大壽司

營業中

休息中

看店名就知道這家餐廳的賣點就是"大"的壽司，不要覺得只有飯會增量，當然餸也一起升級。什錦壽司C套餐 ♥♥♥♥ (三文魚、蒲燒鰻魚、玉子、蟹籽、帝王蟹柳)什錦勝在樣樣種類都有點，價錢又不太貴，雖然不是什麼明貴刺身，但款式大眾，大人小朋友也喜歡。火炙珍寶帆立貝 ♥♥♥♥♥ 有點意外帆立貝還能完全覆蓋那麼大顆的壽司飯，當然味道也很鮮甜，火炙過更散發陣陣的香氣。香蔥拖羅蓉小卷 ♥♥♥♥ 打成蓉非常幼滑，感覺還會濃郁地化在口裡，即使香蔥的比例不高，但整體都很融洽好味。香芒三文魚卷 ♥♥♥ 與餐牌相片有點不一樣，芒果竟然是放在壽司的上面，蟹籽也特別多，食的時候有點不太方便但應該沒有影響味道。三文魚偏各肥一點，而芒果就正好解了多食了的膩。

其實昨天又鬧情緒，少有地將情緒帶離個閘，但男人實在太就我啦，鰂魚涌，太古行到西灣河，去過未去過既都唔係我想懲罰既對象... 最後行到屋企樓下都唔知食咩，就決定行入呢間以前間唔中食既餐廳~呢間野既價錢，係日本野黎講係好大衆化既，但當然唔好要求太高啦～ 但佢既小食類係幾唔錯既，之前會叫雞泡魚，今次我地叫左“溫泉蛋胡麻豆腐沙律” ($38)，好多青瓜絲，好fresh, 汁又夠多~ 我地見到隔離個玉子都幾靚仔!我就只想要熱湯，所以叫左“石窩火辣蜆湯海鮮讚岐烏冬”($72)，同佢講加辣，佢話另外俾左碟仔辣粉，真係幾好食!“特選海鮮丼” ($98)無特別囉～

超抵成真心超抵食，五十幾蚊午市套餐，主食之外，仲連迷你蟹子沙律、南蠻炸雞、麵豉湯、飲品、雪米糍。成個午餐真係超豐富。--🍱 燒原條鰻魚飯 HK$58連 迷你蟹子沙律 南蠻炸雞 麵豉湯 飲品 雪米糍鰻魚汁有啲多，鹹咗啲。雖然唔係好滑個種，但呢個價錢有原條鰻魚真心勁抵。飯嘅份量都好夠。 可惜佢配個溫泉蛋一攞到呢就已經爛咗。.🍅 蕃茄濃湯海鮮烏冬 HK$50連 迷你蟹子沙律 南蠻炸雞 飲品 雪米糍蕃茄湯幾有味道偏向番茄甜嗰一種。海鮮有蜆肉、魷魚、蝦、帆立貝等。.📌 午市時段

第二次來光顧了，每次都沒有令我失望。身為壽司刺身的愛好者，這間店簡直是我的最愛。不但食物價錢平民，份量還很夠，用料也十分新鮮。我點了角切魚生丼，特選大盛，超級好吃同豐富。特別是油甘魚和大蝦，鮮味到極。環境也很舒服，有熱茶供應，食物也以很快的速度送上。第一次來時候是中午時間，人流不算很多，今次來晚餐時份就有很多人光顧，街坊也很多，建議準時６點去門口排隊就有位子坐，不然就要在外拿票慢慢等。雖然不是住在西灣河，但有機會我也會特地過來吃。

已經嚟過好多次啦 咁多年黎食物質素依然咁好👍🏻 記得第一次嚟嗰陣時壽司舊飯大到嚇死我 連舊三文魚都長過人 雖然宜家舊飯已經縮左水 不過性價比依然超高 個蕃茄烏冬好食到連湯都飲埋 湯底加左洋蔥及配料豐富 冇得輸👍🏻 服務都好抵讚 落錯左都馬上更正 態度良好

呢個壽司店自中學時代已經開始屹立係呢個舖位，主打巨型壽司，今日路經此地，見到午市套餐選擇甚多，除左有壽司定食外，仲有拉麵，刺身丼，牛肉丼，咖哩飯定食等等。所有套餐跟一個沙律，一件炸雞，一碗麵豉湯，指定飲品，最後我order左蔥花吞拿魚蓉飯定食，賣相唔錯，用料新鮮

大壽司d壽司真係好大件㗎😂不過我今次lunchset叫嘅壽司盛合就係普通size嘅壽司，不過都好好食同好飽：lunch set仲有一碟小沙律，炸雞一粒，雪米磁，湯同野飲送。壽司款式多，唔想食壽司都有其他lunchset揀。烏冬啊拉麵啊都係四十幾蚊起，非常抵食啦：

呢間嘢已經開咗好多年，細個已經食佢，可能有over 10 年，居然得咁少食評可能因為去到都成9pm, 所以好少人，星期五晚都唔洗等，平時dinner time都要等。佢牆上會貼咗d特價item, 我地叫咗其中兩個，其中呢個係壽喜燒，只係28蚊！當然28 蚊你唔expect佢比d咩你，但同吉x家個shabu shabu好似，只係少d 牛肉，個湯一樣味不過濃d 咁！另一個係燒海鮮飯，好鐘意火灸加埋沙律醬，不過佢今日麻麻地，燒完都有d凍另外再叫咗辛辣三文魚加洲卷，佢既辣係韓國泡菜個種辣，幾特別。呢間嘢叫大壽司，佢d 壽司真係好大，宜家係街坊價。不過2個人已經太多野食，食唔哂！2個人加埋150 蚊，cp值唔錯！

