大喜屋 (已結業)

假日同朋友食飯聚會，放題係一個唔錯的選擇一來埋單有數得計，二來食物種類繁多，大家都會有啱食既。坐得都幾舒服，唔迫, 走動位足夠，基本上點野食都唔使行掃code落單夠晒方便，咩都唔使自己動手，行都唔使點就會自動送上前菜必點螺肉刺身有好多款式揀三文魚 吞拿魚 蟹棒 甜蝦講得出既刺身都有~有三文魚，松蟹棒，北寄貝，象拔蚌有頭甜蝦 等，大把揀。 話咁快，拼盤就到, 擺盤擺得幾靚我就集中揀自己鐘意食既三文魚好肥美，有魚油脂香而北寄貝、帶子、象拔蚌食落口感爽彈！其他都好新鮮燒菠蘿，又酸又甜，食左8舊，好開胃。炸物榴槤炸必食，不斷encore, 外脆內裡軟糯，好大陣榴槤香炸物當中芝麻雞翼都好值得一食再食燒牛舌，本身燘到好淋，味道不錯, 帶有少少黑椒，即燒好爽脆口感，惹味壽司都要推薦一下個人就偏愛火炙&手卷系列飯略有醋香，手握得幾實，一啖一口份量，可以試勻咁多款花之總都唔錯鍋物當推牛肉鍋壽喜燒，呢個好食, 我一個人隊晒飲品方面都有好多種類，仲有埋啤酒任飲真係好抵個人力推呢個荔皮烏龍茶，平時食放題唔係見好多間都有，唔會過甜又香荔枝味但飲落其實係茶，另類健康之選雪糕有一杯我揀左呢個milktop沖繩海鹽味

尖沙咀既餐廳,食過吾少間.但位處彌敦道A2 出口旁既大喜屋就一直未有機會食其實店鋪都幾顯眼幾吸引眼球,但知道佢係食放題,午飯時間又感覺吾太夠今日,難得空閒.就約左朋友一齊上去食餐好野,原來,入面都幾大,裝修亦好靚,店員安排既坐位都大同舒服既.雖然午飯時間,但人吾會太多,可能係大家都覺得午飯冇足夠時間放題啦值得一讚既係,佢個下單程式好方便,👍只要求其攞個手機BARCODE APP 掃下餐單既BARCODE 就會彈個APP 出黎,而客人就可直接係個APP 度揀食物同下單.當然,客人亦可自己行出去餐廳中間擺放食物既位置自行提取😊食物選擇方面有好多,冷熱炸,生熟,中日,甜品,飲品每一種頪既選擇都吾少肚皮空間有限.只能每樣叫少少,食多幾款我幾鍾意佢既”蒜蓉芝士開邊蝦”,味道正又容易食.吾使出手好方便👍花之戀壽司好好味.前前後後叫左幾次刺身,壽司望落.食落,感覺都幾新鮮,所以,樣樣都叫左的,食到好飽😋仲有比目魚,魚身周邊好似燒燶左甘,但味道出奇地好味,吾知佢點整,好想請教下廚房師傅😊

平時返工咁辛苦係時候要獎勵下自己 搵班同事放咗工之後食餐返好嘅先。去到依然十分之多人 好彩預先有book位。首先整個壽喜燒先，非常足料，牛肉片夠晒滑溜，加上即落既鮮雞蛋就零舍滑上加滑仲有豆腐同各種配菜添呀。炸物就叫咗炸廣島蠔 整體嚟講 炸得夠熱又唔油 味道夠新鮮 夠曬香。榴槤波波一定要食 流心效果 非常邪惡， 榴槤控必定喜歡， 另外香芋波波及 芝士年糕 同樣各有特色 口感煙煙靭靭 餡料又豐富。超喜歡這裏的薄燒牛舌 多汁牛味濃 用上鹽及黑椒黎燒相當惹味。這裏還有我非常喜歡的海膽手捲 海膽分量算多 仲有蟹膏蟹肉手捲 紫菜夠脆 細細嚿一啖一口 唔怕食完食唔落其他嘢壽司款式多樣化 賣相及造型相當精緻 壽司飯醋味香 上面嘅配料夠新鮮甜品方面有餐廳自家製的甜點 亦有不同種類嘅雪糕，日本雪糕都有得提供選擇自助區五臟俱全 有各式各樣嘅前菜小食 讓人有啲 花多眼亂 樣樣都好想食最後當然係食到捧住個肚走人 值得稱讚嘅一點係 呢度食物水準有番咁上下 唔係hea整出嚟交貨就算👍

