夏捌月 (已結業)

餐廳位於朗屏站天橋下面，是每日回家必經之路，估唔到質素幾好，價格唔算太貴。S1 威靈頓牛柳配飯/意粉/薯菜$用酥皮包住牛柳，將肉汁鎖住，牛柳呈粉紅色，肉質軟熟，牛柳中間夾住巴馬火腿，帶點咸香。S4 捌月COMBO 煙三文魚 & 巴馬火腿米紙沙律卷鵝肝米多士辣汁焗廣島蠔迷你芝士焗肉醬意粉這個combo可以試齊不同款式，鵝肝煎得香濃，竟然不是配多士，而是配旺旺米餅，食落好有新鮮感。廣島蠔好大隻，醬汁帶點微辣，能夠帶出蠔的鮮味。迷你芝士焗肉醬意粉的確係迷你，肉醬帶少少酸味，感覺開胃。惠顧晚餐奉送餐湯及餐飲餐湯選了羅宋湯，加酥皮要加$18，見到隔離檯飲緊個酥皮湯好吸引，所以我地都忍唔住加左。酥皮超脆，羅宋湯的蕃茄味夠香濃，飲落帶點微辣，好惹味。

繼續睇住地圖搵好西！今次試咗夏捌月嘅晚餐~威靈頓牛柳配薯菜（黑椒汁）$168 + 羅宋湯$0 + 凍朱古力$3根據維基百科，威靈頓牛排是用上好的菲力牛排，大火煎上色。包上一層有鵝肝醬的蘑菇泥，再包一層火腿後，用酥皮包裹並刷勻蛋黃液，入烤箱焗熟而成。之前睇她她她的少女時代，成日聽到威靈頓牛柳，今日一試，又真係好好味！用酥皮包住軟嫩嘅牛柳，中間仲夾住脆口嘅火腿加添一層咸香味，正~配菜都唔馬虎，薯角香脆、紫薯香甜，大滿足👍羅宋湯有少少辣，足料、好飲。樽仔朱古力其實係係雀巢朱古力嚟，味道ok~煙三文魚蛋黃卡邦尼意粉 $82 + 跟餐 $20：酥皮忌廉湯 $18 +凍奶茶 $3我好鐘意食卡邦尼意粉，所以試過喺唔同餐廳度食，呢間算一般啦~忌廉湯都係麻麻地，加$18酥皮好似唔太抵，樽仔奶茶夠香，唔太甜，不錯。

好耐冇入元朗行，今日專程入去搵朋友及搵嘢食，因之前聽說元朗一帶很多美食，所以便走咗去呢間叫做「夏捌月」的餐廳看見這門口，想不到原來這個裝飾櫃便是入口店鋪細細餐牌也迎合10分精緻店鋪的裝修10分骨子頭盤當然是來一個美味的餐湯，使胃口更能打開先來一個板燒鑊仔牛柳，上枱便見三大件的牛柳，每件都煮到我所喜愛的7成，再配以它的醬汁帶出牛味，咬落也很軟熟，但仍保持肉感。而我朋友便叫了一個紐西客蒜泥牛扒，份量重磅，肉質鬆軟味道不，除了本人叫的牛柳以外，這件牛扒也煎得每邊微濃更帶出郁香最後叫了一杯醒神潤口的洛神柚子蜜。

夏捌月係區內聞名已久，但一直未有機會去試，趁住今次食生日飯，就同老媽子一齊去試下了收工去到大約夜晚8點左右，但呢個時間4個Dinner set居然已經有2個賣晒試唔到我最想食既牛扒，咁唯有退而求其次叫個焗豬扒意粉啦加$20就可以轉套餐，有湯同飲品，樽仔奶茶加$3由於減緊肥的關係，無再加$18轉酥皮湯，留返下次再試講返個意粉，茄蓉好濃味，意粉爽口彈牙，仲有少少雜菌，整體配搭相當唔錯主角既吉列豬扒份量十足，厚切得黎相當軟腍，咬落去仲有肉汁，對我呢D食肉獸黎講簡直一流！老媽子糾結好耐終於叫左個日式雞扒薯蓉沙律要讚一讚的是店員好有耐性，老媽子又糾結價錢又怕個沙律加左WASABI攻鼻阿之阿左好耐先落單，但店員一D埋怨都無，服務態度極好個沙律蔬菜份量偏少，薯蓉加左WASABI但唔算攻鼻，食落唔差但有D滯，最後都食剩半碟薯蓉雞扒不過不失但雞皮煎得香脆，還算不錯

