大壹燒鵝 (MOSTown Street新港城中心大街(3期))

營業中

休息中

相信大部分香港人都喜歡叉燒，我和太太也不例外。早前與朋友聚會，話題轉到「叉燒」，兩位分別住在大埔和沙田區不約而同的朋友，大讚大壹燒鵝馬鞍山店的叉燒。我和太太曾光顧大壹燒鵝銅鑼灣店，卻沒有留下半點印象。前陣子經過馬鞍山，剛好是下午6點，想起朋友提到大壹馬鞍山店的叉燒，試試無妨。門外有3個客人等候外賣，店內已8成滿座。我們點了叉燒飯和拔絲咕嚕肉。叉燒飯大約有10件叉燒，甜度剛好、淋淋哋邊邊卻有點點脆，少少肉汁感覺不會乾，與香軟白飯一起放入口，正👍🏻。拔絲咕嚕肉上菜時仍感到鑊氣，輕咬一啖，脆香的外層，咬深一點嘗到肉汁。伴菜是鮮菠蘿片及蕎頭，酸酸哋非常惹味。整體來說，叉燒好味，高於一般水平而矣；拔絲咕嚕肉有少少驚喜，但拔絲的份量再減少一點更好，溫度下跌令大量拔絲黏著，影響味道。

搬咗黎馬鞍山近一年，一直都知馬鞍山係出哂名美食沙漠，見呢間燒味好似都幾多人幫近呢個月又少係屋企煮飯，就諗住試試佢啦一坐低諗住嗌個燒腩仔燒鵝雙拼再加隻鹹蛋，男侍應態度勁唔耐煩咁講冇哂燒腩仔同鹹蛋，咁我自問當日去食飯嘅時間係8點幾，賣哂都唔出奇，就轉咗做叉燒燒鵝叉燒食落平平無奇不過不失，但作為主打燒鵝嘅燒味店，啲燒鵝成舊都係油咁滯，食完個飯好似冇肉落過肚咁，完全係唔合格之後呢個月內都幫襯過三，四次，每次都賣哂燒腩仔，所以就試咗佢哋嘅油雞同切雞，”鞋”到乜咁，又係唔合格嘅程度後黎得知佢哋最後一爐燒腩仔係下晝4點半出，咁我每次放工食唔到都冇辦法啦，咁啱今日放假就諗住去食個晏，可以試下佢嘅燒腩仔，去到嘅時候都有大約十人排緊隊，等大約十分鐘後入座，點知坐低落完單後5分鐘，侍應又走過黎同我講冇燒腩仔，嗰下已經嬲嬲地，但都仲好冷靜咁問佢有冇得等下，要等幾耐咁，佢竟然同我講冇得等？？？就算要等一、兩個鐘你都可以同我講聲，我最多晏啲先返黎食，你而家咁嘅態度擺明係趕客啦？最後直接起身走人，以後都唔會再黎！P.s. 我每次去幫襯(包括今日食唔成呢次)都有嗌加鹹蛋，每一次佢都話無鹹蛋，無鹹蛋你個餐牌上面就唔好寫

我真係好唔開心，去過大壹燒鵝食竹羊腩飯兩次，心情完全由期待變成失望。第一次去食飯時，我已經感覺到啲餐廳嘅衛生狀況唔太好，唔小心食到一根頭髮。雖然我默挑走，但心裏唔舒服，始終覺得食物應該保持基本的衛生標準。當時我以為只係偶然事件，想著可能下次會好啲。第二次再去，我本來期望能夠改善，但情況更衰！上菜後見到兩條彎曲、疑似陰毛的東西，令我完全無法再食下去！好明顯呢啲係衛生問題，食物出現這種情況簡直難以接受。對於呢家餐廳，食物質素和衛生狀況真係令人質疑。

今日母親話想休息一天唔煮飯😉所以我放工就去左大一會合我母親同父親喇😗我地三個叫左人頭餸😚😋啫啫通菜煲餐廳好有諗頭先上左個砂煲🥘再將煮好既通菜倒落去，再係客人面前炒香啲蝦米、肉碎同埋菜😊非常之有鑊氣😍😋拔絲咕嚕肉個拔絲汁酸酸甜甜好開胃🤤碟咕嚕肉仲要有無花果又有菠蘿配襯，食左粒肉再食生果又可以減左啲油膩感啦😉😋碧綠龍躉斑球呢個碧綠呢可以選擇荷蘭豆🫛或者西蘭花🥦而今日我地就揀左西蘭花🥦斑球都有好多舊，舊舊都好厚身，仲要一啲都唔腥😜👍🏻整體黎講，係馬鞍山區呢間既炒餸食飯都算數一數二👍🏻舔舔脷指數👉🏻6.5😋/10😋滿分 可以一試😋

