大上海一品香飯店 (已結業)

一品香個老細走了, 廚師全部都走,食品一定變質,不能想像再好不好食,真可憐,我還想去試呢!!!

雖然價錢不太貴, 但食物超細碟, 加上味道一般, 相信夜上海會來得實際。再且, 沒有分吸煙區, 很多人食雪茄及煙斗, 很難頂。一句講哂, 以後唔會去。

食物麻麻地，又唔算平，非選擇也

咁路過，翻翻餐牌，發覺都幾貴，但見門口貼住每日六點前有七折，所以入去試下。叫了酸辣湯、蘿蔔絲酥餅、三鮮炒拉麵同麵。水準真是一般，酸辣湯竟然食到豆粉芡；酥餅雖然是即叫製，但餅過厚，而且粉未熟，餡料竟然會有蔥？！味道頗奇怪；麵條倒是不錯，夠彈牙，但炒拉麵則太油了。若以正價來說，真是貴了點，但七折就試得過。

或多或少,光顧大上海一品香,也可說是慕名而來,其一是歷史悠久的一品香,其二是老闆之一陳生,首次光顧,一行十二人,被安排坐在最入的桌子,坐下不久,老闆之一(一品香)劉先生前來打招呼,並介紹招牌湯雙油,但我們因還未決定叫什麼,因此,向他道明,而他也著我們慢慢看,是晚我們共叫了廿一道菜, 分了三輪點菜:第一回:雞絲粉皮:粉皮滑,花生醬夠濃;鎮江肴肉:夠凍,且夠入味;宋嫂魚羹:很久之前已聽過這道名菜,但只覺沒什麼特別;雙油:即豬骨湯+老雞湯,內裡有油豆腐,粉絲,麵筋和百頁,本人十分喜愛此湯,湯底很濃味,如閣下想喝腌篤鮮,而又覺太貴的話,絕對可以退而求其次,叫此湯;咕嚕雞球:酸酸甜甜,外層不會大厚,好;雞絲鍋巴:鍋巴炸得不夠脆,略為失色,上海炒年糕:略為多油; 奶油津白:奶油太多了,雖然頗香滑,但有點膩;咸肉菜膽炒飯:餐牌上是似乎是沒有此道炒飯的,是劉先生推介,飯炒得夠乾身,而且不會因有咸肉而過鹹,幾好......第二回:炸銀絲卷:炸得都幾脆;炸醬肉末(跟叉子燒餅),京醬肉絲(跟叉子燒餅):燒餅唔夠分,散叫又好像多得滯,所以有些朋友淨吃材料,此菜做得幾惹味,加埋燒餅就最好味;山東馬家餃子:是碟上

講穿左，其實呢餐先係正餐，之前同契妹係頭盤only。依然晚市前有折，埋單只係兩舊。今次食醉鴿，脆鱔等。味道唔錯，依然可以再去。

食品都唔錯, 試過小菜,點心及甜品都幾好味, 但可惜地方細, 冇分吸煙區同非吸煙區, 於是硬食多味"二手煙", 十分辛苦, 希望可有所改善.waiter & waitress 都幾有禮貌, 但個別都幾十下十下, 收收下碟比隔離檯叫去寫菜, 放低D碟係我檯上, 於是我檯上既碟仲多過未收前. 問D菜既材料味道,又答同唔答都冇分別, 可能太年青了. 冇乜經驗.

今日同小熊來食lunch,一入到去就見到大上海果老闆企係收銀處,之後入到大廳,就見到一品香老闆坐在最尾果張台同個大廚係到傾計,下午去唔多人得幾台客,環境係靓過以前果間一品香好多,同乾淨好多,但比以前果間就細了d,侍應都唔同以前果d,宜家果d後生好多同招呼好好多,我地點了醉豬手,黃金燻蛋,四川口水雞,蟹粉小籠包,咖哩牛肉粉絲,響鈴臭豆腐.醉豬手$48-有酒味,唔太濃,ok啦.黃金燻蛋$28/2隻-宜家都好少地方有,味道唔錯.四川口水雞$68-有少少花生醬,不過d雞唔夠滑,ok啦蟹粉小籠包$98/4隻-熱辣辣有蟹味,好味過鴻星果d.咖哩牛肉粉絲-牛肉都好淋,d咖哩都好香.響鈴臭豆腐-我覺得平時果d臭豆腐好味d,lee果都ok的因為太飽所以無叫甜品.我們食野的時候,一品香果老闆走去我地隔離台果到同兩位呀太(係以前一品香熟客)so-so,果老闆大大聱話佢\自己就唔鍾意地庫舖位.....,敢果呀太就問點解唔要舊舖,佢\就話果舊業主加租到廿五萬,跟住傾到加少d價又沙士,所以咪摺囖,仲要賠一筆比舊員工,佢\話當年(三十年前)請d伙計返來係講明補薪唔補假,但宜家勞工法例,佢\要賠成四十幾萬,個個都要賠

可能口味不同,我覺得個鎮江香甜骨很入味,一個字,"正"! 小籠包算不錯,醉雞我就因為平時唔飲酒,佢d酒太多,我反而食唔慣!有個叫開洋粉絲津白,我覺得清得來很好味!最後,大家可以試下豆沙酥餅,記著係酥餅,不是鍋餅,新鮮滾熱辣,不太甜,很好!兩個人埋單$280,侍應殷勤加水,服務和食物都不俗!