老公生日，我建議去食放題，無booking下衝上去叫4位（夜晚7點半）竟然有枱 真係難得記得早兩年前嚟好full。。。 坐位好舒服，裝潢亦好高尚，配上$238係尖咀食呢個價錢，真係抵👍所以帶埋工人嚟食好西BTW 宜家落單要用QR Code 手機落單，環保咗👍食物種類都多嘅，我哋叫咗...蒜片牛仔粒：好好味，翻叫咗3，4次酸辣鳳爪：好味，翻叫咗兩次壽司花之戀：工人姐姐話好味，食咗4件海膽手卷：頭3件ok, 之後個3件麻麻地 炸榴槤球：好味，前後叫咗8粒，食晒😋 炸紫薯波：正，推薦 炸芝士：最後個轉先記得叫，食得兩粒，應該要食10粒😂芝士味好濃，無得頂天婦羅 ：ok好味，留肚食其他刺身：三文魚、象拔蚌、赤貝、生蝦、甜蝦刺身類全部ok, pass♥️叫咗3轉就飽😅燒鰻魚：老公同仔仔好鍾意，前後叫咗10件蟹粥：一般串燒：牛舌、雞軟骨、小紫薯串燒類抵讚，燒得好香，調味適中甜品叫咗3款小糕餅，好一般，建議留肚食水果好過水果西瓜夠凍，好味～最後每位再送一杯Haggen-Dazs♥️♥️♥️完美

好耐冇食過放題啦，難得今日有多d時間，我就約埋朋友中午過黎食放題，職員都好nice😊 電子落單真係好方便又環保😊我地叫咗好多野食，下面幾款係我比較印象深刻既😊牛油翠玉瓜：燒翠玉瓜好清甜，甜中帶少少鹽燒嘅鹹味，好入味👍蒲燒鰻魚壽司：鰻魚都幾新鮮，幾好食😋辣酒煮翡翠螺：辣辣地幾開胃，估唔到佢嘅翡翠螺螺肉都幾大舊👍幾有口感芥末八爪魚迷你手卷：八爪魚同芥末簡直係絕配，忍唔住食完又食😂😂脆炸貓山王：表皮好香脆可口，裡面榴槤味好濃郁，如果鍾意食榴槤既，呢款極力推介😍😍😍燒香草羊鞍：好入味，唔會好硬，又唔會太淋，軟硬適中👍燒溫室菠蘿：好清甜，燒過既菠蘿好香口酸薑：估唔到呢到都有得食酸薑，辣辣地好重薑味，幾正😋

用openrice book左午市放題 12：00開始，一上到5樓，勁多人，仲要是大量說普通話的人。早知我book 12:30，咁就吾使同佢地逼！呢間大喜屋是用app黎落單，好方便又環保，不過還是有點漏單的情況出現。放題形式都係有刺身，壽司，手卷，熟食，炸物，甜品，飲品。最推薦大家的係佢嘅海膽手卷，creamy 得黎完全吾腥，好好味！

為了和同事慶祝生日今天我們就來到大喜屋一直以來以為這裡只提供自助餐形式的服務原來還有午市套餐而且性價比超高看到餐牌時我也嚇一跳太多選擇了而且才幾十元一份不同配搭的魚生飯有生吃也有熟食還可以自己配搭如果你有選擇困難症相信你會覺得很痛苦點好餐後就會先送上沙律絕不馬虎的前菜夠凍夠新鮮然後是微暖的麵豉湯建議可以再熱一點因為場內冷氣比較凍我最後選了這款松葉蟹盛 $88有三文魚，油甘魚，松葉蟹鉗，松葉蟹腳，蟹肉，蟹膏，蟹籽，大赤蝦魚生夠凍，很新鮮蟹膏很有咸鮮已拆的蟹肉量很多但自己食蟹腳及蟹鉗時就有點狼狽飯質也很好，有點黏性飯量也很夠另一位同事點了這個三色魚生丼加芝麻雞翼 $68有三文魚，油甘魚，大赤蝦還有同事點了這個珍寶角切魚生丼 $58有三文魚，油甘魚，劍魚，青瓜，玉子，大赤蝦套餐還包飲品及甜品我選了利賓納同事們就選了解茶飲品你可以帶走哦甜品我們選了大福，是綠茶味另有同事選了黑糖麻糬木糠布丁及巧克力甜點小小份量剛剛好總結套餐份量很足夠如果嫌飯不夠還可以免費加飯不過一般來說本身的份量已經很夠吃由於好抵食所以建議你人多就記得去訂位

