外灘飯店 (已結業)

食過好食至返黎食~ 結果 失望而回!!叫左4人餐~ 後黎話其中魚頭鍋無晒，叫我地係餐牌另選~ 無問題!! 態度都好好咁話叫“兩客小籠包都得，百令蚊嘅都可以!” ~ 結果我地叫左龍井蝦仁 ! 碟野一出黎就火滾 !!價值 $108 嘅龍井蝦仁分量少都算 !! 佢個D蝦仁 好似水煮咁，白雪雪!! 上面有幾茶葉 (龍井吧! ) 咁我地見到，咪同收錢的(老闆娘卦) 詢問下 結果得來這句回應 : “D蝦仁好貴架~你叫呢個我都無加返錢 ”好!! 明白晒 ! 唔會有下次 !!

昨晚和好朋友到此晚餐，點了涼拌黄瓜，京燒羊腩，酒糟黃魚，樟茶鴨，砂鍋雞鮑翅，葱燒遼參。黃瓜清新，羊腩佐酒佳品，翅份量十足，湯夠火喉，樟茶鴨自製，非一般來貨，茶燻味夠，遼参味道恰到好處，值得介紹有心人去品嘗。

其實早於係翔龍灣就已經幫襯，自從它搬到現址就仲近我家，所以幫襯多了。最近又再幫襯，見到之前坐鎮的肥佬老闆唔見到，好似頂咗手，而食物質素好似低咗D，無以前咁好味，而人客亦少了。如果未試過，可以一試。

如果晏晝想食中餐，基本上都會去呢間，除左價錢相宜，食物，環境質素都係土瓜灣入面唔錯選擇。不過佢蓬一點鐘都好多人係門口，要食既話都要早啲攞位舖頭入面大概有26個座位，大部分係2人或4人枱，另有一張可坐6人梳化。雖然唔大，但坐得算係舒服，唔會好逼下晝Menu簡單，1至4每樣揀1款，由前菜，main, 飲品到甜品都照顧到我今次就揀左醉轉彎，四川炒飯，熱豆漿，甜品係桂花糕醉轉彎有兩隻細細既，好香酒味，凍凍地，咬落去淋淋地配埋酒香味，好食!四川炒飯好大碟，辣辣地，鍾意食辣既可以試下，佢辣得黎好香，而且飯炒得好乾身。份量又大，分埋比人食都仲得。而且配料有蝦，3色豆，口感有爽有淋，又熱辣辣，好味豆漿暖暖地，好啱飲，嘆凍少少會有層豆衣係面，好新鮮。有少少甜，送個辣飯非常配襯桂花糕甜品桂花糕跟埋醉轉彎一齊上，兩舊細細舊，凍凍地，飲完杯豆漿食落口感覺好飽滿，而且又有杞子係桂花糕入面，糕既質感實得黎唔會好硬，師傅整得好好，而且味道都好43蚊既價錢食晏雖然唔算好平，但可以由前菜食到甜品，而且食物質素，環境都算好既地方就難得搵到。特別係土瓜灣，上海菜既地方好少，而且質素高既地方就得呢度，所以特別值得推薦!

上個月和家人來這裡吃中秋節飯，餐廳在北帝街附近，其實開了很久，但一直沒有機會試。我哋一行5人點了一個二人餐再加幾個餸，二人餐好抵食，百幾元就包括酸辣湯、醉雞、炒鱔糊、担担麵。另外order左小籠包、上海炒年糕、煱貼、雞絲粉皮、炸菜肉沬（用燒餅包住肉碎食）。其實除了担担麵湯底所用的油有小小怪味之外，其他野食都幾好味，成餐飯都只係三百幾元，免收加一，都幾抵。不過餐廳就好似趕住做下一枱生意咁，上菜上得好快，收碟也收得很快，服務有待改善。

識食上海咸肉而又中意食嘅，就知道依家喺香港想食呢樣野係越黎越難，不論港九新界，唔少上海菜館都當你水魚，比啲自己醃咸嘅豬肉黎扮上海咸肉。當然，呢樣都唔重要，最重要係你仲要收返上海咸肉嘅價錢，對呢啲餐廳，真係我不給一個shit。而呢間餐廳唔只有上海咸肉食，仲係頗優質而間肥瘦嘅，價錢亦唔貴，六七十蚊碟炒年糕。所以為佢獻上第一篇食評，同時希望如果老闆見到嘅話，請你繼續用上海咸肉，因為好多客都係為左上海咸肉而幫襯的，好似係，除非唔係。『講完！』(作官威狀)