由於豬病左一排，已經好耐都冇出街食飯喇，所以老公特意帶豬放工後食個飯黎慶祝下。夏捌月係豬幾喜歡嘅餐廳，門口擺放左好多唔同嘅超級英雄q版公仔，當按左開門制後，門口緩緩打開，發出嘅電動聲音再配合周邊環境及燈光，都幾有神秘感，哈哈。雖然店內空間不算大，但是一間舒服好chill嘅小店。入到餐廳，第一種強烈嘅感覺係店員非常非常之有禮貌，每個問題都會用請問，確實而家真係好少聽到，所以令豬有好深印象。我地order左一個Bbq醬烤豬排骨同埋威靈頓牛柳配意粉，奉送餐湯及餐飲。羅宋湯味幾香濃，番茄味夠，有少少辣，豬唔係特別食得辣都接受到，仲覺得好開胃添。Bbq醬烤豬排骨，很常見嘅菜式，但煮得好並唔容易。豬排骨差唔多有10支，伴埋香脆薯條同紫色蕃薯蓉，份量都唔少，幾抵食。除左賣相吸引外，味道亦非常好，肉質嫩滑，配上特製的燒烤醬汁，真係食到啜手指，惹味非常！威靈頓牛柳呢個菜式，工序繁複，焗既火候亦要控制得好好，製作時間起碼要等15-20分鐘，酥皮入面包住大大塊牛柳，切開見到肉質係嫩粉色，令人食慾大增，生熟度控制得宜，食落牛柳肉質嫩滑唔乾，仲係有肉汁留出黎，而家諗起都在回味中🤤最後叫左2杯餐飲，呢度嘅樽仔奶茶

因為朋友住哩頭附近，夏捌月都食過好幾次，今日第一次試羊架，所以特登分享下。格局有少少改左，坐位之間比之前再闊左啲，坐得再舒服啲。點左蘇烤焗羊架，蘇皮湯羊架4隻都係中至大size，唔係細細粒肉果種，面頭係一層滿滿嘅黃介辣，上面仲加左啲面包糠一齊焗，口感超香脆，加埋羊架本身嘅蘇香，口感超豐富。薯皇炸得夠時間好脆，而且份量超多。菜類翠玉瓜都好入味，唔係求其洽2粒西蘭花果種。份量多到其實食唔晒，超飽超滿足又係滿意嘅一餐。

朋友仔今日入元朗約我食lunch ，我就帶佢去食夏捌月，貪佢氣氛寧靜，方便傾計，食物質素又唔差，於是一諗就約佢食啦😊餐廳就係朗屏西鐵站樓下，所以唔係元朗人都好易搵午餐款式樣樣有，仲要幾十蚊有交易，係平、靚、正之選而家仲有和牛限定😜紅湯/白湯，食西餐基本餐湯板燒鑊仔牛柳配長通粉$64有三塊牛柳，超抵食，牛柳煮得剛好，肉質鮮美蒜泥西冷牛扒配薯菜$61，蒜蓉味好香濃，十分惹味香口大大杯凍檸茶，夠哂飽今次無叫到樽裝奶茶，都好好飲架😋

鑊仔牛柳既火喉控制得幾好，可能係七成熟既關係，所以肉質好諗，切開個時仲有小小肉汁，十分juicy!.薯角表現正常，雖然唔係即炸，但外層都唔會太硬，點埋茄汁食就岩岩好。.美中不足既係意粉，白烚既意粉配埋跟餐既燒汁一齊食，味道都係好單調，如果店家花點心思，先用茄汁煮一煮意粉，味道或會更佳。📍之前試過呢間餐廳既其他牛扒午餐，價錢雖然平十蚊左右($5x)，但是肉貿偏韌，無鑊仔牛柳咁諗，所以大家去食個時記得留意啦！

今日去朋友屋企取手信，禮尚往來，請佢食lunch。去左朋友仔屋企樓下（富來花園）嘅夏捌月餐廳。入邊餐廳地方不算大，但裝修都幾骨子。打開餐牌，set lunch都有幾多款選擇我哋order左紐約客蒜泥牛扒及洋蔥厚切豬扒餐湯我哋揀咗忌廉湯，湯入面有火腿、粟米、蘑菇，都幾足料，而檸檬茶就比平時的餐廳大杯，檸檬茶唔係太甜、茶味夠濃厚切豬扒都幾大塊，唔鞋口，切出嚟有肉汁，而黑椒汁是亮點，汁濃，配合豬扒很夾味牛扒亦都好大塊，牛扒上面有蒜泥，都幾好食，平時吃的餐廳只有薯菜、飯、意粉選擇，而夏捌月多一款長通粉選擇配合服務及價錢，下次可以再嚟encore

老公生日，當然要揾間好食D既餐廳，兩口子好耐無食西餐了，以前午飯經常係呢間食，抵食又好味。今晚呢餐十分滿足，食物比以前更出色👍so 皮羅宋湯，鬆脆外皮加上濃郁羅宋湯，好出色慢煮牛柳配鵝肝大麻菇，好食到不得了，7成熟，充滿肉汁，口感十分嫩滑又有牛味，配上鵝肝既香濃，香味係口中回盪，必食推介，一定要試，真係好出色西冷亦非常出式，相比牛柳，口感比較爽口，牛味香濃，一樣充滿肉汁👍配多款醬汁，但我始終較喜歡原味👍😋😋😋😋一餐平凡而美味既生日飯，老公都讚不絕口🥰😋👍

