大哥冰室

營業中

休息中

今天下午四時左右到來吃下午茶，要了一份下午茶加熱奶茶。侍應生姐姐說沒有‘熱‘‘ 奶茶，只有’’‘凍’’奶茶，但要加$3。今天不太舒服，無奈要了杯熱阿華田，但來到是淡如水的。問侍應姐姐可否加濃一些，她說這是嘅定的份量，不能改變。洗手間是顧客專用和設在後巷，要通過三度門才可逅入。地下也有濕水。清潔程度極度惡劣。這間茶室也不接受任何電子付款。奉勸如果要來光顧，請三思！西多士質素普通，飲品绝對不能接受！如果不是在其左右沒有其他茶餐厅，相信價錢與食品質素，這茶室不可能是健在！

見到餐牌寫澳門沙嗲牛肉通粉幾得意，所以點左一個試吓，但我轉咗意粉，食第一嚿牛肉已經覺得幾好食，睇返啲意粉都有好多舊牛肉，牛肉唔會死實實，比我想像中嘅沙嗲牛肉意粉好好食。

呢間冰室好想試好內啦.......2日都叫左焗鮮茄豬排飯話10分鐘已經可以落去取了 時間上都方便.. 因趕時間食飯的我隨時叫到的外賣......茄汁係我最鍾意甜甜地味道......豬排夠淋夠味......菠蘿都唔少......也叫同事試試，都話ok......他們叫左鰻魚煎蛋飯，腸仔煎蛋飯，只係過馬路唔方便......價錢唔算好平......質素搭夠......是個人喜歡的味道......會繼續試多幾款食物......

一份$46的早餐不叫做便宜，明白在這區地舖租金貴，店的八達通經常不能使用，這點不方便。沒有電子支付，唯有等候食物的時候拎定錢啦，以便可以食完就走，返工一族也是這樣。已經將錢放在枱近牆個邊，灰色衫侍應一見到枱上有錢，就會主動拎錢收走拎去收銀機到找數，食物都未上齊？！叫到叫唔切，已經不是第一次了，但是早餐都未到齊，其實咁心急收錢有好處嗎？我已經拎晒零錢出嚟，不用找續的，在香港食店真係未見過，這間是第一次見。

柱侯蘿蔔牛腩煲有埋牛筋，原來牛腩同牛筋係要分開炆不同的時間，然後再焗😋😋😋炸子雞必須兩日前預訂，因為要吊兩日先煮，100分😋😋😋蝦多士也需要預定，最少三件。用料新鮮又好食😋😋😋

作為CCC和CRC的常客,我最近發現了一間隱藏版的粵菜好店 - 大哥冰室。雖然它不設海鮮供應,但我自帶的紅寶石(3.4斤)加工費只收了$340,味道竟然比大酒樓還要濃郁!原來大哥冰室的師傅是做外私房粵菜出身,功夫了得。特別推薦大家試試他們的鮮茄牛肉會意粉,味道絕對能媲美太平館。午市12點半後座無虛席,可見人氣有多旺!作為一名純粹的食客,我衷心推薦大家來品嘗這家隱藏版粵菜快線。價格親民,味道卻勝過不少大酒樓,絕對是港式飲食的一股清流!

諗住佢係西苑大廚走出嚟，以為啲叉燒好食，試下佢嘅皇牌叉燒意粉早餐，點知一打開見到啲叉燒已經可以用垃圾來形容，仲話皇牌😂😅連連和燒味啲叉燒都好過佢，任何一間茶記好過佢啲叉燒，我真係唔敢再寫落去，杯茶走直頭不知所謂，佢真係走咗我啲煉奶🥲比包沙糖我，我洗鬼叫茶走咩，唔知咩叫茶走就唔好開茶餐廳啦，茶又唔得又無茶味又唔滑，應該計前身金牌後好快又執，去學滿師先再嚟開吧🤷🏻‍♂️

早前見佢新開食過一次下午茶當時叫咗辛辣麵覺得佢都煮得幾好因為好多時侯去茶記食辛辣麵都會太多湯搞到個湯底淡晒但係佢湯嘅份量啱啱好所以加$6 轉辛辣麵我係願意的！不過今次塊餐肉比上次煎得冇咁脆略為薄咗少少可能下次要提一提再煎多陣咁就perfect 啦而凍奶茶就一般，有待加強💪🏻銅鑼灣好多茶餐廳嘅早餐都係至到11:30不過呢一間只係至到11點如果大家想去食早餐就要注意返Menu上都見午餐下午茶常餐都好多選擇下次再試吓其他嘢先😋