大叻越南牛肉粉餐廳 (書局街)

營業中

休息中

午市書局街真係好多選擇越南野都有幾間可以揀今次揀左大叻越南牛肉粉餐廳👍午市主要係撈檬同飯餐兩樣河粉好似有一款今次我揀左個炭燒豬頸肉飯@$54😚豬頸肉燒得好靚 肥瘦適中配埋香蔥燒汁 完美配搭😗飯份量好多 而且煲得岩岩好😎 係我鍾意既硬飯最正係飯上面加左d蒜片同香草 令成個飯更加香氣爆棚🙌同事就揀左雞翼同炭燒豬扒雙拼飯 價錢一樣但肉既份量就多好多 係幾抵食😂😂豬扒好厚身 肉質鬆軟😋 十分推薦

一直聽說北角有很多美食，各大少餐廳、不同類型的食物都很吸引，這次便來試試這間越南餐廳。一進去，幸好不用等位，迫迫地都有地方坐，店員雖不是特別親切，但態度還好，挺helpful。望一望餐牌，我們很快便決定了直接點晚市二人餐，不用想來想去，看到二人餐總共 $180，都好多野食，很豐富～在二人餐裡，點了聽聞是很好味的炭燒雞扒飯和炭燒豬扒飯，另外還有越南炸蝦餅、春卷，馬拉盞炒通菜，另外包兩杯港式茶餐廳飲品，感覺很抵食～ 而且每碟的份量都好足料，我相信兩個大男人來吃的話，都應該會很夠飽！越南炸蝦餅、春卷，配埋醬汁，很香口～馬拉盞炒通菜，軟硬度炒得剛剛好，而且醬汁很好味，不知不覺便愈食愈多～ 不過菜多吃也無妨～炭燒豬扒飯（不知為何相片調轉了，但不能轉回正常角度）炭燒雞扒飯炭燒過後的扒肉很香，吃進去有一陣炭燒味，加上醬汁的味道，很喜歡，而且扒好大塊！啖啖肉～ 飯上面加上那些配料，也令白飯都變得特別，整體都是很不錯！不過可能因為份量太多，也有少許油膩，所以吃完後真的很飽😂 不能餐餐吃，但間中一次也無妨！

食過兩次，第二次忘了之前的教訓再次叫了碗牛肉麵，咸到完全吃不了第二口，最后要求加水，倒一半加一半清水還是入不了口，只好買單去下一家覓食以防下一次忘了再次中招，特意記下好提醒自己

只食一個簡單嘅碟頭飯都可以讓你想倒晒佢，真心無諗過可以差成咁。牛腩個汁係酸嘅，懷疑左好耐係咪變左，腩入得口但乜味都無，只得好似變左嘅汁嘅酸味，應該係勁多醋。飯有飯焦，碟底有水，即係得中間係食得落口好彩無加30要越式咖啡，一杯齋咖最反映到間餐廳係點。苦味之外就係苦味。底層勁外渣滓。其實一個簡單碟頭飯要整到咁難食。間嘢都真係要有咁上下修為先得。眼見附近有幾間，見佢算乾淨，但估唔到食物可以咁差。惟一叫好少少嘅算係整潔。

食物正常大size 既可惜一坐低已經態度差，2樓面，2個黑面：1. 唔想俾卡位你，有空位都唔俾，無人等緊2. 問要水問餐牌，有應但十世唔俾3. 不斷收碗，得3樣嘢都可以不斷收，不斷趕客（雖然話自己無），無人排隊，樓面唔滿4. 坐低傾計，樓面得番幾枱，俾人問侯：坐咁耐唔凍 我無奈話：使唔使咁 之後即刻大罵我：咁講嘢！xxxjjuu終結：普通食物質數，唔平價，咁的樓面，無下次！

呢度地點好方便，一出地鐵站對面就到。雖然我地唔係住呢頭，但係都成日搭電車過嚟攞外賣。因為我哋見到個鋪面都好迫好細，坐得唔舒服所以寧願攞返屋企食。我就最鍾意呢度嘅香茅豬扒撈檬，而我老婆就最鍾意呢度嘅炭燒豬頸肉飯。呢度嘅香茅豬扒飯唔會好似出面咁乾爭爭，而係啲肉質好林，而且煮得好入味。另外加少少錢仲可以加多兩個春卷，如果趕得切短時間內返到屋企食，其實佢都仲可以好脆，裏面亦都好足料，所以我每一次都一定會加錢食春卷。

有時間唔中就會好想嚟呢度食，因為有一個飯一定會令你上癮。不過首先講下佢個環境先，其實地鐵站一出，過對面馬路就已經到，好方便。雖然鋪頭裏面都唔細，不過擺咗好多張枱，感覺好迫，所以我多數都係買外賣返屋企食。其中一個我最鍾意嘅飯，就係炭燒豬頸肉飯，除咗呢度之外，我真係搵唔到一間炭燒豬頸肉可以比呢度更好食嘅鋪頭了。佢啲豬頸肉燒到外脆內軟，一d都唔乾唔硬，醃得又好入味。再配埋佢個甜豉油真係一流，而且我好欣賞嘅係佢每盒飯都會自動幫你加啲薑蓉，起碼睇得出佢有誠意。所以嚟到呢度一定要叫啲炭燒豬頸肉飯試吓丫！

