壽司郎 (銅鑼灣廣場二期)

營業中

休息中

通常開完會下晝，都會選擇到壽司郎盡情食一餐，平日嘅午市唔算多人等位，一般等15至20分鐘就可以入座，所以一班同事都間唔中會嚟食。每次必點嘅都會係軟殼蟹壽司，軟殼蟹炸得好香同鬆脆，壽司嘅質素都對得住佢嘅價錢，茶碗蒸都好好，上枱時依然熱辣辣，仲有帶子壽司，帶子好大粒，另外有樣我每次都推介其他朋友食嘅就係芝麻焦糖番薯，呢個係甜品，每次都至少叫兩碟。今次仲叫咗提子雪葩，味道唔會好假，好好食。埋單每人都係$200左右。

今日又係第二次 等得耐過上次少少可能happy Friday食壽司必嗌刺身， $39.4隻，底下嗰啲到而家都唔知係咩 $29海膽壽司OK試吓呢個生蝦刺身，其實蝦生嘅味道同赤蝦差唔多，但係就多咗個頭，個頭幾鮮味佢大致上都OK，第一次嚟嘅三文魚比較瘦，第二次就肥好多，當中有其中一片唔知係抽到魚定係乜嘢魚，左邊最低嗰片，我同朋友都唔鍾意覺得好腥🙈螢光魷魚好特別好味，蟹膏就普普通通，辣味吞拿魚軍艦個辣味調得好差，好古怪，但係又好甜，我同朋友都麻麻哋牛肉烏冬，正常發揮 牛肉係肥牛，所以我俾朋友今次個蒸蛋機壞咗好傷心，冇得嗌蒸蛋壽司郎食咗兩次好似已經有少少厭倦，選擇好少啊🙈

之前我一直覺得壽司郎的食物質素及服務也不錯的,亦幫襯了一段時間,但直到最近光顧時,令我大跌眼鏡。我哋坐下來不久,正想用茶匙吃東西,當時個黑色筒裡面只有兩隻不鏽鋼的茶匙,但兩隻茶匙竟然都有污漬(但乾身) 於是我禮貌地要求一位年青、戴眼鏡、皮膚白淨的男員工(化名'白先生')幫我換D乾淨的茶匙,他說好的。過了不久,白先生就拿了一堆(至少5至6隻)茶匙給我,然後我想把之前果兩隻有污漬的茶匙還給他,但他卻突然聽不見於是我再重複一次,他還是聽不見然後我忍不住大聲叫他:「這兩隻茶匙有污漬呀!」這時白先生終於聽到了於是他勉為其難地收走果兩隻茶匙,還對我說:「其實你可以把有污漬的茶匙放回去筒裡面的」我即時O咗嘴 於是我在黑色筒裡拿了一隻茶匙,發覺是濕的,而且有很多污漬甚至我看見茶匙上有細細粒、綠色的物體,我懷疑那是綠茶粉的漬!於是我從黑色筒裡拿另一隻茶匙,又是又濕又污糟,然後我拿多幾隻茶匙看看,筒裡面的全部茶匙竟然都係又污糟又濕的! 到底剛才白先生是從哪裡拿了這堆又污糟又濕的茶匙給我的?請問白先生你有沒有基本的衞生常識? 如果你是食客,你看到這堆茶匙時,你還敢用來吃東西嗎? 後來我把此事告訴一名男主

等得幾快 壽司郎有啲啲名過其實，但係性價比俾元氣高好多！蒸蛋$19但係敬祝了比較好味嘅係帶子，佢嘅味真係鮮甜好多海膽OK啦，份量太多！赤海蝦刺身嗌咗兩份幾好質素，底下嗰啲唔知咩嚟貝殼類都比元氣鮮味好多好多朋友呢件都唔錯有個期間限定遊推薦嘅鰹魚壽司就麻麻哋啦蜆肉湯就比較少蜆肉，湯嘅份量就係麵豉湯！佢碗烏冬有啲白色嘢唔知咩嚟，但係我同朋友都唔鍾意嗰個口感呢度啲人流好似少啲，食完兩三點都可以慢慢坐😌上菜速度都唔錯

壽司郎 (銅鑼灣廣場2期) (銅鑼灣)銅鑼灣駱克道463-483號銅鑼灣廣場2期3樓3A號舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿平時收工想去食壽司郎真係都有啲困難。因為喺銅鑼灣實在太多人等位閒閒哋都要等兩個鐘。今次我醒目呀，我哋本身去上堂前已經攞定飛上完堂啱啱好時間去到就可以入座食啦。壽司郎啲質素真係維持好好。雖然係得一個鐘嘅時間，但係每一次都會叫自己最鍾意嘅壽司。同埋都會食期間限定嘅壽司。不得不說啲個甜品都係一流嘅。

