夏茶 (鴻達樓)

營業中

休息中

本身同朋友行開旺角一帶，就諗起之前聽過好出名嘅夏茶🤓去到店鋪嘅時候，有兩個店員，但係無咩客人，所以整體出野飲嘅速度都係快。我地叫左開心果鮮奶（$48)，味道唔錯，有濃郁嘅開心果味。知道佢有 成本高嘅日本開心果醬同牛奶，但係比想像中細杯好多…個人認為佢質素唔錯，味道不過不失，但係定價比較高，性價比唔算高。問題出現係店員嘅服務態度。見到店員都係無接任何單，但係係我準備下單嘅時候已經用非常唔耐煩嘅語氣同眼神望住我，好似我下單比左工作量佢咁。下單之後有講麻煩想要封口帶走，佢直情零掩飾佢嘅厭惡，望左我同朋友一眼，再望返其他店員。知道手搖店都唔應該期望服務態度，但係試問一個顧客如果比錢買飲品，卻換來呢種被人厭惡嘅目光同態度，真係非常受氣同不值得。如果係繁忙時間我會體諒的，但係當時只有我地一個客人… 由下單前到比被飲品我地，佢又翻白眼又有厭惡客人嘅表情，真係大大影響整體體驗。見到都有其他人話有個別員工嘅服務態度差，希望店入面都有其他態度好啲嘅員工。如果唔係，我應該唔會再去第二次💪🏻

近期開心果甜品好hit，所以都開始對開心果原味道了解多左，食開心果整既甜品/飲品都會揀有質素既去試知道呢間喺元朗最早開店，今日路過旺角見呢度都開左間，所以都想試下佢啲開心果嘢飲得唔得我同朋友分別揀左：開心果白玉鮮奶茶（凍）原來呢杯得呢間分店有，所以一定要揀。賣相好得！杯上放住串新鮮白玉丸子，淋上綠色開心果醬，建議丸子即刻要食，仲要點埋杯面既芝士奶蓋一齊食！係非常軟糯既丸子，新鮮整而唔係入他牌既現成丸子。第一次外賣嘢飲有丸子食，好正！開心果醬係保存新鮮原味，唔係人工假味既開心果醬，食緊丸子時聽店員話個醬係日本既開心果醬，所以唔怪得咁高質，係真係食到開心果既香，杯嘢飲仲有啲開心果碎+芝士奶蓋，有3重口感同層次。雖然奶茶味俾開心果蓋過，但整體好好飲！芝士開心果鮮奶（凍）呢杯比想像中唔膩！因為個名又芝士又鮮奶咁，係見menu話佢係Top no. 1，所以先揀，果然有料到！奶味唔會濃過芝士奶蓋，而且有開心果醬同開心果粒既香、脆，所以係會吸引你不停啜，好快呢杯嘢就飲曬喇😂😂見舖面寫住全港首創，質素又真係唔同啲👍🏽👍🏽好在而家唔使入元朗咁遠飲😂😂😂今晚落雨，天氣唔係咁好，所以好彩唔算排好耐就買到🤭🤭

近年開心果產品好流行，一直想試下開心果飲品，之前得元朗有夏茶，而家新開咗喺旺角，方便好多，今日經過要試吓，都幾多人排隊，不過好快就有，夏茶有多款季節限定飲品。招牌No.1開心果芝士鮮奶杯身鋪滿大量開心果醬，加入新鮮牛奶，再加入綿滑厚身的芝士，甜中帶點芝士的鹹香味，以開心果碎作點綴，開心果味道濃郁，口味偏自然，唔係假味溝出嚟，真材實料，甜度適中，一個人飲一杯開心果芝士鮮奶都唔會膩，除了鮮奶仲可以選擇雪沙。開心果椰椰呢款係今期限定，飲呢杯真係可以消暑解渴，用左新鮮椰青水，上面係開心果芝士，估唔到兩樣咁夾。