以前喺馬鞍山住時每隔1到2個禮拜必定去食喺沙田區內真係無邊間有依個水準👍🏻今次係老公想食燒鵝，姊妹同姐夫想食酸菜魚就揀左大壹燒鵝😚叫左唔係好多都係4樣嘢1️⃣例牌燒鵝鵝皮烤後啱出爐嘅燒鵝味極香，形成燒到金黃酥脆的表面保持了肉質的鮮嫩。再加上酸梅醬唔係食肉獸嘅我一食都食左4舊。2️⃣豆豉鯪魚油麥菜鯪魚鮮美同油麥菜的清新，每啖都充滿驚喜。無論是作為主菜還是配菜，豆豉鯪魚油麥菜都能令人愛不釋手所謂食唔停。3️⃣酸菜魚雖然天氣好似涼咗，但我地一向怕熱。都要食酸酸辣辣嘅菜令我地有胃口。今次其酸辣鮮香嘅酸菜魚，主要魚和酸菜酸菜的脆嫩和魚肉的鮮嫩形成鮮明對比口感豐富。4️⃣椒鹽鮮魷椒鹽的咸香與魷魚本身的鮮味，配合得好好炸得乾身酥脆，配啤酒一流🍻整體評價⭐️⭐️⭐️⭐️⭐️

Went here with my family for lunch on Easter Monday. .My mom got Kitchen One Roast Goose Rice. The goose was meaty and succulent with a crispy red skin. The balance of the meat and fat in the portion was just right. My dad ordered Singapore-Style Noodles. The noodles emitted an aromatic scent from the curry sauce. He found the dish not particularly exceptional though. .The store was quite popular, so we waited for a while before we could be seated. Personally I thought the food in their Causeway

見到好多人都話佢嘅「拔絲咕嚕肉」好好食，所以特登嚟試吓，兩個人食唔到好多嘢，叫多碟燒鵝飯拔絲咕嚕肉-果然係拔絲，名不虛傳，咕嚕肉外脆內軟，除了肉，仲有菠蘿、蕎頭、無花果，覺得依個餸好有心思燒鵝飯-可能唔係髀，所以冇乜肉食，得兩三舊有肉，大部份都係皮，不過啲皮都好好食蔥蓉同個甜豉油汁撈飯好好食紅豆冰-紅豆軟綿綿，好多紅豆，唔會過甜，味道啱啱好❤️好好食😋👍🏻下次再嚟過❤️P.S 依度啲侍應都好好人

雖然平時住附近都未黎過食一次 今日心血來潮食 嗌左碟燒鵝飯真係好乾 好似烤左好耐之後拎出黎咁樣 皮超乾 肉好柴 燒肉仲好食過燒鵝飯 雖然係6.左右去 但都未至於可以乾到咁樣 好失望

我享受了一份美味的下午茶，價錢只需$48元就食到廈門炒米，係餐廳非常受歡迎，味道甜甜酸酸的口感，包含炒米、豬肉片、蝦仁、蔬菜和蛋，然後用糖、醋、番茄醬等調料進行調味。不僅味道豐富，還相對比較營養均衡。希望你度過一個愉快的下午。

呢間野真係愈做愈差，食物差，態度差，唔會再幫襯亦都叫親戚朋友唔好再幫襯！首先講下態度 。收銀個呀姐成尊佛咁坐係度，落order買野食好似去求佢咁 ，都算 。我去買一家人既外賣，其中一個係燒腩河，個收銀呀姐同我講無燒腩，咁咪問下屋企人想轉咩啦，問完話要油雞河，你先同我講話無河粉？你玩呀？定扮麥兜？ 你唔一次過講無燒腩無河粉？食物質素 。個乾炒豬頸肉河係差既（又話無河粉！？），多油到個底啲油倒到出黎，又無鍋氣，成盒野好似比啲油浸熟浸熱佢咁 。而啲燒味真係不知所謂！ 燒鵝肉乾到柴皮咁，燒鵝皮韌到塊膠咁！叫瘦叉燒，你比啲又燶又得返肥膏既我，咩意思？仲要返到屋企打開袋先發現乜野醬都無比到！！！燒鵝無燒鵝醬，燻蹄無醋！！！（唔係自動比架咩？定係要自己出聲話要？）係馬鞍山住左咁多年，幫襯呢間野都唔少次，真係睇住佢愈做愈差！我好少寫食評或black list餐廳，但係經過今次之後，我真係忍唔住要完全black list左佢！

