大家樂 (已搬遷) 新店位置

剪完髮後剛好過了早餐時段，原打算跟家人去吃早餐，惟有改吃午餐吧。其實現在大型連鎖店的快餐也不便宜，看完餐牌後也沒有吸引的選擇，最後點了天天超值選的流心玉子燒汁豚肉飯配熱飲（＄３０）。賣相比想像中好，跟宣傳圖片算接近！中間有一顆流心蛋，旁邊有三片稍厚的豚肉，還有適量的栗米、洋蔥和蔥花，飯量不少，上面淋有燒汁。我將燒汁和流心蛋攪拌後飯粒都變得閃閃發光，不禁為沾滿蛋汁的飯粒拍照留念。這個快餐意外地不錯，混合了燒汁和蛋汁的飯吃起上來軟軟且濕潤的，很開胃！而其他配料也配合得相當不錯，洋蔥很香甜。而豚肉味道偏咸，不夠嫩滑，但有咬感。整體來說這個超值選的水準意料之外，好味！

以前很喜歡出外吃早餐，但近來已經變少了，今天難得跟爸爸到快餐店食早餐，填飽肚子下午跟朋友吃下午茶。我點了鮮茄薯仔腸仔火腿湯扭紋粉（＄22.5）配熱飲好立克。湯底的鮮茄蓉很少，配料腸仔火腿和一根菜，那根菜看起來格外可憐，通粉份量剛好，對女生來說夠飽，味道不過不失。爸爸點了天天超值選：火腿腸仔、牛油厚多士、牛腿通粉配熱奶茶。早餐來說不過不失，但份量有點少得嚇人。

茶餐廳吃多了，總想吃吃快餐店，其實兩者食品相像，但吃起來感覺就是不同，是日去了大家樂吃早餐。十點多來到，但很多食品已售罄，但餐牌上並沒列出，到了排隊買時收銀才說，於是又要從新諗過吃什麼，阻著後面排隊的人也不好意思，最後點了兩份早餐。炸魚柳，火腿，多士配熱奶茶（上，廿四個半），本想要薯餅但賣哂，餐包話唔轉得……多士是我最不喜歡的，因每次吃也是又凍又硬，很差。炸魚柳微温，有少少腥，還可接受。火腿，大眾貨式。火腿，香腸，多士，火腿絲紐紐粉配熱奶茶（下，廿十元），大眾加工食品，都無乜話好唔好食。火腿通非常淡，清湯真係好清。熱奶茶無茶味無奶味，淡如水……廿蚊實在平，唔怪得咁多人。落單阿姐ok串，食物上碟好求奇，個沙律醬係哂個邊度，仲有啲乾乾地咁，算，大家樂一早預左係咁。

一個游完水的下午.本來應該食晚飯.但到呢個地方時只是5點半.我又想早些吃東西.眼前有間大家樂.還是下午茶時間我就叫食物.環境在商場中間的位置.店員十分有禮.有笑容加上幫手拿食物.減肥當然唔食飯.點凍檸茶.燒鴨米..另外咖哩牛腩飯是我媽媽叫的共67元....凍檸茶:無放糖.茶味仲有點苦澀.幸好檸多.都出味...燒鴨米:雖則肉欠決味道.什至有點韌,皮也不香脆,但幸好肉多.骨少.湯都熱而不鹹.一個20多元的下午茶.我都收貸...以大家樂而言呢間店味道.服務.環境都不錯

今個星期又到大家樂食早餐..成日去到快餐店食九成九都係食西餐..今次一反常態試下中式先...菜乾蠔豉粥 - 蠔豉同菜乾都預左唔會多...d蠔豉雖然細細粒但都幾香..不過成碗粥就比較咸左少少..粥底都算ok唔會好稀..又夠熱都已經算叫唔錯.炒米 - 配料有蛋火腿絲個d...我落左一包辣醬如果唔落我相信都會幾冇味....初時以為佢比錯我因為好似炒麵成個早餐都食得幾飽...不過我就覺得中式早餐唔及西式...可能始終都係快餐店la..始終唔會有粥舖既效果~

大家樂已經好耐未食過尤其係早餐...不過對於d連鎖快餐既食物已冇乜期望..之前食左第二間既連鎖快餐早餐真係想死....不過冇乜好食所以就試一試la脆豬包 - 外面真係好脆加上面層有煉奶真係幾好食煎雙蛋 - 我要左熟蛋..2隻加埋一齊煎賣相都唔錯...我只係食左一隻蛋黃..蛋黃能做到內裏有少少生生地..有半生熟feel岩哂我牛尾湯通心粉 - 湯底ok woo真係估唔到..真材實料..通粉係扭扭通...完全被我清哂熱檸水 - 冇乜特別...自己加糖鐘意幾甜就幾甜整體上係真係唔錯ga..起碼未食個時睇個賣相都唔衰先呀有胃口食...唔似其他連鎖咁...未食見到已唔開胃...暫時對lee間快餐店既早餐有所改觀希望繼續努力~

