大力水手炸雞

營業中

休息中

本身想去MOKO個food court，但原來那層已經變成一間間餐廳的舖位了！在旺角想吃便宜點，便轉戰The top低層的food court～見到很多人吃大力水手炸雞，剛好學生證也可以減$5 ，便買個餐來試試。不過一張學生證只可以減一個餐$5，下次可能要分兩次買😂😂爆谷蝦雞柳餐$60 炸蝦仁和炸雞柳都很香脆可口，炸雞柳的雞肉是熱辣辣的，而且不辣。不過就好似有點不夠飽😂炸雞漢堡炸雞超足料勁大嚿，不過越吃越辣，我最後放棄了😅炸薯條幾好食的。

行過旺角中心幾次，都見到廣告介紹低層有食巿，疫情嚴重時入去睇過咩都無，原以為執哂，原來要再落多一層，先發現新大陸!吸引我嘅廣告係炸雞! 經常去旺角中心果一帶，但果頭無咩好食，有多一個選擇當然 happy 啦! 更何況係我鍾意嘅炸雞㖭!餐廳店名 Popeyes 大力水手? 香港好少見哩間炸雞店.點咗份二人套餐，有雞中翼3隻，雞上脾同雞下脾各一，薯條，薯薯，飲品點百事同橙汁汽水.優點:1, 夠熱! 熱到有D辣手! 唔似德克士炸好哂D雞之係放係到攤到凍哂.2, 份量足! 絕對好過家鄉雞果D偷工減料BB雞! 細到好似食乳鴿，所以唔再幫襯家鄉雞了.3, 薯條望埋去好似炸得過火，但仍艋外脆內軟脆得香口.4, 薯蓉夠滑.5, 鬆餅係另購，口感比家鄉雞出品更鬆軟.缺點:1, 薯蓉加上D不知名醬，最大問題係辣! 但女友小熊話唔辣....2, 炸雞外層脆口，但炸得過火，雞中翼還可以接受，但雞上脾接受唔到! 炸到乾身又鞋口!3, 炸雞又係有D辣，雖然唔係辣到跳舞果種，但薯蓉又辣雞又辣，唔好辣嘅我有D受不了.....都係2派克夾自己口味!哩層仲有其他餐廳，下次試其他美食再出食評!

大力水手炸雞，以前喺香港有唔少分店，而家就只係剩返一兩間。旺角嘅分店就係food court裏面。同麥當勞及KFC一樣，大力水手炸雞提供唔同嘅套餐選擇，主打唔同嘅炸雞套餐。一般嚟講有雞件，薯條及汽水。以下係雞翼套餐，雞翼雖然唔係現炸，因為即叫即有，但係雞翼都係熱辣辣十分香脆。雞翼套餐嘅雞翼總共有六隻，份量算多。而較雞翼更出色嘅係薯條，薯條嘅外皮十分薄同埋十分香脆，可以話係比麥當勞及KFC嘅薯條更加出色。

食過kfc, jolibee, McDonald, 覺得佢係4間之中最好食嘅美式炸雞👍🏻雞髀係正常size，望落去唔會太大都唔會太細，每隻雞髀外皮裹嘅份都比較厚，炸得金黃酥脆，每一啖都可以聽到咔哧咔哧嘅聲音，好入味，鮮嫩多汁，外脆內軟，雞胸肉相對上就會鞋dd，雞髀肉就滑少少。😋薯條亦好成功，炸得超！級！脆！而且薯條食落去唔會冇味，調味粉沾滿咗每一條薯條，越食越香，淨係食呢個薯條唔使配埋茄醬已經好好食，配埋杯冰鎮可樂，爽。😆好可惜全港剩係得一間Popeyes Louisiana Kitchen，論方便快捷程度遠遠唔及其他連鎖美式快餐🥲

$56抵食炸雞餐, 薯條: 好食的.炸雞味道:普通, 夠大舊, 好夠飽. 當然味道不可跟韓仔名牌連鎖店比較,但都好食過菲律賓炸雞.上餐快, 冷氣好夠, 歇腳, 趕時間都是選擇.

初嚐大力水手炸雞 Popeyes chickenBonafide Chicken Set炸雞炸到岩岩好，外皮炸到金黃酥脆，炸皮亦唔厚，好食。🥠🥠🥠🍗🍗🍗 薯條最正，最中意佢地既調味，炸到岩岩好，系薯條最好食的連鎖餐廳。🍟🍟😍😍可惜整體份量偏細，雞尤其地細，食完都肚餓。CP值不太高。#旺角美食#旺角#foodie#hkfoodie#旺角必食#甜品#旺角甜品#必食#香港必食#香港美食#香港网红打卡#香港美食探店#甜品推薦#大力水手炸雞#美食推薦#銅鑼灣#moodzfoodie#moodzfoodz

之前係機場食過大力水手炸雞，覺得好好食，可惜機場個間已經執左，特登去旺角TOP商場回味一下。分別叫左2個餐，點知味道大失望，質素同機場個間水平差好遠😢📌奇脆辣雞翼雞鎚餐 6pcs ($59)📌雞全翼餐 3pcs ($49)🍗炸雞似炸到過咗火，外皮炸到好深色，縮哂水好細隻，炸皮唔算好厚，食落雖然都香口，但比較乾身，唔夠juicy。🍟薯條味道還可以，唔會太咸，但係偏淋身。🧅洋蔥圈炸得好脆，唔會太乾，幾好食。

Ordered the combo for two and the Shrimp Chicken Set to go. Upon opening the boxes of chicken were found to be not fresh and have been fried many times till dried. Shrimps size were so small and mushy and forgot to include the sauces. Just gave us several bunch of ketchups. Hence, pls check your food before leaving the place and make sure they give you fresh chickens and not refried several until dried up pcs. Total disappointment compare to USA standards. Go to Jollibee!!

