張紙遮住嘅「外買收$1」；但係佢收完錢一轉入廚房度，廚房個帶眼鏡男仔竟然講咗一句：「洗x同佢解釋，指x住張枱咪得囉」講真果刻我好唔舒服，做人何必難為自己同人哋。

超鍾意食海膽的我，見倒壽司安主推海膽手卷，當然要嗌嚟試下！價錢唔貴，唔洗50蚊就有半板。等咗一陣就有，睇落色澤都幾靚，食落又估唔倒幾重料，仲好鮮甜！值得一試。朋友嗌咗即炸軟殻蟹手卷，因為即炸關係要等耐D，會比一個號碼牌，但其實我覺得個號碼牌好易帶菌，每個人都拎過，又唔覺會清洗，建議店主改下其他方式。講番軟殻蟹都幾脆，壽司飯質素都幾好，微酸味道剛好，很開胃！店舖門面有點亂，周圍都貼相同字，收銀有點多塵，有待改善。見有個新出蟹蓋，似幾吸引，下次會試。

第一次試點知就俾人呃錢仲要俾人x老母落完單，見過老闆娘已經態度差差哋，諗住第一次試吓好唔好食囉。點知好似欠咗佢咁，我叫兩件蟹子$5件，佢入咗個吞拿魚茸$11一件，同我講一價錢。諗住幾蚊唔會呃嘅咁就走啦返到公司對返張單睇埋價錢啱喎，之後返去同佢講。點知佢已經態度勁差兜口兜面指住我咪同咗你講一樣價錢囉！我話唔係喎同佢理論左一番點知唔肯退錢指住我黎少，又x晒老母，佢話而家係咪嘈交，我話你態度咁差我淨係想退返錢咋喎，嘈到其他客都即刻見佢態度咁差要退錢仲要唔肯認錯，話我有咩做錯。完全態度惡劣十幾蚊都要呃！完全一肚氣！痴線㗎今時今日咁嘅服務態度，完全可以執笠啊！其他食客都替我抱不平！大大聲自己做錯野仲喺度鬧人，事先聲明我已經好好態度完全冇講粗口點知俾人問候。我真係祝佢早日執笠

在葵芳廣場中美食琳琅滿目，喝完一杯消暑解渴的飲品後當然是要找美食，旁邊的壽司安好像在這裏也很有名，看到有兩三個人在等，就去試一下。美食的照片太多了，多到不知從何入手，三文魚軟殼蟹海膽蟹膏，這些都是店長推薦，他說今天海膽也很新鮮，我們就點了一個海膽手卷(半板)和炸蝦反卷。點了餐之後也不停有人來買東西，先來的是海膽手卷，海膽真的很新鮮，也很鮮甜，配上芥辣醬油，還有裏面加上一些青瓜絲，很清新可口。因為炸蝦是新鮮製作，即叫即做，所以比較慢一點，非常爽脆的外皮加上青瓜和紫菜，熱得有點燙口，非常香口，非常喜歡炸物的我真的很喜愛。吃了壽司之後還不是很飽，可以繼續去四處搜刮美食。下一家我來了。

心思思想食日本野又唔想去餐廳，所以去左葵廣搵食。呢間店係葵廣2樓，一直未有機會試到。都幾多選擇主要賣手卷都有海鮮飯賣 都幾拎食最後叫左加拿大海膽（$49）味道比日本海膽濃厚好多，好肥美而且新鮮，唔點任何醬汁食最正，有種好滿足既感覺。

蟹籽份量都幾多，差d想lam左成個兜兜佢🤣每一粒丸子都只有一粒章魚🐙熱辣辣即制+個皮都脆脆地+基本醬汁唔知呢個世界會唔會比我搵到一間既小丸子入邊會有兩粒章魚呢🐙🐙🤣🤣如果係嘅話應該係真愛💋😍

如果三樓卷之屋唔開，我就一定會食呢間。佢同卷之屋質素都唔差得遠，最大嘅分別有唔同嘅選擇，而且佢主打嘅海膽比較新鮮，呢間仲有丼飯同燒蕃薯食！三文魚芝士蟹籽手卷，芝士醬冇咩芝士味，個人來講都係比較鍾意食爭鮮嘅芝士蟹籽😝三文魚就唔錯啦，厚切得來可以大大啖食🥰 仲有佢塊紫菜係脆的！😍 每次食到脆嘅手卷紫菜都會特別開心，因為咁先係食手卷嘅精髓呀！不過壽司飯就比較硬身，應該係珍珠米嘅問題，食咗一半已經開始覺得濟哈哈。芝士火炙鰻魚手卷，塊芝士燒咗但未溶，好fail😆 鰻魚剛剛用火炙燒熱咗，仲食到炭烤味同暖暖地，同埋我欣賞師傅會喺飯同魚生中間加青瓜絲，口感唔會太寡。小店來講算好有誠意，繼續支持！

嚟到葵芳廣場當然要掃街而我最深刻嘅就係啱啱落成嘅時候海膽手卷就成為咗一個熱潮主要原因就係家家唔太貴同時已經可以食到至少半版嘅海膽呢一個咁正嘅美食呢一間壽司安自己已經食過兩次，而呢兩次嘅水準都有所進步尤其是海膽嘅鮮味都不斷提升而我今次額外加虎蝦亦都非常鮮甜好爽脆配合海膽又香甜又清新配合埋Wasabi豉油個感覺就回味無窮份量都唔細飯都夠多價格亦都合理不愧係一個葵芳廣場嘅其中一個美食，大家都可以去試吓㗎。

孖寶海膽手卷，半板小型海膽孖加拿大海膽，咩小型海膽唔知，但色澤算唔錯，一次過食兩款可以食出兩種海膽嘅輕微分別？普通質素，真係睇你把口有幾勁。宜家食手卷都即刻話要海膽，間間都做，同樣即叫即做，價格同貨源其實都差唔多，有一定生意紫菜好少放到淋，飯同樣道理，係睇份量嘅少許分別。葵芳依個場之前有間生意好勁，兩個舖位都搞唔掂，後來搬到另一層，一個舖位都唔多生意，而係原址附近嘅依間生意望落又確實好咗，果然，食店密集就係密集，小小差距結果都天差地遠。

🍙壽司安🍙-海膽手卷$❹❼見到半版海膽這四個字實在太吸引忍不住買來試一試☺️😆海膽份量適中，海膽顏色呈橙黃色🧡🧡味道沒有苦味但好似又食唔到海膽應有既鮮甜味紫菜不脆身👧🏻覺得$47有點偏貴😗😗😗

📍壽司安葵芳葵富路7號葵涌廣場2樓2002號舖Kay Gor 行葵廣梗係要搵好西，今次黎又好次多咗好多唔同食店今次試左海膽手卷⭐️⭐️不過個海膽不過不失，個人覺得唔算太出色啦只係合格水平，不推薦呢個價錢，其實都算唔錯當然價錢可以平多少少啦同類選擇太多了#kayGorfoodie #foodie #hkblogger#food #foodporn #yum #instafood #yummy #amazing #instagood #photooftheday #sweet #dinner #lunch #breakfast #fresh #tasty #foodie #delish #delicious #eating #foodpic #foodpics #eat #hungry #foodgasm #hot #foods #MakeYouSmileStyle #HypeLife#hkfood #hkfoodie #foodie #hongkongfoodie #instafood #hkig #hkigfood #hkeat #eat #hongkongfood #hkfoodblog