上星期入左去天水圍飲茶,跟住係商場行左好耐,之後就經過這裏,差唔多六點我地就諗住係呢度食少少嘢之後先返屋企,就唔使煮晚飯啦,剛剛六點仲有下午茶,見已得番兩款,跟住見到有細叉燒飯好抵食,只係17元,加3元有飲品,個仕應已係度收緊d牌,好彩佢都賣埋俾我地先.叫左一個下午茶餐, 雞亦芝士火腿三文治加春卷跟飲品18元,另外叫左一碟細叉燒飯加飲品, 碟細叉燒飯都唔細呀,幾大碟的喎,我地3個人分都每人有一碗架,叉燒份量亦唔少,有好多件,叉燒都好好味,好多汁好淋唔會好乾身,我地叫廋叉燒,都ok呀,唔會好肥.另一個係一隻雞全亦,半件芝士火腿三文治,一條春卷,普通啦,雖然唔夠熱,不過味道都ok的,足料呀,芝士火腿三文治入面有牛油,芝士及火腿都係正常份量,唔似人地果d係少左一半的,春卷入面都多料的,好味呀.隻雞亦雖然唔係好大隻,但係味道都好香口的呀.呢度的位置係正馬會旁邊,人來人往,但又好open,攞嘢食都好危險,因係路中間行嚟行去.

經過一日既辛勞，食番個似樣既晚餐。一都唔過份既，唔知點解我同媽子會揀左黎呢度食。點都好啦，都只係一餐似樣既晚餐，呢度食都好既。選擇算幾多，只不過就貴左小小啦。菠菜野菌海鮮焗飯個餐仲包酥皮海鮮湯一客。個酥皮好脆口，浸落個湯到仲好食。而個湯都幾足料，個湯比較多既係魚，其他海鮮就唔多覺啦。整體上個湯都幾好飲，唔會太稠或太稀既。另外，個焗飯既份量頗多。而個汁似係普通既忌廉汁，味道尚算可口既。此外，海鮮都算幾足料。有蝦、魷魚、龍柳等等。值得一讚既，個炒飯底炒得幾爽。食落好有質感，始終對大家樂既焗飯有信心。蒸黃腳呢個係我媽子食既。個人黎講，對呢類蒸魚晚餐無乜特別既好感。不過呢次又出乎意料既唔錯，條魚既份量算係適中。而且魚肉都幾滑，呢樣已經覺得唔錯。媽子食埋半碗飯同飲埋碗例湯，已經飽到上心口。正式為呢頓晚餐劃上完美既句號。呢餐飯整體上都唔錯既，食物既質素預期之內。雖然價格隨食材價格上升，不過呢頭無乜好野食既地方。快餐店已經係唔錯既選擇，想食好野就留番放假先啦。

呢日到了十一點先吃早餐~其實唔係太想食呢間..不過見仲有早餐食...就去揾位了!!!阿姐d服務好好~見我有小朋友, 主動問我要唔要bb櫈..仲拎埋俾我tim...值得一讚!!!老公拎到碟早餐返黎..發現塊雞扒得"丁屎"咁大..佢本身諗住食牛扒, 但諗住雞扒會大塊、飽肚d...點知得咁大舊...即時好失望!!!!想不到呢間連鎖快餐店, 不只對員工刻薄~連對客人也不例外!!!

呢一個星期五，自已太懶啦。要將下午茶當早午餐黎食，雖然咁樣唔係太健康。但無法啦，一次半次就無問題既。盛盒茶餐呢個盛盒好多野食，一次過滿足我n個願望。有個薯仔沙律，呢個就無乜特別，但又幾夠凍。炸雞翼就炸過火啦，不過味道都唔差既，都ok。而菠蘿粒盛盒既角色就有點畫蛇添足，呢個可有可無既。而炸西多士就乾左小小，但我覺得味道都唔差。而個喱糖就無乜特別，可作甜品。牛奶麥皮綿綿既麥皮真係可以消化食物既油膩，不過甜度略嫌不足，加水白糖調味也不錯。椰汁雙色冰不錯的飲品，椰汁味重但不太甜。而且底下的喱條好有咬口，好得意。呢個茶餐真係可以滿足到我，唔算太貴。而且食物既款式變化都幼多，食得過。

每年呢個時候，大記總會出鐵板餐。不過，每年有d細節都會同往年有分別既，咁樣可以比客人有新鮮感。今年就出個墨西哥pizza既鐵板，首先將自已喜愛既配料炒埋一齊。再包落個薄餅到就食得架。焗鴛鴦香螺一個係葡汁，另一個係配香草汁。其實個螺唔算太大粒，食左都唔知。配菜係薯蓉，呢個唔錯既。奶味好重同好軟淋淋。紐西蘭西冷條‧雞柳條西冷條同牛扒一樣，好淋同好有肉味。而雞柳條比我預期既好食，唔鞋同好嫩滑。另外，都好多配料比你撈，有墨西哥肉醬、芝士。我覺得個包加上配料，真係好夾。雪糕涼粉紅豆冰呢個配搭無可能係難飲，呢個好正。紅豆好淋，涼粉好多。好飲好解喝，唔錯。呢個晚餐真係唔錯，又唔係太貴既。所以都有機會再食，不過下次都係食牛扒會好一點。

呢日，又一間大記開張。我同媽子食個lunch，由於係星期日既關係，所以人都算幾多。咖喱牛腩飯咖喱汁好濃，牛腩好好味。我最鍾意係牛根，小小肥，好好食架。牛腩又唔會太韌，食得過架。雞飯媽子食既，佢話都唔錯既。不過飯就唔夠熱，呢個就要改善一下啦。凍奶茶好夠茶味，好飲。希望呢間大記生意興隆，可以製作更多美食予天水圍居民啦。