本身是一向到另一間上海菜的,從未來過這店, 剛剛晚飯時間,不想等位走過來到這間試一試叫了一個二人餐, 其實跟之前的上海店餐牌差不多點了(1)酸辣湯,(2)小龍包(我最鐘意食的菜式)(3)上海粗炒,(4) 炒蟮糊, 份量3個人食也可以最好食的是蟮糊, 炒得夠味,  小龍包夠薄, 沒有穿  酸辣湯也不錯, 飯後只是口中有些餘辣上海粗炒, 卻不太夠味道, 有顏色,相對其他比較淡

近年土瓜灣區變徂美食天堂, 係呢度工作, 但自己黎黎去去都係食果幾間, 細妹話搵我Lunch, 想食小籠包, 就試下呢間啦.套餐兩個:主菜: 紅燒牛肉炒年榚 (味道唔錯, 年榚夠稔)小食: 紅油炒手 (雲吞冇鮮味, 油唔夠辣,麻麻)甜品: 椰汁榚 (冇椰汁味)飲品: 豆漿 (夠凍, 唔多夠豆味, 都ok)主菜: 香蔥豬扖拉麵 (賣相真係好靚, 可惜我睇錯以為係上海麵, 豬扖味道感覺奇怪, 唔岩我胃口)小食: 醉轉彎 (ok)甜品: 椰汁榚 (冇椰汁味)飲品: 豆漿 (夠凍, 唔多夠豆味, 都ok)小籠包 (一籠5隻, 夠熱, 好食, 夠肉汁)鍋貼 (一碟6隻, 煎得好香脆)叫多罐汽水.埋單$186 .細妹話: 咁平? 我話: 咁你請, 多謝!

抵食！認真 一個午餐38蚊有前菜有主菜有甜品仲送豆漿我覺得真系算系錦(￣Д￣)ﾉ系香港食上海野油就系人都知依間既算系少油dd啦前菜我比8分，紅油抄手有味但香味不足主菜呢，份量就系好多～我叫左雪菜肉絲抄年糕，油就預左既但依個真系好好食，又夠香男友叫左牛肉麵，睇就似大伏食落呢仲好食過我個抄年糕湯底夠清夠濃，牛肉又入味推介推介個甜品我一啖食左，除左系凍同有味，我無意見依個價錢，超值啦～

記起這所原本開在從前家樓下的滬菜店，食物水準只是相當一般，吃完後是絕對沒有衝動再去試一次的。也可能正因如此，不久之後便已關門大吉。及後小弟搬離舊居，想不到這店亦跟着搬往同區的另一地段。仍舊仍住於此區的舅仔最近回來報料說這店的出品甚不錯....小弟登時感有點好奇，竟連對滬式食物有些要求的他也對之有正面印象。難道店的大廚換了別人 ?找了個週末下午和太太小友入去試證實一下，心想只叫些最基本的東西就可以了。套餐裡頭的選擇也蠻多夠齊全的，而且最重要是，價錢一定比散叫的相宜....慣性跟餐的飲品一定是一杯豆漿，通常我愛喝熱的 (皆因熱力應可讓豆味更易散發出來)，但很可惜地今天喝到的就算是熱的也嚐不出豆香及味來，令人失望....套餐內的前菜全都跟上一小塊桂花糕。試了一口，頗甜的亦有少許桂花香；前菜要了一素一葷，素的是蒜味甚濃而爽至嗦嗦聲的木耳；葷的則是鹹度適中而面頭的那塊凍甚煙韌的肴肉....太太簡簡單單要了碗五香牛肉湯拉麵。湯只是味精水不值一提；所謂的牛肉原來是幾片薄過紙的牛展，請恕直言，是真的一點味道也吃不出來，更遑論是有甚麼五香味了；麵是最對路的，咬起來帶韌勁的不會淰至像漿糊....令人有驚喜