星期六原本收半晝，點知有突發狀況要留到五點點。咁就同同事附近搵下野食啦。行到書局街見到一堆都係餐廳，選擇困難。好在同事話呢間越南野都唔錯，就去試下。我就叫左個豬頸肉，同事就叫個雙拼(雞拼豬扒)。上到枱大大碟😍淨係啲豬頸肉份量都真係足一碟小食份量，出面點止呢個價。食落啲豬頸肉燒得好香口。加埋個汁真係酸酸地辣辣地幾開胃。同事提我，食飯要落佢枱側邊銀色果壺飯汁，送飯一流。食落有啲似有香料既甜度鼓油，又真係唔錯喎。跟餐叫左杯龍眼𣲙，呢杯就真係太甜。等啲𣲙溶左都好甜吖。不過店面既服務員態度又真係有少少要改進，態度友善少少會好啲。

呢間細細間舖，午飯時間好多時都排晒隊！要等位！啲相影得真係好吸引！一去到都係要等一等位！啲人服務就唔係好好，講野語氣都係唔怕您走咁！但又唔係咩大餐廳，都好正常！等左一陣就有位！我就揀左個炭燒豬扒飯！又估唔到佢個炭燒豬扒做得幾出色！可以一試！

係北角行開，又想食越南粉。隨便搜左一下，發現左呢間野。距d位係窄既，坐得唔係好舒服。ok，甘都無問題。上左個越南粉，無辣椒圈，無蒜蓉辣椒醬，無九層塔，無青檸。我都已經係度霖，玩完。ok，唔好甘武斷。一試個湯底，哇，我唔知係鹹味抑或是甜味，完全，好唔知點形容，滾湯+d味精？我真系⋯⋯ok，甘都算啦，太鹹想攞杯水飲，個服務員既服務態度勁差咯，居然話，唉，你甘煩噶！我⋯⋯哈？乜問題，麻煩你俾杯水嘖喔對唔住囉

呢度嘅份量真係好大份，無論係飯定係湯河，一個正常女仔係冇辦法食得晒嘅😂我覺得呢度最好食嘅係炭燒豬頸肉飯，豬頸肉燒到脆口但依然可以保留着啲肉汁（不過都會偏鹹）。但由於今日冇男士同我share食嘅關係，我叫咗個生牛肉湯河，食唔晒啲河粉感覺都冇咁浪費呀嘛😅香葉芽菜辣椒青檸檬都比足既，不過我覺得啲牛肉唔算好有濃郁嘅肉味，所以湯都唔算好濃郁，配料搭救。其他朋友就比較支持炭燒雞扒飯，但我自己就覺得麻麻地，雞扒厚，但個人覺得好鹹，而且重食到少少雪藏味，鹹可能係因因佢個雞皮好索味，唔食皮會好d。一邊食肉一邊食飯應該會發現好快啲飯冇晒，因為啲飯攞晒黎送肉。

大叻一向都好受同事們嘅歡迎，因為佢又平又大份又好食。👍🏼😋 雖然味道係重啲，例如湯底會重味道，有味精味，但你又可以話佢個湯底夠濃味😂。佢午餐有八款俾你揀，我最鍾意就係食生牛肉湯河或者雞扒飯。😍今次就食咗雞扒飯，雖然雞扒味道偏鹹，但勝在個飯夠大份，個雞扒又夠大塊。👍🏼加埋凍飲$3都係$53！👍🏼 抵食啊！不過要留意番，如果係繁忙時間，好似係午飯時間咁，咁佢就會係咁望住你張枱😂，等你一食完野就收碟。如果想慢慢嘆嘅就，可以考慮其他餐廳了。

要食平靚正嘅午餐，我必定諗起大叻越南牛肉粉餐廳$50一個午餐可以選炭燒豬扒或者炭燒雞扒我兩樣都試過本人覺得炭燒豬扒係最好食嘅大大塊炭燒豬扒（其實應該唔只一塊）燒到啲邊位脆卜卜但啲肉又好鬆軟每一塊都有濃厚嘅燒汁，熱辣辣 香噴噴，就好似你食緊燒豬肉乾咁叫嘅時候記得要叫多蔥油配埋白飯加蔥油真係一絕另外，唔好唔食埋啲菜啲菜入晒啲燒豬扒嘅味午餐黎講算係抵食大件飽肚，仲要好好味，絕對平民首選，無得輸！結論：已列入個人飯堂名冊

-介紹給大家小編的日常飯堂😛Menu 午市下午茶晚市都一樣亦有幾個套餐可以揀 -🔸炭燒豬頸肉撈檬 $46 (下午茶價錢)豬頸肉有驚喜🤩每塊豬頸肉厚肉之餘🐖份量也頗多附上的汁好有東南亞嘅風味🌺檬粉配上酸酸甜甜嘅汁(橙色嗰啲)超開胃🤗 +$2 熱飲☕️+$4 凍飲🍹

這晚行到北角書局街，看到「大叻」，就回想起幾年前朋友帶我去過位於鰂魚涌的同名小店，那兒的炭燒香茅豬扒及鷄扒都非常出色，今天難得路過覓食，又怎會放過重拾美好回憶的大好機會？！這天看到晚市一人餐有我想吃的名物，二話不說就點了「炭燒香茅豬扒飯」。套餐$57還包括越式春卷小食及飲品。以晚餐價格來說，比起一般快餐店晚市套餐還要抵！豬扒上碟時剪成長條形，方便進食，份量看上去亦頗多。豬扒烙有炭燒坑紋，入口有淡淡的炭燒味，香茅燒汁配合得宜，整體好吃！春卷亦爽脆好吃！誠意之作！