日本人氣Sushiro壽司郎進駐香港咁耐都未去過，終於有機會試吓。座位非常闊落。輸送帶有好多款壽司，可以即刻攞嚟食。極上鰻魚壽司醋飯上面鋪滿香口的鰻魚，再加上特製醬汁，十分惹味捲物大大嚿非常足料。

嚟過好幾次都係食唔到。一係排得太後，一係諗住攞定飛去行下街先又得三幾個排緊。今日終於有幸就得啱時間去食。因為我哋專登早少少食，等了15min左右就有枱。原先覺得呢類連鎖迴轉壽司就應該好食極都係咁上下，所以都無乜特格期望。食了期間限定的海膽吞拿魚壽司，海膽不過不失，帶微微既電油味，但$17呢個貨錢算係咁。試了就算，唔會話想食多舊。另外從迴轉帶上攞左舊拖羅壽司，亦有少少腥。最後2人埋單，比起平時食元氣貴了大約$200。總括然而，貴少少/差不多價錢之下，雖然壽司朗食物款式較多，但元氣壽司款式我個人比較啱食，而且比較新鮮(亦可能因為佢哋已經無做迴轉、即叫即做)。如果下下要排隊排成咁，我諗我以後都唔會再食。

六月嘅推介唔太吸引所以相隔咗兩個月先再嚟食我6:06嚟到拎飛現場差唔多迫爆門口拎飛見仲有百零張枱就喺附近行吓 好在而家可以用電話app睇住叫飛叫到幾多號8:00再行返去等已經即刻可以入堂食限時1小時一坐低，梗係要叫七月推介海膽中拖羅 $17嚟到賣相唔錯海膽都唔算少食落都有海膽嘅鮮味拖羅都係溶化嘅唔係網上面講到咁差$17黎講 性價比好高我哋都encore左今次仲識到個白桃芭菲之前推出過一次，但冇機會食今次就叫返嚟食白桃果肉唔算出色但反而個桃味雪糕好好味下面仲有牛奶雪糕同蛋糕做底成件事好配合

加大蔥花吞拿魚軍艦 $12呢個嘅吞拿魚蓉好軟爛（非貶義），份量好多，食落好似同飯融合咗一齊咁，不過吞拿魚蓉冇咩味，冇咩鮮味，所以都係要靠豉油拯救特盛長鰭吞拿魚 $22呢個對比吞拿魚蓉個個好食好多，佢多咗三塊吞拿魚，呢塊吞拿魚都好軟，冇咩筋，但食落又唔會好似吞拿魚蓉咁爛，所以口感會豐富啲特盛甜蝦 $17Total好似有8-9隻甜蝦，隻隻都好鮮甜，一啖係食唔曬，所以可以夾起幾條當刺身食特盛小柱天婦羅軍艦 $17呢個有驚喜，小柱應該元貝，佢炸到脆一脆，配上燒汁同沙律醬真係好好味1.5倍白朱古力味卡達拉那 $22呢個唔推薦，太甜，我除咗甜味其實食唔太出白朱古力味，原味好食好多

壽司郎每月的限定新品都不會令人失望！6月主題為「大大大祭」，份量全力加碼上，滋味大大大滿足！✨今期新品推介：🐟特盛長鰭吞拿魚 ($22)3片吞拿魚加上吞拿魚蓉大盛，油脂甘香爆燈！片片肥美油潤入口即溶，想食完一件又件！🦐特盛甜蝦 ($17)8條鮮甜滿分的甜蝦舖滿壽司飯上，甜蝦愛好者表示超滿足！🍜明太子忌廉烏冬 ($32)湯底creamy十分，口感細滑，味道超濃郁，教人一試難忘！🐚特盛海螺 ($17)口感清脆爽口，鮮味十足！🐚大赤貝 ($17)結實肉質爽厚，鮮味爆滿！🍎蘋果味雪芭 ($12)口感綿密似沙冰，味道清甜不膩～

同名餐廳來講，銅鑼灣呢間算好，因為每次我11點前嚟到，都一定有位，唔使等，又可以早啲食完，然之後去銅鑼灣行吓街😘🥰🥰今次去係為咗佢個特大盛！其實每次佢嘅限定食品，都有驚喜，今次呢個簡直係抵呀最鍾意食甜蝦，今次佢個甜蝦壽司，上面係有八隻甜蝦，新鮮又好味，食過返尋味❤️❤️另外佢個特盛長鰭吞拿魚仲厲害，工塊鰭吞拿魚再加嫩嫩嘅蔥花吞拿魚蓉，多重口感，好味到暈❤️❤️仲有就係佢去魷魚筒飯，其實初頭叫，以為佢係熱食，嚟到先知原來係凍食，但係除咗魷魚筒飯夠味之外，佢亦都有張魷魚鬚炸天婦羅，雙重口感，一次過滿足晒兩個願望😌😌最後，都鍾意佢而家會有一啲壽司係飯量比較少的，適合我呢啲鍾意食刺身，但又想食少少飯，又唔想要太大舊煩嘅麻煩友😂😂😂

