大圍168串宵

營業中

休息中

{🍽️ 香港搵食 🍽️｝ 168串燒大圍嘅隱世串燒店，樓下通常做外賣為主，如果堂食就要行上隔籬嘅一樓。夜晚食宵夜除咗去大排檔或者便利店店之外，仲可以去呢間串燒店度食串燒！！得閒約埋三五知己食住串燒，飲杯啤酒傾吓偈簡直係人生樂事 🤓🤓 由於價錢都好抵，所以叫咗好多串燒😂😂😂 金菇肥牛卷、燒雞皮、燒雞肉串、燒穀飼雞腎、燒韭菜等等，重點選推介以下食品😉😉冰火煙肉荔枝串第一次食呢個款既串燒，係說到凍冰冰嘅荔枝加埋煙肉一齊燒👏🏻👏🏻 感覺好得意，原來又幾好食🤩🤩蒜蓉燒原隻帆立貝好新鮮，大大隻！！ 食完會想再食多隻😂😂😂 啱晒鍾意食海鮮嘅你酒燒花甲店員一燒好即刻拎上嚟，熱辣辣，酒味好香醇，花甲細細隻但係啖啖肉👏🏻👏🏻燒完條蒜香茄子茄子燒得好淋身，茄子肉上面有好多蒜，一上枱時已經香氣十足😙😙 一絲絲茄子肉咁夾起你食，真係好滿足，串燒未必叫👍🏻👍🏻👍🏻燒雞中翼夠晒味，外皮燒至脆卜卜，雞肉都好滑溜👏🏻👏🏻 📍大圍積存街32號地下B號鋪

通常買外賣宵夜都會食呢間168，款式都算多，味道都唔錯，通常打電話去叫15分鐘左右就攞得，我比較鍾意食佢嘅酒蜆，蒜蓉焗蠔，多春魚同燒茄子，價錢呢間係平DD，平均一人$100-150左右

📍大圍隱世樓上串燒 — 168串宵👅🍻🔥今次好想同大家介紹一間我同我啲朋友都一致認為好食嘅串燒鋪！！😍😍🧡夜晚食宵夜除咗去大排檔、夜茶、糖水，其實仲可以去食串燒～呢一間樓上串燒真係有好多特色小食🤤🔥🔸冰火煙肉荔枝串🥓🍢 $28串你冇睇錯呀！真係荔枝加煙肉😱冇諗過呢個組合可以整成串燒！外層係熱辣辣嘅煙肉，裡面就有冰凍嘅荔枝🥹咬落去爆晒汁，真係有驚喜👍🏼👍🏼🔸三重芝士稻庭烏冬🧀🍜 $28碗呢碗芝士撈烏冬真係超級出色！😭啲烏冬好彈牙好好食，表面再加埋灸燒過半融嘅芝士，撈埋真係好夾好好食🤩不過份量就唔算好多～🔸海鹽燒極品牛脷心🥩 $32/3塊鍾意食牛脷嘅人一定要嗌呢個！！每塊都好厚好煙靭😍好juicy~加埋啲孜然粉係勁好食！！🔸燒原條蒜香茄子🍆 $38條茄子燒得好夠，好淋身🤤而且蒜蓉味好濃，重口味人士最愛👅大大舊茄子夾起一絲絲茄子肉食，真係超滿足！🥹🥹每次去串燒店都必嗌燒茄子😆😆✰⋆�｡:ﾟ･*☽:ﾟ･⋆�｡✰⋆�｡:ﾟ･*☽:ﾟ･⋆�｡✰⋆�｡:ﾟ･*☽另外其實仲嗌咗好多唔同嘅串燒，不過太多不能盡錄🤣整體黎講真係一間高質嘅串燒，不過店鋪較細，位置唔算多，都只係一間樓上小店～夜晚同朋友過黎食下