大隻仔今次覓食嘅店舖就係💥 夏茶 💥大隻仔今次介紹一間以開心果係元朗爆紅嘅人氣茶飲店「夏茶」，最近喺旺角開第一間元朗以外分店，必飲人氣No.1 「芝士開心果鮮奶」，人氣大熱「焦糖白玉鮮奶茶」同埋期間限定「開心果椰椰」。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 芝士開心果鮮奶 $48面層鋪滿厚厚芝士奶蓋同美國開心果碎，杯邊唧滿日本開心果醬，先用口飲一啖，芝士味道非常濃郁，充滿芝士咸香味道，再攪勻用飲管飲，開心果醬味道非常突出，鮮奶夠滑，奶味香濃，味道甜甜地好好飲，難怪係店舖嘅人氣No.1飲品。🔥 焦糖白玉鮮奶茶 $45打卡一流，好靚，而且用料好講究，面層有一串白玉丸子，芝士奶蓋上鋪滿Lotus 焦糖餅碎，再唧上濃郁Monin 焦糖醬。白玉丸子好好食，軟腍又煙靭，芝士奶蓋味道鹹香，茶味香濃，同焦糖餅碎一齊飲，味道非常夾，甜甜地，越飲會越愛上。🔥 開心果椰椰 $42面層鋪滿厚厚開心果芝士奶蓋同美國開心果碎，先用口飲一啖，充滿濃郁開心果味，芝士味咸香，再攪勻用飲管飲

店名: 夏茶地址: 旺角登打士街55號鴻達樓地下3號舖油麻地站A2出口，行5分鐘環境: 外賣價錢: 4/5味道: 4.5/5全元朗最好飲夏茶終於都開到去旺角了🫶🏻開心果控嘅大家，唔使入元朗都飲到，佢哋採用日本開心果醬，開心果味十分濃郁，佢哋嘅開心果鮮奶茶世一，加上白玉口感更有層次😍今次試左2款旺角店限定嘅飲品😆開心果白玉鮮奶茶❤️❤️❤️❤️❤️$48面頭白玉超煙韌軟糯，店員介紹先將白玉浸入奶蓋食用，之後再飲奶茶😆鮮奶茶飲落奶香同茶香完美融合，唔會過甜，再加上開心果醬同埋開果仁碎，開心果控必試😍開心果椰椰❤️❤️❤️❤️❤️$42天然清甜嘅椰青水，加上口感濃郁綿密嘅開心果奶蓋

《夏茶 - 旺角》作為開心果控，又點會唔知呢一間人氣嘅茶飲呢？😎有時好想飲嘅時候，我仲會特登揸車去元朗嗰邊買佢嘅開心果雪沙同埋甜品😝可想言之佢哋嘅開心果產品幾受我嘅喜愛呢😋知道近期佢又開咗分店，而家連旺角區都有得飲啦🤓仲要係喺勁方便嘅登打士街添😉我同朋友今次都同樣地揀咗開心果嘅產品😝雖然我不停喺度讚佢嘅開心果雪沙好飲🤫但其實佢其他嘅雪沙同水果茶都係絕對要試嘅產品🤗今次去到佢哋仲有新嘅開心果椰椰添😬點可以放過呢？💁🏻‍♀️開心果椰椰呢一款其實就即係椰子水上面放咗濃郁嘅開心果奶蓋，仲落咗不少開心果仁碎喺上面😍椰子水自帶清甜，飲落清新而且順喉，而開心果奶蓋就一如既往嘅絲滑濃郁🥹我個人覺得可以先試咗佢嘅奶蓋再溝勻嚟飲🥰十分解渴💁🏻‍♀️開心果白玉鮮奶茶朋友呢一款開心果白玉鮮奶茶都係前排先推出嘅產品😎不過我一早試咗啦，鮮奶茶飲落唔會太甜，上面放咗煙靭嘅糯米糍，再淋上開心果醬同埋果仁碎，鍾意奶滑感覺嘅話呢一杯奶茶絕對係你嘅心頭好🫶🏻不過飲完都幾飽㗎🤓因為糯米糍有三粒，有得食又有得飲