最近又開始約朋友出黎食飯, 最豐盛當然係食放題啦!! 今晚選擇大喜屋, 自開店到宜家, 幾年都keep住人氣, 每晚近兩個放題時段, 總會排住長長人龍等位安排入座 (就算book左位都要排啊)。餐廳內面積算大, 座位standard唔算好迫。order已經唔再用紙落單，一掃QR code全程係手機落單，超方便又環保，野飲方面款式多, 以罐裝汽水、果汁為主, 另有清酒、梅酒飲品、熱飲都有供應。刺身款式亦不少, 以冰墊底, 排得整齊上檯, 魚類刺身均為厚切, order幾多, 份量都比足! 壽司有軍艦、火灸壽司、手卷、卷物，款款都具特色，的的色色，一啖入口，食多幾款都冇咁易塞飽個肚。軍艦唔錯，D料多過飯，尤其蟹子軍艦幾正。燒物值得一讚，燒得表面香口金黃，但亦keep到內裡肉汁唔會太乾身。鹽燒比目魚，肉質爽脆滑，有少少鹽吊味。鹽燒溫室菠蘿，內裡JUICY而且嫩滑。鍋物不油膩，日式鍋物湯底唔錯，仲有主角既牛肉，落埋雞蛋，咬落超嫩滑仲有陣陣香味，確係除左壽司都做得出色。每位人頭仲送一杯Haagen-Dazs雪糕做完美總結~大滿足呀。呢度好少出現漏單, 臨到LAST ORDER都會跟足, 真係可以

好耐無食放題，忽然心血來潮想食，朋友就推薦咗大喜屋，大喜屋呢個放題品牌都相當岀名同有保證，有唔少人都應該食過，由於大喜屋長期都full booking，所以醒目嘅我地當然一早book定枱，去到唔洗等就有得食！之前食放題都係人手畫單，宜家大喜屋點餐變咗用自己手機掃QR code，方便又環保👍🏻⼀口牛，牛味濃夠嫩，又有嚼勁👍🏻我地嗌咗鹽燒左口魚、浦燒鰻魚、三文魚腩壽司、杋立貝壽司...全部都非常新鮮美味，不過由於飯比較頂肚，所以都係食刺身刺身方面我地嗌咗松業蟹腳、三文魚、甜蝦、虎蝦、八爪魚、赤貝、北寄貝、象拔蚌...真係有好多選擇，上菜速度又快，encore後好快又再送嚟，不斷密密食！特別推介三文魚同松業蟹腳炸物我地就叫咗芝麻雞翼、炸蠔、榴槤波波同埋香芋丸，芝麻雞翼一如以往咁好食，而榴槤波波榴槤味十分香濃，作為榴槤愛好者嘅我當然會encore！天婦羅炸蝦、蟹棒、番薯仔😋食到飽飽的當然要嗌菠蘿消滯，菠蘿十分香甜多汁，同是菠蘿愛好者既我地應該都差唔多食咗一個份量的菠蘿😂😂 最後，我要咗杯梅酒同movenpick 雲呢嗱雪糕完結作為一個完結😊

去完旅行返黎勁想食放題，心動不如行動，梗係即刻約朋友食！刺身好新鮮，最中意甜蝦同帶子，夠鮮甜。三文魚亦唔錯，夠厚切食放題梗係要encore刺身！壽司方面，左口魚同魷魚唔錯，所以我哋都encore咗round！炸物梗係唔少得我既至愛，芝麻雞翼，外皮夠脆，入面既肉夠嫩滑！平時好少食炸蠔，今次試下又幾唔錯喎，有蠔既鮮味。仲有炸貓山王，好香！Encore再encore!!我同朋友都係菠蘿怪，叫咗好多燒菠蘿，好甜又多汁！蒜片炒牛柳粒好惹味，牛柳亦唔會韌燒牛舌好爽口但唔會韌。燒翠玉瓜好香甜。

