大家樂 (北角城中心)

營業中

休息中

我草根去大家樂為飽肚㗎姐！我唔會要求蔗渣價錢，燒鵝味道！但佢塊牛扒張廣告相就厚一厚，現實就一半都無！我都明現實與理想嘅分別，但你都唔好咁過份呀！早2日仲喺新聞見佢哋話有加價嘅空間，哼！我張相影到好似2塊咁，唔係㗎！塊嘢自己形狀不規則凸起咋！下面中空㗎！見到咁我寧願1)食2餸飯，平靚正；2)俾貴少少去花x餐廳好過！橫店都嬲嬲地，唔差在評埋食物喇！1)跟餐嗰串炸乜薯🥔，切太薄，炸到又燶又乾！我去換過條，仍然好薄，不過唔儂就算，點知食落就一口油！老麥hea做都好過佢？2)個湯🍵D粉開到膠水咁！3)牛扒🐂由於太薄，經鐵板一上之後令塊扒乾到到乜咁4)無論係件扒，湯，定串乜鬼薯都係一個味~~~咸呀！

中午，簡簡單單，不想多去思考吃什麼時，港式快餐店就是最好的選擇。這一次，行了出英皇道，就近就來了《大家樂》簡單地開一餐。 好多時，中午飯都想飲返碗湯，若有羅宋湯這一個選項，我通常都會點上。因為這兒的羅宋湯夠濃香，蕃茄味也是十足的，湯料多唔多就真係好睇運氣啦。咖喱雞飯，全名是香濃咖喱雞髀飯。果真，是雞髀肉來的，入口很是香滑。咖喱夠香，但辣度就未夠。不過，用來伴飯吃，不得不說是一流。夠飽，夠滿足，以我的口味來說，黎三大快餐店食野，都係咖喱飯最好。

今日下午去買，返到去打開黎食啲肉得兩舊，冇配菜，冇汁紅米菜飯，太少，得八成滿加上叫左個加大飯底個碗飯，三分之一都冇完全唔夠食，收人哋$50實在太貴加上個湯得啲大骨，冇肉，冇甘筍

下午茶餐$27，炒麵、奶油脆豬配粒粒紅豆冰。炒麵有很多韭菜，面不硬不軟炒得適中。即焊脆豬很脆，加奶油咬一口非常好吃，值得一贊。紅豆冰內紅豆都算多，但咬落總覺缺了些東西，就是只感覺到粒粒紅豆殼而吃不到紅豆裡面的粉肉。

今天早上去咗砲台山北角城中心果間大家樂食個早餐，點咗雞扒煎雙旦火腿通粉，一杯即磨咖啡！三十幾蚊，份量豐富！最好食係果件雞扒喎，又稔又肉滑！淋D醬汁混在一起食，好味。煎雙旦整得幾企理，再加多一碗火腿通粉，俾多$8，咁嘅份量，兩人都夠食，認真超值！果杯即磨咖啡亦都合格，幾香滑，唔錯！

平時好少去大家樂，因為啲嘢唔好食果日身體不適，下午得閒想快啲返屋企訓覺，於是揀近屋企的大家樂過左食晏得下午茶揀呢間大家樂喺呢度開左好耐，以前裝修過環境幾好幾乾淨服務幾好下午茶餐，有奶茶，豬扒包，沙律豬扒包同沙律好細件😂面包焗爐焗過，外脆內軟，幾熱夾有一塊豬扒，一塊好厚但細件嘅豬肉，有啲洋蔥個包好厚要拆開食，兩三啖食哂塊豬肉沙律有幾片椰菜同薯仔，有沙律汁食物的味道普通，份量太少😧奶茶啲茶味不錯，不過唔落糖都好甜。。。。。。飲左幾啖冇飲以前覺得大家樂的奶茶都ok，年紀大要盡量少糖

一哥焗豬扒飯不嬲係大家樂嘅招牌菜， 星期日隨隨便便諗住同細妹一齊share個飯， 點知... 豬扒是生的...首先不得不稱讚這碟焗豬扒飯的賣相， 範上面佈滿番茄件 ,番茄醬同菠蘿粒， 色彩繽紛，見到都流口水~ 於是滿心期待搵舊豬扒出嚟切開佢...豬扒竟然未熟， 切開頭尾部分剛剛好，但中間較厚的位置 仍有粉紅色的肉OMG... 冇估到大家樂會咁樣失手， 不過見佢咁有誠意畀咁大塊豬扒， 又咁有決心將烹調時間調教到剛剛好😂， 就一於畀次機會佢啦。好快佢換咗份用外賣盒裝住嘅豬扒飯， 賣相冇堂食嘅咁吸引，但一人足料！塊豬扒厚過第一碟， 但今次熟曬！ 肉質鬆軟！ 保留啖啖肉汁！ 配合鮮茄醬好好食， 讚！欣賞佢加入碎蛋炒飯， 始終蛋同番茄係絕配😍💕之前食過咁多次大家樂都冇試過出事， 今次終於遇到， 不過見佢四十幾蚊嘅飯都咁高質就原諒佢啦😆

