大家樂

營業中

休息中

叉燒要幾瘦有幾瘦雖然好多人都覺得半肥瘦叉燒係最好食，不過我先生玻璃肚，唔食得肥野，所以每次買叉燒都係最瘦。之前在marketplace 買過油雞，返屋企發現已經變壞左，所以唔夠膽再去marketplace買燒味。今日就去咗大家樂買叉燒，估唔到大家樂啲叉燒都幾好食，最正嘅係要幾瘦有幾瘦。不過雖然啲叉燒瘦但係又唔韌，都仲係咁鬆軟。所以雖然貴少少半斤要$51，不過下次都會再去大家樂買燒味，而唔會去燒臘檔買。

一早去到東涌，時間有點趕，咁早開嘅餐廳真係唔多，去到呢度，地方大乾淨企理，好在無乜人客，不過好多款都製作中，所以揀好就落單，攞票去櫃臺等（唔使交票）5分鐘唔使就攞到，突然醒起飲品要轉外賣杯（熱飲驚飲唔切）南冰魚柳+火腿+多士（$38.5）魚柳炸起咗一陣，所以有啲硬，魚肉又幾腥，點咗啲沙律醬好一點！火腿片正常，多士烘好咗一陣，已經淋咗！整體一般熱檸茶（跟餐）夠熱茶底一般！正常火腿扭紋粉（跟餐加$6）湯係在熱壺內即沖，所以唔太入味，通粉彈牙嘅，火腿絲正常，整體ok店員全部都爽手，極快速就上晒食物！15分鐘落單食飽走得！要快趁手

前兩日食左迎東既意樂餐廳下午茶，今日食富東大家樂既下午茶，睇下邊間好D。不過大家樂較遠，由買外賣到回家都花左20分鐘，所以食既時候都凍哂。今次叫左個炸雞脾🍗和紅豆冰，紅豆冰真係好足料，有好多紅豆，不過因為咁所以太甜，最後要自己再加奶先岩味。至於炸雞脾就一般，都算入味，不過因為凍左，所以有D硬。厚西多原來得一塊厚麵包🍞，中間無花生醬，我唔係咁鍾意。整體而言，一般快餐店水準，我先生覺得好過意樂，我就覺得一般。

野越來越貴夾唔好食，已經唔想再講！但呢度個取餐號碼顯示，不知目的為何？！數字出咗去到取餐處，根本就未ready,搞到成班人企晒響度等！無一例外！無他，大家樂已沒有再提"為您做足一百分"!睇嚟好快會說"收足一百蚊"😤

想不到，大家樂這間連鎖店，在東涌竟然反而質素不錯。可能因為人流比較多，買完票之後，萬人空巷😧，圍在取餐處，前面的那些服務員就真的比較辛苦，天天被人圍觀。但是上餐廳來說，當然是人等食物比起食物等人好啦，因為食物即叫即製，會比較新鮮，不會像放了很久，都已經不新鮮😏。看看店內的裝潢，新簇簇，還有這些霓虹光管字體，的確比較新式，與本人月前在深水埗吃過那間大家樂，可說是天與地的分別，那兒舊裝亦都擠迫，這兒又大又光猛亮堂，可說是本人到過最美麗的大家樂。這個蔥油雞脾菜飯，本來沒有預料到雞也會有鹽焗的味道，本來以為只是淡淡的雞，豈料它本身用鹽焗雞，然之後上面還有些蔥油，有些青蔥、有些蔥頭，有些炸蒜片。當然，雞肉不會顯得像新鮮活雞非常之濃郁的雞味，但是還算不太鞋身。再加上蔥油，一起來吃，也相當不錯。菜飯的份量不算太多，剛剛好送完那碟蔥油雞。東涌這個商場，這個舖位之前都好像是酒樓？因為大家樂先前都不是在這個舖位，搬了過來之後，人流仍然非常多。亦都因為這樣，貨源輪轉，食物資源比較新鮮。如果都反正是差不多五十元，反而這連鎖的大家樂好過普通頹飯茶餐廳。

放聖誕假同一班朋友去左行鳳凰山，落山後大家都好攰，就係東涌搵嘢食，由於天氣太凍，大家都話想去打邊爐，最大眾化嘅當然係快餐店，所以就揀左大家樂，好彩我地六時前已經嚟到，可以坐到張大長枱，之後慢慢開始多人，否則就有排等位我地幾個各自揀左每人一鍋，我就要牛肉加四寶配蕃茄湯底，埋單只係六十幾蚊，已經有牛肉、炸魚皮、肉丸、幾種蔬菜、米線等等，坐低滾一陣就有得食，蕃茄味又夠重，真係好抵食，對於一人鍋，我已經好滿足

今日同屋企人去東涌行街，係出發血拼前諗住食個下午茶先雖然有好多餐廳，但唔知點解都係揀左大家樂-_-而哩篇食評係為左警惕自己，要食「大」記下午茶，都只能揀「大x活」望住啲餐牌，我其實有少少揀唔落手...有啲想食雞脾，又有啲想食西多而且一定要配紅豆冰可惜哩度滿足唔到我既願望唯有揀左半份西多加蜜汁雞翼，+3蚊飲凍奶茶今日係假期，所以勁多人但當我前一個人同我叫同一個餐，而我又望到個侍應夾畀我地既野食.......大佬阿差別都幾明顯....左邊個份係我既，右邊份西多明顯都大我果份少少，仲有份雞翼！都大隻過我果份囉然後我後面果個又係同哩個餐，但佢叫外賣_，隻雞翼成個外賣盒咁長囉！根本我果隻只係佢既一半....大家都係27$....駛唔駛咁差別對待阿-3-定係你覺得我要食少啲仲要隻雞翼凍架！得皮係甜既.....不過講真，塊西多幾好食既下次真係要食大家樂既話我會記住只叫西多士了