人氣元朗茶飲店衝出元朗，係旺角登打士街插旗。除咗雪沙，梗係要試吓佢哋大熱嘅開心果系列喇開心果白玉鮮奶茶🍡芝士奶蓋加上白玉丸子嘅鮮奶茶，已經係夏茶王牌，仲要加上濃濃嘅開心果醬。先食咸咸地煙煙韌韌有好香開心果味嘅白玉丸子，之後飲一啖芝士奶蓋，再攪勻奶茶一齊飲，可以有三重嘅口感，非常過癮。開心果椰椰🥥如果鍾意淸淡啲＇呢一款一定啱，開心果奶盖加埋椰青水。夏天飲就一定夠解渴啦。濃濃開心果醬加入椰青入面估唔到咁好飲

呢幾個月開心果成為咗熱潮呢間手搖店係首幾間把開心果 mix with drink 嘅店佢喺元朗都做到好出名而家喺九龍開分店 就即刻嚟試試佢芝士開心果鮮奶 $45係呢間店嘅 TOP 1用日本嘅開心果醬加上明治嘅鮮奶上層鋪上一層海鹽芝士奶蓋 再加啲開心果碎就大功告成層次好豐富嘅有粒粒嘅口感 稠身嘅奶蓋 再係純滑嘅開心果奶但味道方面海鹽芝士奶蓋 鹹咗少少 食唔太到芝士味 而且有點稀咗少少果心果奶 我覺得似甜嘅淡版杏仁奶 我係飲唔太到開心果嘅味道撈勻曬啲開心果味就更加淡有啲似鹹鹹甜甜嘅厚奶另外想講就係啲開心果碎浸淋咗再配奶飲 有啲痂牙而且啲碎碎有啲鹹我個人就唔太鐘意呢種口感所以幾失望知道佢地用料都高質 成本高但最後出嚟嘅成品係靚嘅 但味道好一般咁樣$45 一杯性價比有啲低

本身淨係喺區內發展嘅夏茶開分店出旺角啦可以喺市區輕輕鬆鬆就飲到開心果特飲😍開心果系列有：💚芝士開心果鮮奶 $45芝士味鹹香突出，佢地嘅開心果醬係用日本開心果醬研製而成，開心果醬夠濃稠，開心果味突出，味道啱啱好，飲落仲食到粒粒開心果碎😋💚芝士開心果雪沙 $48更加推薦呢個，開心果味更🆙🆙連雪沙都有開心果味，成杯都係勁濃郁開心果味😋開心果控一定要試💚📍夏茶旺角登打士街55號鴻達樓地下3號舖

夏茶係元朗起家人氣台式飲品店，最近於旺角開新分店，主打新鮮果茶及鮮奶飲品，口感濃厚香甜，值得一試!! 🥑🥭🥛- 芝士開心果鮮奶 HK$45 🧀🥑🥛開心果控必試!!整體質感杰身，芝士咸香剛好，開心果香氣非常突出，散發在鮮奶之中香氣更濃厚，鮮奶整體口感順滑，味道濃郁有厚度，喜歡開心果飲品的話必試!!- 芒芒牛油果 HK$40 🍑🥑🥛想像以外的好味!!明治鮮奶中加入順滑牛油果漿，兩者味道完美融合，質地非常濃厚!!第一啖香甜芒果味道十分突出，之後慢慢散發牛油果香氣及奶香，味道非常有層次!!

🍴 芝士開心果雪沙 $48 (4/10)假日真係好多人排隊，一點先開舖，買完都要等15分鐘先有得拎，製作時間真係比較耐😂飲落去開心果味都幾出，不過就真係偏甜，佢預設微糖都真係幾甜下😂雪沙就正正常常有鮮奶忌廉打成，不過就好易溶😂推薦指數: 4/10冇想像中咁驚喜，應該都唔會再買，$48真係偏貴！

Pistachio milk from Hacha MKThe real pistachio sprinkled on top was very good, drink was nice but nothing wow.Customer service was bad, only one of the two workers working, one was just purely standing there. i understand she could be new, needs to be trained but def not the right time for training. A simple pistachio milk was just the pistchio syrup with milk n ice and cheese on top. Dun understand why the newbie couldnt do it.Waited 30 mins for this.Would not go back!

