壽司郎 (愛賓商業大廈)

營業中

休息中

第一次嚟尖沙咀呢間壽司郎，覺得好難食，上環分店真係好食好多。見到有蟹做主題，所以先趕緊起佢未完之前嚟幫襯，點知係非常非常之失望！我哋叫咗佢就蟹腳，林啤啤咁樣，食完唔敢吞驚唔新鮮，lur番出嚟。之後叫咗個蟹柳壽司，係硬骨骨同乾爭爭，冇食晒就浪費咗佢。仲有個吞拿魚壽司，完全冇顏色，食落完全唔新鮮。食完同左店完講，佢話唔會架喎，我地啲野新鮮番。最後只肯cancel蟹腳果碟，我覺得你cancel唔cancel都唔緊要，最重要係 你要反映番俾你個廚房聽。同埋自己食下先講啦咁都叫新鮮？相同實物完全2回事。

1月份壽司郎出左 《螃蟹祭🦀》 餓底琴日去左壽司郎食 🦀水煮松葉蟹腳 $17 見佢個樣好似普普通通 松葉蟹腳加埋上面既蟹膏好夾 😙👍🏻🦀蟹肉忌廉可樂餅 $17 可樂餅既料滿到咬落去既時候係會滿瀉 🤤超級足料同夠滑 😋🦀蟹肉茶碗蒸 $22仲布壽司郎必食既茶婉蒸 勁足料👍🏻 完全唔係hea 面頭有一D蟹肉 裏面仲有帆立貝🩵食完正餐到甜品時間🍰🍰純白戚風蛋糕配特製忌廉 $27 呢個12月既新品 我會稱佢為世一蛋糕‼️佢簡直係驚為天人用最簡單既戚風蛋糕加埋特製既cream 加埋雪糕🍦成個味道係perfect池 😚有少少芝士香味 再加埋忌廉既軟滑 雪糕既冰凍 wow 🤤🤤🤤 餓底好想呢個加入主餐牌度 ☺️🍓士多啤梨吉士忌廉卡達拉娜 $22 泥到士多啤梨季梗係要食埋呢個卡達拉娜 佢個味道有D似H字頭雪糕店既 strawberry and cream 好香濃 面頭仲有焦糖烤到脆左 完全係 cream brûlée 既面加雪糕 😋🍓士多啤梨控必食‼️🍮濃厚煉奶布甸🍮 $22 布甸軟滑 加埋草莓果醬 🍓👍🏻#餓底推介 #壽司郎

去到壽司郎，當然會食我最喜愛的三文魚壽司、拖羅壽司和薯條。這些美味的食物總是讓我食指大動。三文魚壽司的新鮮魚肉與柔軟壽司飯結合，每一口都帶來滿滿的滿足感。而拖羅壽司有其獨特風味，令人難以抗拒。最後，薯條的酥脆外皮、綿密內部，再搭配上鹹香的調味料，絕對是我的最愛！這三種美食的組合，簡直是一個完美的享受！

壽司郎6月推出咗一款超誘人嘅明太子忌廉烏冬！之前已經試過佢㗎啦，絕對係超級好食！今次一見到佢又出，我即刻衝過去食啦！希望呢個菜式可以成為佢哋嘅常駐Menu啦！🍜😍🍣明太子忌廉烏冬真係一個絕配！烏冬麵條彈牙，配上濃郁嘅明太子忌廉醬汁，真係令人垂涎欲滴！真係好難抗拒呢種美味！我就希望壽司郎可以將呢個菜式永久列入佢哋嘅菜單，我可以隨時隨地都食到啦！🍜🍣😋希望壽司郎可以保留呢個美味嘅烏冬！🍜🍣😍👍

本來冇打算食壽司，行過見到壽司朗就唸住買俾小朋友食。外賣冇得單點，一定要買套餐或者6件一盒。買咗6件呑拿魚腩壽司，6件三文魚壽司，6件蝦三味壽司，6件池魚壽司。等咗10分鐘左右有得攞，攞嗰陣時就聞到有啲腥味，聞一聞袋裏面真係好腥，一路行都聞到嗰陣腥味，就好似街市魚檔嗰啲臭腥味。心唸成廿幾蚊件呑拿魚冇理由係咁嘅質素。但返到屋企食，打開真係超腥，啲三文魚同蝦勉強入到口，呑拿魚同池魚真係頂唔順，第一次食唔落要掉，食完成間屋都一陣腥味⋯⋯

