夏茶 (元朗千色匯)

營業中

休息中

持續高溫 🥵出街熱到溶，走入千色匯商場嘆下冷氣，買杯凍飲cool down下，「夏茶」元朗出名茶飲店，見好多開心果系列👏🏻全港首創開心果鮮奶，已經買出4萬杯，果然元朗世一👍🏻🥤開心果芝士椰椰$42上層開心果芝士奶蓋，選用日本開心果漿，味道濃厚，下層係新鮮椰子水夠清甜，仲有少少開心果碎增加口感。🥤芝士楊梅雪冰$42選用新鮮嘅楊梅打雪沙，底部有楊梅果肉，雪沙夠晒冰凍，味道酸酸甜甜，芝士奶蓋夠creamy除咗飲品，仲有好多甜品～

入元朗飲夏茶！世一茶飲店真心正💯 今次特登衝入元朗試「夏茶」 果然冇失望！兩杯嘢飲勁有驚喜 真心世一✨ 🔷芝士楊梅雪沙第一啖就飲到超濃楊梅味 酸甜清新到爆💥芝士奶蓋鹹香綿密 同楊梅冰沙撞出層次仲有啲蒟蒻增加口感 飲完成個人涼晒🌬️🔷開心果芝士椰椰（新鮮椰水）呢杯不得了！日本開心果醬+美國果仁打嘅奶蓋堅果香超濃郁🌰 仲有粒粒果仁碎咬到配埋清甜椰水同蒟蒻 又creamy又清爽完全唔膩 開心果控必試👍兩杯都真材實料 味道夠哂特別絕對值得入元朗encore下次想試埋其他口味🫶🏻

我係開心果fans，一直都幾鍾意夏茶開心果系列，之前試過幾款都好正。不過今次幫襯完，應該無下次啦。我試過開心果芝士椰椰，椰青水同開心果味都好突出，飲落真係好開心。開心果芝士鮮奶都好濃味，之前每次飲都覺得非常好，不過今次試開心果芝士雪沙就極度失望！雪沙好似溶溶地，感覺唔夠清爽，而開心果芝士味道一嚟少二嚟都唔夠濃，完全冇之前嘅水準。之前飲過嘅開心果系列雖然細杯啲，價錢唔平，但好飲就值得，讓人期待再回購。不過今次呢杯成50蚊，結果係唔夠味，真係令人失望。我希望你地可以keep番之前嘅水準，改進產品質素，重拾消費者對你地嘅信心，讓我哋可以再次享受到開心果系列的美味！希望你們可以聽到顧客的心聲，讓我們有更好的體驗！

元朗嘅夏茶出名都變咗必飲項目！夏茶世一，今日飲既係佢哋新品芝士楊梅雪沙，酸甜嘅楊梅雪沙配上濃濃芝士泡沫，入口清新又creamy，酸酸甜甜好過癮🍓！飲落冰涼涼，夏天飲簡直係救命！另一款開心果芝士椰椰🥥更加係驚喜，開心果嘅濃香同椰子水嘅清甜夾到天衣無縫，芝士蓋微鹹香滑，飲一啖即刻feel到幸福爆棚😍！夏茶成日推期間限定新品，過咗就無，全港首創！咁啱今次嘅新品超好味！！開心果味真係佢哋嘅王牌，濃郁又唔膩，配椰子水新奇但超match，每啖都係驚喜！

今次分享夏茶嘅金珠鮮奶茶✨夏茶嘅嘢飲有樣好好嘅優點就係已經預設咗少甜少冰 落單唔使特登要求而且飲落甜度真係好適中👍🏻夏茶喺元朗都可以話係名物嚟 佢地啲水果沙冰都幾唔錯🍹今次呢款金珠鮮奶茶算係夏茶入面性價比好高嘅嘢飲✨真係見到店員沖嘅時候有落新鮮嘅奶🥹而且茶味同奶嘅比例調配得好好🙌🏻唔會沖到冇咗茶味 入口好順滑～✨而且都算係幾大杯 少冰完之後真正有嘅茶同奶都好多🤤唯獨珍珠有少少硬 同埋如果可以用黑糖炒過啲珍珠就好啦～