夏茶一直係社交平台好出名由元朗開到去旺角今日天氣凍凍地，又未食晏，經過買返杯廢水飲熱芝士白玉鮮奶茶 $38原本想拎走飲，但店員話茶底熱，個芝士奶蓋隔左陣就會溶，所以都係即飲。吸引我買嘅白玉丸子，3粒用枝竹籤吉住加上好多黃豆粉，打卡好靚白玉丸子好chewy , 同麻薯相似，第一粒就咁食，小甜，煙靭第二粒浸落去芝士奶蓋，不得了，超好食，芝士奶蓋掛哂上粒丸子好在有即食，即食先有最佳食用效果第三粒得都浸滿芝士奶蓋，好味好滿足！個芝士奶蓋好厚身，夠芝士味又夠咸味呢個芝士奶蓋成為到我top 3以內奶茶就正常，小甜飲左半杯 拎返屋企40分鐘後，個奶蓋真係無左😂😂😂😂😂好在我都飲左半杯先😂飲熱的又加奶蓋都真係建議即飲唔係買個奶蓋黎做乜😂

旺角 📌【 夏茶 】🌱 旺角登打士街55號鴻達樓地下3號舖之前都有留意【 夏茶】奈何地點 📍元朗，對我嚟講真係太遠。最近，我發現原來旺角開咗分店 😍🫧 芝士開心果鮮奶 $45 💚 雪沙 $48完全令我愛上呢個 🩷 芝士開心果鮮奶。 頂層係【 夏茶 】招牌芝士奶蓋，以我所知【 夏茶 】一直都係用紐西蘭安佳忌廉芝士製作，我好想講：作為芝士控 🧀 我真心好鍾意 🧡 我食過最好味嘅芝士奶蓋 😋🌱【 夏茶 】開心果醬係用日本正榮開心果醬加以調製，所以味道相當濃郁。鹹香嘅芝士奶蓋 x 香濃嘅開心果醬 x 日本明治鮮奶，點綴著開心果粒粒，香濃幼滑，高質之作，怪不得知係 Top 1 🥇🫧 開心果白玉 🍡 $32 | 會員$28【 夏茶 】• 開心果家族仲有佢 --- 開心果白玉 🍡 Q Q 嘅白玉，煙韌Q彈 🍡 沾上已經滿滿嘅招牌芝士 & 特調開心果醬，鋪滿開心果粒粒，芝士嘅鹹香，開心果嘅濃郁，完全俘虜咗我個 🩷 哈哈 ~ 略嫌價格就有點貴 🤭 真係想快啲批核成為會員喔 ~ 因為買 🍡可平一點 😎 心急人上 💚🫧 芝士白玉鮮奶茶 🍵 $38【 夏茶 】• 白玉丸子，咬落煙韌Q彈，而特調鮮奶茶底，茶香

好多人都話元朗廢水之選，其中一間一定係夏茶，因為開心果飲品做得出色，幸好新店開係旺角，可以唔洗山長水遠入大西北試，方便好多。⠀店家推薦Top 1飲品都係開心果，所以我揀咗“芝士開心果鮮奶”🍼💚，開心果醬掛滿杯邊杯底、十分香濃，再加鮮奶同on top加上芝蓋，芝士鹹香配開心果醬嘅甜再加鮮奶，係幾好嘅配搭，芝蓋上仲有開心果碎，令飲品整體層次豐富咗。雖然奶類飲品會有一定程度嘅飽肚，但唔會有好heavy嘅感覺，以味道嚟講係幾值得推薦👍🏻。唯一覺得價錢稍為有少少進取，不過偶爾一杯cheat drink都唔錯嘅。