影片
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
【油尖旺區】【壽司郎】同美女朋友行奧海城二期，穩穩陣陣食返啲大路集團嘢「壽司郎」。佢好似同八爪魚有仇咁，食咗「八爪魚(迷你飯)」、「炙燒羅勒八爪魚」同「炙燒芝士八爪魚」壽司，佢中意就得啦。我見到「雙色三文魚花盛」有生三文魚同炙燒三文魚腩撈埋一堆就叫碟嚟食吓，結果有啲後悔，因為真係非常平庸。新嘢仲有「大阪風魷魚燒」壽司，創意一流味道一般。之後嘅「日本產原隻帆立貝」、「地中海產醬漬炙烤大吞拿魚腩」、「炙燒赤蝦」、「北寄貝(迷你飯)」、「炙燒羅勒三文魚」、「炙燒鹽味特選大吞拿魚腩」同「花之戀」壽司，大家都係 share 食。食埋「爆盛三文魚蓉軍艦」同「炸蝦天婦羅拼盤」配「天婦羅蘸汁」之後都七八成飽，味道都冇特別。反而有款「漆黑螢光魷魚軍艦」，美女朋友話出面好多人話伏，咁我梗係要叫嚟食吓佢。食落其實唔差，只係佢嗰陣腥味係來自墨汁嘅，香港人未必食得慣。甜品時間，美女朋友話必點「牛奶味軟雪糕」，因為加埋枱面啲綠茶粉落去就勁正，開心到黐咗綫咁，大家中意可以試吓。我就食「雷神朱古力相思相愛卡達拉娜」同「伊達巻和風甜點拼盤」，前者好一般，後者係有驚喜嘅。埋單加埋一係 $392，合情合理啦。。。（地址：大角咀海庭道18號奧海城二期1樓146C-146D號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區佐敦分店：1am1517#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #大角咀 #奧運 #壽司郎 #sushiro #牛奶味軟雪糕 #雷神朱古力相思相愛卡達拉娜 #伊達巻和風甜點拼盤 #花之戀 #漆黑螢光魷魚軍艦 #炸蝦天婦羅拼盤 #炙燒鹽味特選大吞拿魚腩 #炙燒羅勒三文魚 #北寄貝 #炙燒赤蝦 #爆盛三文魚蓉軍艦 #大阪風魷魚燒壽司 #地中海產醬漬炙烤大吞拿魚腩 #日本產原隻帆立貝 #八爪魚 #炙燒羅勒八爪魚 #炙燒芝士八爪魚 #1am1719 #1ambackup
繼續閱讀
買左飛睇戲，睇戲之前緊係要醫飽個肚，嗌左好多野食，有啲好好食，有啲普普通通，有啲好難食。所以想分享比大家知，唔好食既可以唔洗嗌。味道好食這次試了幾款食物真心不錯，特別推薦「三文魚」，入口鮮甜，肉質嫩滑，讓人回味無窮！「極上海膽海苔包」更是一大亮點，海膽濃鬱的鮮味與海苔的脆口完美結合，吃起來真的是一個享受。「日本產原隻帆立貝」亦都好出色，貝肉爽口多汁，帶有天然嘅甜味，令人一試難忘！味道普通有些食物味道就普普通通，唔算特別好食。「特盛長鰭吞拿魚山」、「大海螺」、「油甘魚」和「吞拿魚」都是中規中矩，味道OK。「松葉蟹軍艦」同「甜蝦軍艦」亦都係一般水準，食落無特別深刻嘅印象，感覺上同一般日式餐廳差唔多，唔會特別推介。很難食不過，有些食物真心令人失望。「 高湯玉子燒」真係一大敗筆，口感怪怪的，味道完全唔啱，吃了一口就唔想再試。「 三文魚刺身盛」和「北海道產極上三文魚子海苔包」都有些失望，期待很高但實際上無達到預期，特別是三文魚子，鮮味和口感都稍為欠奉，感覺有些浪費。飲品方面，「三得利啤酒」和「 Horoyoi柚子鹽」都挺好喝的，夠清爽。「卡達拉娜甜品」算是中上水平，可以一試。