好特別既冰荔枝煙肉串 你無睇錯 我無打錯 真係冰的！！食落好特別燒茄子感覺爭咁d鮮辣椒 不過燒得好夠 夠淋身牛舌偏蘇 我自己食唔到 雞皮雞軟骨豬腩都好食 坐樓上冷氣好夠 雖然坐樓上 但有鐘仔禁 服務員基本上都出出入入唔使禁 就咁叫佢幫手就ok了

一大班人去食串燒，最後埋單$2000，啲野食都大份食到好飽，但無以前咁好食，應該唔會有下次但都有驚喜，就係熱煙肉包凍荔枝﹐中間冰凍既荔枝，一口夾埋啲肉食，真係好爽，荔枝又多汁去肥腻，我吾好荔枝都話ok,合共食了差吾多2串半! 牛舌又厚又嫩, 粟米再燒窿d像粟一燒更靚！但蜆疑似用了黃酒類,味帶苦，唔食得，其他一般，有部份疑似油炸過再燒👎🏼

之前來過呢度已經唔知幾多次，但係好耐冇再來。一直都想再食，知道提早左開店時間，所以決定再去食多次。距離大圍站5至7分鐘步程，但店舖細小，如果想試就要早D排隊。同上次食既食物差唔多，都係串燒必備食物；但個人認為今次好似已經冇以前咁好食。尤其以前牛油金菇好入味，今次稍嫌麻麻地。其他食物雖然質素都keep到，但加價後相對唔太抵食。期待佢會出一D特有串燒提升店舖特質。對店舖觀感冇太大改變，但食物質素沒有大提升。所以對餐廳整體感覺，相比以前有少少扣分。

夜晚想食宵夜有咩選擇 除左夜茶 大排檔 糖水其實都可以去食串燒 雖然香港D串燒都真係好貴😭但係想食嘅話隔幾耐都要食一次 呢間串燒係樓上舖 燒完店員會係樓下拎上去比我地 好彩我地有得坐係包房入面 吹水同坐都自在D🫣 落單完都要等差唔多十幾分鐘先會有野食 聞到隔離台香味都忍唔住個肚係度叫😭🥩海鹽燒極品牛脷芯💰32鍾意食牛脷嘅人must要嗌 唔鍾意食嘅都要係呢間試下！牛脷通常分兩種 又薄又韌嘅日式串燒牛脷 同埋港式咖哩厚切軟嫩牛脷 呢隻就剛好介乎兩種中間 唔係軟淋淋嘅厚切牛脷 有韌勁得來又唔會特別薄身🫣表面望落油淋淋同灑滿孜然粉 但係食落口完全唔油膩 肉汁好多 有D位特別黑 係焦香味特別重😙🍗爆串·燒穀飼雞腎💰18呢個真係名副其實爆串 一串可以串滿成支竹籤 如果冇試過其實雞腎同雞軟骨口感好似 都係脆身嘅帶有小小肉嘅口感 呢間孜然味道分布均勻 每粒都可以食到香料味道 加埋熱辣辣燒完嘅雞腎 味道昇華左好多😍🍆燒原條蒜香茄子💰38成日見人串燒一定會食茄子 見到實物終於會明點解要嗌 原條茄子鋪開面積都幾大 抹滿調味同蒜粒後燒 攞筷子夾個陣小心茄肉同皮分離左 皮嘅部分燒到好薄好焦脆 但係齋食就冇咩味