黎到旺角附近想食junk food，醒起TOP地下food court隱藏咗間快餐店，一食味道相當有驚喜如果非繁忙時段黎，呢度係唔錯嘅空間比你食下嘢同坐低休息。今次試左個炸雞漢堡餐 $58，以為出名炸雞，諗住包類會相對遜色，點知又唔會喎🤪夾住嘅炸雞都幾辣，唔食得辣人士要小心❗️中間仲比左唔少醬汁、生菜同蕃茄，令個包口感度加分👍🏻👍🏻薯條方面，係偏幼身嘅，但係炸得好脆好好食😋以呢個價錢，有呢種質素，可以唔使再食jollibee/kfc🤣

📍大力水手炸雞旺角彌敦道700號T.O.P This is Our Place地庫旺角煮場想食好耐架啦 細個成日睇大力水手不過究竟大力水手同炸雞有咩關係呢啱啱上網search咗 原來係冇嘅😂😂原來係餐廳出咗名先同動畫曾經合作😋 炸雞柳套餐 $66好懶 所以叫左冇骨嘅雞炸雞啲粉唔厚 好大條 新鮮炸好嘅出餐好快 完全唔洗等啲皮外脆 啲肉好淋 唔肥都唔會好鞋係幾好食嘅薯條就幾特別 有kfc薯格味😂 但好淋 唔新鮮總結 整體嚟講ok 但我會鍾意食kfc或者jolibee個啲炸雞多啲🤣

大力水手炸雞一向係去旅行出發前喺機場食早餐嘅回憶✈️ 知道佢開咗喺旺角咁方便有點期待就試下😛 雖然本身質素冇乜大期望 但係今日食嘅炸雞比較乾🔥水準比以前機場店差 服務同樣差了 不肯提供額外醬料 竟然額外醬料要收錢🌚 退步了不值得再訪⭐️ 大力水手二人餐 🍱炸雞份量算係多但係表皮炸得太硬 🥲咬落去乾爭爭 調味一般🤨 薯條加上Cajun 粉太過重口味🌶️ 想點茄汁但係兩人份都淨係比一包😡 薯蓉就不過不失⭐️ 牛油香鬆餅 🧇因為好鍾意食KFC既鬆餅所以特登單點💛 同樣地失望 欠缺牛油香同埋唔夠鬆脆🧈

以前成日出入機場 經常性買牛油鬆餅 每次買好多個 我諗我都食超過100個了， 因為外面少少脆 中間有濕潤軟滑 好重牛油香好好食 自從機場嗰間冇開後知道佢旺角開咗 特登為個鬆餅去食 點知完全唔同 外面鬆脆嘅範圍似over bake 有點硬,中間入面冇咗以前濕潤軟滑嘅感覺,牛油味又淡喎.我買咗個雞餐 ,雞皮啲粉唔厚有薄脆感 但係個雞就冇乜味,叫餐可加十蚊要鬆餅 最多可以加三個 我加咗三個 食完一個就後悔啦 總之唔加喇 ！已經唔係以前機場嗰隻咁好食 ,我寧願食k f z了。

原先俾咗兩包茄汁，我比錢加大左薯條，都只係比多咗一包，再加一包就要加錢！其實我冇諗過攞茄汁要俾錢，原來茄汁係咁貴嘅，咁麥當勞真係好有錢呀，攞多兩包茄汁係唔需要俾錢！原先覺得佢啲薯條好好食，但食埋今次，應該冇下一次！

Pop eyes 呢間炸雞喺外國好出名，喺香港淨係得旺角有分店不過之前係疫情期間所以外賣返屋企食。佢嘅包裝好貼心，有透氣孔所以攞到返去屋企都唔會淋。不過性價比唔算太高兩個餐都要百幾蚊，食起身就係有啲特別嘅辣味！😏

自從大力水手炸雞，喺TOP 開咗後都食過幾次，覺得CP 好高，味道唔錯。不過，最近再食，發現退步好多，不過睇在平既份上，比OK 佢。奇脆拼盤套餐 $69這碟既大力水手炸雞好食既，外皮脆，入面保持到juicy👍，新奧爾良薯條好好食😍，炸得很脆，調味好好，好有特別嘅風味，第二到食唔倒。不過，雞翼偏乾，但接受得到，洋蔥圈炸得好脆，唔會太乾，幾好味。爆谷蝦雞柳套餐 $58這碟唯一好食嘅喺洋蔥圈，爆谷蝦唔新鮮同埋唔脆，炸皮和蝦肉好似好分離咁，堂食都可以凍凍地，好似炸咁好耐🥲。另外，雞柳好乾，感覺炸得太勁，真係搞唔點🤢。