星期日唔一定食好西， 簡簡單單一家人去食大家樂都未嘗唔係一件賞心樂事， 大家坐低食下野講下近況， 即使食最簡單的午膳， 也可以得到最簡單的快樂 (最近發生的事令我好感慨😆， 請原諒我的感性mode)返返正題講番個咖哩魚柳飯， 個人認為家呢不嬲係大家樂嘅強項， 咖哩落足香料， 加上適量的辣椒油， 令咖哩汁幾有印度風味， 不過今次食啲個飯，就覺得啲汁有少少偏鹹。 至於魚柳， 新鮮煎出嚟外皮都算 脆， 但就有啲油膩， 不過不失啦。一分鐘意兩個人share 一碟飯， 慳番啲錢之餘又唔使食得太飽， 但今次叫佢加飯佢真係㗎喇太少， 有啲孤寒...😂

呢期大家樂下午茶又推出了我鍾意吃的火腿芝士碎蛋厚吐司喇, 所以上星期日又去吃~ 呢份厚吐司真係幾好味道, 吐司烤焗得脆脆地好香口 (可惜有D位置明顯焗過火所以焦黑了), 芝士味幾香, 仲有啲雙色椒令到件吐司食落口更加香, 碎蛋份量也不算少, 材料好豐富. 佢除左有火腿呢樣配料, 我見佢有時又會轉做西班牙腸或者腸仔, 之前食過西班牙腸既版本好似仲好食! 個餐跟埋咖喱角和火腿米, 咖哩角都熱熱地, 香脆但太油膩. 而碗米粉不是淡貿貿, 比想像中好, 有大量火腿絲, 成個餐$31夠飽肚!

晚上黎呢邊做野順便食個晚餐叫左個肉醬義粉質素中中等等，都係粉多過肉醬，肉醬食曬都未食完d粉但都算飽肚，40幾蚊一個晚餐算係咁至少佢十年都keep到呢隻味道每次食都會令我回憶起細個同家人一齊食大家樂既情況

平時食LUNCH 一定唔會食大家樂, 因為覺得又貴, 份量又少, 唔會食得飽.但今日落大雨, 冇得選擇的情況下食左, 叫左個今日精選, 魚柳飯加黑椒汁.估唔到魚柳好大塊, 煎到金黃色, 好味. 不過唔夠香.黑椒汁就係平時早餐個D, 冇咩新鮮感, 不過有好多粟米粒.冇叫多飯, 但佢比左好多飯.總括, 今次的份量, 質素都比以前更出色.

晨早流流大吉利是。這間曾有廣告為你做足一百分的連鎖店！不是位於堅尼地城而是食物質素真的是堅離地。看到這麼的色相實是令人食慾全去。不用「行深般若般羅密多時」也能斷慾超升靈性、凍冰冰的汁、涼浸浸的多士。火腿及腸仔也不用什麼評語、整個感覺叫我無語。一切皆空、空著肚子還舒服呢。呢呢喃喃的自言自語、一杯奶茶走奶正是斎茶。猛然清醒了起來！這場惡夢真大吉利是。

依家lunch 通常都要40幾元, 除左帶飯, 否則無得都預左。 依家大家樂做的特價餐~ 飽片竹笙雞粒炒飯 $33 ,仲包埋野飲, 絕對係平民喜訊。份量夠飽肚, 有雜菜粒, 鮑片夠鮮甜, 又夠多汁, 抄飯底不會很乾, 撈飯一流。今日仲有coupon 平多3元。

大家樂早餐食左咁多年，來來去去既選擇都係差唔多，蛋呀、牛扒、雞扒、火腿或者腸仔咁，水準又唔會有咩大上大落，都係咁上下。雞扒煎雙蛋配蘿蔔糕，雞扒面頭脆脆地，如果覺得肉太乾既話我會點D蛋黃汁黎食，有雞味之餘又會有D蛋香味，都幾好嫁。蘿蔔糕其實就無咩蘿蔔味嫁喇，蘿蔔絲既蹤影亦唔見有，係唔想食塊多士所以轉左做蘿蔔糕囉。雪菜肉絲米係OK既，雪菜唔會太鹹太濃味，個湯同水無咩分別，但朝早食得清D仲好!

今日去大家樂點咗個素食餐。名好長叫加勒比風味雜豆咖哩飯。加杯凍飲埋單$44。個咖哩汁混入素食材料如蘿蔔，紅豆同薯仔。個咖哩汁唔算好辣。個飯混入咖哩汁。出奇好味。咖哩唔一定要用牛肉同雞肉。素食者最適合。