同老婆想試吓佢地小炒，入到去個男店員指我地去兩人位，但我地想座另一邊卡位，個男店員話卡位那邊是食小菜，食燒味就要坐比較窄的兩人位，唔好阻住佢地。咁即係要我地預先要諗定食咩，結果我地去咗兩人位，叫了燒味加小炒。食飯途中，有另一台食客話想要瘦义燒，佢攞碟义燒去個客度，好吋咁話碟义燒瘦過佢，但佢自己一點都不瘦。 跟住又話另一台客由下午茶坐到晚飯，但其實餐廳仲有大把位，結果俾兩個客話返佢轉頭，佢就縮埋一邊，兩個客俾完錢走咗，就行返出嚟講哂粗口話阻住哂。如果這是現今香港飲食業的態度，我真的明白香港的現今狀況是有原因的。但幸好，店中的其他女店員態度良好，其中一個更同我地講，如果點咗小菜唔夠擺，可以過返去卡位坐。個燒味瀨嘗可，小炒太鹹。

作為馬鞍山居民 我真係大大力推薦呢間高級茶記！佢出名主打燒鵝，但其實其他燒味都非常之出色😋我平時多數都會嗌佢嘅叉鵝瀨～燒鵝表皮燒得好香好脆，非常肥美，對於唔食得太油嘅人嚟講就可能會有啲heavy🤣而佢嘅叉燒都燒得外脆內軟，係偏甜嘅口味，我個人嚟講就好鍾意啦！😋😋😋

食物質素：以前都會經常來食，味道唔錯。最近幾次來真係差左好多，每片叉燒幾乎成舊都係肥膏（%80以上係肥膏），燒鵝無乜肉都係骨。上年都唔係咁，燒臘係招牌都可以做得咁求其，真係有啲失望。成本上漲都可以理解的，加價都正常。但起碼要保持到食物水平先得啦。雖然馬鞍山係美食沙漠，呢間曾經都叫做係前幾名好食，但之後應該都少來了，除非真係可以改進下。員工服務態度：非常一般般，無乜耐性。好似唔憂做咁。衛生：真係都幾污糟，仲未抹乾淨台就叫人坐低。

晚餐時間6點，馬鞍山街坊推介我來呢度食燒鵝。來到已經開始大排長龍，可見街坊都好鍾意呢間餐廳。排左大約20分鐘，環境都算企里，可惜燒味飯賣曬，否則都想試下燒腩仔，聽講都好出名。叫了燒鵝下莊，肥美多汁，皮肉相連，外皮仲有焦脆，價錢合理。肉質不錯，新鮮！拔絲咕嚕肉真的很拔絲，筷子夾起來糖絲連綿不斷，幾有鑊氣，仲有喬頭，份量也很大，送飯一流，不錯！侍應態度都算不錯，樂於介紹餐廳的推薦菜式。多啲人來吃飯可以叫煲仔菜，都幾好鑊氣！

【沙田區】【大壹燒鵝】馬鞍山不嬲有「美食沙漠」之稱，但係近年發展迅速之餘，因為呢個稱號而出現嘅商機蜂擁而至，大家都好似想出手喺呢片土地上面分一杯羹咁。而呢排我都聽咗好耐嘅消息，就係呢頭開咗一間幾好食嘅燒味餐廳，點都想去吓。呢日同同事細豬哥喺馬鞍山想搵個地方坐低吹吓水，無啦啦就撩起咗呢條癮。佢就大力推薦呢間啲燒腩仔，但係餐廳個名又唔係叫「大壹燒腩」，我就梗係想兩樣都食吓，下午茶 $48 嘅「雙拼燒味粉麵」似乎就滿足到我嘅願望喇。咁我就叫「燒腩燒鵝瀨粉」，配燒鵝要加 $5 不過我覺得合理，貴價食材嘛。而味道上，又真係個燒腩仔係好好食，燒鵝就因為骨多過乜所以冇乜感覺，我個人都會同大家推薦佢哋個燒腩仔。跟餐飲品我飲「熱杏仁霜」，都係咁。細豬哥都係食下午茶，佢食 $48 嘅「乾炒牛河」配「熱好立克」。佢食唔晒一份所以都有分啲畀我食，我食落都覺得唔錯，以下午茶嘢嚟講算炒得幾好。呢餐 total 係 $101 嘅，細豬哥話一定要佢畀錢，佢講到咁咯，我唯有 okay 啦。。。（地址：沙田馬鞍山鞍誠街8號新港城3期N座地下7-9號舖）#1amfoodie #foodie #hkfoodie #thatf