幾回味大上海o既北京鴨, 所以約埋幾位朋友去回味一下, 一行五個人7時半到達, 可惜一打開餐牌先發覺原來北京鴨, 叫化雞, 八寶鴨等等都要早一日預訂, 有d摸門釘既感覺. 唯有改叫香酥鴨頂一頂引, 幾個朋友由7點半一路食到十點幾, 其間分別點左.....花雕醉雞($78 見圖): 雞肉好入味, 而且肉滑, 一上台即時清碟.蒜泥白肉($48): 白肉唔算肥, 幾健康, 不過汁料似乎唔夠味.蘇式燻魚(銀雪魚$78): 好香甜可口, 不過略為多油鎮江香甜骨($48): 只覺得一般.香酥鴨($128 半隻): 鴨肉鬆軟, 皮香, 好欣賞~響鈴臭豆腐($68): 特別, 外皮係炸腐竹鱔糊湯拉麵($48): 鱔肉好大塊~ 幾討好~天府擔擔麵($28): 一般, 麵質幾好小籠包($28 4隻): 唔錯, 幾多湯汁, 都無穿底.鮮肉鍋貼($28 4隻): 鍋貼皮同餡料都唔錯, 豆沙鍋餅($28): 一般, 唔特出重慶紅油抄手($28): 唔算好辣, 幾好味高力豆沙($38): 一般桂花酒釀丸子($28): 桂花味香甜, 丸子口感好!環境方面, 地方比較細, 但裝修唔錯, 只係比較迫左小小, 服務十分有

一去到就見到一品香個老細同大上海個經理(都係老細?) 仲有陳小寶。從門口的小吃和冷盤檔到菜牌, 比較多一品香的影子, 大上海就唔係好覺。兩個人叫了:熏銀雪魚是傳統熏魚的改量版, 不過就改得很好... 肴肉就有點像以前大上海的做法, 好食。蔥油海浙皮也做得不錯。跟住一碗咖哩牛肉麵和鱔糊麵都做得比後期的一品香出色! 新店價錢較便宜, 最主要是招呼改善了很多, 下次一定再試。

報紙話係陳小寶開，原來係兩間舊舖merge為一間，不過入到去都見到陳小寶。地方唔係好大，與之間尚算闊落，如果你唔係坐兩人的話，因為兩人好細，好彩我o地三個人可以坐張四人就大好多。幫我o地落單應該係老細之一，因為我o地order兩樣冷盤都冇，佢好nice叫我o地出去揀，仲親自介紹我o地邊樣好食，之後仲免收我o地茶芥。而其他waiter d態度都好好，幾有禮貌，可以係服務方面加分。講番冷盤點了花雕醉雞-花雕酒味入晒d雞肉裡面，好香不過酒味唔濃、鎮江香甜骨-勁好食，連我個好醃尖的fd都贊好(買相亦吸引，可惜冇帶DC)、青瓜海蜇頭-老細推介的，海蜇頭係紅色，沒有特別不過幾爽口、油麵根-ok啦!主菜只叫一樣係清炒莧菜，仲有一碗擔擔面，就唔係好得，湯底唔濃沒有花生味，麵身又唔彈牙，可以不食。最後甜品係豆沙鍋餅同酒釀丸子，豆沙鍋餅個皮好脆，唔會淋pat pat，而酒釀丸子我就冇食到，不過我兩個fd話都ok喎!

唔提感謝神唔得，唔係的話大上海同一品香都唔會番生仲識合體。番生之後仲好似換埋膚咁成個後生晒。連招呼你的妹妹都好後生，我懷疑係歌迷會度搵番來的。合體前兩間鋪頭響朵的都唔同，今餐只點了清淡的食物。鮑參翅肚片皮鴨等留番下回。今次的餐單係：雙油，即雙檔油豆腐粉絲。有豆卜、生根、腐皮卷、荀、蛋絲、粉絲、湯同味精。生根和腐皮卷都釀有新鮮豬肉，湯味帶小小甜。算是不俗。蟹粉小籠包，有包、豬肉、蟹粉、蟹糕同炸菜茸，可惜隻隻都穿底，湯汁又唔熱。鮮肉鍋貼，有包有肉，外皮好脆，多汁但都唔係燙口果種四川口水雞，整餐的精華，有晒口水雞的材料，加上細蔥糕。仲好親子咁有麻有酸。辣就當然，但無tempo就慘，正當我辣得興起麻得過引酸到醒神的同時；我頭頂好似黑球咁大雨，無辦法下問其中一位靚妹妹要紙巾。佢問我乾定濕的，我見我濕成咁，就話要乾啦。佢仲順口問我要唔要冰水。之後來的除了冰水外，仲有包tempo，我問係咪私伙的？佢話唔好意思，佢地餐廳得濕紙巾。我唔好意思就真。今時今日，呢種服務態度，簡直係救港愛國咁重要啊。另外，而家晚上19:00前有7折，我提供的價錢已折了。

以前都有幫襯一品香舊舖, 食物質素都唔錯. 最近知道佢同大上海合併, 所以今日特意黎試. 新舖裝修應該跟隨大上海, 因為比起一品香舊舖, 呢度既裝修好優雅, 招呼也不錯. 我地叫醉豬手, 燻魚做小食, 豬手好爽亦好香酒味, 燻魚就似乎甜d, 不過因為完全冇骨, 所以口感比其他食肆的好. 另外叫以前一品香著名的雙油, 保持水準啦, 但$60卻比以前仲少, 好似貴d囉. 生煎包一客4隻($28), 用小蒸籠上好精緻味道都唔差, 但上海炒年糕就好鹹, 希望可以改善. 甜品叫蘋果窩餅($38), 有d似蘋果pancake, 不太甜, 好過成日食豆沙窩餅. 埋單每人$68, 和以前一品香差唔多, 但環境就比以前好, 如果可以加強食物質素, 偶然豪一次都冇所謂.