大家樂

營業中

休息中

大家樂是香港一家中式快餐連鎖店集團，1968年成立至今已逾50載，現時在本港的分店經已超過174間。由於大家樂提供的餐點款式有西式亦有傳統中式，並不時會推出嶄新菜色，價錢親民外用餐環境也很舒適，所以廣受香港市民歡迎。我今天光顧這家大家樂分店位於港鐵石門站旁，交通非常方便，所以人流不斷，不論早午晚時段都堆滿食客，生意十分之好。餐廳將電子餐牌屏幕安裝在店舖牆上，落單可經收銀員服務，亦可使用自助餐點機點餐。付款取得收據後就可找空枱就座，當收據上的編號出現在取餐櫃枱的螢幕時就可以去取餐囉！這種運作流程既方便顧客亦不會阻塞通道，我覺得這間大家樂分店的上下員工都好nice，堂食枱面客人用餐後服務員馬上清潔枱面，收銀員服務好有禮貌而且落單快同清晰，整個團隊訓練有素，值得讚賞啊！

今日中午諗唔到食咩，見大家樂唔駛排隊，就買左焗豬扒飯食，叫咗焗豬扒飯外賣，一打開塊豬扒嗰邊有少少燶，跟住食落勁乾好嚡，啲飯同豬扒又唔熱，以前鍾意食大家樂嘅焗豬扒飯，而家變得無咁好食了。希望改善一下

平時好少嚟石門， 今日約咗朋友行街， 行到好攰見到有大家樂，就想入黎坐下。我叫咗一杯奶茶黎飲，奶茶夠滑，唔甜。 喺大家樂坐低，嘆住冷氣，飲住熱奶茶，即刻覺得疲憊感消失了。

唔係間間都好食，平日7點去到已經收左，難得見有開，而且人流又唔少感覺上唔差，點了以下食物：1. 砂鍋雲吞雞煲配白飯、熱好立克：一打開個煲，湯少之如再焗多陣變乾燒都似，1/4 隻雞色度白到好似湯渣咁，肉質榎歰歰唔好食，唯獨隻脾就好少少，雲吞好食，菜已變黃，豆腐都幾大舊好食。2. 雞絲燉翅配蠔皇花菇肉絲豆腐、白飯、普洱茶：雞絲燉翅以餐廳水準黎講係唔錯，花菇都算大隻，整體賣相及味道是合格，仲可以一試魚翅撈飯，夠滋味。出餐速度都快，服務員態度有禮，如果食物質素提算返會更好。

星期六經過石門又想食個下午茶揀咗快靚正嘅大家樂🌟人唔算多,兩個人好快就搵到位🍽️炸脾 + 半份西多⭐️⭐️⭐️⭐️***大家樂嘅炸脾真心唔差, 鐘意佢夠味又有脆卜卜嘅雞皮😋🍽️豬扒包 + 雞翼⭐️⭐️⭐️***呢個豬扒包味道一般, 個豬扒味似用普通中式醃法,同個包好似有D唔係咁夾, 不過個雞翼都ok嘅 正常味道😄

又到佐煩惱晚飯食咩好既時間🧐🧐係商場行完一個圈都諗唔到，最後決定上網搵下...最後簡佐大家樂上網買佐個二人海南雞飯餐，有兩個海南雞飯丶冬瓜盅加兩杯野飲👍🏻抵過係現場買海南雞味道唔錯，肉質滑，雞下面隱藏佐配菜😂冬瓜盅就一般般，餡料唔多，得少少冬菇肉碎菜，不過依個價錢都算係咁，但如果單買都係咁就唔抵喇

每次去尼間大家樂買嘢 差唔多每次都會比漏野eg.糖 餐刀 牛油 有陣時張單大啲連嘢食都比漏 之前有次 俾漏咗碗米粉😅😅真係唔該啲店員可唔可以檢查清楚啲嘢 次次都係咁㗎喎 真係好無語

大家樂食得多，一向扒餐鐵板同食物賣相一般無唸過黎依間分店試下鐵板餐、鐵板上枱賣相吾錯，而且衛生仲要比平時其它分店鐵板熱度熱好多👍🏻晚市都有去過依間分店食鐵板餐，同板樣整得吾錯以集團式分店黎講，鐵板食物上枱熱度依間較熱黎依間分店堂食吾錯，餐黎附近商場多店舖，可以行返轉堂食枱面比其它分店較乾淨，客人用餐黎服務員馬上清潔枱面，客人食得安心收銀員服務好有禮的、而且落單快同清晰依間分店較寬躺，想坐得舒服d，推薦黎試下

平時去大家樂買外賣午飯都會買埋凍檸檬茶飲的，今次買的凍檸檬茶的糖水居然係分開上的，咁就可以自己落幾多就落幾多，一定會啱口味啦。 另外呢排做緊33蚊的特價蒸飯都好味，好大嚿肉餅，仲有兩條好大嘅菜，真心係好味，CP 值極高。 完