個人認為食放題最緊要食物新鮮同選擇多！今次第一次試大喜屋，覺得有驚喜wo!首先刺身選擇算多，除左大路既三文魚北寄貝甜蝦油甘魚外，仲有北海道帶子，大大粒同松葉蟹腳，大大隻！重點係刺身質素好新鮮，可以encore！試左幾款炙燒壽司，炙燒左口魚天婦羅蝦炸粉唔算厚，上到來熱辣辣，炸得好脆口，不過天婦羅選擇唔是好多起香港食海膽最怕有腥味，呢度都有海膽手卷，估唔到一d都唔腥，食得出好新鮮，而且唔大件，唔覺意又encore至於熟食就一般，推介芝麻雞翼同西京燒比目魚👍👍最後試埋佢既甜品，揀左兩款來試，特濃朱古力杯同tiramisu 杯，不過就麻麻，好彩細細杯食得落，有返Haagen Dazs 雪糕補返數😋😋

好耐無食放題，發覺原來呢度仲有宵夜放題，睇完戲食埋放題就岩曬！一入去已經見到好大個甜品櫃！估唔到原來而家放題都用電話落單！幾方便，掃一掃QR code就得，終於唔駛拎住一本厚厚既menu去劃，同唔駛等人收紙！刺身好新鮮，全部都厚切，大大件，仲有蟹腳食。人地話放題食壽司手卷唔抵，但本人中意有d飯落肚，所以去食放題都要點壽司手卷試下。呢度都有幾多選擇，每樣都試左d，推介佢既迷你手卷，松葉蟹膏手卷同海膽手卷，食落好鮮甜！焗廣島蠔值得一試，真係好大隻，配埋佢特別既醬料，食到停唔到。熱食試左珍寶蝦，燒牛仔肉，芝麻雞翼同冷烏冬，芝麻雞翼最正，比鹽燒雞翼更好味。串燒選擇比較少，試左牛舌，燒番薯仔，雞翼，都係正常野！臨尾已經太飽，食唔落甜品，點左個生果拼盤消化下！同埋食左每人一杯既雪糕，呢度有3個牌子揀，試左比較少見既milk top ,今期既隱藏口味係沖繩海鹽，唔會太咸。兩個人埋單五百幾蚊，如果唔怕夜，21:15後入座仲有85折😌

同事生日, 想吃日本菜提議吃大喜屋之定食原來放題以外有很多款定食午餐心大心細之發現原來有自選2款的組合,價錢也合理定食包括味增湯+沙律+飯我的1選是雜錦壽司其實壽司都有分幾種不同組合而且都係一口size,不錯2選則是牛肉雜菜鍋甜甜的壽喜鍋湯底組合定食$78 加一尖沙咀區算是不錯

有一排冇食放題！放題癮又起！決定要約朋友大擦一餐！今次選擇咗大喜屋普通版！極上大喜屋同殿。大喜屋！我都係比較喜歡普通大喜屋！5:30入座仲有八五折，非常抵食！冇食放題一排！估唔到而家全部都電子化！沒有傳統的點單紙！全部都係用手機，微信APP黎落單！非常方便！而且留單嘅情況改善！我們都係主打刺身同壽司！壽司每一件都好Mini，食多幾件都唔怕！刺身同壽司都好新鮮！刺身仲有長腳蟹！雖然唔算好大隻！但係肉質都係鮮。。焗生蠔依然係非常出色！蝦亦都係我嘅推介之一！無論係刺身、天婦羅、定係焗！蝦都好好食！甜品仲有milk top雪糕!係海鹽味道！非常好味！

今日突然間又好想食放題，於是乎試吓即日book夜晚5:30-7:30 有八五折優惠 折完之後連埋+1服務費大概$245 唔算好貴又唔算平雖然有book位 但都係大喜屋嘅一貫作風 17:30前已經要去到樓下排隊攞定飛仔上去 準時入座 座位非常擠迫 而包圍着我嘅左右隔離全部都係講國語嘅遊客 唔通真係賣過旅遊書？呢度冇紙仔落單 一係下載個App 一係直接掃描。我就經過WeChat掃描去落單 選擇唔多 冇鰻魚 冇自助吧 好多都冇 我哋叫咗幾次唔同嘅食品 最好食嘅係蟹肉蟹膏手卷 其次係炸蠔同焗蠔 都比想像中好食 佢有燒比目魚食 不過切得太薄 佢嘅沖繩黑糖燒牛肉都唔錯 唔會咬唔開 刺身方面不過不失 冇鮮味但係都冇臭味 埋尾都係一人一盒雪糕仔 朋友今次揀咗一隻日本雪糕 係沖繩海鹽牛奶味 甜甜鹹鹹唔係好啱我食足兩個鐘坐足兩個鐘 大喜屋放題比我想像中差左 希望食物方便可以進步返