大嫂甜品 (已結業)

我不嬲都好中意食甜品嫁"最近就去左尼間"大嫂甜品"到食過"我覺得個到d野唔錯嫁"我同3個fd去試左好幾款野...我地試左"雙皮奶"..我覺得佢唔係太甜...味道岩岩好"跟住又試左"芒果布甸"我覺得尼個真係幾好味!!"好滑"下次去會再食..最後就係"芒果沙冰"佢地有好幾款唔同既味道揀...我就揀左芒果"d冰好幼...好似食緊思樂冰咁=]跟住旁邊又有d鮮芒果做裝飾"沙冰上面又有一舊...應該係cReAm既野"幾靚嫁..不妨再去試多次"以上既甜品除番開..每人都只係10幾蚊"個度個老闆又幾搞笑"老闆娘招呼亦好好"好nice=]所以總括泥講..."大嫂甜品"...GoOd!!*

5-9-20080係水街送完朋友上巴士, 距離「下場」仍有成粒鐘, 唯有0係西營盤四圍行0下... on the way 見到呢間糖水鋪, 又入0黎試試. 天氣又濕又熱, 唔食熱白果腐竹了, 今次要了個凍的香草綠豆沙 ($9).呢個綠豆沙係多渣版, 0岩晒我. 綠豆好夠「沙」, 加埋大量香草, 爽爽0地又幾香的海帶及少少陳皮味, 味道好「住家」, 清甜又解渴解暑, 正! 同玉葉的比, 我更鍾意呢個, 一碗只賣 $9, 你話抵唔抵喇?小店環境帶點茶記 feel, 仲有鹹食供應, 都真係幾茶記 feel, 不過老闆娘 (?) 幾好人, 感覺不錯. 下次試試白果腐竹!

食完dinner之後系到食左個熱豆花個人覺得麻麻d豆花唔滑...又唔熱=,=豆花$9

本來想去水街附近間X記食糖水架，不過見d人等位等到企哂出黎，咪一直行睇下會come across到咪甜品舖頭喇~冇幾耐就俾我搵到呢間 (其實對西區呢邊不太熟識…一路行時都有d擔心食唔到)很有家庭的味道呢~服務生好親切，入到去時冇客呀，所以好有禮貌咁介紹有咩糖水俾我地喇。點左：芒果腸粉 (好有趣呀！粉皮係用芒果做、皮又包住芒果肉)一個芒果既甜品…凍既一層一層 (唔記得叫咩名)肥婆拼盤 (魚蛋八粒 + 燒賣五粒+芝士腸四條)糖水一碗 (芝麻撈杏仁糊)因為我碗糖水咁撈，所以碗糖水加多左$3~唉...早知問下如果咁雙拼駛唔駛加錢喇！因為起X記係唔駛加錢架！下次去第2 d 糖水舖會醒目d架喇

呢度係唔錯既選擇, 響呢頭食糖水, 只係幫襯過附近的森記, 但森記的選擇只有幾個, 其餘的都唔好食. 心情好, 同老公去試附近的新野. 想多個選擇. 就入呢度試下勒. 只係叫咗個熱合桃露配凍燉蛋, 唔錯丫. 幾好食. 呢度的甜品選擇算多, 下次會再黎, 環境舒服光猛, 服務員好招呼.

斷想不到1 星期以內可以兩度到訪這甜品店。事緣申請了數天假期，趁男友一同放，抽空到西環海傍一行，那天天氣不太理想，下著微雨，所以逗留了一會便沿著卑路戶街返回皇后大道西，湊巧是下午茶時間，我們又未吃午飯，順利成章地內進吃甜品兼醫肚。男友叫了菜肉餃拼午餐肉丁麵跟杏仁糊，我要了芝麻糊加湯丸，菜肉餃出乎意料之外地用菜芯！？來包，認真新穎，味道也ok，不過餡料有點孤寒，而且啲午餐肉「片」到好薄，雖然物價上升，都唔駛咁「小家」啩。甜品依然味美，湯丸餡芝麻香不夠濃，但皮夠煙韌。

星期日要去西環觀禮，據聞附近有家甜品甚了得，於是在未吃午飯前已率先搜索這間甜品店，幸好不難找。跟男友各叫了一碗杏仁糊+海底椰及芝麻糊，因為是自家式作業，所以都等了好一會。來到時，只嗅到極香的杏仁味，芝麻糊反而芝麻香不足，而且不是以米漿炮獎而是馬蹄粉，所以滑度不足，不是我杯茶；反反而杏仁糊真的有驚喜，非常好味，即使另了海底椰也不過是$15，值得一試。

上個月尾第一次去呢間”大嫂甜品", 係住喺西營盤o既朋友帶我去, 佢話呢度o既朱古力燉蛋(凍)好好味, 就去試吓. 去到大約下午3點鐘, 朱古力燉蛋已經賣晒, 要等到夜晚先有, 我哋就叫咗合桃露配燉蛋(@$22). 佢係半碗凍o既燉蛋上面加上半碗熱o既合桃露, 好香濃, 好滑, 而且少甜, 面頭仲有d脆卜卜, 烘烤過o既合桃碎, 好耐都冇食過令我咁滿意o既糖水啦! 比起”大良八記”同”滿記”, 呢度o既合桃露實在係太出眾啦!我哋仲叫咗煎蘿蔔糕($8)同卥水豬頸肉($15), 但前者造得太粉, 後者好多肥膏, 質地好軟似肥叉燒, 唔係咁好味...到咗3月11號, 我帶咗另一個朋友去, 都係食咗合桃露, 再加多碗杏仁露. 合桃露依然係咁正, 我朋友都欣賞; 而杏仁露o既味道就同其他舖頭差唔多不過比較杰身, 唔會水汪汪, 都算好味.到而家兩個禮拜冇去, 我好想快D又去食令人回味o既合桃露, 同埋要試吓朱古力燉蛋. 可惜o既係地點唔就腳, 如果搭電車去可以喺”創業廣場”落咗車行一陣, 如果搭巴士, 5號同10號就差唔多可以去到甜品店o既門口落車.