呢幾年疫情大家都返唔到家鄉🇯🇵 實在好掛住當地嘅美食🍣所以作為🇯🇵過江龍嘅壽司郎一直人氣爆燈🚀雖然不停咁開分店 但人龍一直都冇停止過出現‼️又想食但又唔想排隊👍🏻係有方法㗎🤩先download 佢地個apps做會員 然後經apps book位就可以喇😌 大概早10幾日book定位再約人食都唔遲😝我今次就係22/5 約定左5/6 夜晚6:00食🍽️當日去到 喺番拎籌部機登記番😗成個waiting area 都係人 但有book枱所以唔洗1分鐘已經有枱俾我地入喇👏🏻減肥人士福音🙌🏻 而家啲壽司可以揀迷你壽司飯😀啱晒low carbs 人士呀🙌🏻好可惜價錢冇平到👀但我覺得有得選擇係好事🍣 我有朋友平時食壽司係淨哂啲飯㗎🙌🏻所以推出呢一個menu都幾好👍🏻除咗點餐 仲可以享受返迴轉壽司嘅樂趣🫶🏻大概每個款都有擺2-3碟☺️Wasabi都係喺迴轉壽司帶上面😌啲魚生都幾新鮮🐠👍🏻 而且款式又多😊有啲少見啲嘅食材佢都會有😌有啲朋友唔食魚生 熟嘅壽司都多選擇㗎🙌🏻味道大部分都不過不失😋價錢分別係紅碟($12)銀碟($17)金碟($22)天婦羅出奇地高質👍🏻 件件都好大件🤩絕對唔係用厚脆漿炸充大頭🍤👏🏻有南瓜

餐廳位置位於銅鑼灣地鐵站附近，喺日本出名嘅迴轉壽司！今日終於都去食！價錢亦都相對實惠，等候時間亦都唔係太多首先想讚吓佢嘅茶碗蒸，佢嘅茶碗蒸非常好食，呢個價錢亦都相當抵食，茶碗蒸入邊有好多唔同嘅配料！有帶子同埋🍤！茶碗蒸嘅湯底都非常鮮甜，令到成個茶碗蒸更加昇華！貝3味性價比都好高，$17有三件壽司，其中赤貝壽司嘅味道最好，比較鍾意赤貝爽脆嘅口感 蟹膏蟹肉壽司嘅蟹膏味道非常濃郁，再配埋蟹肉食嘅配搭唔錯！最後食埋甜品大概每人食左$200

- 長崎產天然九繪 $27 呢款魚口味幾清新，不過就平較清淡，建議大家食咗呢款之後先食其他壽司 - 燒明太子配忌廉芝士軍艦 $17 明太子味道好濃！配上芝士係絕配，但係燒明太子唔夠熱，如果燒完即上就perfect - 北海道產昆布漬八爪魚 $17 感覺上呢款八爪魚同平時食開嘅普通八爪魚差唔多，口味都係有啲淡 - 特盛炸蝦海苔包 $12 呢款係我覺得最好食，性價比最高，啲蝦係即炸同埋份量都幾大 - 鹿兒島產大切赤花間八 $22 赤花間八呢款魚係第一次食，口感幾滑同埋有嚼口 - 白鐵火卷（赤花間八）$17 份量夠多！但係紫蘇葉味好重，蓋過咗魚嘅味道 - 長崎產炸池魚 $17 呢款都好抵食同幾好食，池魚嘅味道本身就好獨特，再加上係即炸，所以真係幾好味，而且份量好大。推薦！ - 海鮮風味炸雞 $27 食唔出海鮮風味係咩味，同普通炸雞差唔多味，即炸而且雞肉多汁，唔會乾晒。 - 壽司郎奶昔沙冰 $1

今日食壽司郎，如果唔想排隊，俾個小貼士大家：就係一開門就去拎位，完全避咗排隊時間😛相信呢一間成日排隊嘅壽司專門店大家都好熟悉。咁究竟係乜嘢原因令到咁多人鍾意食呢一間壽司店呢？冇錯，就係佢所有壽司都出名平同埋好好食。點為之好食？好食就係佢哋嘅食材好新鮮，飯同埋醋嘅比例好適中，如果有紫菜嘅軍艦亦都好脆口。而且大卷嘅餡料十足，飯嘅厚度適中。仲有就係壽司飯唔會大大嚿。呢度除咗凍食品，仲有好多唔同款熱辣辣嘅食物。味道都非常好㗎，我個人最鍾意就係茶碗蒸😋