店舖原來唔單止做外賣，原來隔離道門可以上二樓堂食嘆冷氣，相當隱世。落單形式係用紙筆✅。價錢都寫曬係上面。蜜蜜燒鴨胸 $22店主推介！鴨胸唔係一片片，而係一嚿嚿。淋上蜜糖入口甜而不膩，鴨胸又燒得夠juicy，唔會好dry。鹽燒三文魚鰭 $45個鰭燒得好卜卜脆，裏面咬開有好多汁漏出來。做到外脆內軟嘅效果。好推介！燒雞中翼 $24總共有三隻。燒得好似過火左點，有少少燶同埋裏面有d乾。海鹽燒極品牛脷心 $32有三塊。都幾厚。完全唔會覺得有好韌既口感，入口即化。絕對推介！燒明太子釀雞翼 $32有兩隻。都係燒得比較乾，裏面唔夠juicy。明太子夠多，辣辣地好惹味。燒原條蒜香茄子 $38好夠蒜同調味，茄子嘅頭同尾都笑得好軟熟，完全唔會浪費咗。三重芝士燒生蠔伴薯蓉 $52/2隻好多芝士同薯蓉。個人覺得個味唔係好夾，因爲生蠔都幾juicy，d汁溝左落芝士度有d怪。好似都係同蒜蓉夾d。呢度嘅串燒整體來講都好高質，係價錢有d貴。門口夜晚可以拍車，如果抄牌店主都會通知。行大概7-8 分鐘就到地鐵站。交通都算方便。營業時間就開得遲收得夜，絕對係宵夜之選。

🍺🍢💻久違的港式串燒！今晚自己一個食，我決定要給自己一個舒適的 “me time”🥰買串燒外賣，回家開一罐冰凍的啤酒，打開Netflix 睇套電影！🕰星期六黃昏6:45，搭緊車時，提早20-30分鐘打電話，預先落單，💲付款方式有現金、支付寶、微訊支付，其他我就唔清楚，未問到😂🥢🥢🥢🥢🥢🥢🥢隨心叫了些想試的食物，一個人共4款菜式。<燒原條蒜香茄子 $38/條>Juicy!!!重口味最愛！蒜蓉味濃，孜然味都頗重！輕鬆夾起一絲一絲的茄子肉，Shh shh 聲咁食🤭外皮的火都控制得剛好，沒有燒燶，可以連皮食，增加纖維和花青素的吸收。😆<燒牛油什錦錫紙包 $42/份>（娃娃菜，金菇，雞髀菇）Juicy!!!幾香牛油和蒜茸味，份量都幾多，可算對得住個價錢。<爆串。燒穀飼雞腎 $18/串> (下圖右)3粒雞腎，每粒切開一半咁串。都幾韌，難咬開，難咬碎，是又爽又硬，沒有期待的爽脆。<海鹽燒極品牛脷芯 $32/串> (下圖左)正常認知中好食的牛舌本是煎到入口即融，又帶點油脂和爽口。但我今次吃到的是厚切，燒得較乾身，所以沒有期待中的軟。•••

夜晚7點先開門，已經有好多人order 。燒原條蒜香茄子，HKD 32。呢個價錢真係好抵，唔算好辣。燒牛油什錦錫紙包，HKD 38。好熱好大包，有娃娃菜、金菇、雞脾菇。之後，叫左一堆串燒。最好食係呢串 海鹽極品燒牛脷芯，只係HKD 18。入口即溶，5星推薦！燒豬花腩，HKD 18。賣相好靚，食落唔錯。燒蟹子丸，HKD 15。不過不失。燒雞肉串，係以前超級市場d來貨，唔好食的，不用叫。另外仲叫左雞軟骨同明太子燒雞翼，明太子燒雞翼幾特別，可以一試，兩款都好食！

同朋友收工好鍾意黎呢度食串燒飲啤酒聚一聚，呢一晚我地又黎喇多春魚燒得外脆內軟 一咬就爆春 好正金菇肥牛卷 肥牛燒得不會過韌 配金菇同吃不會感油膩 燒露筍 爽甜不老 燒雞髀菇 菇香四溢 Cheersss🍻蒜蓉燒娃娃菜 每次都想叫兩包 因為好好味 但份量唔多 好快食晒了🥲燒蜆 味道又香又爽甜 而且師父火候控制得好 食落不會覺得韌 燒茄子也是每次必叫，燒出嚟茄子肉質清香綿密又惹味 燒鴨舌 也不錯 外皮焦香中間軟滑 墨魚丸就略為遜色 外表燒得較乾同老