打工仔的中午恩物，咪就係快餐店囉。新到來石門工作，發現該區除工廠飯堂之外，也有馳名港九的快餐連鎖店，有《大家樂》，咁，當然來試一試，坐一坐。畢竟，地方環境一定會勝過許多的工廠飯堂。是日我要的午餐，是一個洋蔥雞扒飯。不同平時早餐的雞扒，午餐的雞扒明顯地大舊好多，依然是連皮，依然是帶少少乾身。然而，最好味的都是個洋蔥汁，沒有這汁，我相信沒有人會有氣力去食晒成碟飯。快餐店的奶茶，好的就是夠滑，不好的，就是茶香味稍遜。整體說，又是連鎖店，連鎖的味道，好味道有限，差亦有限。

我好小可會覺得小食店既人有禮貌，呢間大家樂上下員工都好nice，一個團隊齊心，全賴經理的訓練有加，因為我見到個女經理又勤力，又有禮貌，like➕nice👍員工士氣，做呀頭好重要，估唔到呢間大家樂既團隊精神甘好😊😊下午茶餐—楓糖雞翼➕司華力腸➕熱齋啡第一啖飲咖啡—-有驚喜，估唔到呢杯咖啡甘濃郁芳香，平日係大家樂多數飲🍋茶，今日因為去醫院探病等時間，所以飲咖啡，估唔到有驚喜—-☕️👍司華力腸同雞🐔亦就不過不失，中規中矩，起碼不會難食👌地方亦舒適寛闊，下次有機會再去食，但希望不是探病😂😂😂😂😂

難得放假係屋企攤冇嘢做夜晚同屋企人出咗去石門商場揾嘢食本來諗住去薩利亞食嘢，點知7點去到已經要排20幾張飛轉戰呀媽一開始提出嘅大家樂鋸扒一人一份西冷牛扒配粟米一條，加一碗酥皮忌廉湯3份size都唔同呢份最大！以前最鍾意倒曬d汁落鐵板，吱吱聲好開心！而且超級刺激食慾！不過大個咗驚咸，倒咗少少就算其實唔駛點汁，本身舊肉已經夠味平價扒黎講，算厚身大份，肉質唔會比鬆肉粉整到林曬！咬落都ok墊底嘅洋葱出奇好食，清甜本來好期待條粟米，點知一d味都冇完全係食之無味 棄之可惜！之後飲湯，酥皮脆卜卜，好味道！但個忌廉湯太杰！好似醬咁。。。變咗似用酥皮黎點d湯食，多過係篤d皮落去一齊食67蚊一個扒餐，唔駛企係度等，好快就有得食又大大塊肉，同屋企人簡單又一餐！

我鍾意食海南雞飯，之前食過美心嘅海南雞飯，今次決定咗去大家樂食佢嘅海南雞飯！好好彩地，兩間嘅海南雞飯都係去骨，咁就梗係要試吓啦！去到大家樂，因為下午時分，人多比較多！等最大概15分鐘，就有位錯了！所以我哋都即刻叫咗一人一個海南雞飯！佢哋嘅海南雞飯白飯份量夠大，但係夜香味冇乜，又比較少，相對來講是比較健康，也比較清淡！佢哋嘅雞份量都算足夠，大部份都去晒骨，但係我覺得最好就係送一碗湯，會感覺比較圓滿！對比起美心嘅海南雞飯，本人認為美心夾的海南雞飯較為龍尾，亦都夠有嘢香，價錢來說，美心的好像比大家樂貴一點，但是我想下次我應該會去美心吃海南雞飯了，因為大家樂的海南雞飯白飯較為清淡，可能對於着重健康的人士較適合了！

今日屋企人去哂迪迪尼，整返一支公收到餓到肚凹，走左去大家樂食個海南雞飯。原來而家大家樂食個51蚊既海南雞飯啲雞肉鞋什什；仲要菜都無條，跟埋哂啲醃黃瓜蘿蔔，成個碟都係果啲醃乜醃乜，雞就得幾舊；所謂油飯更加係離哂大譜，第一無香味食落同白飯差唔多，第二又硬梆梆好似落唔夠水咁既樣，食完頂住個胃搞到要食胃藥；最後啲飯仲要好似擺左係度好耐咁，啲飯乾哂一餅餅咁，你教吓我應該要點食呢個飯。雖然我住得近，不過真係唔會再有下次囉。

今日早起，試了特平早餐。錯過了上次炸豬扒特平早餐，上次賣24元。今次售價22元，剛好與買麥記特價兩個包同價。印象中，份量未有比正價減少。炒蛋是一貫水平，外賣食品是麵包和炒蛋均凍了（已用保溫袋），不宜苛求。蛋黃，蛋白，奶比例則須改良。魚柳質素頗佳，大集團入貨有優勢，豬扒會更好。