📍入元朗飲夏茶 — 夏茶-夏茶已經開到去元朗，見佢個開心果咁出名又咁多人打卡就去試下，我係去左千色分店買🍵【開心果白玉鮮奶茶】 $48 (9/10)其實都幾貴，佢個開心果醬同奶蓋都真係超濃，奶茶又好飲，建議試左一啖奶蓋之後，成個白玉浸落個奶茶，咁就可以得到一杯超濃厚開心果奶茶，如果再大杯啲同多啲果碎就好了下次會試埋Top 1嘅芝士開心果鮮奶-📍【夏茶】 元朗教育路1號元朗千色匯地下47號舖元朗鳳攸北街5-9號順豐大廈地下3號舖元朗元朗炮仗坊36號地舖旺角登打士街55號鴻達樓地下3號舖葵芳葵富路7-11號葵涌廣場2樓C78號舖🕑Mon to Sun 12:00~21:00

💖 令我徹底淪陷嘅喺個杯顏值與口味並存嘅“奶蓋豆乳小丸子茶”🥤！即刻去試嚇佢。頂層喺厚厚嘅奶蓋，綿密細膩，入口即化，奶香四溢，喺幸福感爆棚嘅節奏！🥛💨 搭配順滑嘅豆乳，香濃唔膩！😋重頭戲黎啦——軟糯Q彈嘅小丸子，咬一口，同奶蓋豆乳簡直喺天作之合！🍡💥 杯茶飲顏值超哂班，拎喺手影相打卡絕對吸睛無數！📸✨ 🌟🌟🌟🌟快啲黎“夏茶”，同我一齊感受呢份來自味蕾嘅清新同甜蜜啦！你嘅奶茶清單入面，就差呢一杯！🏃‍♀️💨

見社交平台個個人都話好好食，唔食唔得等字眼，令我都好想試，但無咁大期待就無咁大失望🤔首先個價錢都唔算平，而份量其實算大既，但個開心果味就好淡，只係食到上層既白朱古力味🥲口感就正常，又未到超級滑，又未至於唔好食，可能榴槤布甸較出色啲？🤔下次要試先知😂而我飲夏茶不嬲飲開心果雪沙，但今次轉咗飲鮮奶，umm味道都係好淡🥹定咁岩依次整得比較淡🤔如果比較上黎，雪沙會出色過鮮奶🙈各人有喜好🥹我就對開心果布甸有啲失望既，專登去試但未係心目中個樣野😂

夏茶早幾日針灸完去咗元朗千色匯商場買「夏茶」飲，入得元朗緊係要買返杯「夏茶」，飲廢水緊係要飲得健康，暫時我覺得佢哋係廢水界No.1！1.芝士開心果鮮奶$48（每日限量供應）（10/10）呢杯芝士開心果鮮奶係每日限量供應，開心果鮮奶係全港首創，每月佢哋賣出千杯，採用用咗日本開心果醬，再加入明治鮮奶，最後再喺面頭加上大量開心果碎，飲落奶味好重好滑，加埋開心果味濃，再咬埋開心果碎嘅香，飲廢水最驚就係甜，驚甜呢杯就好啱你啦！2.芝士楊枝甘露（跟芒果柚子寒天）$45（10/10）呢杯芝士楊枝甘露好鬼大杯，每飲一啖都會飲到有芒果果肉、柚子肉同寒天，寒天非常大粒，我上網仲查過寒天原來非常有益，含有豐富多醣體，熱量幾乎為0，且富含水溶性膳食纖維，食用後無須擔心熱量，也能增加飽足感、促進排便，又被視為控制體重推薦食品！2人總共價錢$93個人口味總評分：10/10 @hachahk 地址：元朗教育路1號元朗千色匯地下47號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#夏茶 #元

疫情前已經飲夏茶，當時我係另一個社交平台一出post超過4000 likes！估唔到之後執咗，仲要執左一陣子，最近佢終於捲土重來，留守元朗，選址千色廣場！仲有最斤hit爆嘅開心果系列，用開心果醬😳不過我今次就唔飲開心果，試下其他招牌。 芝士白玉鮮奶茶 $38 芝士白玉鮮奶茶都幾打卡，有一串白玉放係杯面，灑上黃豆粉舖面，有奶蓋，最底就鮮奶茶，配搭新穎，全港首創。 芝士椰子甘露 $45 新品芝士椰子甘露，同樣有綿密芝士奶蓋，椰味好重，甘露有爆珠咬下，不過我個人喜好覺得甜咗少少。