見好多沙田大圍朋友都推介，今日就同朋友去試試佢。今日星期三，我地等位等左10分鐘就有枱我地叫左羊架，雞泡魚干，燒娃娃菜，牛舌，豬頸肉，雞翼，火雞皮，豬花腩，九菜，🧀🧀🧀同一定要全力推介三重芝士系列：芝士雞軟骨，芝士燒廚師腸，同超好食嘅芝士燒蠔😻😻😻佢嘅芝士蠔仲要有薯蓉係底，超邪惡，薯蓉吸曬芝士同蠔嘅精華。其他肉類都燒到個皮脆，肉汁juices 。調味又唔會太咸😋😋🤤🤤🤤燒牛舌同豬頸肉🐷係我真心認為全香港最好食😋👅👅另外值得一提係帶眼鏡個店員好細心，我地叫左好多野，佢覺得我地會食唔曬，叫我地減少啲份量，無謂又浪費錢浪費食物。之後食到一半，隔離有枱客講野勁大聲，佢問我地洗唔洗調入去房，會食得舒服啲，好體貼呀，要讚👍唯一嘅不足係因為佢即叫即燒，所以叫完都真係要等廿分鐘先有得食埋單每人$158

有圖有證據，附上點餐記錄和單據。點左的食物係好味。上最後一道菜前，順便叫埋單。最後上左韭菜，同埋單係$187, 不過味粉落多左，然後濁親，飲左一啖上一間船面餐廳帶黎嘅綠奶茶。入座前有留意，外來附加費係30 一杯。所以一直留意都無飲過杯嘢，費事壞左規矩。到落樓埋單時候，$187 變$217. 佢話附加費係$30 , 我問濁親就咳死咁點算。呀叔答 禁鐘，等佢地拎杯水上黎二樓。當中說話頗不留情面，反問飲一啖就係飲左，偷少少係咪就唔係偷嘢？ 我話，你講得好啱。我比錢，比張單我影下，留個中立意見比你餐廳

之前食過一次 琴日突然想食 於是收工就去左 去到差唔多夜晚10點半 員工話要排到等 等左5分鐘就帶我地上去 上到去 我哋唔夠5分鐘就落單 男員工問 使唔使叫啲嘢飲 啲嘢食要即刻燒最快三四個字我地話吾洗之後一直等。。。。等。。。等。。。等咗差唔多四五個字 佢再上黎 話個爐壞左 啱啱整返好 要再等多三四個字 真心勁嬲 點解吾一早壞左我地就吾等啦 我地有叫到烏冬 咁我哋就同佢講話俾咗我哋先啦 於是隔咗10分鐘先有烏冬食 一開始見到28蚊 仲要稻庭烏冬 心諗咁抵 點知嚟到原來得半個 真心勁伏 最後我哋等咗差唔多九個字先有第一串串燒 仲要係每隔幾分鐘先攞一串出嚟 好似敷衍你咁 本身叫咗好多嘢不過真係等唔切 仲耐過食兩個鐘頭嘅放題 最後叫佢取消埋剩返嘅嘢‼️‼️‼️一定不會再去‼️‼️‼️

放假嘅我，連減肥計劃都吾理，一於食盡D個假期！係阿媽屋企食飽飯，諗住周圍行吓散下步，行到大圍油站附近，聞到好香燒烤味，我憑住D甘香嘅氣味，終於比我搵到168燒烤店，因為吾係大街，門口亦吾顯眼，搵到都有D難到！款式都好多，價錢方面亦好平民化，我由於未試過幫襯，所以我只係要求加少少辣，但講到如果其他朋友仔趕時間，就要諗清諗楚先，因為製作需時，即叫即燒！我見店內都多人等位，所以我只好叫外賣！我叫左秋葵、雞皮、雞腎、雞皸，好香口好入味，不過溫馨提示下：原來少辣都幾辣，一啲都吾食得辣嘅朋友仔要唔辣就算了👍秋刀魚真係抵$38一整原條，好好味，燒到好香口，又吾腥D間真係隱世好好味嘅串燒店，下次一定要堂食再試😎