同朋友慶祝生日，又唔想去太遠，響返區內食飯，於是揀左呢間！店內座位都算闊落，大概可以坐到二十到三十人左右。今次叫左火三個套餐，質素甚高。餐湯有白湯同紅湯，紅湯有濃香蕃茄味。主菜大約20分鐘就上菜了，都幾快手！主菜都會有烤雜菜配，有紫薯泥，粟米芯同甘荀。慢烤安格斯肉眼牛扒叫左medium well, 肉汁豐滿，肉味濃郁，配黑椒汁食味道一流！澳洲M5和牛西冷價錢比肉眼扒貴小小，但絕對值得比，肉汁同樣很多，廚師水準很高，切開塊西冷見到紅色部分正正係心目中的要求，抵讚！酥炸海鮮盛有軟殼蟹，廣島蠔同大蝦兩隻，炸漿不厚，食材新鮮，蟹很香脆，蠔的size亦很大隻！不錯！另外，一定要試下佢地既港式奶茶，茶底很香，奶味濃，很幼滑。人均消費約$250，一定會再番去再食過！

這幾天都下雨，正好消減夏天八月嘅暑氣，就來吃一個美味牛柳晚餐吧，食肆位於朗屏西鐵站嘅夏捌月，店員禮貌地安排入座。一客味道十足嘅酥皮羅宋湯揭開序幕，酥皮嘅香酥已令人讚賞，食完没有滯感。羅宋湯酸甜適中，红蘿蔔腍甜，茄香陣陣，十分可口。主菜菲力牛柳蓋著香脆甘香嘅鵝肝和厚厚腍滑大蘑菇，外觀已很吸引。厚厚牛柳五成熟，切開已經肉汁滲出，入口非常腍滑，牛肉味香濃，點上熱暖蘑菇醬汁，更能突顯牛柳嘅色香味，令人回味無窮。配以香滑嘅樽裝朱古力飲品，令這個晚餐更完满。

元朗特色食店不少，這間餐廳位於元朗富來花園，装修古樸不起眼，给人平實嘅感覺。我是牛扒愛好者，幾乎是每次食西餐嘅必然選擇。先來酥皮忌廉湯，酥皮熱辣香脆，入口鬆化，好吃不油膩。忌廉湯幼滑香濃，火腿絲和洋葱很惹味，單是餐湯已令人回味。主菜五成熟安格斯肉眼扒，火候控制得宜，外表香脆，入口肉味香濃，肉汁豐溢，嫩滑而不覺肥腻。薯角配菜很豐富，脆厚香口，再加上紫蕃薯蓉，甜滑味美，作為牛扒配菜很特别，更能提升飽足感。飲品來一杯冰凍雪梨蜜，冰涼潤喉，充滿雪梨清香，消暑兼消膩。

今天難得放假，天氣十分炎熱🥵。老公提議今晚想吃鋸扒，於是帶我去朗屏站附近「夏捌月」餐廳，食西餐。😋來到餐廳門口，擺放了餐牌，價格都很合理啊！👍進入店𥚃，座位擺設整齊乾淨，柔和嘅燈光，很舒服😌我們點了《慢烤1855黑安格斯肉眼牛扒（22安士）》和《加拿大豬鞍扒併醬油燒元貝》先送上是日餐湯羅宋湯🥣湯味濃郁的，食材豐富，味道啱晒我口味😋急不及待品嚐，牛扒很香噴噴蕉香味，肉質嫩滑，咬落啱啱好不太乾😋配菜方面有粟米芯、番茄仔、翠玉瓜、紫色番薯蓉，都是我喜歡吃😋豬安扒分量十分厚，肉味香濃的，醬汁甜甜地，配上燒元貝很特別的配搭😋飲品是餐廳自家製原裝凍樽仔港式奶茶&咖啡，味道不太甜😋今晚和老公一起吃晚餐，非常滿足啊！

今天和朋友在元朗附近經過，發現了這間餐廳，所以進來試一試。我們8點多來到，幸好還有位。因為我們都喜歡吃牛，我們所以點了一份牛魔 ver2.0，當中有西冷牛扒、鑊仔牛柳、霜降牛粒。牛排十分大塊足料，煎得剛剛好，而且不會韌。點上黑椒汁吃，十分滋味。我們又點了一份鐵板雜扒，當中有雞扒、豬扒、薄燒牛肉、煙肉、火腿、德國腸。上菜時，店員幫我們停黑椒汁，「沙沙」聲，十分過癮。雞排和豬排很大塊，十分抵食。我點了一杯凍樽仔nestle朱古力。朱古力味香濃，十分喜歡。今天十分滿足，下次會再來試試其他。