尖沙咀呢間壽司郎係新開嘅，之前一直都好多人，所以我揀咗網上book，終於今日可以食到啦，但係其實都唔係咁多人啦已經，因為我見夜晚Walk in都好多嘢食到。講返啲食物先，壽司郎水準一直都好好，藍鯨吞拿魚，三文魚，油甘魚等等嘅壽司都係keep到水準好好食，仲有今日食咗個新嘅拉麵，信玄拉麵，個湯底非常之濃郁，非常之好食。仲有甜品方面，再次食返芭菲，今次係食綠茶芭菲，唔會太甜味道啱啱好。真係very good。

今日lunch同同事去食壽司郎, 好好食呀! 今次我叫嘅碟數比之前少，但一樣都咁飽，原來宜家抵食左，因為d 野份量大左。我同同事同樣叫左燒三文魚腩，佢有6片，但我得4片，但佢好大方，俾多一片我😂😂

係香港既壽司郎分店大大話話我都食過十幾間，算係長期客仔，但尖沙咀分店的質素係香港咁多分店黎講都算數一數二咁差，食壽司郎時希望避開依間分店。第一，餐廳內部不知道是抽氣問題定點，有一陣淡淡的臭味，令人食得唔係咁自在，要扣分。第二，壽司出品的水平參次，我明明叫左一舊中拖羅，但大家睇圖見到件拖羅差唔多細個舊魚生飯咁滯，唯一值得稱讚既係壽司郎職員馬上幫我安排換返一件正常拖羅，工作效率一流。味道:3/10環境:4/10態度:7/10價錢:6/10總分:20/40(合格)評級: D+

去完k11 Muse，慢慢行到金馬倫道，見到新開一間壽司郎（而且食壽司郎可以唔使排隊啦）因為係新開，環境都幾舒適同埋闊綽。餐點都係一如既往抵食。同朋友一起兩個讓食300蚊唔到，好抵！海膽吞拿魚好推薦，得27蚊一份，呢個價錢食海膽都唔夠。牛排壽司都幾唔錯，12蚊兩舊刺身類都幾抵食，點餐無壓力同埋蜜桃🍑雲呢拿雪糕都回歸啦，不過食得太飽，就🈚️order，下次會再來。尤其是係尖沙咀，更加覺得壽司郎好抵食。

見壽司郎推出咗7月期間限定嘅夏祭menu，有幾款望落都幾吸引，即刻去睇吓值唔值得大家排隊試！今次就集中介紹夏祭嘅呢4款新商品👇🏻▫️中吞拿魚腩配醬漬智利海膽 ($17) 4/5見網上都幾多人話海膽有腥臭味同份量細，我哋食又冇呢個問題，海膽唔苦仲帶有少少鮮味，中吞拿魚腩都幾肥美魚味濃郁，$17有呢個質素我哋都收貨，性價比幾高！▫️軟煮鮑魚 ($22) 3/5鮑魚肉質柔軟唔韌，但切得太薄，加上鮑魚本身冇乜味，食落味道一般。▫️特選松阪和牛 ($27) 2/5食落完全唔覺得似和牛，牛肉燒到乾曬，肉質比較柴，有牛味但唔香，唔推薦🫠▫️白桃味芭菲 ($35) 4/5夏天食凍嘢真係好爽！白桃雪芭同牛奶軟雪糕加上醃製桃，底層再放咗牛油蛋糕。白桃雪芭嘅桃味唔算好假，桃肉香甜清新，軟雪糕一如既往好重奶味，蛋糕配冰涼嘅雪糕一齊食好滿足💖雖然壽司郎越開越多分店，但係排隊人數都仲係好多，我哋今日5點鐘到尖沙咀店攞飛，都等咗一個鐘先有得食，但已經算係我地排咁多次以嚟算快嘅一次🤣大家通常要排幾耐隊先食到？又或者有邊間分店質素係比較好同穩定嘅都可以comment話俾我哋知😆Overall rating (5粒⭐️為滿分)味道