影片
港鐵九龍站 D1 出口, 步行約2分鐘
繼續閱讀
開飯介紹
設有數間分店的上海菜館，定價相宜，招牌菜必試排骨擔擔麵、鮮肉小籠包、松鼠魚等，另外多款上海小菜也值得一試。
繼續閱讀
營業時間
星期一至日
11:30 - 22:30
以上資料只供參考, 請與餐廳確認詳情
本人孕婦一名，下午茶時間途徑icc覺得肚餓，入去夏麵館幫襯左一籠小籠包同蔥油撈麵，小籠包感覺d豬肉唔新鮮，d麵等左好耐先上，可能係最平的齋麵份量細得可憐。食完係商場即刻肚唔舒服。以後唔會再幫襯。
繼續閱讀
小籠包一定要熱食！涷既小籠包😨上枱，即彈😠😠更離譜既時情發生，竟然夠膽返蒸再上枱！之前沾咗醋既仲响度！經理講師傅話係新既，佢吾通當我係……杏兒近排套戲既角色……盲既？😠😠佢竟然彈咗句"我吾同你爭辯"……WTF...……我從來都吾會嘈……事實放响度，你都可以吾認！sorry 都無句！😠😠一己對於一間食店連自己既推薦菜式都整到咁，可以大膽講一句……早抖！
繼續閱讀
周日如常的節目，看電影及外食，在 Grand Cinema 看完 Gunman，下午二時多在覍食，不明白為何商場內無一間性價比高的店，只有一小時時間，就沿路選了夏麵館。上次光顧已在數年前剛開張時，當時亦是往上海旅遊不久，比下去，香港的店，尤其是那黃魚麵，根本無法與上海的比，因此一直未再有光顧，闊別多年，希望有所進步。位於高檔商場內，夏麵館店內裝潢雅緻，以紅色為主色。選菜以點心紙，其實上菜亦快，員工服務態度無不佳。二人午餐，兩款小吃及兩碗麵足夠有餘。灌湯牛肉餡餅餐牌上圖片顯示的外型是扁的，是九龍城清真牛肉麵的招牌牛肉餅的模樣，方才是餡餅！奉上的是如菜肉包的形狀，包頂摺起那款，是個牛肉包，絕對不是餡餅！詢問女服務員，只回答是現在換了樣子了，那為何不換食物照片？有少許想退貨的衝動！本來心在掛念清真的，縱使這兒做不到人家十成，有五、成功力也好，但可惜實物不符，嚴格說是貨不對辦，違反商品條例！除外型不乎外，賣相亦不討好，炸至又乾又硬似的！撕開一半，見包子外皮的很厚，而且裏面完全無湯水，怎樣叫灌湯？根本就不懂得做！豬肉餡料就沒有大問題，調味無特別出錯。但整體而言，食感又硬又乾，我吃了半件便放下了。紅油炒手外表對辦，紅油鮮艷豐富，雲呑皮軟滑，豬肉餡料份量足，調味適中，只是紅油不香，辣度bb級，無風味！大排擔擔麵如果想吃擔擔麵，加$6有大排，即是炸豬排，聰明消費者的自然選擇，分開上菜就做得對喇，而且青蔥放在大匙上，客人可以依口味調節份量加進，有心思的安排，爭回一些分。出場似樣，水準大路，湯頭橙紅，看似厲害但辣度微微，桌上有辣椒醬，嗜辣者可自行加上亦非大問題，但湯不算醇厚，層次不分明。混濁的湯頭內藏免治豬肉及後加的青蔥，若有其他材料的話就已經全部溶化，幸好味精不多，味道平和，並無特出了甜酸鹹辣味。麵條長而幼，質感軟，靱度尚可，不易斷。炸豬排也許是即點即蘸醬炸，炸漿不厚，酥香惹味，肉質鬆軟，有肉汁不乾身。最後亦必試 招牌黃魚煨麵上海黃魚麵，出色在當地的小黃魚，以魚熬出高湯自然美味，新鮮魚片亦是佳餚，可惜，離鄉別井始終失了風韻。湯頭奶白清甜，魚湯之香味，醇厚不足，但清而無大量味精。魚片肉嫩，份量不吝嗇；雪菜，這個皺葉芥菜亦青嫩不過鹹。細麵嫩而軟，但保持韌性不易斷，吸汁力強，嚼麵同時滿咀湯汁。黃魚麵，不出色但水準接受，但無需千里而來，順路偶爾嚐嚐亦可。整體水準一般，勝在環境算舒適。
繼續閱讀
記得很久以前到過澳門銀河酒店的夏麵館，雖然不太記得那次用餐經過，但對夏麵館的印像還是不錯 看完電影之後想找東西吃，發現原來Element內有夏麵館，想也不想就進去了 看看餐牌，冷盤麵食大概HK$60，不太便宜呢 點了燻蛋 HK$20，是我愛吃的溏心蛋但吃下感覺是吸了二手煙的蛋，只有煙味呢，也許是我不太懂如何去欣賞這味道吧我較喜歡吃日式溏心蛋 鱔糊兩面黃 (HK$98)送上來不禁"嘩"了一聲，很難看耶! 麵白白的看起來不太吸引，一吃就知中伏了咬下是乾乾硬硬的但一點也不脆，就像受了潮的蝦片得用點力才可咬斷，咀嚼後會黏著牙齒的 還有大排擔擔麵 (HK$66)，湯底較酸而麵條又煮得太久了，有點變糊了一點咬勁也沒有大排即炸豬扒味道普通卻是相對上較有水準之作 總結，花了二百多元吃了個不太滿意的一餐，我應該不會再去的了
繼續閱讀
第一次寫食評...尋晚同男朋友去 element 睇戲, 所以 6:30pm 去左果度食晚飯先。見呢間夏麵館唔洗等位, 而且男朋友都話以前食過呢間野幾次, 咁 ok 啦, 就入去食。食物種類都算多, 最後我地叫左:四喜烤麩、孜然牛肉包、四川辣蝦炒飯、紅油抄手、炒豆苗我對個四喜烤麩好失望, 就咁放幾舊烤麩同木耳香菇一齊就叫四喜烤麩?!而且望住 d 冇乜顏色的烤麩就知佢不夠入味, 果然入口都係冇咩味。老實講, 好多其他上海菜館的四喜烤麩做得更加好。至於紅油抄手、炒豆苗就 ok 啦, 冇乜特別。四川辣蝦炒飯就得個辣字, 而且唔夠熱。反而最令我喜出望外的係個孜然牛肉包。個包新鮮出爐熱辣辣、夠軟熟、夠肉汁, 成個牛肉包都幾有新彊風味, 唔錯唔錯。呢餐晚飯大約$400。不過男朋友都話 d 野食的確冇以前咁好食, 所以之後都未必再黎了。
繼續閱讀