所謂一日之計在於晨，我係一個唔可以唔食早餐既人，特別係番工日子，所以大家樂永遠係我既首選今日上到富東見佢圍哂板，正要崩潰無早餐食之際，原來只係搬遷，嚇死寶寶咩搬左之後，闊落左好多今日揀左牛扒腸加火腿扭紋粉（基本上我日日都係揀呢個）而家牛扒佢話係特大，其實size我覺得同以前食既無乜分別，不過係厚左同軟左扭紋粉我曾經係一間大家樂食過只上最難食既扭紋粉，又冧，又無味。不過呢間就好好，有彈性，教埋大家，湯粉唔一定落辣油，我只愛係加兩包辣醬，惹味好多架

行山後肚子餓到不得了，看看手錶原來已經下午四時，我當然不會錯過這個黃金機會，吃下午茶當午飯是最經濟實惠的策略。但要在東涌找掋食的又不會排隊的餐廳也沒有太多選擇，最後便進入了大家樂。五香肉丁公仔麵配燒雞翼和餐茶 ($30) 絕對超值！雖然五香肉丁公仔麵的份量雖小，但下午茶份量也差不多吧。五香肉丁的數量也不小。雞皮燒得不香脆，骨太大雞肉小，但味道不錯，沒有雪味。還點了熱檸茶，剛巧能頂到肚子，回家還要吃晚飯呢～

Had breakfast here in cafe de coral, before hiking in Lantau Island. I ordered scrambled egg, it was flied with milk, very smooth. It was not over - cooked, some of the egg was still in liquid status. The chicken was crispy, juicy. The rich noodle was with large portion, made me feel full.

東涌呢間大家樂，唔知點解長期都好多人，座位長期要等，坐得唔太舒服，但係又想食個燒鷄套餐，所以唯有方便外賣反屋企歎大大隻字係餐牌寫住88蚊二人餐，即管叫一個試下！好彩外賣執野速度都好快，唔使五分鐘已經執好我一隻烤雞，一盒蜜糖蕃薯，一盒通粉同2杯凍檸薑可樂！反到去打開發現仲有蜜糖芥末醬點雞，仲有手套送埋，唔使整污糟隻手。烤雞D雞肉好滑，同埋都幾大隻，個盒蕃薯都好好味，蜜糖同佢同味，都好夾，甜甜地咁，食到停唔到好。總括，如果唔方便煑晚餐，呢個二人餐絕對係不二之選！

今天行了一天山，體力消耗得很大，所以下山時已經太肚餓了，在附近商場找吃，就來到大家樂了，習常的快餐廳集團，食物味道也是有一定水準，份量不會很大也不會很少，絶對合適平民的胃口和消費。***********************咖哩牛腩飯，凍檸茶，如果要多飯，可以在取餐時說明，但我當然沒有。大家樂的凍檸茶茶味都比較濃，還有甜度也較多，不愛飲甜的人要記得下單要少甜。 咖哩牛腩飯跟了些少時菜，就是幾條豆角和菠蘿，其實白飯也不少，比家中所吃的飯碗還要多。咖哩牛腩都有幾件，還有薯仔，咖哩汁都幾香辣，牛腩也炆得入味，牛腩也是很腍的，其實做的味道也是不錯，我還把整個飯吃完才走。

今日黎食下午茶餐，叫左c4 叉燒飯餐，比平時細d，但係叉燒夠肥，24蚊黎講算唔錯，跟餐仲送紅豆冰，但係紅豆冰就麻麻地，好淡，建議大家都係揀返可樂會穩陣少少。座位方面都算多，大約有100個座位，當日用茶時間是星期五下午兩時半，入座率為九成，都keep住有空位。 總括來說平日得閑的話，又想有一餐便宜的下午茶，可以來這裏一試。其他下午茶款式包括，燒雞翼、雞髀等。

(764)東涌附近行山，早上來到富東商場早餐，這裡大家樂來過不知多少次，又是慣常的選擇了糯米雞及凍奶茶。糯米雞，餡料裡有雞中翼、東菇、豬肉、臘腸等，味道都OK。凍奶茶，沖得普普通通，茶味淡咗些。這裡商場的快餐食肆選擇不多，趕時間，大家樂貪佢出餐快走得便快。

由於約左20：30睇醫生，所以今晚果餐就要係街食啦係富東行黎行去都唔知食乜野好，男朋友就話不如去大家樂，事關夠快嘛睇睇我地食左乜↓↓↓↓↓↓"燒朒仔五寶飯"...一睇就覺得賣相一般~飯質太稔無乜口感朒仔都可以，但係皮唔夠脆~雞翼無咬口，一咬就散哂，可能炆左好耐再燒返個表皮紅腸無乜特別，咸蛋好咸...（不過咸蛋就唔關大家樂事，因為佢都預計唔到）菜心都可以...幾爽口"竹笙煲仔翅"...望到覺得幾吸引，味道唔錯...d湯好濃好好味都幾多料...有竹笙，雞絲同素翅，每一羹都有翅有竹笙，唔需要落醋，因為就咁已經好好食啦"分蹄拼青瓜"...呢個冷盤都唔錯，分蹄咬落爽口仲好香青瓜味，青瓜本身都夠爽口，加埋個汁有小小辣味認真好食今次叫得一個餐，因為我同男朋友都唔太肚餓，一個餐3樣野食再加左一杯汽水都係＄46，都算幾經濟啦係個飯差d囉...