元朗夏茶打卡必試🤩開心果鮮奶炎炎夏日入得元朗當然要去潮聖啦！去夏茶打卡，試首創開心果特飲！小編見到有多款開心果既飲品，好多都好想試呀！今次小編揀左以下呢款🌸開心果鮮奶🌟🌟🌟🌟🌟開心果醬搽勻左個杯、面頭有數粒開心果碎、攪勻成杯有濃郁開心果奶昔既味道，就算所以冰溶晒，都唔會減淡左開心果味道。======詳情======夏茶 (元朗)元朗教育路1號元朗千色匯地下47號舖================#夏茶世一#開心果鮮奶#日本開心果醬

今日再次嚟到元朗夏茶試兩款人氣飲品一嚟到見到好多人等緊嘅都係開心果產品另外新出咗開心果tiramisu（$50）✧ Oreo白玉鮮奶茶（$42）呢款奶茶真係奶茶控嘅天堂 每一啖都好有驚喜Oreo同濃厚順滑鮮奶茶完美融合再加上Q彈嘅白玉珍珠 真係好正Oreo餅碎令飲品多咗一層脆脆嘅口感茶味好濃 奶香十足 同Oreo味好夾甜度啱啱好 唔會太膩每一啖都感受到濃郁嘅Oreo香氣✧ 鮮牛油果冰沙 （$42）牛油果順滑感同冰沙嘅清涼感完美結合🤝🏻係一款既健康又美味嘅飲品牛油果嘅自然香氣好突出甜度啱啱好 唔會過於甜膩冰沙嘅口感非常細膩綿密 完全無冰渣整體口感非常清爽 適合炎熱嘅夏天解渴如果你有機會嚟到元朗不妨嚟夏茶試試呢兩款飲品相信你都會愛上佢哋

見到夏茶新開咗喺千色店，又有新出左開心果奶蓋茶，就買咗杯嚟試下。四十幾五十蚊一杯嘢飲都幾貴。飲完真係好失望，冇開心果味，底仲要只係一啲糖漿，死甜，完全唔好飲。如果想飲夏茶，飲返其他手搖會好啲。

夏茶之前一直都係教育路營業，開心果系列同鮮果沙冰都係元朗廣為人知，今日係千色匯開左新店，一於試一試。竹蔗清椰水（$38）正值夏日炎炎，非常最適合飲用竹蔗清椰水，既清涼又消暑，而且味道亦唔錯。竹蔗同椰水既配搭十分和諧，而當中馬蹄爆珠比較有驚喜，馬蹄味的醬汁從中爆出，當中馬蹄粒亦增加左唔少口感。芝士OREO奶茶（$38）奶茶不嬲係我的最愛。依款奶茶既芝士濃厚但同時又唔會太膩，茶香奶滑，加上Oreo 及金珠，既有咬口，又可飽腹，推薦重口味人士試一試。

天氣炎熱，行街行到出曬汗，最啱就買返一杯飲品解渴。見到夏茶今日最後一日有優惠，買開心果系列飲品即可享有＄5折扣優惠，即刻買杯黎飲。雖然多人等候排隊，但都阻止唔到我要係夏茶買開心果鮮奶既決心！！佢地製造飲品既速度都快，大概等候10分鐘就出品。係等候既時候都留意到店員非常認真，每一杯出品既飲品都會摸拭杯身，以防製造既材料黏係杯身，為顧客帶黎不便。嗌咗夏茶嘅top1同埋top3招牌✨芝士開心果鮮奶最表面有開心果碎粒，新鮮鮮牛奶加上絲滑既芝士，每一啖都有濃烈既開心果味道伴隨著芝士奶蓋既鹹香，令人細味當中！芝士楊枝甘露真材實料，一啖啜落去可以啜到啲芒果蓉、椰果。面頭有一層厚厚嘅奶蓋，飲落去充滿海鹽芝士味，好creamy，濃郁順滑，入口即溶，又唔會冚咗楊枝甘露嘅味，口感豐富有層次😋可惜既係有d飲品唔可以揀甜度同冰涼，想欺騙下自己飲得健康d都唔可以☹️