繼續閱讀
嚟到壽司郎唔係為咗食佢地嘅味道,而係為咗食米芝蓮一星廚兼澤良太嘅名氣。佢設計咗多款嘅壽司,例如特製柚子香大蜆高湯、Royta特製牛肉與生海膽海苔天婦羅配特製醬油、Ryota特製呑拿魚與生海膽海苔天婦羅配特製醬油、Royta特製炙燒中呑拿魚腩配蘋果芥末醬及特製松露香氣壽喜燒牛排等,全部我都試過哂,除咗松露香氣壽喜燒牛排,好遺憾嚟咗三次都無得供應。仲叫咗炙燒特選大吞拿魚腩配柚子醋蘿蔔蓉、極上海膽海苔包、炙燒焦糖鵝肝壽司、炙燒天然金目鯛、特盛紅楚蟹腳配蟹羔及綠茶巴菲總括所有壽司,我認為奢華級A5黑毛和牛壽司同焦糖鵝肝壽司最好味,若果下次有星級厨嚟設計壽司,不論味道我仍繼續嚟食佢地嘅名氣。
繼續閱讀
【HANGYODON🐟 x SUSHIRO HK🍣】新一期同水怪聯乘商品，太得意真係要黎食下😍🩵【食炸雞都可以很浪漫】（$28）⋯💝附送害羞公仔（一款）為左隻面紅HANGYODON而來一定要嗌😍按一按個臉珠登熱感後會面紅好可愛🥰炸雞係客觀嘅好食😂熱辣辣炸得香脆雞肉好Juicy😝🩵【HANGYODON浪漫芭菲】（$38）⋯💝附送杯緣子（兩款，隨機送1款）兩大粒甜甜嘅白桃肉，雲呢拿雪糕同埋芭菲中間藍色啫喱同Cream多重層次💗隻公仔重有兩粒食係嘴邊好趣緻🥹🩵【給薄荷fans的浪漫雪糕蛋糕】（$28）⋯💝附送橡筋頭飾（2款，隨機送1款）薄荷味雪糕蛋糕，藍色嘅雪糕中間夾住粉紅色嘅蛋糕同圓珠朱古力脆脆😜好少女嘅色系😜之後嗰幾碟係每次黎壽司郎都會點咁滯🥰：🩵香蔥赤蝦（$12）香蔥同赤蝦依個配搭真係出奇地好食！🩵炸蝦天婦羅拼盤（$28）佢嘅天婦羅真係炸得好好！拼盤包括有2隻蝦、2舊菇、2舊南瓜、1塊紫蘇葉🤤🩵原條海鰻（$27）依款就第一次叫，海鰻大大條，入口即溶，好香😋😋忍唔住要同水怪仔影幾張寫真😍太QQ啦！💝⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯📍壽司郎 (奧海城二期) (大角咀)🗺️大角咀海庭道18號奧海城二期1樓146C-146D號舖🈺星期一至日 10:30-22:00（重有多間分店）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
繼續閱讀
喺奧運the sky睇完戲散場，一行幾步路就見到壽司郎，即刻同朋友試！ 初三公眾假期都好快搵到位，等咗大概10分鐘左右。見到入邊個場都幾大，客如輪轉。 啲嘢食都不過不失，上菜都頗快。 唯獨是嘢食嘅擺盤有少少同想像中失望，因為我係第一次嚟食。之前大家都吹捧到好勁，因為佢食物質素，同埋擺盤都喺水平之上。 試咗佢個「蟹肉忌廉可樂餅」，感覺又唔差。但係外貌似一隻炸蠔。 總括嚟講，壽司郎係可以翻check的 。 性價比高。
繼續閱讀