見好耐無食，今日再食下都幾多人食，要等位點知，真係幾失望首先，個烏冬唔夠熱唔知係咪放係到無人拎上黎只能夠話係一碗暖的烏冬味道正常，但唔夠熱真係唔得其次啲壽司，足足等左半個鐘人地遲過我地到，都快過我地餐牌轉左，壽司縮左水，不過都係大件女友話三文魚有陣味，大赤貝有啲腥，總括，短時間唔會再食

日本壽司就好似有魔法咁, 一排無食就會心思思想去食. 今晚唔想煮飯決定出去食日本壽司.閒日晚市都係人山人海, 滿滿的.海貝三味壽司最抵食, 有帆立貝,  大赤貝 同北寄貝, $38.上菜快, 夠新鮮! 而海膽壽司有鮮味!火炙三文魚壽司, 夠哂分量, 正!暖暖地, 真係有火炙感覺!!香蔥拖羅蓉壽司都唔錯. 食得過!三文魚籽壽司D魚籽多到滯出來. 睇到都開心!!!加多個滑蛋豬扒飯夠哂飽.整體分量足, 又夠新鮮, 抵食. 

餐廳名叫得做大壽司當然係食壽司的啦，但除了壽司之外，餐廳仲有好多唔同種類嘅日式餐點比食客選擇。今次就嘗試了壽司以外的食物。鹽燒三文魚骨腩骨腩燒得唔錯帶有金黃顏色，傳來好香嘅三文魚油味。雖然骨腩相對無咩肉食，不過部分魚骨已經燒到香脆可以直接食落肚。骨腩本身調味已經好足，唔使再額外加調味已經好好食。胡麻醬冷烏冬烏冬上枱的時候唔夠凍，仲喺溫熱的，這點比較失色。胡麻醬比想像中淡味，雞扒不過不失。石鍋烏冬湯底沒有驚喜，麵條跟冷烏冬的那種一樣，口感不算特別彈牙。豬腩肉煎得尚算香口，食落肉質唔鞋，整體不過不失。

大壽司出名件件都超大件！💋唔好睇呢件三文魚卷好似好普通咁但佢個size大約有我三份一個手掌咁大🤤一啖放唒落口，勁滿足💜另外我仲點左炙燒三文魚壽司🥳舊飯本身好大，點知件三文魚仲長！😂😂😂另外我都好推介炙燒帶子同埋炙燒鰻魚💋但估唔到，反而軍艦就比較遜色🤧下次都係叫翻壽司卷物不過點餐時要留意數量👀因為件件都真係好大件，一不小心就會叫多左食唔晒！除咗壽司之外，呢度仲有丼飯，小食，拉麵，烏冬，刺身等等😂放心，呢d就正常size

無響五點九來到, 變咗要等位.新春期間來食, 無加價, 無加一, 無減份量; 只係無咗平日嘅特別優惠. 好彩等一陣就已經有位. 來到大壽司, 當然要食大大件壽司!<<三文魚籽壽司>>D魚籽滿滿的, 又靚又新鮮, 好好食!! <<香蔥拖羅蓉壽司>>個人覺得, 拖羅蓉一定要埋蔥至係最好食. <<海膽壽司>>又係充滿海膽, 食得出一種海洋味道!!! 唔夠食仲可以來多個<<角切魚生飯>>可以一次過滿足哂要食好多種魚生嘅願望!!! 

同三個朋友一齊喺附近游完水搵嘢食，嚟到呢間出名大件嘅壽司店食飯。一開頭我朋友諗住叫咗唔係好多嘢食，但係佢哋個個最後比件壽司嘅size嚇親。呢度啲嘢唔可以話十分之好食但係都叫做抵

西灣河出名多嘢食，無論係小食定係甜品，都有好多選擇。早排有朋友介紹我去太安樓隔離食壽司，聲稱「大件夾抵食」，一於去試下～————————🔸忌廉芝士三文魚卷 $56📍5.5/10本身好鍾意食三文魚同忌廉芝士，但係就冇同時食過兩樣嘢，所以今次點咗忌廉芝士三文魚卷～Wow～呢度嘅壽司真係有拳頭咁大，一件就等於一般壽司店嘅兩件。三文魚份量好多，可惜唔夠肥，仲食到啲筋同一條魚骨😵芝士味太濃，完全蓋過三文魚的鮮美，都係分開兩樣嘢食會好啲😅🔹石鍋芝士黑豚軟骨飯 $54📍8.5/10原本以為只有壽司大份，原來石鍋飯份量一樣好多。啱啱送嚟，就聽到石鍋嘅滋滋聲😍豬軟骨上有大量芝士覆蓋著，旁邊仲有一隻流心蛋，睇落真係好吸引～每嚿黑豚軟骨充滿醬油香味，而且很軟腍，再配上濃濃嘅拉絲芝士，真係好幸福🤤🤤食到最後，仲食到啲飯焦，估唔到呢度嘅石鍋飯更有水準❗️