影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
夏銘記是香港老字號麵店，以手工製作魚蛋和魚片聞名，深受本地人喜愛。店內堅持每日新鮮劏魚，採用傳統軟漿方法製作魚蛋，口感綿密帶微彈，不含添加劑，魚味寧舍唔同。招牌鮮炸魚片外酥內軟，金黃香脆，令人回味無窮。紫菜魚三寶河粉是另一亮點，包含魚蛋、墨魚丸及魚餃，河粉滑溜不黏。仲加左招牌既足料水餃 牛筋腩撈麵軟腍入味，搭配自家製辣椒油，辣香惹味，增添層次。餐廳食物新鮮及用心製作令人值得一試。價格親民，平均每人約$50-$100，性價比高。夏銘記不僅是美食，更是香港傳統飲食文化的縮影，值得一再光顧！
繼續閱讀
西環堅尼地城已經越嚟越少粉麵好呀想食一碗正宗嘅魚蛋粉呢都非常之困難,好在仲有夏銘記可以給一個選擇.雖然一本魚蛋粉而家都要42蚊但係比起上嚟都算係物有所值.起碼食起上嚟有細路仔食潮州魚蛋粉嗰種味道.因為係手工魚蛋所以有陣時嘅質量呢會有啲高低但係老細都從善如流唔會介意我哋畀一啲回應而啦我最近食嘅呢兩次都係回復返一貫嘅水平.店舖裏面還有一幅蔡瀾嘅係字尤其是而家更加顯得珍貴.好食嘅潮州粉麵手工很重要其實係需要傳承落去我哋先至可以繼續有呢一種味道！
繼續閱讀
又係教識我早起的鳥兒有蟲吃的道理～今次18:00嚟到 炸魚皮就賣晒了😭😭😭不過唔緊要 簡其他都一樣滋味😊❣️牛筋腩片頭撈麵勁鍾意呢度嘅牛筋腩 炆到好腍又夠入味 份量又足啲腩汁用嚟撈麵食真係一流片頭跟魚湯另上 三大件好滿足❣️雲吞水餃撈粗大大隻 手作雲吞水餃 蝦肉大大粒 係兒時嘅味道雲吞湯頭勁清甜 蚝油撈粗好掛汁❣️鮮炸魚片條 特登過嚟就係為咗食魚片條食落有魚嘅鮮味 咬落彈牙 係真正手打魚片嘅口感❣️炸墨魚丸口感彈牙 有啲墨魚碎碎同埋蔥花 炸過更香口
繼續閱讀
呢度個魚片頭好好食，一定要試。尤其是係撈粗麵。個可樂都好凍，得閒嘅話一定會再返嚟再食。上次食過一個牛筋腩，都好好食，下次一定會帶更多朋友過來幫襯大家記得一定要試。
繼續閱讀
今次去咗西環海旁附近嘅一間連鎖麵食店夏銘記食Lunch。舖頭唔算大，但環境乾淨企理，樓底幾高，所以唔會有壓迫感，都幾好坐。而且係香港少見嘅優質服務態度。用餐期間不斷見到唔少熟客仔嚟光顧，感覺係呢度喺附近應該好有口碑。🥢 蔥花鵝腸豉油王撈粗鵝腸處理得乾淨，冇腥味，質地爽口，加上豉油王嘅香甜鹹味，撈埋粗麵一齊食，麵身煙韌有嚼勁，唔會爛晒或者過鹹。面頭灑滿蔥花，添多一層香氣，好上癮。🥢 鮮炸魚片條切片（1條）炸魚片條係佢地名物，出面炸得香脆乾爽，魚肉就保持到滑嫩鮮甜。魚蛋魚味好濃，質感亦分外彈牙。🥢 紫菜魚三味河（魚蛋、墨魚丸、魚皮餃）湯底係清甜魚湯，得出係用魚骨慢慢熬製嘅味道，紫菜多到差啲見唔到啲麵，份量比得好大方。魚蛋彈牙，魚味自然，墨魚丸偏向實淨，內裡有啲芫茜，香味突出；魚皮餃皮薄帶韌，餡料唔會太鹹，整體都不錯。🥢 雲吞水餃淨食雲吞皮薄，蝦肉爽口；水餃則餡料豐富，食到有木耳、筍同豬肉，口感不錯。🥢 炸黃鱔魚炸黃鱔魚皮炸得夠乾身，咬落去脆卜卜，魚味濃郁，聽店員講，佢地嘅炸黃鱔魚係每日用幾多魚整魚蛋，就有幾多魚皮攞黎炸，魚骨就攞黎煲魚湯，感覺好新鮮。
繼續閱讀
您可能會有興趣的...